Iragarkia

151. ALDIZKARIA - 2008ko abenduaren 12a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Publikoaren Eskaintza, oposizioak eta lehiaketak

DEIALDIA, Nafarroako Administrazio Publikoaren Institutuko zuzendari kudeatzaileak azaroaren 26an emandako 215/2008 Ebazpenaren bidez onetsia, Osasunbidea-Nafarroako Osasun Zerbitzua erakunde autonomoaren zerbitzuko ingeniari tekniko izateko lanpostu bat oposizio bidez betetzeko.

Nafarroako Administrazio Publikoaren Institutuko zuzendari kudeatzaileak azaroaren 26an emandako 215/2008 Ebazpenaren bidez onetsi da Osasunbidea-Nafarroako Osasun Zerbitzua erakunde autonomoaren zerbitzuko ingeniari tekniko izateko lanpostu bat oposizio bidez betetzeko deialdia.

Hautapen prozesua honako hauetan xedatutakoari jarraikiz eginen da: Nafarroako Administrazio Publikoen zerbitzuko langileen Estatutuaren testu bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta gauzatzeko Sarrera Erregelamendua, gainerako aplikazio arauak eta deialdi honetako oinarriak.

1.-Deialdiaren xedea.

1.1. Deialdi honen xedea ingeniari teknikoa izateko lanpostu bat oposizio bidez betetzea da. Lanpostua funtzionario araubidekoa da, B mailakoa. Plantilla organikoan 68794 zenbakia du, Osasunbidea-Nafarroako Osasun Zerbitzuari atxikita dago eta destinoa Bideko Ama Birjina Ospitalean du.

1.2. Lanpostuak B mailako lansariak izanen ditu, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta aplikatu beharreko gainerako xedapenetan ezarritakoari jarraikiz.

1.3. Halaber, deialdi honen bidez, hautapen prozeduran lanposturik lortzen ez duten izangaiekin aldi baterako kontratatuak izateko izangaien zerrenda hauek osatu nahi dira:

a) Probak gainditu bai, baina lanposturik lortu ez duten izangaien zerrenda, bat bera Foru Komunitateko Administrazioko departamentu eta erakunde autonomo guztientzat.

b) Hautapen prozesuko azken-aurreko ariketa bai, baina azkenekoa gainditu ez duten izangaien zerrenda, Osasunbidea-Nafarroako Osasun Zerbitzua erakunde autonomoaren esparruan aldi baterako kontratatzeko.

b) letran xedatutakoaren ondorioetarako, izangaiek hautatzen duten aukera seinalatu beharko dute eskabidean eta behar bezala bete I. bis eranskina (Esparruen eta iraupen luze/laburreko kontratuen hautaketa).

Aldi baterako kontratatuak izateko izangaien zerrendak deialdi honen 9. oinarrian xedatutakoarekin bat onetsi eta kudeatuko dira.

2.-Betebeharrak.

2.1. Oposizio honetan onartuak izateko, izangaiek, eskaerak aurkezteko epea amaitzen den egunean eta agiriak aurkezteko epea amaitzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

a) Espainiarra izatea, edo Europar Batasuneko beste estatu batekoa, edo Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak izanda, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Ingeniari teknikoaren titulua izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lortutako tituluak badira, homologazioaren egiaztagiria eduki beharko da.

d) Bete behar dituen eginkizunetan aritzeko adinako gaitasun fisikoa eta psikikoa izatea.

e) Eginkizun publikoetan aritzeko ezgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

3.-Eskaerak.

3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako ALDIZKARI OFIZIALean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan adierazi diren bideetakoren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskaera posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko aldizkari ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana. Aurreko atalean aipatzen den Interneteko helbidean eskabide eredu bat dago, interesdunen eskura.

3.3. Eskabideari, behar bezala bete ondoren, agiri hauek erantsiko zaizkio:

Bat.-Nortasun Agiri Nazionalaren fotokopia, edo izangaiaren nazionalitatea eta nortasuna frogatzen dituen beste agiri baliokideren batena.

Bi.-Espedientea formalizatzeko eta azterketa eskubideetarako 18 euro ordaindu izanaren jatorrizko ziurtagiria. Azterketa eskubideen tasa ordaintzen ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

-Behar den bezala betetako ordainketa gutunaren bidez, Nafarroako Foru Komunitateko banku entitateetan ordaintzeko. Arestian aipatutako webgunean, deialdiaren iragarkian, ordainketa gutunaren eredua dago.

-Sarrera eskudirutan edo bankuko transferentzia bidez eginez, Banestoko (Banco Español de Crédito) 0030 8124 87 0870002271 kontuan; horrelakoetan ordainagirian datu hauek jarri beharko dira nahitaez:

.Izangaiaren izen-deiturak.

