Iragarkia

151. ALDIZKARIA - 2008ko abenduaren 12a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Publikoaren Eskaintza, oposizioak eta lehiaketak

DEIALDIA, Nafarroako Administrazio Publikoaren Institutuko zuzendari kudeatzaileak azaroaren 25ean emandako 212/2008 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko erdi mailako tituludun (estatistikaria) izateko bi lanpostu oposizio bidez betetzeko.

Nafarroako Administrazio Publikoaren Institutuko zuzendari kudeatzaileak azaroaren 25ean emandako 212/2008 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko erdi mailako tituludun (estatistikaria) izateko bi lanpostu oposizio bidez betetzeko deialdia onetsi zen.

Hautapen prozesua honako hauetan xedatutakoari jarraikiz eginen da: Nafarroako Administrazio Publikoen zerbitzuko langileen Estatutuaren testu bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta gauzatzeko Sarrera Erregelamendua, gainerako aplikazio arauak eta deialdi honetako oinarriak.

1.-Deialdiaren xedea.

1.1. Deialdi honen xedea erdi mailako tituludun (estatistikaria) izateko bi lanpostu oposizio bidez betetzea da. Lanpostuak funtzionarioen araubidekoak eta B mailakoak dira eta txanda hauetan beteko dira:

-Lanpostu bat txanda irekian.

-Lanpostu bat igoera txandan.

1.2. Hauek dira eskaintzen diren lanpostu hutsak:

-2 lanpostu Ekonomia eta Ogasun Departamentuan, plantilla organikoan 1017 eta 8176 zenbakia dutenak.

1.3. Igoera txandako lanpostua hutsik geldituz gero, izangaiek hautaprobak gainditzeko behar den gutxieneko puntuazioa atera ez dutelako, txanda irekikoei gehituko zaie.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan lanpostua eskuratzen ez dutenek aukera izanen dute txanda irekiko lanpostu hutsa eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostua eskuratzeko aukera izanen dute, aurreko lerroaldean adierazitako moduan, deialdi honen 7.2 oinarrian agiriak aurkezteko ezartzen den epea bukatzen denean deialdiaren 2.1.2 oinarriko eskakizun berariazkoak betetzen ez dituzten igoera txandako izangaiek.

1.4. Lanpostuek B mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan-kasuan, aplikatu beharreko gainerako xedapenetan ezarritakoari jarraikiz.

1.5. Halaber, deialdi honen bidez, hautapen prozeduran lanposturik lortzen ez duten izangaiekin zerrenda hauek osatu nahi dira:

a) Hautapen prozesuko ariketa guztiak gainditu bai, baina lanposturik lortu ez duten izangaien zerrenda, bat bera Nafarroako Foru Komunitateko Administrazioko departamentu eta erakunde autonomo guztientzat.

b) Hautapen prozesuko azken-aurreko ariketa bai, baina azkenekoa gainditu ez duten izangaien zerrenda, Administrazio Erroan aldi baterako kontratatuak izan daitezen.

Aldi baterako kontratatuak izateko izangaien zerrendak deialdi honen 10. oinarrian xedatutakoarekin bat onetsi eta kudeatuko dira.

2.-Betebeharrak.

2.1. Oposizio honetan onartuak izateko, izangaiek, eskaerak aurkezteko epea amaitzen den egunean eta agiriak aurkezteko epea amaitzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estatu batekoa, edo Europar Batasunak sinatu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak izanda, haien kontura biziz gero.

b) Hamasei urte beteta izatea eta erretiroa nahitaez hartzeko gehieneko adina gainditua ez izatea.

c) Unibertsitateko diplomadunaren titulua, ingeniari tekniko edo arkitekto teknikoarena edo horien titulu baliokidea edukitzea, edo eskuratzeko baldintza guztiak betetzea eskabideak aurkezteko epea bukatzen den egunean, edo lizentzia edo ingeniaritza bateko edo arkitekturako lehenengo hiru ikasturteak osorik gaindituak izatea.

Atzerrian lortutako tituluak badira, homologazioaren egiaztagiria eduki beharko da.

d) Bete behar dituen eginkizunetan aritzeko adinako gaitasun fisikoa eta psikikoa izatea.

e) Eginkizun publikoetan aritzeko ezgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko atalean adierazitako betebeharrez gain, hauek bete beharko dituzte:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio Publikoetan bost urteko antzinatasun onartua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.

Nafarroako Administrazio Publikoetan lan egiten duten langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiaren 3.3 oinarriaren hirugarren puntuan aipatzen den salbuespena salbuespen, izendatuak izateko proposatzen diren izangaiek deialdiaren 7.2 atalean ezarritako epean eta moduan frogatu beharko dituzte betebehar horiek.

3.-Eskabideak.

3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, atalondoa, 31002 Iruña) edo erregistro horretako beste edozein bulegotan (zerrenda 2008ko 14. Nafarroako ALDIZKARI OFIZIALean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/2008 Legearen 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskaera posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko aldizkari ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana. Aurreko atalean aipatzen den Interneteko helbidean eskabide eredu bat dago, interesdunen eskura.

