Iragarkia

151. ALDIZKARIA - 2008ko abenduaren 12a

I. NAFARROAKO FORU KOMUNITATEA

1.3. BESTELAKO XEDAPENAK

1.3.5. Estatutuak eta lan hitzarmen kolektiboak

754/2008 EBAZPENA, irailaren 29koa, Arriskuen Prebentziorako eta Lanaren zuzendari nagusiak emana, "Refrescos de Sur Europa, S.A." enpresaren lan hitzarmen kolektiboaren testua erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 82/2008).

Departamentu honetan 2008ko irailaren 25ean sartu da "Refrescos de Sur Europa, S.A." enpresaren lan hitzarmen kolektiboaren testua, 64 artikuluz eta 9 eranskinez (2008ko ordainsarien taularekin) osatua. Enpresaren ordezkariek eta Enpresa Batzordeko zati batek (UGT eta CCOO) 2008ko irailaren 8an izenpetu eta onetsi dute.

Estatuaren lan arloko eginkizunak Nafarroako Foru Komunitateari eskualdatzeko apirilaren 11ko 937/1986 Errege Dekretuan ezarritakoari jarraikiz, Berrikuntza, Enpresa eta Enplegu Departamentuak du lan-hitzarmen kolektiboak erregistratu, gorde eta argitaratzeko eskumena. Eginkizun horiek martxoaren 24ko 1/1995 Legegintzako Errege Dekretuaren 90. artikuluan ezarrita daude. Horiek horrela, kontuan hartu da Lan-hitzarmen kolektiboen erregistro eta gordailuei buruzko maiatzaren 22ko 1040/1981 Errege Dekretuan ezarritakoa.

Horiek horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,

EBATZI DUT:

1. Martzillako "Refrescos de Sur de Europa, S.A." enpresaren lan hitzarmen kolektiboa (kodea: 3106532) erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.

2. Ebazpen hau negoziazio batzordeari jakinaraztea, eta adieraztea ebazpenak ez duela administrazio bidea amaitzen eta haren aurka gora jotzeko errekurtsoa jartzen ahal dela, Berrikuntza, Enpresa eta Enplegu Departamentuko kontseilariari zuzendua, jakinarazi eta biharamunetik hilabeteko epean.

3. Ebazpen hau Nafarroako ALDIZKARI OFIZIALean argitaratzea, orok jakin dezan.

Iruñean, 2008ko irailaren 29an.-Arriskuen Prebentziorako eta Lanaren zuzendari nagusia, Imelda Lorea Echavarren.

MARTZILLAKO (NAFARROA) REFRESCOS DE SUR EUROPA, S.A. ENPRESAREN HITZARMEN KOLEKTIBOAREN TESTUA

I. kapitulua.-Aplikazio esparrua.

1. artikulua. Lurralde esparrua.

Hitzarmen kolektibo hau Martzillako (Nafarroa) Refrescos de Sur Europa, S.A. enpresaren lantokian aplikatuko da.

2. artikulua. Esparru funtzionala.

Hitzarmen kolektibo honetako manuek gutxieneko lan harremanak arautzen dituzte Refrescos de Sur Europa enpresan. Horren jarduera nagusia da alkoholik ez duten edariak egitea.

3. artikulua. Langileria.

Hitzarmen kolektibo hau aplikatuko zaie Refrescos de Sur Europa, S.A. enpresaren zerbitzuan ari diren langileei, baina ez zaie aplikatuko kanpo gelditzen direnei edo legezko xedapen orokorretan araututako lan harreman bereziak dituztenei.

4. artikulua. Iraunaldia.

Hitzarmen kolektibo honen testuak hiru urteko indarraldia izanen du. 2008ko urtarrilaren 1etik aitzina sortuko ditu ondorioak, eta 2010eko abenduaren 31n amaituko da.

Hitzarmenaren indarraldia amaitzean, beste hitzarmenik ezean, lehengoaren arauek segituko dute indarrean.

Langileen Estatutuaren Testu Bategineko 86.2 artikuluan ezarritakoari dagokionez, hitzarmen kolektibo honen amaiera sinatzen den egunetik beretik iragartzen da.

II. kapitulua.-Lanaren antolaketa

5. artikulua. Lanaren antolakuntza.

Lana antolatzea enpresaren zuzendaritzari dagokio, arlo horretako legezko xedapenen arabera.

Lana arrazionalizatu, mekanizatu eta zuzentzeko sistemen barnean etengabeko prestakuntza sartu behar da, langileek hura jasotzeko eta hobetzeko eskubidea baitute.

Langileen Estatutuaren 41. artikuluan hitzartutako lan baldintza kolektiboen aldaketa garrantzitsuak egiteko, aldez aurretik akordioa lortu beharko da langileen ordezkariekin eta, haiek ados ez badaude, arlo horretan eskumena duen lan erakundearen baimena beharko da.

III. kapitulua.-Lanbide sailkapena

6. artikulua. Xedapen orokorra.

Refrescos de Sur Europa, S.A. enpresan lan egin eta hitzarmen kolektibo honen eraginpean dauden langileak beren ezagutzak, esperientzia, autonomia, erantzukizuna eta ekimena kontuan hartuz sailkatuko dira.

Sailkapen hori eta haren arau osagarriak direla bide, enpresaren beharretarako lanbide egitura egokia lortu nahi da, langile guztiak hobeki integratu daitezen produkzio lanetan eta uneoro hobeki egokitu daitezen lanpostu batera, behar duten prestakuntzaren bitartez.

Egitura berri horren barneko langile orok, horren ondorioz, lanbide talde eta kategoria jakin batzuk izanen ditu, hitzarmen kolektibo honetako 7. artikuluan eta V. eranskinean ezarritakoarekin bat.