.NANa/IFZ.

.Ordainketa zein kontutan egiten den, haren zenbakia.

.Kontzeptua: oposizioak.

.Deialdiaren xede den lanpostua.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetero.

Lan-eskatzailea dela frogatzeko, enplegu bulegoak emandako agiria aurkeztu beharko du. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.

Hilabetero lanbide arteko gutxieneko soldatatik gorako diru-sarrerarik ez duela interesdunaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Interneten bidez, arestian emandako helbidean.

Hiru.-I. bis eranskina (Esparruen eta iraupen luze/laburreko kontratuen hautaketa), behar bezala betea eta sinatua, Osasunbidea-Nafarroako Osasun Zerbitzua erakunde autonomoan aldi baterako kontratatuak izan nahi dutenek aurkeztu beharrekoa.

3.4. Eskaerak aurkezteko epea ezin izanen da luzatu.

3.5. Eskaeran atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4.-Izangaien onarpena eta erreklamazioak.

4.1. Eskaerak aurkezteko epea bukatuta, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du izangai onartuen eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioak aurkezteko epea bukaturik eta haien gainean ebatzi ondoren, Sarrerarako Hautapenaren Zerbitzuko zuzendari kudeatzaileak, Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du, izangai onartuen eta baztertuen behin betiko zerrenda onesteko, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen diren izangaiei ez zaizkie azterketa egiteko eskubideak itzuliko.

5.-Epaimahaia.

5.1. Epaimahaia kide hauek osatuko dute:

-Burua: Uxua Berruezo Amatriain andrea, Bideko Ama Birjina Ospitaleko Administrazio eta Zerbitzu Orokorretako zuzendaria.

-Ordezkoa: Fernando Balduz Ugarriza jauna, Nafarroak Ospitaleko Administrazio eta Zerbitzu Orokorretako zuzendaria.

-Mahaikidea: José Arriaga Miguéliz jauna, Nafarroako Bideko Ama Birjina Ospitaleko Obra eta Mantentze-lanen Ataleko burua.

-Ordezkoa: Fermín Iriarte Artajo jauna, Nafarroako Ospitaleko Unitate administratiboko burua.

-Mahaikidea: Oscar Luengo Díaz jauna, Bideko Ama Birjina Ospitaleko Unitate administratiboko burua.

-Ordezkoa: José Luis Escalada Hernández jauna, Osasunbidea-Nafarroako Osasun Zerbitzuko ingeniari teknikoa.

-Mahaikidea: Osasunbidea-Nafarroako Osasun Zerbitzuko Langileen Batzordearen ordezkari bat, batzordeak berak proposatua.

-Ordezkoa: Osasunbidea-Nafarroako Osasun Zerbitzuko Langileen Batzordearen ordezkari bat, batzordeak berak proposatua.

-Mahaikide idazkaria: María Jose Cárcamo Casimiro andrea, Osasunbidea-Nafarroako Osasun Zerbitzuko goi mailako teknikaria.

-Ordezkoa: María Dolores Ripero Bañales andrea, Bideko Ama Birjina Ospitaleko Langileriaren Kudeaketarako Ataleko burua.

Hautaprobak hasi baino lehen eratuko da epaimahaia.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Kide anitzeko organoaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoren batean baldin badaude.

Izangaiek, halaber, zilegi dute mahaikideak errefusatzea, egoera horietakoren bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2009ko apirilean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehenengo ariketa: teorikoa, bi proba egin behar dira, bata bestearen atzetik.

a) Lehenengo proba: erantzun laburreko hamar (10) galderako sorta bati gehienez 45 minutuan erantzun beharko zaio idatziz. Galderak gai zerrendako lehen zatiko gaiei buruzkoak izanen dira (II. eranskina).

b) Bigarren proba: gai zerrendako bigarren zatiko gaietatik (II. eranskina) zozketaz aukeraturiko hiru gaietatik bi idatziz garatu beharko dira, gehienez 3 orduz.

Bigarren ariketa: praktikoa, epaimahaiak deialdiko gai zerrendako bigarren zatiko gaiei buruz (II. eranskina) proposatzen dituen bi kasu praktiko ebatzi beharko dira, idatziz. Ariketa hau egiteko bi ordu izanen dira gehienez.

6.3. Oposizioko ariketen balorazioan 100 puntu ematen ahalko dira gehienez, honela banatuak:

Lehenengo ariketa: gehienez 60 puntu.

a) Lehenengo proba: gehienez 10 puntu.

b) Bigarren proba: gehienez 50 puntu. Gai bakoitzean gehienez 25 puntuko balorazioa emanen da.

Bigarren ariketa: gehienez 40 puntu. Kasu praktiko bakoitzari 20 puntu emanen zaizkio gehienez.