3.3. Eskabideari, behar bezala bete ondoren, agiri hauek erantsiko zaizkio:

Bat.-Nortasun Agiri Nazionalaren fotokopia, edo izangaiaren nazionalitatea eta nortasuna frogatzen dituen beste agiri baliokideren batena.

Bi.-Espedientea formalizatzeko eta azterketa eskubideetarako 18 euro ordaindu izanaren jatorrizko ziurtagiria. Azterketa eskubideen tasa ordaintzen ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

-Behar den bezala betetako ordain-gutunaren bidez, Nafarroako Foru Komunitateko banku entitateetan ordaintzeko. Arestian aipatutako webgunean, deialdiaren iragarkian, ordainketa gutunaren eredua dago.

-Sarrera eskudirutan edo bankuko transferentzia bidez eginez Banestoko (Banco Español de Crédito) 0030 8124 87 0870002271 kontuan; horrelakoetan ordainagirian datu hauek jarri beharko dira nahitaez:

.Izangaiaren izen-deiturak.

.NANa/IFZ.

.Ordainketa zein kontutan egiten den, haren zenbakia.

.Kontzeptua: oposizioak.

.Deialdiaren xede den lanpostua.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetero.

Lan-eskatzailea dela frogatzeko, enplegu bulegoak emandako agiria aurkeztu beharko du. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.

Hilabetero lanbide arteko gutxieneko soldatatik gorako diru-sarrerarik ez duela interesdunaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Interneten bidez, arestian emandako helbidean.

Hiru.-Deialdian igoera txandan parte hartu nahi duten izangaiek, lehengoaz gainera, deialdi honen 2.1.2 oinarrian jasotzen diren eskakizunak betetzen dituztela frogatzen duen agiria gehitu beharko diote eskabideari, baldin eta Nafarroako Foru Komunitateko Administrazioa ez den Nafarroako beste administrazio publikoren bateko langile finkoak edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak badira.

3.4. Eskaerak aurkezteko epea ezin izanen da luzatu.

3.5. Eskaeran atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.

4.-Izangaien onarpena eta erreklamazioak.

4.1. Eskaerak aurkezteko epea bukatuta, Sarrerarako Hautapenaren Zerbitzuko zuzendariak, Nafarroako Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa), ebazpena emanen du izangai onartuen eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioak aurkezteko epea bukaturik eta haien gainean ebatzi ondoren, Sarrerarako Hautapenaren Zerbitzuko zuzendari kudeatzaileak, Administrazio Publikoaren Institutuko zuzendari kudeatzaileak eskuordetuta (103/2008 Ebazpena, ekainaren 26koa) ebazpena emanen du izangai onartuen eta baztertuen behin betiko zerrenda onesteko, eta Nafarroako ALDIZKARI OFIZIALean argitara dadila aginduko du.

4.4. Izangaiei egotziriko arrazoiengatik baztertzen diren izangaiei ez zaizkie azterketa egiteko eskubideak itzuliko.

5.-Epaimahaia.

5.1. Epaimahaiak kide hauek izanen ditu:

-Epaimahaiburua: Cernin Martínez Yoldi jauna, Ekonomia eta Ogasun Departamentuko Politika eta Sustapen Ekonomikoaren zuzendari nagusia.

-Ordezkoa: Iosu Miren Ardaiz Loyola jauna, Nafarroako Estatistika Institutuko Zerbitzuko zuzendaria.

-Mahaikidea: Pablo Cebrián Jiménez jauna, Nafarroako Estatistika Institutuko Ekoizpen Estatistikoaren Ataleko burua.

-Ordezkoa: Pedro Bandrés Oscoz jauna, Nafarroako Estatistika Institutuko Estatistikaren Koordinazio eta Zabalkunderako Ataleko burua.

-Mahaikidea: Laura Arnedo Ajona andrea, Nafarroako Estatistika Institutuko erdi mailako teknikaria (estatistikaria).

-Ordezkoa: Sandra Eraso Moreno andrea, Nafarroako Estatistika Institutuko erdi mailako teknikaria (estatistikaria).

-Mahaikidea: Administrazio Erroko Langileen Batzordearen ordezkari bat, batzordeak berak proposatua.

-Ordezkoa: Administrazio Erroko Langileen Batzordearen ordezkari bat, batzordeak berak proposatua.

-Mahaikide idazkaria: Marina Sagaseta López andrea, Nafarroako Estatistika Institutuko Azpiegitura Estatistikoaren Ataleko burua.

-Ordezkoa: José María Cebrián Jiménez jauna, Ekonomia eta Ogasun Departamentuko Idazkaritza Tekniko Nagusiari atxikitako Araubide Juridikoaren Ataleko burua.

Hautaprobak hasi baino lehen eratuko da epaimahaia.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Kide anitzeko organoaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoaren batean baldin badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6.-Oposizioa nola eginen den.