Kontratuzko lan harremanaren lehen mailako edukia da haren antolamenduzko sailkapenak dakartzan eginkizunak betetzea. Ondorioz, bertako edozein lanpostu bete beharko da, enpresaren aldetik lanpostu berriari dagokion prestakuntza jasotakoan.

7. artikulua. Antolamendu sailkapena Talde eta kategoria profesionalak.

Refrescos de Sur Europa, S.A. enpresako langile guztiak ondoko lanbide talde eta kategoria hauetakoren batean sailkatuko dira:

1. taldea:

-Peoia.

2. taldea:

-Espezialista.

-Menpeko langilea.

3. taldea:

-Administrari laguntzailea.

-Ofizioko urgazlea.

4. taldea:

-Fabrikazioko 2. mailako ofiziala.

-Logistikako 2. mailako ofiziala.

-2. mailako administrari-ofiziala.

5. taldea:

-Fabrikazioko 1. mailako ofiziala.

-Xarabe-egilea.

-1. mailako administrari-ofiziala.

-Ofizioko 2. mailako ofiziala.

-Logistikako 1. mailako ofiziala.

6. taldea:

-Laborategiko teknikari laguntzailea.

-Arduraduna.

-Ofizioko 1. mailako ofiziala.

-Merkataritza teknikaria.

7. taldea:

-Erdi mailako tituluduna.

-Biltegiko arduraduna.

8. taldea:

-Goi mailako tituluduna.

-Mantentze lanetako arduraduna.

-Garraioetako arduraduna.

-Plangintzako arduraduna.

9. taldea:

-Ataleko burua.

8. artikulua. Kategorien definizioa.

Hitzarmen kolektibo honetan aplikatzeko diren lanbide kategorien definizioa V. eranskinean bildutakoa izanen da.

9. artikulua. Mugigarritasun funtzionala.

Enpresako Zuzendaritzak, teknika, ekoizpen edo antolakuntza mailako beharrizanak kontuan harturik, langileei lanbide talde beraren barruan lanbide kategoriaren aldaketa ekartzen duten zereginak esleitzen ahalko dizkie, bai aldi baterako bai epemugarik gabe, ordainsaria murriztu gabe.

Aldaketak ordainsari handiagoak baldin badakartza berekin, helburuko lanpostuari dagozkionak jasoko dituzte, hori gauzatzen duten bitartean.

Enpresaren eta langileen artean artikulu honetan ezarrita dagoenari buruz desadostasunak egonez gero, Batzorde Paritarioaren prozedurari helduko zaio, eta horrek hogeita hamar eguneko epean konponbiderik ematen ez badu, bidezkoak diren instantzietara joko da.

IV. kapitulua.-Plantillak eta eskalafoiak

10. artikulua. Aldizkako lan kontratuen erregulazioa.

1.-Behin-behineko kontratuak.

Merkatuaren egoerak, lanaren pilaketak edo eskabideen kopuru handiak hala eskatzen duenean, langilearen egitekoa enpresako ohiko jarduera izanik ere. Gehienez ere 12 hilabetekoa izanen da 18 hilabeteko tartean, aipatu diren arrazoiak sortzen direnetik hasita.

2.-Errelebo kontratua eta erretiro partziala.

Langileak eskatuta, erretiro partziala emanen da, baldin eta langileak horretarako legez ezarritako betekizunak betetzen baditu. Era berean, enpresa errelebo kontratu mugagabea egitearen aldekoa da, besterik adierazi ezean.

Nolanahi ere, mota horretako kontratazio eta erretiroen erregulazioa une bakoitzean indarrean dagoen lege araudiaren arabera gauzatu behar eta ahalko da.

11. artikulua. Aldizkako langile finkoak.

Aldizkako lan kontratu finkoa berariazko modalitatea da Refrescos de Sur Europa enpresan: haren produktuen kontsumoa neurri handian urtarokoa denez, enpresaren produkzio jardueraren ezaugarrietara moldatzen da.

Urtean jarduera handiko hiru aldi daude: Aste Santua, uda (ekainetik irailera) eta Gabonak (abendutik urtarrilaren 15era).

Kontratu mota horretan Refrescos de Sur Europa enpresaren interesak eta langileenak biltzen dira: enpresarenak, jarduerak eskatzen duen malgutasuna eskaintzen duelako eta lan gutxiago dagoenean plantilla arindu daitekeelako; eta langileenak, berriz, urteko lanegun guztietan zerbitzuan aritzea eskatzen ez duen kontratu mugagabea delako.

Horregatik, alde batetik Refrescos de Sur Europa enpresaren legezko ordezkariek eta bestetik enpresa horietako langileen legezko ordezkariek, Langileen Estatutuko 83. artikuluko 3. idatz-zatiaren babesean, aldizkako lan kontratu finkoari buruzko gai zehatzen gaineko akordio hau sinatu dute.

Aldizkako langile finkoen kontratazioa.

Aldizkako langile finkotzat hartuko dira ondoz ondoko bi kanpainatan kontratatu diren Refrescos de Sur Europa enpresako langileak, enpresaren ohiko jarduera kopuruaren arabera lan karga handiagokoak edo txikiagokoak izan daitezkeen eginkizunak egiteko. Jarduera kopuru horren ondorioa izan daiteke zerbitzua egunero eman beharrik ez izatea, urteko kopuruan lanegunak izan arren. Jarduera kopuru horren ondorioa izan daiteke zerbitzua egunero eman beharrik ez izatea, urteko kopuruan lanegunak izan arren.