6.4. Oposizioko ariketak baztergarriak izanen dira. Bazterturik geldituko dira horietako ariketaren batean gehieneko puntuazioaren erdira iristen ez diren izangaiak. Halaber, bazterturik geldituko da lehen ariketako bigarren proba osatzen duten gaietako edozeinetan edo hirugarren ariketako kasu praktikoetako edozeinetan 0 puntuko kalifikazioa lortzen duena.

6.5. Ariketa guztiak plika sistemaren bidez eginen dira.

6.6. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

6.7. Ariketa bakoitzerako deialdi bakarra eginen da. Izangaiek aldean izan beharko dute Nortasun Agiri Nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.

6.8. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Azken ariketaren kalifikazioa emanik, epaimahaiak jendaurrean jarriko du probak gainditu dituztenen zerrenda, ariketan lortutako puntuazioaren araberakoa, Nafarroako Gobernuaren iragarki oholean eta ariketak egin diren lekukoan. Gero, Nafarroako Administrazio Publikoaren Institutuko zuzendari kudeatzaileari igorriko dizkio oposizioa gainditu dutenen zerrenda eta probak puntuaziorik altuenarekin gainditu dituen izangaiaren aldeko izendapen proposamena, espediente osoarekin batera. Proposamen hori Nafarroako ALDIZKARI OFIZIALean argitaratuko da.

Berdinketarik gertatuz gero, lehen ariketako bigarren proban puntu gehien lortu dutenen alde ebatziko da. Eta hala ere berdinduta segitzen badute, bigarren ariketan lortutako puntuazioak hartuko dira kontuan.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu beharko dituzte Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Izangaia Nafarroako Foru Komunitateko Administrazioaren eta haren erakunde autonomoen zerbitzuko langile finkoa ez bada:

a) Nortasun Agiri Nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiko 2.1.c) oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuen Prebentziorako Atalak emandako txostena, interesdunak karguan aritzea eragotziko liokeen eritasun edo akats fisiko edo psikikorik ez duela frogatzeko.

Proposatutako izangaiak ezgaitasunen bat alegatu badu, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko du, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiak nazionalitate espainiarra ez badu, agiri bat aurkeztu beharko du, bere Estatuko Funtzio Publikoan sartzea eragozten dion diziplina zehapenik edo zigor penalik ez duela adierazteko.

e) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Izangaia Nafarroako beste Administrazio Publikoren bateko langile finkoa bada (ez deialdi hau egin duenekoa, baizik eta beste batekoa), goikoez gain, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko du (sarrera, antzinatasuna, maila, egoera administratiboa etab.).

7.2.2. Proposatutako izangaia Nafarroako Foru Komunitateko Administrazioaren eta haren erakunde autonomoen zerbitzuko langile finkoa bada:

a) Deialdiko 2.1.c) oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

Proposatutako izangaiak ezgaitasuna alegatu badu, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko du, balorazio eta orientazio talde eskudunek emana.

7.3. Inork agiri horiek goian adierazitako epean aurkezten ez baditu, behar bezala arrazoitutako ezinbesteko kasuetan izan ezik, ezin izanen dute izendatu eta haren jarduketa guztiak deuseztatu eginen dira. Hori, dena dela, ez da eragozpen izanen eskabidean gezurra esateagatik izan lezakeen erantzukizuna eskatzeko.

7.4. Aurreko atalean aurreikusitakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

7.5. Nahitaezko betebehar eta baldintzen frogagiriez gain, Funtzio Publikoaren Zuzendaritza Nagusiak, bere eskudantziak erabiltzeko, beste edozein agiri eska diezaioke izangaiari, eta horrek aurkeztu beharko ditu deialdi honen 7.2. oinarrian ezarritako moduan.

8.-Izendapena, lanpostuen esleipena eta jabetza hartzea.

8.1. Funtzio Publikoaren zuzendari nagusiak, ebazpen baten bitartez, aurreko arauetan ezarritakoa betetzen duen izangaia Nafarroako Foru Komunitatearen Administrazioko funtzionario izendatuko du, ingeniari teknikoaren lanpostuan aritzeko, eta dagokion lanpostu hutsa esleituko dio.

8.2. Izendapenak eta lanpostuaren jabetza hartzeak nomina eta plantillako funtzionario bilakatuko dute izendatua, Nafarroako Foru Komunitateko Administrazioaren funtzionarioen arloan indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako Administrazio Publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

8.3. Izendatzen den izangaiak destinoko herrian bizi beharra du eta, horretarako, udalerri horretan finkatuko du bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

8.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

8.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta ezinbesteko kasuetan izan ezik, izangaiak ez baldin badu lanpostuaren jabetza hartzen, Foru Komunitateko Administrazioko funtzionario izateko eskubide guztiak galduko ditu. Hala bada, deialdiko 7.4 atalean ezarritakoari jarraikiko zaio.