6.1. Oposizioa 2009ko apirilean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehenengo ariketa: bi zatitan banatzen da.

Lehenengo zatia: ariketa praktikoa. Epaimahaiak deialdiko II. eranskineko 1. gaitik 36.era bitartean agertzen diren gaiei buruz proposatuko duen kasu praktiko bat ebatzi beharko da idatziz. Ariketa hasi aurretik, epamahaiak erabakiko du zenbat denbora izanen duten izangaiek ariketa hau egiteko, baina gehienez ordubete emanen da.

Bigarren zatia: ariketa teorikoa. Deialdiko II. eranskineko 1. gaitik 36.era bitartean agertzen diren gaietako bat, zozketaz hautatzen dena, idatziz jorratu beharko dute. Ariketa hasi aurretik, epamahaiak erabakiko du zenbat denbora izanen duten izangaiek ariketa hau egiteko, baina gehienez ordubete emanen da.

Bigarren ariketa: bi zatitan banatzen da.

Lehenengo zatia: ariketa praktikoa. Epamahaiak proposatuko dituen bi kasu praktiko idatziz ebaztea. Lehenbizikoa II. erasnkineko 37. gaitik 45.era bitartekoei buruzkoa izanen da, eta bigarrena, 46. gaitik 54.era bitartean daudenei buruzkoa. Ariketa hasi aurretik, epaimahaiak erabakiko du zenbat denbora izanen den ariketa hau egiteko, baina gehienez ere 2 ordu utziko dira.

Bigarren zatia: ariketa teorikoa. Deialdiko II. eranskineko 37. gaitik 71.era bitartean agertzen diren gaietatik bi, zozketaz hautatzen direnak, idatziz jorratzea. Ariketa hasi aurretik, epamahaiak erabakiko du zenbat denbora izanen duten izangaiek ariketa hau egiteko, baina gehienez bi ordu emanen dira.

6.3. Oposizioko ariketen balorazioan 200 puntu eman daitezke gehienez, honela banatuak:

Lehenengo ariketa:

Lehenengo zatia: 50 puntu bitarte. Gutxienez ere 25 puntu lortzen ez dituzten izangaiak baztertuko dira.

Bigarren zatia: 50 puntu bitarte. Gutxienez ere 25 puntu lortzen ez dituzten izangaiak baztertuko dira.

Bigarren ariketa:

Lenenengo zatia:

-Lehenengo ariketa praktikoa: 25 puntu bitarte.

-Bigarren ariketa praktikoa: 25 puntu bitarte.

Baztertuta geldituko dira, bi ariketa praktikoen puntuazioa batuta, 25 puntu edo gehiago lortzen ez dituztenak, baita horietako batean 0 puntu lortzen dutenak ere.

Bigarren zatia:

50 puntu bitarte. Gutxienez ere 25 puntu lortzen ez dituzten izangaiak baztertuko dira.

6.4. Oposizioko ariketa guztiak plika sistemaren bidez eginen dira.

6.5. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

6.6. Ariketa bakoitzerako deialdi bakarra eginen da. Izangaiek aldean izan beharko dute Nortasun Agiri Nazionala, pasaportea, gidabaimena edo epaimahaiaren iritziz identifikaziorako balio duen beste agiriren bat. Azterketara agertzen ez direnak edo arestian aipatutako agirietako baten bidez beren nortasuna frogatzen ez dutenak oposiziotik baztertuko dira.

6.7. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7.-Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak bukaturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, probak egin diren tokian eta Nafarroako Gobernuaren iragarki oholean. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, puntuaziorik altuenak izateagatik deialdiko lanpostuetan sartzen ahal diren izangaiak izendatzeko proposamenarekin eta espediente osoarekin batera. Proposamen hori Nafarroako ALDIZKARI OFIZIALean argitaratuko da. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.

Gertatzen diren berdinketetan, lehen ariketan puntu gehien lortzen dituztenen alde joko da, eta berdinketak badirau, bigarren ariketaren lehenengo zatian lortutako puntuak hartuko dira aintzakotzat, ezarritako ordenari jarraikiz.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte, Nafarroako Administrazio Publikoaren Institutuko Sarrerarako Hautapenaren Zerbitzuan:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiaren 2.1.1.c) oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuen Prebentziorako Atalak emandako txostena, interesdunak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, agiri bat aurkeztu beharko dute, beren estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.

e) Zin egin edo hitz ematea Nafarroako Foru Araubidea errespetatuko duela, Konstituzioari eta legeei men eginen diela eta karguari dagozkion eginkizunak zuzen beteko dituela.

Deialdi hau egin ez duen Nafarroako beste Administrazio Publikoren bateko langile finko edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarri buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiaren 2.1.1.c) oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbu, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, beren eskabidearen faltsukeria dela-eta legokiekeen erantzunbeharra galarazi gabe.