Plantillaren egonkortasuna.

Bi aldeek uste dute, Refrescos de Sur Europa enpresaren jardueraren ezaugarriak kontuan izanik, urte sasoi batzuetan jarduera handiagoa dela besteetan baino. Horregatik, helburua da hitzarmen kolektibo honetan plantillaren egonkortasuna lortzea, eta ohiz kanpoko egoeretan baizik ez daitezela egin aldi baterako kontratuak.

Horretarako, aldeek adostu dute:

A.-Enpresaz kanpoko eta beste kontratazio batzuetako aldi baterako kontratuak arrazoitzea, horiek erabiltzeko irizpideak eta baldintzak zehaztuz.

B.-Ildo horretatik, hitzarmen honen indarraldian, aldi baterako kontratuak legeei jarraikiz sinatuko dira, eta batez ere ondorengo egoerak gertatzen direnean:

-Aldi baterako ezintasun bajak edo oporrak bete beharra.

-Kualifikazio berezia eskatzen dutela-eta, plantillako langileek egin ezin dituzten lanak.

-Produkzio handiko uneak estaltzea.

-Errelebo kontratuak.

-Eszedentziak.

Aldizkako lan kontratu finkoaren erregulazioa.

1.-Aldizkako lan kontratu finkoa, eguneko lanaldi osokoa, Refrescos de Sur Europa enpresan izaera propioa duena, ondorio guztietarako, enpresan ohiko jardueran aldizkako lan finkoetan aritzeko deitua izan den langileari egiten zaiona da, urteko lanegun guztietan zerbitzuan aritzerik ez badago ere eta egun zehatzik adierazi ez bada ere. Refrescos de Sur Europa enpresako aldizkako langile finkoek beren zerbitzuak zein sasoitan emanen dituzten zehazte aldera, urte naturala hartuko da abiapuntu gisa, urtarrilaren 1etik abenduaren 31ra bitarte, alegia.

2.-Refrescos de Sur Europa enpresako aldizkako lan finkoaren kontratuan aipamen hauek bilduko dira:

-Kontratuaren izaera.

-Kontratuaren xedeko zerbitzuak enpresako zein jardueratan emanen diren.

-Jarduerak zein sasoitan izanen diren.

-Lanaldia eta lan egutegia zehaztea, Refrescos de Sur Europa enpresaren hitzarmen kolektibo honetan ezarritako baldintzetan.

-Laneratzeko deia egiteko modua eta hurrenkera, Refrescos de Sur Europa enpresaren hitzarmen kolektiboan ezarri bezala.

3.-Antzinatasunaren arabera eginen zaie dei aldizkako langile finkoei kategoria bakoitzaren barnean. Refrescos de Sur Europa enpresako aldizkako langile finkoei dei eginen zaie enpresako jarduera egiteko haien zerbitzuen beharra dagoen bakoitzean, jarduera hasi baino hiru egun lehenago. Laneratzea pixkanakaizan daiteke, unean uneko lan kopuruak sortzen dituen beharren arabera.

Halaber, aldizkako langile finkoak ezin izanen dira ordeztu, kontratazio modalitatea edozein dela ere (bitarteko eta ordezkotzako kontratuak izan ezik). Aldizkako langile finkoak, edozein arrazoirengatik, ezin badira beren lanpostuan lan egiten hasi dei egiten zaienean, enpresako Zuzendaritzari horren berri eman beharko diote deia jaso eta 72 orduko epean.

4.-Enpresa behartua dago urtean behin, urtarrilean, aldizkako langile finkoen antzinatasun errolda prestatzera eta iragarki oholean argitaratzera, 30 eguneko epean gutxienez, langileak jakinaren gainean egon daitezen, eta badaezpada ere, gai horretaz erreklamaziorik izanez gero. Errolda horren kopia bat entregatuko zaie Enpresa Batzordeari eta Sindikatu Ataletako kideei.. Antzinatasunaren hurrenkera erabakitzeko irizpidea aldizkako langile finkoak enpresan sartu ziren eguna oinarri hartuta kalkulatuko da.

5.-Deialdia betetzen ez bada, agiri honetako 7. eta 8. paragrafoetako kasuetan izan ezik, aldizkako langile finkoak kaleratze-prozedura eskatzen ahalko du jurisdikzio eskudunaren aurrean. Epea hasiko da deialdirik egin ez dela jakin eta egun berean.

6.-Aldizkako langile finko bati aurreko atalean ezarritakoarekin bat deitu eta 72 orduko epean enpresan lan egiten hasten ez bada, aldizkako langile finkoa izateari utziko dio, eta egoera hori enpresako borondatezko bajarekin parekatuko da.

7.-Ez da kaleratzetzat joko aldizkako langile finko guztiak hartzeko behar adinako lan kopururik ez izatearen ondorioz deirik ez izatea. Egoera horrek kontratuaren aldi baterako etetearen jarraipena ekarriko du, baldin eta ez badira sartzen enpresak egindako erroldaren arabera deien hurrenkeran beherago dauden aldizkako langile finkoak.

8.-Ondokoak kontratua eteteko arrazoi izanen dira eta, horren ondorioz, langilea eta enpresa elkarrekiko dituzten betebeharretik askatuko dira eta lanik eza ez da iraizpentzat hartuko:

-Gorabehera atmosferikoak.

-Banaketarako garraioak edo baliabideak gelditzea.

-Indar eragilea moztea edo lehengairik ez izatea, enpresari egozten ahal ez zaion arrazoiren batengatik.

Halakoetan enpresak egoeraren arrazoiaren berri eman beharko dio langileen legezko ordezkaritzari, bai eta egoera horrek ukitzen dituen langileei ere.