8.6. Izangaiari, funtzionario bilakatu eta lanpostuan batere aritu gabe zuzenean eta berak eskatuta, borondatezko eszedentzia ematen bazaio jabetza hartzearen egunetik beretik, data hartan beste administrazio publiko batean ari delako, dagokion lanpostu hutsa deialdiko 7.4 atalak agintzen duen bezala beteko da.

9.-Aldi baterako kontratuetarako izangaien zerrenda.

9.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta oinarri honexetan ezarritako prozedurari jarraikiz, aldi baterako kontrataziorako izangaien zerrenda hauek prestatuko dira:

a) Probak gainditu bai baina lanposturik lortzen ez duten izangaien zerrenda.

b) Hautapen prozesuko ariketa guztiak gainditu ez dituzten izangaien zerrenda, Osasunbidea-Nafarroako Osasun Zerbitzuan aldi baterako kontratatuak izateko.

9.2. Nafarroako Administrazio Publikoaren Institutuko Sarrerarako Hautapenaren Zerbitzuak sartzeko hautapen prozesuko ariketa guztiak gainditu arren lanposturik lortu ez duten izangaien zerrenda igorri ondoren, Funtzio Publikoaren zuzendari nagusiaren ebazpen baten bidez hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazioa aurkezteko:

-Deialdiaren 2.1.c) oinarrian eskatzen den tituluaren fotokopia konpultsatua, titulua lortzeko eskubideak pagatu direla frogatzen duen gordekinarena edo sarrera prozesurako eskabideak aurkezteko epean titulua eskuratzeko moduan dagoela frogatzen duen ziurtagiria.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte; betiere, parte hartzeko eskaera faltsutzeagatik legokiekeen erantzukizuna deusetan ukatu gabe.

9.3. Sarrera prozedurako eskabideak aurkezteko epea bukatzen den egunerako bete beharko dira baldintzak, eta orobat, hautaprobak egin bitarte eta kontratazioaldiak iraun bitarte.

9.4. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, probak gainditu bai baina lanposturik lortzen ez duten izangaien zerrenda, aurreko ataletan ezarritakoa bete dutenena, onetsi eta Nafarroako Gobernuaren iragarki-oholean argitaratuko da (Karlos III.aren etorbidea, 2, atalondoa, Iruña).

9.5. Hautapen prozesuan ateratako puntuazio handienaren arabera erabakiko da zerrendaren ordena probak gainditu eta lanpostua eskuratzen ez duten izangaientzat. Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

9.6. Osasunbidea-Nafarroako Osasun Zerbitzuan aldi baterako kontratatzeko izangaien zerrenda.

Nafarroako Administrazio Publikoaren Institutuko Sarrerarako Hautapenaren Zerbitzuak Osasunbidea-Nafarroako Osasun Zerbitzuko organo eskudunei igorriko die sartzeko hautapen prozesuko ariketa guztiak gainditu ez dituzten izangaien zerrenda, aldi baterako kontratazioetarako izangaien zerrendak presta ditzaten.

Zerrenda jasotakoan, Osasunbidea-Nafarroako Osasun Zerbitzuko organo eskudunek haren kudeaketa esparruari dagokion aldi bateko kontratazioetarako izangaien zerrenda onetsiko dute, 2001eko urtarrilaren 9ko Erabakian ezarritakoari jarraikiz. Erabaki hori aipatu erakunde autonomoko osasun zentro eta establezimenduetan aldi baterako langileak hautatzeari buruzkoa da eta 2001eko 101. Nafarroako ALDIZKARI OFIZIALean argitaratu zen, abuztuaren 20an.

Horren arabera osatzen den zerrenda Osasunbidea-Nafarroako Osasun Zerbitzuak kudeatuko du, langileak hautatzeko 2001eko urtarrilaren 9ko Erabakian ezarritakoari jarraikiz.

10.-Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdiaren eta oinarrien kontra eta oinarriak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2008ko azaroaren 26an.-Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.

I. ERANSKINA

Eskabidea

Nafarroako Gobernua. Lehendakaritza, Justizia eta Barne Departamentua. Nafarroako Administrazio Publikoaren Institutua.

Jauna/andrea: ..........................., adinez nagusia, Nortasun Agiri Nazionala: (edo balio bereko beste agiriren bat): ........................ Sorteguna: ...................... Sorterria: .................. (................), naziotasuna: ............, orain bizi den udalerria: ................. (..........), kalea: .............., posta kodea: ................., telefonoa: .................., laneko telefonoa ...........