7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

7.5. Nahitaezko betebehar eta baldintzen frogagiriez gain, Funtzio Publikoaren Zuzendaritza Nagusiak, bere eskudantziak erabiltzeko, beste edozein agiri eska diezaioke izangaiari, eta horrek aurkeztu beharko ditu deialdi honen 7.2. oinarrian ezarritako moduan.

8.-Lanpostu hutsak hautatzea.

8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuak (NAPI) hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharren arabera horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute txanda irekiko izangaien aurretik.

Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9.-Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, erdi mailako tituludunen lanpostuetan aritzeko (estatistikariak). Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko ditu izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan ezarritakoaren babesean.

Aurrekoa gorabehera, Nafarroako Administrazio Publikoen zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako Administrazio Publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da, eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta ezinbesteko kasuetan izan ezik, izangairen bat lanpostuaz jabetzen ez bada, Foru Komunitateko Administrazioaren funtzionario izateko eskubide guztiak galduko ditu. Hala bada, deialdiko 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan beste administrazio publiko batean ari delako, kasuko lanpostu hutsa ere deialdiaren 7.4 atalak agintzen duen moduan beteko da.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10.-Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta oinarri honexetan ezarritako prozedurari jarraikiz, aldi baterako kontrataziorako izangaien zerrenda hauek prestatuko dira:

a) Hautapen prozesuko ariketa guztiak gainditu bai, baina lanposturik lortu ez duten izangaien zerrenda, bat bera Nafarroako Foru Komunitateko Administrazioko departamentu eta erakunde autonomo guztientzat.

b) Hautapen prozesuko azken-aurreko ariketa bai, baina azkenekoa gainditu ez duten izangaien zerrenda, Administrazio Erroan aldi baterako kontratatuak izan daitezen.

10.2. Nafarroako Administrazio Publikoaren Institutuko Hautapen zerbitzuak igorritako zerrendak jasotakoan, Funtzio Publikoaren zuzendari nagusiaren ebazpen baten bidez, hautapen prozesua gaindituta ere lanposturik gabe gelditu diren izangaiei eta deialdian ezarritako azken-aurreko ariketa gainditu dutenei hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:

Deialdiaren 2.1.1.c) oinarrian eskatzen den tituluaren fotokopia konpultsatua, titulua lortzeko eskubideak pagatu direla frogatzen duen gordekinarena edo sarrera prozesurako eskaerak aurkezteko epean titulua eskuratzeko moduan dagoela frogatzen duen ziurtagiria.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte; betiere, parte hartzeko eskaera faltsutzeagatik legokiekeen erantzukizuna deusetan ukatu gabe.

10.3. Sarrera prozedurako eskabideak aurkezteko epea bukatzen den egunerako bete beharko dira baldintzak, eta orobat, hautaprobek egin bitarte eta kontratazioaldiak iraun bitarte.

10.4. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrendak onetsiko dira eta Nafarroako Gobernuaren iragarki-oholean argitaratuko (Karlos III.aren etorbidea, 2, atalondoa, Iruña).

10.5. Hauxe izanen da aldi baterako kontratazioen zerrendaren ordena: oposizioa gainditu bai baina lanposturik lortu ez dutenen kasuan, hautapen prozesuan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketa dagoenean, nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

11.-Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa jartzen ahal da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdiaren eta oinarrien kontra eta oinarriak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2008ko azaroaren 25ean.-Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.

I. ERANSKINA

Eskabidea

Nafarroako Gobernua. Lehendakaritza, Justizia eta Barne Departamentua - Nafarroako Administrazio Publikoaren Institutua

Izen-abizenak: ........................., adin nagusikoa, Nortasun Agiri Nazionalaren zenbakia (edo horren baliokidea den nortasun agiriarena): ..........., jaioteguna: ..........., jaioterria: ............. (................), nazionalitatea: ................, gaurko helbidea: .............., herria: ...................., probintzia: .................., posta kodea: ................., telefonoa: .................., laneko telefonoa: .......................

Honako hau azaltzen dut:

Nafarroako Foru Komunitateko Administrazioaren zerbitzuko .............. izateko ...............lanpostu ....................bidez betetzeko deialdian parte hartzeko onar nazatela eskatzen dudala, ondoko txandan (deialdia ...... zenbakiko Nafarroako ALDIZKARI OFIZIALean argitaratu zen, .........an).

f Txanda irekia.

f Igoera txanda. (*)

f Ezgaitasunen bat dutenendako txanda. (*)

Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, esparru hauetakoren batean (deialdiko 1. oinarrian ezarritakoarekin bat):

f Administrazio Erroa. (*)

f Osasunbidea-Nafarroako Osasun Zerbitzua. (*)

f Nafarroako Mendekotasun Agentzia. (*)

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik bereizia izan eta ez nagoela desgaitua eginkizun publikoak betetzeko.