9.-Deia egin eta lanean ez hasteak ez du ekarriko antzinatasun erroldan langileak duen hurrenkera galtzea, honako egoera hauetan dagoenean: aldi baterako ezintasuna, haurra izan, adoptatu edo familian hartu ondorengo amatasun aldia, eszedentzia, lizentzia edo justifikatutako beste arrazoi batzuk, behar bezala egiaztatuta baldin badaude. Behin laneratuz gero, berriro lotuko zaio lan harremanari.

10.-Aldizkako langile finkoek enpresaren jarduera beharren arabera utziko dute lana, hirugarren lerroaldean ezarritako hurrenkeran. Utzi beharra idatziz jakinaraziko zaio langileari, jarduera 24 ordutarako baino gehiagotarako eteten denean; etenaldia laburragoa denean ahoz adieraziko zaio.

11.-Enpresako Zuzendaritzak, zerbitzu aldia bukatzen denean, egiazki egindako lanegunen ziurtagiria emanen dio aldizkako langile finko bakoitzari.

12.-Refrescos de Sur Europa enpresan aldizkako kontratu finkoa duten langileek hilabeteko soldata jasoz hartuko dituzte ordainsariak.

13.-Aldizkako kontratu finkoak kontratu finko bihurtzeko, antzinatasunaren hurrenkera, egokitasuna eta enpresaren beharrak kontuan hartuko dira.

12. artikulua. Lanpostu hutsak: oposizio-lehiaketa.

A.-Oposizio-lehiaketako prozedura

Enpresaren politika da langileei barne-igoerako sistemaren bidez lanpostu hutsak betetzeko aukera ematea, oposizio-lehiaketako prozedura ezarriz. Barne-hautaketan lanpostuaren beharrekin bat datorren hautagairik ez dagoenean, kanpo-hautaketari bidea emanen zaio.

Prozedura horren helburua konpainiaren antolaketaren barnean sortzen diren lanpostu hutsetarako langileen gaitasunak bilatu eta aukeratzeko sistema ezartzea da, barne-igoerako sistema ezarrita.

Prozedura horrek gardentasuna eman nahi dio lanpostu hutsak betetzeko prozesuari, baita langileei konpainiak eskain ditzakeen garapen aukeren berri eman ere. Horrela, giza kapital aproposa izanen dugu leku eta une egokietan.

A.1. Aplikazio esparrua.

Prozedura hori Martzillako lantokiko lanpostu hutsei aplikatuko zaie; Giza Baliabideetako Atala izanen da, berekin agintaritza/konfidentzialtasuna/konfiantza ekartzeagatik, lehiaketatik kanpo gera daitezkeen lanpostu hutsak zehaztearen arduraduna.

A.2. Administrazioa.

Lan harremanaren bidez langileak gehitu, bajaren bat ordeztu edo lanera ez joatea ordeztu behar duen atalak onespena eskatu beharko du, "Langileen eskaera" izeneko dokumentuaren bidez.

Hori onetsi eta gero, Giza Baliabideetako Atalak langilea barnetik ala kanpotik bilatu behar den proposatuko du, lanpostuaren izaeraren arabera.

Izendapen libreko lanpostuen (konfiantza, konfidentzialtasuna edo agintaritza dakarten lanpostuak) kasuan, arloko arduradunei galdetu ondoren, Giza Baliabideetako Atalak lanpostuaren hautagaiak zehaztuko ditu, baita, hala denean, egin beharreko probak eta lanpostuari dagozkion lan baldintzak ere.

Lanpostua oposizio-lehiaketaren bidez esleitzea erabaki bada, Giza Baliabideetako Atalak prozesu osoa koordinatuko du. Edonola ere, interesdunei lan baldintzen berri emateko ardura hartu beharko du bere gain.

A.3. Oposizio-lehiaketako prozedura.

Lanpostu hutsa zehaztuta, Giza Baliabideetako Atalak jendaurrean jarriko du, I. eranskinean ezarritakoaren arabera normalizatutako eredua argitaratuz. Dokumentu horretan, lanpostuari buruzko alde garrantzitsuak adieraziko dira, baita eskatutako profila ere.

Enpresa Batzordeak argitalpenari buruzko jakinarazpena jasoko du.

Hori argitaratu eta gero, 5 laneguneko epea zabalduko da, interesatuta dauden langile guztiek hautaketa prozesuan parte hartzeko aukera izan dezaten. Nolanahi ere, langileak curriculum eguneratua aurkeztu beharko du, baita berariazko prozesurako zehazten den beste edozein informazio osagarri ere.

Kandidaturak aurkezteko epea amaitu ondoren, Barne-igoerako Batzordeak horiek baloratuko ditu.

Oposizio-lehiaketako prozeduraren barnean, ez da kontuan hartuko deialdian adierazitako betekizunak betetzen ez dituen kandidaturarik.

Prozedura indarrean dagoen bitartean, Oposizio-lehiaketako Batzordea osatuko dute honako hauek: Enpresa Batzordeko bi kide (elkargo ezberdinetakoak) eta enpresako bi kide (bata GGBBetako ordezkaria eta bestea lanpostua barne hartzen duen arlo funtzionaleko ordezkaria).

Batera baloratzeko bileran, bi aldeek "Oposizio-lehiaketako kandidaturen azterketa eta gaitasunen ebaluazioa" izeneko formularioaren balorazioa beteko dute.

Balorazioei ekin baino lehen, GGBBetako Atalak honako alde hauek prozesu bakoitzean hartu behar duten portzentajea adieraziko du: prestakuntza, hizkuntzak, aldez aurreko esperientzia eta lanposturako baloratu beharreko beste alde batzuk.