Honako hau azaltzen dut:

Nafarroako Foru Komunitateko Administrazioaren zerbitzuko ........... izateko ...............lanpostu ...............bidez betetzeko deialdian parte hartzeko onar nazatela eskatzen dudala, ondoko txandan (deialdia ...... zenbakiko Nafarroako ALDIZKARI OFIZIALean argitaratu zen, .........(e)an):

f Txanda irekia

f Igoera txanda (*)

f Ezgaitasunen bat dutenendako txanda (*)

Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, esparru hauetakoren batean (deialdiko 1. oinarrian ezarritakoarekin bat):

f Administrazio Erroa (*)

f Osasunbidea-Nafarroako Osasun Zerbitzua (*)

f Nafarroako Mendekotasun Agentzia (*)

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik bereizia izan eta ez nagoela desgaitua eginkizun publikoak betetzeko.

Deialdian eskatzen den tituluaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskaerak aurkezteko epearen azken egunean beharkizun guztiak betetzen ditudala.

f Ezgaitasuna dudala eta, horrenbestez, orri bereizi batean adierazten ditudan denbora eta baliabide egokitzapenak eskatzen ditudala.

f Ezgaitasuna frogatzen duen agiria aurkezten dudala, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten dudala. (*)

f Euskara maila erakusteko proba egitea eskatzen dudala. (*)

f Frantseseko eta ingeleseko nahikotasun frogak egitea eskatzen dudala. (*)

Horrenbestez,

Eskabide hau ontzat har dezatela eta aipatu deialdian onar nazatela eskatzen dut.

Iruñean, 200.........(e)ko .............aren ............(e)an.

(Sinadura)

(*) Bidezko denean bakarrik.

I. BIS ERANSKINA

Osasunbidea-Nafarroako Osasun Zerbitzuaren barrenean, aldi baterako kontratazioak egiteko zerrendetarako eremuen aukeraketa

Deialdia: ...................(e)koa, Nafarroako ALDIZKARI OFIZIALa: ..... zk., 200...ko ...............aren ....(e)koa.

Behar bezala betetzeko jarraibideak:

1. Izangai bakoitzak zentro bana aukeratu dezake A, B eta C ataletan agertzen direnetatik, baina ez da beharrezkoa atal guztietan bat aukeratzea.

2. Taulan begiratu lanpostu hori egun zein zentrotan dagoen.

Izena eta bi abizen ..................... jaioteguna ......................., NANa ......................... Harremanetarako telefonoak ................

ADIERAZTEN DUT:

Behar diren baldintzak betez gero, aldi baterako kontratatzeko zerrendetan egon nahi dudala, ondoko esparruotan:

A atala:

f Nafarroako Ospitalea

f Bideko Ama Birjina Ospitalea (Emakumeari Laguntzeko Zentroa barne)

f Iruñerriko Oinarrizko Osasun Laguntza

f Iruñeko eta Tafallako anbulatorioak

B atala:

f Ubarmin Klinika

f Odol Bankua

f Osasun Publikoaren Institutua

f Nafarroaren Iparraldeko Osasun Eskualde Oinarrizkoa

C atala:

f Tuterako Osasun Barrutia

f Lizarrako Osasun Barrutia

f Iraupen luzeko eta laburreko zerrendetan egon nahi dudala.

Lauki hori bete ezean, iraupen luzeko kontratuetarako zerrendan baizik ez da sartuko.

Iruñean, 200...ko .............aren ............(e)an.

(Sinadura)

Arkitekto teknikoa X

Administrari laguntzailea X X X X X X X X X X

Sukaldaria X X X X X

Gidaria X X

Enpresa zientz. diplomaduna X

Lan Harremanetako diplomaduna X X

Zerbitzu anitzetako langilea X X X X X X X X

Liburutegiko arduraduna X X X X

Ingeniari teknikoa X X X X X

1. mailako ofiziala X X X X X

Sistema informatikoetako ofiziala X X X X X X X X

Askotariko lanetarako langileak X

Zerbitzu orokorretako langileak X X

Osasun kudeak. teknikaria X X X X X

Erdi mailako teknikaria X X X X

Telefonista X X X X X X X

Gizarte-langilea X X X X X X X X X

GIZA BALIABIDEEN ZUZENDARITZA - LANGILERIAREN ETA LAN HARREMANEN ZUZENDARIORDETZA. IRUNLARREA, 39 - IRUÑA (31008).

II. ERANSKINA

Gai zerrenda

Lehen zatia

1. gaia.-Espainiako 1978ko Konstituzioa: Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2. gaia.-Zuzenbide Publikoaren iturburuak: legeak eta lege motak. Lege-dekretuak. Legegintzako foru dekretua. Nazioarteko itunak.