Deialdian eskatzen den tituluaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskaerak aurkezteko epearen azken egunean beharkizun guztiak betetzen ditudala.

f Ezgaitasuna dudala eta, horrenbestez, orri bereizi batean adierazten ditudan denbora eta baliabide egokitzapenak eskatzen ditudala.

f Ezgaitasuna frogatzen duen agiria aurkezten dudala, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten dudala. (*)

f Euskara maila erakusteko proba egitea eskatzen dudala. (*)

f Frantseseko eta ingeleseko nahikotasun frogak egitea eskatzen dudala. (*)

Horrenbestez:

Eskabide hau ontzat har dezatela eta aipatu deialdian onar nazatela eskatzen dut.

Iruñean, 200..... (e)ko .............................aren ............(e)an.

(Sinadura)

(*) Bidezko denean bakarrik.

II. ERANSKINA

Gai zerrenda

1. gaia.-Estatistika.

1.1. Oinarrizko ideiak eta aplikazio eremuak.

1.2. Estatistika unitateak.

1.3. Ezaugarri kuantitatiboak eta kualitatiboak.

1.4. Aldagai diskretuak eta jarraituak.

2. gaia.-Determinatzaileak.

2.1. Determinatzaileen jatorria sistema linealen ebazpenetan.

2.2. Bigarren mailako determinatzaileak.

2.3. Hirugarren mailako determinatzaileak.

2.4. Sarrusen araua.

2.5. Cramerren formula.

2.6. n ordenako determinatzaileak.

2.7. Determinatzaileen ezaugarriak.

2.8. Kalkulurako metodo praktikoa.

3. gaia.-Matrizeak.

3.1. Definizioak.

3.2. Matrizeen biderketa.

3.3. Matrize baten determinatzailea.

3.4. Mendekotasun lineala. Matrize baten heina.

3.5. Alderantzizko matrizea.

4. gaia.-Konbinatoria.

4.1. Aldakuntzak.

4.2. Permutazioak.

4.3. Konbinazioak.

5. gaia.-Probabilitatearen teoria.

5.1. Probabilitatearen definizioak.

5.2. Baldintzazko probabilitatea, gertaera independenteak eta mendeko gertaerak.

5.3. Gertaera elkar-ukatzaileak.

5.4. Probabilitatearen banaketak.

6. gaia.-Ausazko aldagai dimentsio bakarrekoa.

6.1. Ausazko aldagaia.

6.2. Banaketa-funtzioa.

6.3. Ausazko aldagai diskretuak.

6.4. Ausazko aldagai jarraituak.

6.5. Trunkatutako banaketak.

6.6. Ausazko aldagai dimentsio bakarrekoen eraldaketak.

7. gaia.-Maiztasunen banaketa dimentsio bakarrekoak.

7.1. Aldagai estatistikoa.

7.2. Maiztasunen banaketa.

7.3. Adierazpen grafikoak.

8. gaia.-Bi dimentsioko banaketak.

8.1. Kontzeptu orokorrak.

8.2. Korrelazio taula.

8.3. Bi dimentsioko banaketa baten uneak.

8.4. Independentzia estatistikoa.

9. gaia.-Posizio-neurriak.

9.1. Batez besteko aritmetikoa.

9.2. Batez besteko geometrikoa.

9.3. Batez besteko harmonikoa.

9.4. Mediana.

9.5. Moda.

9.6. Posizio-neurri ez zentralak: kuartilak, dezilak eta pertzentilak.

9.7. Batez bestekoen arteko harremana.

10. gaia.-Sakabanatze-neurriak.

10.1. Batez besteko desbiderapena.

10.2. Ibilbidea.

10.3. Bariantza.

10.4. Desbiderapen tipikoa.

10.5. Sakabanatze-neurri erlatiboak.

11. gaia.-Forma eta kontzentrazio neurriak.

11.1. Forma neurriak: asimetria eta kurtosia.

11.2. Kontzentrazio neurriak: Giniren indizea eta Lorenzen kurba.

12. gaia.-Indize-zenbakiak.

12.1. Indize bakunak.

12.2. Indize konplexuak.

12.3. Prezioen indizeak.

12.4. Produkzioaren indizeak.

13. gaia.-Puntuzko zenbatespena: zenbatesleen ezaugarriak.

13.1. Zenbateslearen kontzeptua.

13.2. Zenbatesleen ezaugarriak: alboraezintasuna, eragimena, tinkotasuna eta nahikotasuna.

13.3. Zenbatesle aldagaitzak eta zenbatesle sendoak.

14. gaia.-Erregresio eta korrelazio lineal bakuna.

14.1. Doikuntza egiteko irizpideak.

14.2. Zuzen baten karratu txikienen bidezko doikuntza.

14.3. Determinazio koefizientea eta korrelazioa.

14.4. Predikzioa.

15. gaia.-Erregresio lineal anizkoitza.

15.1. Plano baten doikuntza karratu txikienen metodoaren bidez.

15.2. Determinazio anizkoitzaren koefizientea.

15.3. Determinazio partzialaren koefizientea.

15.4. Multikolinealtasunaren arazoa.

16. gaia.-Atributuen estatistika.