Aldeak ados ez badaude, prozedurak ezartzen du arloko arduradunak erabakiko duela zein den hautagairik egokiena edo, bestela, oposizio-lehiaketa hutsik geratuko dela. Kandidaturak aurkezteko 5 eguneko epean inork bere burua aurkezten ez badu edo ezarritako betekizunak betetzen ez badira, lehiaketa hutsik geratu dela adieraziko da.

Gogoeta egiteko eta erabakiak hartzeko epea amaitu eta gero, konpainiak azken ebazpena argitaratuko du. Bertan (i) jaso diren eskabideen kopurua, (ii) lanpostu hutsaren betekizunak betetzen dituzten eskabideen kopurua eta (iii) hautatutako hautagaiaren izena agertu beharko dira. Hori guztia II. eranskinean jaso den eredu normalizatuaren arabera eginen da.

A.4. Indarraldia.

Prozeduraren indarraldia hitzarmen kolektiboaren indarraldiari lotuta egonen da.

13. artikulua. Aldi baterako laneko enpreseen erregulazioa.

Lan hitzarmen kolektiboa sinatu duten aldeek aldi baterako enpresen erabilera arautu behar dela erabaki dute, jarraian ezarriko diren irizpideekin.

Enpresa horiek erabiliko dira, kanpainan zazpi egun naturaleko iraupen zehatza gainditzen ez duten jardueretan aritzeko denean; izan ere, iraupen hori gainditzen bada, enpresako Zuzendaritzak langile horiek kontratatu beharko ditu zuzenean, beharrezkoa izanez gero.

Refrescos de Sur Europa enpresan zerbitzuak sistema horren bitartez ematen dituzten langileak eta haien kontratuak Enpresa Batzordeari jakinaraziko zaizkio.

Refrescos de Sur Europa enpresan zerbitzuak emateko ABLE baten bidez kontratatu diren langileek merkataritza-etxeak zuzenean kontratatu dituen langileei eragiten dien hitzarmenaren baldintza orokorrak izanen dituzte.

Langile horien ordezkaritza sindikala Refrescos de Sur Europa enpresako Enpresa Batzordeak gauzatuko du.

Enpresako Zuzendaritzak, aldi baterako laneko enpresetako langileen zerbitzuak behar baditu, aldizkako langile finkoen zerrenden aukerak amaitu arte horiek ez erabiltzeko konpromisoa hartu du.

V. kapitulua.-Enpresan sartzea eta mailaz igotzea

14. artikulua. Probaldia.

Probaldi bat hitzartzen ahalko da: sei hilabete gehienez teknikari tituludunentzat eta bi gehienez gainerako langileentzat.

Probaldi hori idatziz agerraraziko da eta eten eginen du aldi baterako ezintasunak.

Probaldian, langileak bere lanbide kategoriari eta lanpostuari dagozkion eskubide eta betebeharrak izanen ditu, plantillakoa balitz bezala eta kontratazio motaren arabera, lan harremana suntsitzearen ondoriozkoak izan ezik (aldeetako edozeinen eskariz suntsi daiteke lan harremana).

Probaldia bukatutakoan, atzera egin ez bada, kontratuak dagokion modalitateko ondorioak sortuko ditu, eta enpresan lanean aritutako denbora kontatuko da antzinatasunerako.

15. artikulua. Lana borondatez uztea.

Beren borondatez enpresatik alde egin nahi duten langileak behartuak daude enpresari jakinaraztera, aurreabisurako epe hauek betez:

-Beharginak: 15 egun natural.

-Teknikari eta administrariak: hilabete.

Aipatu epeetan aurreabisua egiten ez bada, enpresak eskubidea izanen du langilearen likidaziotik eguneko lansaria deskontatzeko aurreabisua atzeratzen den egun bakoitzeko.

16. artikulua. ategoriaz igotzea.

Mailaz igotzeko arau hauek izanen dira:

1.-Beharginak. ofizialen lanpostu hutsak antzinatasunaren arabera beteko dituzte, espezialitate bakoitzean, beheragoko kategorietako langileek, baldin eta enpresak horretarako gai kalifikatu baditu edo halakotzat jotzen badira egiten zaien proban. Gai den langilerik ez badago, plantillatik kanpoko langileak onartzen ahalko dira.

Mailaz igotzeko probak hasi baino bi hilabete lehenago gutxienez, proba horiek ezagupen teorikoek edo mekanikoek osatzen dituzten kasuetan, enpresak deialdia egin eta eskatzen diren programak argitaratuko ditu. Halako programek argi eta zehatz azalduko dituzte hitzarmen honetan lanbide kategoria edo lanpostu bakoitzerako ezarritako eginkizunekin bat etorri behar duten arlo eta ezagutzak.

2.-Gaitasun urrituko langileak. Laneko istripuagatik edo lanbideko eritasunagatik gaitasuna gutxitua (ahalmen fisiko edo intelektuala murriztua) duten langileek lehentasuna izanen dute lanpostu egokiak betetzeko, enpresan dauden baldintzen arabera. Halakoetan, lanbide kategoria berri horri dagokion lansaria jasoko du langileak.

Enpresak lanpostuen ehuneko 2 gordeko ditu indarreko araudian xedatutakoari jarraituz, baina salbuetsita gera daiteke, antolamenduak baimentzen dituen ordezko neurriak hartzen baditu.

3.-Menpeko langileak. Atezain eta mandatarien lanpostuetan lehentasuna izanen dute istripu edo eritasunagatik gaitasuna murriztua duten eta hori dela-eta sorospen eskubiderik ez duten langileek, enpresa barnekoek betiere.