3. gaia.-Administrazio zuzenbidearen iturburuak: erregelamendua eta erregelamendu ahalmena. Erregelamendu motak. Erregelamendu ahalmenaren mugak eta haren kontrola.

4. gaia.-Administrazio egintza (I): kontzeptua, motak eta osagaiak.

5. gaia.-Administrazio egintza (II): administrazio egintzen baldintzak, eraginkortasuna, deuseztasuna eta deuseztagarritasuna.

6. gaia.-Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.

7. gaia.-Administrazio prozedura erkidea (II): administrazio errekurtsoak: printzipio orokorrak eta motak.

8. gaia.-Nafarroako Parlamentua edo Gorteak: osaera, antolakuntza eta eginkizunak.

9. gaia.-Nafarroako Gobernuari eta lehendakariari buruzko Foru Legea.

10. gaia.-Nafarroako Foru Komunitateko Administrazioari buruzko Foru Legea.

11. gaia.-Nafarroako Foru Komunitateko arartekoa. Comptos Ganbera. Nafarroako Kontseilua.

12. gaia.-Nafarroako administrazio publikoen zerbitzuko Langileen Estatutua (I): langile motak. Funtzionario publikoak hautatzea. Funtzionario bilakatzea eta funtzionario izatetik gelditzea.

13. gaia.-Nafarroako administrazio publikoen zerbitzuko Langileen Estatutua (II): Administrazio karrera. Egoera administratiboak. Lanpostuak betetzea. Ordainsariak.

14. gaia.-Nafarroako Ogasun Publikoa: Nafarroako Ogasun Publikoaren eskubide eta betebeharrak. Nafarroako aurrekontu orokorrak: edukia eta onespena; gastuen sailkapen ekonomikoa; betearaztea eta likidazioa.

15. gaia.-Datu pertsonalen babesa Europan eta Espainian. Printzipioak. Pertsonen eskubideak. Datuak Babesteko Agentzia. Datuen nazioarteko mugimendua.

16. gaia.-Apirilaren 4ko 11/2007 Foru Legea, Nafarroako Foru Komunitateko Administrazioan administrazio elektronikoa ezartzeari buruzkoa.

Bigarren zatia.

1. gaia.-Iturgintza eta saneamenduko instalazioak. Tipologiak. Obra horien kontrola eta ikuskapena. Araudia.

2. gaia.-Uraren tratamendua edatekoa modukoa izateko. Uren arazketa. Tratamendu motak. Uren kalitatea neurtzeko indizeak.

3. gaia.-Berokuntzaren eta ur beroaren instalazioa. Araudia, instalazio motak. Galdarak eta trukatzaileak, erradiadoreak, konbektoreak, sareak, materialak. Kontrola eta ikuskapena. Zerbitzuan jartzeko probak.

4. gaia.-G.T.ko energia hornidura. Larrialdietako hornidura lineak. Transformazio zentro baten egitura: ebakigailu, etengailu eta katigamenduak. Potentzia transformadoreak. Larrialdiko seinaleak transformadoreetan. G.T.ko maniobrak: babesneurri bereziak. Mantentze-lanetarako irizpide orokorrak.

5. gaia.-B.T.ko sareak: eroaleak, isolamendua eta babesteko hodiak. Banaketa eta maniobra kuadroak: zirkuituak mozteko fusibleak, etengailu automatikoak, izar-triangelu motako abiarazgailuak. Larrialdiko ekipo elektrogenoak: ezaugarriak, maniobra motak, parametro kritikoak ekipoaren funtzionamenduan. Mantentze-lanetarako irizpide orokorrak.

6. gaia.-B.T.ko sareak: barreneko instalazioak edo hartzaileak. Zuzeneko eta zeharkako kontaktuen kontrako babesa.

7. gaia.-B.T.ko sareak: lokal publikoetako instalazioak. Aplikazio eremua, segurtasun zerbitzuak elikatzea, larrialdiko argiak, arauak.

8. gaia.-B.T.ko sareak: arau partikularrak sute eta leherketa arriskua duten lokaletako instalazio elektrikoetarako.

9. gaia.-B.T.ko sareak: ezaugarri berezietako lokaletako instalazioak. kanalizazioak, aparatuak, babeserako dispositiboak, argiteriako hartzaileak.

10. gaia.-B.T.ko sareak: helburu bereziko instalazioak: igerilekuak eta iturriak.

11. gaia.-B.T.ko sareak: helburu bereziko instalazioak: jaso eta garraiatzeko makinak. Aplikazio esparrua, betebehar bereziak, babesak, atalka etetea eta moztea, aparatuak, lur-hargunearen kokapena eta babeseko eroaleak.

12. gaia.-B.T.ko sareak: helburu bereziko instalazioak. Instalazio elektrikorako betebehar bereziak ebakuntza gela eta aretoetan.