16.1. Bi atributuren edo gehiagoren analisia.

16.2. Kontingentzia taulak.

16.3. Homogeneotasunaren eta independentziaren kontrastea.

16.4. Heinen korrelazioa.

17. gaia.-Inferentzia estatistikoa.

17.1. Populazioa eta lagina. Deskribapena eta inferentzia estatistikoa.

17.2. Estimazioa eta hipotesiaren egiaztapena.

18. gaia.-Laginketa.

18.1. Laginketa: baldintzak eta inplikazioak.

18.2. Laginketarako metodoak.

18.3. Ausazko laginketa sinplea.

18.4. Ausazko laginketa sistematikoa.

18.5. Ausazko laginketa geruzatua.

18.6. Konglomeratu laginketa eta arlokako laginketa.

18.7. Etapaz etapako laginketa.

18.8. Ausazkoak ez diren laginketak eta laginketa erdi-ausazkoak.

19. gaia.-Ikerketa estatistiko baten planifikazioa.

19.1. Ikerketa estatistikoaren faseak.

19.2. Ikerketaren helburua eta xedea.

19.3. Hedadura eta estaldura.

19.4. Galde-sortak.

19.5. Datuak biltzeko metodoak.

19.6. Estatistikako taulak.

19.7. Eragiketen antolaketa eta kontrola.

20. gaia.-Datu absenteak eta balio atipikoak.

20.1. Datu absenteen tratamendua.

20.2. Balio atipikoen detekzioa.

21. gaia.-Bariantzaren analisia.

21.1. Bariantzaren analisiaren definizioa (ANOVA).

21.2. Bariantza-analisiaren eredu motak, faktorearen kategoriaren arabera.

21.3. Kobariantzaren analisia (ANCOVA).

22. gaia.-Datuak ateratzea.

22.1. Neurona-sareak.

22.2. Erabakien arbolak.

22.3. Algoritmo genetikoak.

22.4. Kluster analisia.

23. gaia.-Analisi faktoriala.

23.1. Ereduaren diseinua.

23.2. Suposamenduak analisi faktorialean.

23.3. Faktoreen zenbatespena eta doikuntzaren balorazioa.

23.4. Faktoreen interpretazioa.

23.5. Analisiaren balidazioa.

24. gaia.-Korrespondentzien analisia.

24.1. Korrespendentzien analisiaren eskema orokorra.

24.2. Suposamenduak korrespendentzien analisian.

24.3. Doikuntzaren balorazioa eta zenbatespena.

24.4. Korrespendentzien analisiaren interpretazioa.

25. gaia.-Analisi bereizlea.

25.1. Analisi bereizlearen diseinua.

25.2. Analisi bereizlearen suposamenduak.

25.3. Eredu bereizlearen zenbatespena eta doikuntzaren balorazioa.

25.4. Interpretazioa.

25.5. Ereduaren balidazioa.

26. gaia.-Erregresio logistikoa.

26.1. Ereduaren diseinua.

26.2. Erregresio logistikoaren suposamenduak.

26.3. Ereduaren zenbatespena eta doikuntzaren balorazioa.

26.4. Interpretazioa.

26.5. Ereduaren balidazioa.

27. gaia.-Denborazko serieen hastapenak.

27.1. Aurresateko metodoen sailkapena.

27.2. Deskonposizio metodoak.

27.3. Suposamenduak denborazko serie baten osagaien analisian.

27.4. Aurresatea eta aurresanen ebaluazioa.

28. gaia.-Joeraren analisia.

28.1. Batez besteko konstantearen eredua.

28.2. Joera linealaren eredua.

28.3. Joera esponentzialaren eredua.

29. gaia.-Urtarokotasunaren analisia.

29.1. Urtarokotasun eza: arrazoizko metodoa batez besteko mugikorrera.

29.2. Holt-Wintersen metodoa.

30. gaia.-Eredu linealak denborazko serieetan.

30.1. Eredu autoatzerakorrak (AR).

30.2. Batez besteko mugikorren (MA) ereduak.

30.3. Eredu mistoak (ARMA).

30.4. Urtarokotasunari lotuta ez dauden prozesuak.

31. gaia.-Eskema orokorra eta denborazko serieen identifikazioa.

31.1. Box-Jenkins metodologiaren eskema orokorra.

31.2. Urtarokotasunaren analisia.

31.3. Urtarokoak ez diren denborazko serieen azpian dauden prozesu estokastiko egonkorren identifikazioa.

31.4. Urtaroko denborazko serieen azpian dauden prozesu estokastiko egonkorren identifikazioa.

32. gaia.-Denborazko serieen zenbatespena, balidazioa eta iragarpena.

32.1. Zenbatespena.

32.2. Balidazioa.

32.3. Aurresatea.

32.4. Eredu egokiena.

33. gaia.-Erregresio lineal orokorraren eredua.

33.1. Ereduaren berezitasunak.

33.2. Zenbatespena.

33.3. Inferentzia.

33.4. Aurresatea.

33.5. Karratu txikien murriztuak.

34. gaia.-Erregresio lineal orokorraren ereduaren luzapenak.