Prozedura. Prozedura. Kalifikazioko Batzorde Mistoa ondokoek osatuko dute: enpresako Zuzendaritzak izendatutako bi kide, horietako bat buru, eta bete beharreko lanpostuen kategoriatik beherakoak ez diren bi langile; horietako bat Batzordeko kidea izanen da eta bestea Batzordeak izendatutako plantillako langile bat izanen da. Enpresak azterketetan eskatuko diren gaien programa prestatuko du, hitzarmen honetan bildutako kategoriekin bat datorrena.

Kalifikaziorako batzorde mistoko kideek bakarka emanen dituzte puntuazioak, baremoaren arabera, eta azterketaren bukaeran puntu guztiak zenbatuko dira. Berdinketarik izanez gero, antzinatasunari emanen zaio lehentasuna.

17. artikulua. Lan kontratua.

Kontratua sinatzen den egunetik aitzina, enpresak langile bakoitzarekin dituen lan harremanak kontratu idatzi baten bidez formalizatuko ditu, eta antzinatasuna, kategoria eta legez eska daitezkeen arloak azalduko dira kontratuan. Era berean, legezko ordainagiriaren edo nomina ofizialaren bidez jasoko dute soldata, eta jasotzen diren diru kopuru guztiak eta ordaintzen diren kontzeptuak azalduko dira agiri horretan.

Goi Zuzendaritzako lan kontratu berezietan izan ezik, enpresak hamar eguneko gehieneko epean emanen die langileen legezko ordezkariei egiten diren lan kontratuen kopia. Agiri horretan lan prestazioarekin zerikusia duten datu guztiak agertuko dira, kontratatuaren intimitateari dagozkionak edo intimitate horri eragin diezaiokeen beste edozein salbu.

Langileen ordezkariek agiri hori sinatu eginen dute jasotzen dutenean, enpresak agiria eman izana egiazta dezan.

VI. kapitulua.-Lanaldia, aparteko orduak eta oporrak

18. artikulua. Lanaldia.

Oro har, eta Langileen Estatutuko 34. artikuluko 1. idatz-zatian xedatutakoari jarraikiz, urtean egin beharreko benetako lanorduak 1.756 izanen dira, hitzarmenaren indarraldiko urte bakoitzerako.

Txandakako lan-sistema duten langileek hamaiketakoa egiteko hamabost minutuko atsedenaldia izanen dute. Atsedenaldi hori egiazko lan denboratzat zenbatuko da, baina, nolanahi ere, aurreikusitako ekoizpena bermatu behar da.

Tratatzeko ondoreetarako, egin daitezkeen aparteko orduak hitzarmen kolektiboko 23. artikuluan ezarritako opor-egunekin metatuko dira. Horrela, aparteko orduek sortutako opor-egunak aipatu den artikuluan ezarritako irizpideekin bat etorrita hartu beharko dira. Dena den, ez dute inola ere ekarriko uztailean eta abuztuan hartu beharreko opor-egunen kopurua gehitzea. Aparteko orduek sortutako opor-egunak argi eta garbi adierazi beharko dira lan egutegian.

19. artikulua. Lanaldiaren antolaketa.

Enpresaren ahalmena izanen da lanaldia antolatzea, horretarako lan txandak, lanaldi etengabea eta abar ezarriz, langileen ordezkariekin ados jarririk, eta betiere arlo honetan indarra duten legezko arauei jarraikiz.

20. artikulua. Lan egutegia.

Enpresako Zuzendaritzak urte bakoitzeko urtarrilean lan egutegia eginen du eta bertan bilduko dira lan ordutegia, asteko atsedenaldiak, jaiegunak eta, langileen ordezkariekin adosturik, oporraldiak.

Asteko lanaldia astelehenetik ostiralera izanen da orokorrean, ondoko ezaugarriekin:

-Lanaldi jarraitua:

-Goizeko ordutegia: 6:00etatik 14:00etara.

-Arratsaldeko ordutegia: 14:00etatik 22:00etara.

-Gaueko ordutegia: 22:00etatik 6:00etara.

-Lanaldi zatituan: Atalen eta lanpostuen arabera.

-Zaintzaileak asteburuetan, jaiegunetan eta enpresan ituntzen diren zubietan lan eginen dute bakarrik.

-Malgutasuna.

Kontzeptu hori hitzarmen kolektiboan sartu da, hitzarmen kolektiboan araututakoaren arabera nork bere borondatez ohiko lanaldia asteburuetan eta lanegunetan egiteko aukera ezartzeko, baldin eta produkzio beharra badago. Malgutasun horrek Produkzio, Biltegi, Xarabe, Mantentze lan eta Kalitate Atalei eragin diezaieke eta salbuetsita egonen dira, haien izaera dela-eta, asteburuetan lan egin behar ez duten lanpostuak. Aurreformetako Atala erregulazio horretatik kanpo dago, baina horri lotuta dago lan egindako larunbat edo igande bakoitzeko jaso beharreko berariazko plus ekonomikoagatik bakarrik. Malgutasunaren oinarrizko aldeak honako hauek dira:

1. Larunbat eta igandeetan 8 orduko txandak eginen dira. Larunbatean lan egiten duten langileek ez dute aste bereko igandean lan eginen eta alderantziz. Asteburuko txandak egin behar direnean, langileei 7 egun natural lehenago, gutxienez, jakinaraziko zaie.