13. gaia.-Argiak. Argiaren eta kolorearen oinarrizko kontzeptuak. Argi magnitudeak eta unitateak. Argi naturala eta artifiziala. Argi iturrien ezaugarriak. Abantailak eta arazoak. Argi mailen kalkulua. Irizpideak. Instalazioen mantentze-lanak.

14. gaia.-Aire girotua. Aire girotua erabiltzeko irizpideak. Erosotasun irizpideak. Tenperatura lehorra eta hezea, hezetasun erlatiboa eta absolutua. Ihintza puntua. Diagrama psikrometrikoa. Aire girotuaren arazoak laborategietan, ebakuntza geletan. Aire girotuko instalazioetako etete eta segurtasun sistemak. Mantentze-lanetarako programak.

15.gaia.-Instalazio zentralizatu bateko klimatizagailu baten deskripzioa: iragazkiak, hotzaren eta beroaren bateriak, humektazioa. Energia berreskuratzekoak, motak. Hoztekoak, motak. Airearen tratamendua eremu kritikoetan. Ekipo autonomoak.

16. gaia.-Medikuntzako gasak. Oxigenoa: ezaugarriak, aplikazioak, aurre-neurri bereziak hura maneiatu, biltegiratu eta banatzeko, sareak. Aire konprimitua: ekoizpena, konpresore-ekipoak, banaketa, sareak, medikuntzako airea, iragazkiak, zilindroen hornidura. Nitrogeno protoxidoa: ezaugarriak, aplikazioak, aurre-neurri bereziak hura maneiatu, biltegiratu eta banatzeko, sareak. Hutsa: aplikazioak, banaketa sareak, hutsaren multzoak.

17. gaia.-Energia elektrikoaren hornidura kontratatzea. Tarifa motak: G.T.ko eta B.T.ko kontratuak. Erabilera ertaineko tarifa, hautatzeko irizpidea. Potentzia faktorea zuzentzea. Orduen araberako diskriminazioa, potentzi erpinen kontrola, kontratazio tarifa bat hautatzeko irizpideak eta kontsumoaren jarraipena.

18. gaia.-Larrialdi planak. Alderdi orokorrak. Ospitale batean aplikatuta. Suteen prebentzioaren arloko araudia. Ospitaleetan aplikatzeko irizpideak. Larrialdi plan baten ezarpena osasun zentro batean. Metodologia.

19. gaia.-Suteak. Sutearen kimika. Suteen sailkapena. Erregaien ezaugarriak: sukoitasun mugak, ahalmen kalorifikoa, su hartzeko tenperatura eta berez su hartzekoa. Su hartzeko fokuak. Sua hedatzea. Ondorioak. Araudia.

20. gaia.-Suteei aurrea hartzeko neurriak. Babes aktiboa eta pasiboa. Eraikuntza arloko material eta elementuek suaren aurrean duten portaera. Materialen ezaugarriak. Sailkapena. Suarekiko erreakzioa eta erresistentzia. Materialak eta tratamenduak. CE markak jartzea eta suteen aurkako segurtasuna. Suaren aurkako saio-laborategiak. Araudia.

21. gaia.-Suteei aurrea hartzeko neurriak. Konpartimentazioa eta sutearen sektoreak. Egiturazko babesa. Hormak eta ateak. Ebakuazio bideak. Kalkulua eta diseinua. Seinalizazioa. Larrialdietako eta ordezko argiak. Araudia.

22. gaia.-Laneko segurtasuna, higienea eta osasuna. Kontzeptuak. Lanbideko arriskuak. Arrisku faktoreak. Arrisku orokorrei aurre hartzeko teknika orokorrak.

23. gaia.-Laneko arriskuen prebentzioaren arloko araudia Espainian. Azaroaren 8ko 31/95 Legea. Garatzeko araudia.

24. gaia.-Laneko arriskuen arloko babes eta prebentzio zerbitzuak. Administrazio Publikoaren eremuko prebentzio zerbitzuei buruzko aipamen berezia. Laneko segurtasun eta osasun batzordeak Laneko Arriskuen Prebentzioari buruzko Legean. Osaera eta eginkizunak.

25. gaia.-Segurtasun arazo nagusiak osasun zentroetan. Osasun zentro batean agertzen diren agente fisikoak, kimikoak eta biologikoak. Arazoak ager ditzaketen arloak. Arriskuen kontrako prebentzioa eta babesa.

26.gaia.-Zarata eta horren eragina ingurumenean. Ezaugarriak. Neurtzeko unitateak. Lanean duen eragina. Neurketa ekipoak. Zarata kontrolatzeko metodoak. Aplikatzekoak diren arauak.