34.1. Itxurazko aldagaiak eta egiturazko aldaketa.

34.2. Multikolinealtasuna.

34.3. Espezifikazio akatsa: aldagai garrantzitsuak aintzat ez hartzea eta garrantzirik gabekoak aintzat hartzea.

35. gaia.-Erregresio lineal orokortuaren eredua.

35.1. Ohiko karratu txikienak (MCO).

35.2. Karratu txikien orokortuak (MCG).

35.3. Karratu txikien orokortu bideragarriak (MCGF).

35.4. Itxuraz harremanik ez duten ekuazio sistemak.

35.5. Heterozedastizitatea.

35.6. Autokorrelazioa.

36. gaia.-Informazioaren oinarrizko tratamendua: datu-baseak.

36.1. Informazio sistemak: kontzeptua eta osagaiak.

36.2. Datu-baseen hastapenak eta kontzeptua.

36.3. Datu-baseen ezaugarri nagusiak.

36.4. Datu-baseen abantailak eta desabantailak.

36.5. Datuak biltzea.

37. gaia.-Makroekonomiaren hastapenak.

37.1. Oinarrizko kontzeptuak.

37.2. Makroekonomiaren magnitude nagusiak: Barne Produktu Gordina (BPG), Balio Erantsi Gordina (BEG), Errenta Nazionala.

37.3. Aldagai makroekonomikoen arteko harremanak.

37.4. Eskaria eta eskaintza agregatuak.

37.5. Politika makroekonomikoa.

38. gaia.-Nafarroako ekonomiaren bilakaera eta gaur egungo egoera.

38.1. Magnitude ekonomiko nagusien bilakaera.

38.2. Lan merkatua.

39. gaia.-Nafarroako kanpo-merkataritza.

39.1. Kanpo-merkataritzaren bilakaera.

39.2. Kanpo-merkataritzaren egungo egoera.

39.3. Kanpo-merkataritzan eragina duten faktoreak.

40. gaia.-Herrialdeetako kontuak.

40.1. Kontuak.

40.2. Kontabilitateko saldoak.

40.3. Eragiketa finantzarioak, kapital-kontua eta kontu korrontearen balantza.

41. gaia.-Erregioetako kontuak.

41.1. Erregio bateko kontabilitate-esparrua: unitateak, eragiketak eta kontuak.

41.2. Erregionalizazio metodoak.

41.3. Erregioko kontabilitatea eta input-output taulak Nafarroan.

42. gaia.-Hiruhileko kontuak.

42.1. Hiruhileko taula makroekonomikoa.

42.2. Hiruhileko kontuen kontabilitate-arauak.

42.3. Hiruhilean behin emateko metodoak.

42.4. Hiruhileko kontabilitatea Nafarroan.

43. gaia.-Input-output analisia.

43.1. Input-output taularen eskema.

43.2. Input-output taularen elementuak.

43.3. Koefiziente teknikoak.

44. gaia.-Input-output esparrua eta haren osagaiak SEC-95 delakoaren eremuan.

44.1. Erakundeen analisia eta arloz arloko analisia.

44.2. Input-output esparrua.

44.3. Jatorrizko eta destinoko taulak.

44.4. Taula simetrikoa.

45. gaia.-Erregioko analisiaren aplikazioak.

45.1. Industrien arteko loturak.

45.2. Cheneyren eta Watanaberen koefizienteak.

45.3. Rasmussenen koefizienteak.

45.4. Streiten koefizienteak.

45.5. Koefizienteen muga orokorrak.

46. gaia.-Populazioaren estatistika eta demografiaren hastapenak.

46.1. Populazio baten eta haren egituraren oinarrizko osagaiak.

46.2. Kohesio eta agregazio prozesuak populazio batean.

46.3. Demografiaren oinarrizko kontzeptuak.

46.4. Demografiako gorabeheren eta egituren neurketa.

47. gaia.-Hazkunde demografikoaren neurketak.

47.1. Hazkundearen neurketa.

47.2. Populazioaren hazkunde aldakorra eta eredu logistikoa.

47.3. Hazkunde demografikoaren osagai naturalak eta migratzaileak.

47.4. Tasa gordinak, batez besteko populazioa, bizitako urteak.

48. gaia.-Heriotza-tasa.

48.1. Heriotza-tasa neurtzeko moduak.

48.2. Heriotza-tasaren taula.

48.3. Neurtzeko zeharkako metodoak.

48.4. Haurren heriotza-tasa.

48.5. Heriotza-tasa oso adin handiko populazioan.

48.6. Nafarroako heriotza-tasa.

49. gaia.-Jaiotzen, ugalkortasunaren eta ezkontzen tasa.

49.1. Jaiotza-tasaren kontzeptua eta ezaugarriak.

49.2. Ugalkortasuna neurtzeko moduak.

49.3. Ezkontzen tasa neurtzeko moduak.

49.4. Nafarroako Foru Komunitatearen egungo egoera eta bilakaera.

50. gaia.-Migrazio mugimenduak.