2. Asteburuak barne hartzen dituen sei txandetatik (egun bakoitzean hiru daude: goizekoa, arratsaldekoa eta gauekoa), larunbat goizekoa eta arratsaldekoa eta igande gauekoa baino ez dira erabiliko. Beharrizan objektiboa dela-eta beste hiru txandak egitea beharrezkoa bada, enpresak beharrizan horren eta haren arrazoien berri emanen die langileen ordezkariei. Hiru txanda horietan (larunbat gauekoa eta igande goizekoa eta arratsaldekoa) lehentasuna emanen zaie borondatezko atxikipenei. Beharrizana objektiboa eta zorrotza bada eta borondatezko langileen bidez estali ezin bada, txanda esleituko da, Batzorde Paritarioa ados egon ondoren.

3. Larunbateko lanaren truke, atseden egun bat emanen da, behe denboraldian hartu beharrekoa. Oporrak eskatzen diren unerako urte natural horretan jada zenbait asteburutan lan egin bada, uztail eta abuztuko oporraldi gisa ezarritako 6 egunekin, 4 atseden egun metatzen ahalko dira. Gainera, langileak 50 euro jasoko ditu lan horrengatik.

4. Larunbateko lanaren truke, atseden egun bat emanen da, behe denboraldian hartu beharrekoa. Oporrak eskatzen diren unerako urte natural horretan jada zenbait asteburutan lan egin bada, uztail eta abuztuko oporraldi gisa ezarritako 6 egunekin, 4 atseden egun metatzen ahalko dira. Gainera, langileak 50 euro jasoko ditu lan horrengatik.

5. Lan egutegiaren arabera jaiegunak diren egunetan langilea bere borondatez atxikiko zaio lanaldiari, lan egin behar bada. Jaieguneko lanaren truke, orduko 8,13 euro eta egun bat eta erdiko atsedena emanen dira.

Jaiegun eta asteburuko lanari dagokionez, honako hauek salbuetsita egonen dira:

a) Aste Santua.

b) Abenduko zubiak.

c) Abenduaren 24tik urtarrilaren 6ra bitartekoak.

d) Pilareko Andre Mariaren eguneko zubia.

6. Aurreko ostirala edo hurrengo astelehena jaiegun daukaten edo langilearen oporraldiaren hasierarekin, amaierarekin edo erdiko tartearekin bat datozen asteburuetan lan egitea borondatezkoa izanen da.

7. Nolanahi ere, gaueko txandan lan eginez gero, gaueko lanaren plusa ere jasoko da.

8. Malgutasunari buruzko plusek hitzarmen kolektibo honetan itundutako soldaten gehikuntzak izanen dituzte.

9. Asteburuko lana, produkzio xedeak dituena eta hitzarmen kolektiboaren erregulazioarekin bat datorrena, kontuan hartuko da larunbat eta igandeetako lanaldiak zenbatzeko, horiek konpentsatu eta atseden hartzeko.

10. Asteburuko lanak azaroan eta abenduan sortutako atsedena hurrengo urteko urtarrilean hartzen ahalko da salbuespen gisa, urtea amaitu baino lehen hartu ezin bada.

21. artikulua. Aparteko orduak.

Aparteko orduak dira enpresako lan egutegian (adiera nagusian hartuta) ezarritako lanalditik kanpo edo horren gainetik egiten direnak, eta atal batzuek, ohituragatik, produkzioaren antolaketagatik edo akordio batengatik, dituzten edo izaten ahal dituzten ordutegi bereziak.

20. artikuluan ezarritako asteburuko txanda itunduan egiten diren lanorduak ez dira aparteko ordutzat joko, atseden konpentsatua baitakarte berekin.

Bi aldeek gogorarazi dute aparteko orduak guztiz ezinbestekoa denean baino ez direla eginen.

Era berean, enpresa honen ezaugarri bereziak direla eta -kanpaina garaian batez ere- egoera bereziak sortzen direnez, irizpide hauek ezarri dira:

1. Aparteko ordu normalak edo ohikoak: kentzea.

2. Ezbeharrak izan edo aurreikusteagatik, ohiz kanpoko kalteengatik edo gaiak zein produktuak galtzeko arriskuagatik egiten diren aparteko orduak: egitea.

3. Lanaren egitura eta antolakuntzan ohiz kanpoko egoerak sortzeagatik egin behar diren aparteko orduak (lanera ez agertzea, txanda aldaketak, ohiz kanpoko lanak, lan pilaketa handiak, etab.): Mantentze lanak.

Langile bakoitzak ezin ditu aparteko 80 ordu baino gehiago egin urtean.

Enpresako Zuzendaritzak egin diren aparteko orduen berri emanen die langileen legezko ordezkariei hilean behin, gutxienez.

Aparteko orduak egiten badira, langileak aukeratzen ahalko du horiek diruz konpentsatzea ala atseden denbora hartzea. Langileak atseden denbora hartzea erabakitzen badu, enpresako Zuzendaritzarekin adostu beharko du noiz hartuko den atsedena; hala ere, hori aparteko orduak egin eta hurrengo lau hilabeteko epearen barnean hartu beharko da.

Atseden hartzeko konpentsazioa lanaldi osoetan egin beharko da beti. Aparteko zortzi orduren truke, horiei dagokien denbora emanen da. Aldi berean, langileak aukeratzen ahalko du lanaldi bati dagokion denbora hartu eta gainerako balioa kobratzea.

Atseden egun oso bat hartzeko behar beste aparteko ordu egin ez badira, ordu horiek diruz konpentsatuko dira.

22. artikulua. Aparteko orduen prezioa.

Aparteko orduaren balioak, hitzarmen kolektibo honetako langileentzat, honako hauek izanen dira, hitzarmena indarrean dagoen bitartean Espainiako egiazko KPI gehituko direnak:

Aparteko orduen 2008ko behin-behineko prezioak (2007koak gehi %2).