27. gaia.-Mantentze-tailerreko antolaketa. Mantentze-lanetako Zerbitzuaren eginkizunak. Mantentze-lan prebentiboa eta zuzentzailea. TPM mantentze-lanak. Rcm mantentze-lanak. TPPF-MTTF-TPPR-MTTR-TMEF-M mantentze-lanetako adierazleak. Kontraten kontrola.

28. gaia.-Ospitale baten eta haren osasun arloaren antolaketa. Organigrama ohikoak. Funtzio eremuak. Funtzioak. Mantentze-lanetako arduraduna. Zuzeneko erantzukizunak: langileak, segurtasuna, ekonomia. Mantentze-lanetako arduradunaren aholkulari funtzioa.

29. gaia.-Autocad programa. Ezaugarri nagusiak. 2 D-ko oinarrizko erabilerak. Geruzak.

30. gaia.-Ekainaren 9ko 6/2006 Foru Legea, Kontratu Publikoei buruzkoa: aplikazio esparrua. 6/2006 Foru Legearen mendeko kontratuen definizioa. Administrazio publikoen kontratuen sailkapena. Araubide juridikoa. Kontratuak esleitu, burutu, formalizatu, gauzatu, aldatu eta amaitzeari buruzko xedapen orokorrak.

31. gaia.-Behe Tentsiorako Erregelamendu Elektroteknikoa. Barreneko instalazioak edo hartzaileak. Zuzeneko eta zeharkako kontaktuen kontrako babesa. Lokal publikoetako instalazioak. Instalazioak sute eta leherketetarako arriskua duten lokaletan. Ebakuntza geletako instalazioak.

32. gaia.-Zentral elektrikoetako, azpiestazioetako eta transformazio zentroetako baldintza teknikoei eta segurtasun bermeei buruzko erregelamendua, bai eta haien jarraibide tekniko osagarriak ere.

33. gaia.-Eraikinetako instalazio termikoei buruzko erregelamendua (RITE) eta jarraibide teknikoak.

34. gaia.-Eraikuntzaren Kode Teknikoa. Segurtasunaren oinarrizko betebeharrak sua piztuz gero. (SI). Energia aurrezteko eskakizun oinarrizkoak (HE).

35. gaia.-Presio aparatuen erregelamendua. Aplikazio esparrua. Jarraibide tekniko osagarriak.

36. gaia.-Jasotzeko aparatuen erregelamendua eta haien mantentze-lanak. Aplikazio esparrua. Jarraibide tekniko osagarriak. Jasotzeko aparatu motak eta haien eskemak. Mantentze-lanetako maniobrak. Eskuzko eragiketak egin eta berrarmatzeko maniobrak.

37. gaia.-Gas naturala eta GLP. Alderdi orokorrak. Erregelamenduak. Aplikazio esparrua. Alderdi nagusiak. Tramitazio administratiboa. Eraikinetako gas instalazioetarako oinarrizko arauak. Segurtasun sistemak Sareak. Estazioak eta erregulazio ekipoak. Instalazio hartzaileak. Gas bidezko aparatu motak eta, zein aretotan jartzen diren, haien ezaugarriak.

38. gaia.-Suteen kontra babesteko instalazioen erregelamendua. Suteen kontrako ekipoen mantentze-lanak. Arriskuak osasun zentroetan. Arriskuak kontrolatzeko metodoak.

39. gaia.-Petrolio instalazioen erregelamendua. Jarraibide tekniko osagarriak. Aplikazioak ospitaleetan.

40. gaia.-Produktu kimikoak biltegiratzeko erregelamendua eta horren jarraibide tekniko osagarriak.

41.gaia.-Legionelosiari aurrea hartu eta hura kontrolatzeko higiene eta osasun irizpideak ezarri zituen uztailaren 4ko 865/2003 Errege Dekretua. Nafarroako Gobernuaren arau osagarriak.

42. gaia.-Medikuntzarako gasak arautzen dituen abenduaren 26ko 1800/2003 Errege Dekretua.

43. gaia.-Asotsak edo dardarak sorrarazten dituzten jarduerek bete beharreko baldintza teknikoak ezartzen dituen ekainaren 8ko 135/1989 Foru Dekretua (ekainaren 19ko Nafarroako ALDIZKARI OFIZIALa).

44. gaia.-UNE 100713 - Airea girotzeko instalazioak ospitaleetan.

45. gaia.-UNE 100-030-IN - Legionella instalazioetan ugaldu eta barreiatzeari aurrea hartu eta kontrolatzeko gida.

Oharra: arlo guztietako gaiak deialdi hau Nafarroako ALDIZKARI OFIZIALean argitaratzen den egunean indarra duen legeriaren arabera azaldu beharko dira.

Iragarkiaren kodea: F0818328