50.1. Migrazioaren definizioa.

50.2. Migrazioaren analisi demografikoa.

50.3. Migrazio ereduak.

50.4. Migrazioaren kausak eta ondorioak.

50.5. Migrazioa Nafarroan.

51. gaia.-Proiekzio demografikoak.

51.1. Definizioak eta kontzeptuak.

51.2. Estrapolazioak egiteko metodoak.

51.3. Osagaien metodoa.

52. gaia.-Populazioaren ezaugarriak.

52.1. Alderdi orokorrak.

52.2. Sailkatzeko eta aztertzeko aldagai nagusiak.

53. gaia.-Etxeen egitura eta dinamika.

53.1. Definizioak eta kontzeptuak.

53.2. Etxeen egitura eta tamaina: adierazleak eta azalera arazoak.

53.3. Bizi-zikloaren kontzeptuak.

53.4. Etxeen tamainaren eta egituraren aldaketaren kausak eta ondorioak.

54. gaia.-Nafarroako populazioaren bilakaera eta gaur egungo egoera.

54.1. Populazioaren bilakaera.

54.2. Egungo egoera.

55. gaia.-Espainiako 1978ko Konstituzioa:

55.1. Estatuko aginteak.

55.2. Koroa.

55.3. Gorte Nagusiak.

55.4. Gobernua eta Administrazioa.

55.5. Botere judiziala Konstituzioan.

56. gaia.-Zuzenbide Publikoaren iturburuak.

56.1. Legeak eta lege motak.

56.2. Lege dekretuak.

56.3. Legegintzako foru dekretua.

56.4. Nazioarteko itunak.

57. gaia.-Administrazio zuzenbidearen iturburuak.

57.1. Erregelamendua eta erregelamendu ahalmena.

57.2. Erregelamendu motak.

57.3. Erregelamendu ahalmenaren mugak eta haren kontrola.

58. gaia.-Administrazio egintza (I): kontzeptua, motak eta osagaiak.

59. gaia.-Administrazio egintza (II): administrazio egintzen baldintzak, eraginkortasuna, deuseztasuna eta deuseztagarritasuna.

60. gaia.-Administrazio prozedura erkidea (I):

60.1. Kontzeptua eta izaera.

60.2. Hasiera, antolamendua, instrukzioa eta bukaera.

61. gaia.-Administrazio prozedura erkidea (II): administrazio errekurtsoak: printzipio orokorrak eta motak.

62. gaia.-Nafarroako Parlamentua edo Gorteak: osaera, antolakuntza eta eginkizunak.

63. gaia.-14/2004 Foru Legea, abenduaren 3koa, Nafarroako Gobernuari eta Lehendakariari buruzkoa.

64. gaia-15/2004 Foru Legea, abenduaren 3koa, Nafarroako Foru Komunitateko Administrazioari buruzkoa.

65. gaia.-Nafarroako Foru Komunitateko arartekoa. Comptos Ganbera. Nafarroako Kontseilua.

66. gaia.-Nafarroako administrazio publikoen zerbitzuko Langileen Estatutua (I):

66.1. Langile motak.

66.2. Funtzionario publikoak hautatzea.

66.3. Funtzionario bilakatu eta funtzionario izatetik gelditzea.

67. gaia.-Nafarroako administrazio publikoen zerbitzuko Langileen Estatutua (II):

67.1. Administrazio karrera.

67.2. Egoera administratiboak.

67.3. Lanpostuak betetzea.

67.4. Lansariak.

68. gaia.-Nafarroako Ogasun Publikoa: Nafarroako Ogasun Publikoaren eskubide eta betebeharrak.

68.1. Nafarroako aurrekontu orokorrak: edukia eta onespena; gastuen sailkapen ekonomikoa; betearaztea eta likidazioa.

69. gaia.-6/2006 Foru Legea, ekainaren 9koa, Kontratu Publikoei buruzkoa.

69.1. Aplikazio esparrua. 6/2006 Foru Legearen mendeko kontratuen definizioa. Administrazio publikoen kontratuen sailkapena.

69.2. Araubide juridikoa. Kontratuak esleitu, hobetu, sinatu, bete, aldatu, iraungi edo baliogabetzeko arau orokorrak.

70. gaia.-Datu pertsonalen babesa Europan eta Espainian.

70.1. Printzipioak.

70.2. Pertsonen eskubideak.

70.3. Datuak Babesteko Agentzia.

70.4. Datuen nazioarteko mugimendua.

71. gaia.-Plangintza estatistikoa.

71.1. 11/1997 Foru Legea, ekainaren 27koa, Nafarroako Segurtasun Publikoari buruzkoa.

71.2. Nafarroako estatistika planak.

Oharra: arlo guztietako gaiak deialdi hau Nafarroako ALDIZKARI OFIZIALean argitaratzen den egunean indarra duen legeriaren arabera azaldu beharko dira.

Iragarkiaren kodea: F0818365