IZAERA ML/LA/LE PRODUKZIOA

Normala 14,42 13,34

Larunbatekoa 15,50 14,06

Jaiegunekoa 16,94 15,50

Gauekoa 17,41 16,76

Jaieguneko gauekoa 20,55 18,75

23. artikulua. Oporrak.

Langileek, enpresan lan egiten duten urte natural bakoitzeko, hogeita hamar egun naturaleko opor ordainduak hartzeko eskubidea izanen dute.

Oporrak hartzeko orduan, baldintza hauek bete beharko dira:

1.-Enpresak bost lanegun aukeratuko ditu.

2.-Gainerako opor-egunak langileek aukeratuko dituzte, honako muga hauek beteta:

2.1. Uztailean eta abuztuan sei lanegun hartzen ahalko dituzte gehienez, langile bakoitza barne hartzen duen Atalaren barneko beharrizanek muga hori handitzeko aukera eman ezean.

2.2. Langileek beren oporraldia eskatu beharko dute idatziz, hogeita hamar egun lehenago, gutxienez. Atal bakoitzean langileen %50ek baino gehiagok ezin izanen dute aldi berean oporraldia hartu. Lehentasuna izanen dute eskabidea arinago aurkeztu duten langileek, eskatzeko azken eguna urte bakoitzeko maiatzaren azken eguna izanda. Horrela egin ezean, enpresak epearen barnean eskatu ez den aldia esleitzen ahalko du nahierara.

Oporraldia benetan jasotzen den soldataren arabera ordainduko da, hitzarmen kolektibo honetan ezarritako kontzeptuak kontuan hartuta eta aurreko hiru hileko gaueko lanen batez bestekoa sartuta. Urteko oporrak ez dira diruz konpentsatzen ahal.

VII. kapitulua.-Lizentzia ordainduak, baimenak eta eszedentziak

24. artikulua. Lizentzia ordainduak eta baimenak.

1.-Ordaindutako lizentziak

Langilea, aurretik abisatu eta justifikatuta, lanetik atera daiteke, ordaindua izateko eskubidearekin, arrazoi hauetako bat dela medio eta honenbeste denborarako:

A.-Ezkontza erlijiosoa edo zibila: 20 egun natural.

B.-Norberaren edo bigarren mailara arteko odol-ahaidetasun edo ezkontza-ahaidetasuneko ahaideen ospitaleratzea: 3 egun natural. Eskubide hori prozesu osoan erabiltzen ahalko da.

C.-Ezkontidearen eta seme-alaben heriotza: 7 egun natural.

D.-Aurrekoen heriotza: 4 egun natural.

E.-Bigarren mailara arteko odol-ahaidetasun edo ezkontza-ahaidetasuneko ahaideen heriotza: 3 egun natural.

F.-Seme-alaba baten jaiotza edo adopzioa: 5 egun natural.

G.-Ohiko bizilekuz aldatzea: lanegun bat.

H.-Publikoa eta pertsonala den eginbehar saihestezina betetzea: behar-beharrezkoa den denbora. Sufragio aktiboa barne hartzen da.

I.-Eginkizun sindikaletan edo langileen ordezkaritza lanetan aritzea: legeetan ezarritakoa.

J.-Norberaren aferak: lanegun bat (8 lanordu, gehienez).

K.-Bigarren mailara arteko odol-ahaidetasun edo ezkontza-ahaidetasuneko ahaideen ebakuntza kirurgikoa, ospitaleratu beharra izan gabe etxean atseden hartzea agintzen bada: 2 egun natural.

L.-Lehenengo mailako aurreko edo ondorengoekin joatea osasun edo lege kontuak direla-eta: 8 ordu urtean, gehienez.

Artikulu honetako B), C), D) eta E) letretan jasotako kasuetan, langileak bere bizilekutik 350 kilometro baino gehiagoko bidaia egin behar badu, egun natural bat gehiago hartzen ahalko du.

2.-Senar-emazteen eta izatezko bikoteen arteko eskubideak parekatzea.

Gaur egungo errealitate sozialarekin bat etorrita, enpresak konpromisoa hartu du edozein famili taldek eskubide berdinak izateko, inolako bazterkeria motarik gabe.

Horrela, gizarte eta lan aldeei dagokienez beste mota batzuetako bizikidetzak ezkontzekin parekatzearen mesedetan, hitzarmenean senar-emazteentzat ezarritako erregulazio osoa izatezko bikoteei hedatzea proposatuko da eta, horretarako, bizikidea ezkontidetzat joko da. Hori guztia eginen da, bikote egonkorrentzako berdintasun juridikoari buruzko uztailaren 3ko 6/2000 Foru Legean ezarritako baldintzak betetzen direla behar bezala egiaztatzen bada.

3.-Kontsulta medikora joateko baimenak.

Gizarte Segurantzako mediku espezialistak. Gizarte Segurantzako mediku espezialisten kontsultara joan behar bada, behar den denbora emanen da, aurretik horren froga den bolantea aurkeztuta.

Familiako medikuak.-Familiako medikuen kontsultara joan behar bada, behar den denbora emanen da, aurretik behar bezalako justifikazioa aurkeztuta. 3 orduko muga egonen da, Martzillan bizi diren langileentzat, eta 4 ordukoa, Martzillatik kanpo bizi direnentzat, medikuaren kontsultaren ordutegia lan ordutegiaren barnean baldin badago.

4.-Baimen ordaindu gabeak.

Langileak 15 eguneko lizentzia eskatzeko aukera ezarriko da. Baimen horrek borondatezko eszedentziaren baldintza berdinak izanen ditu, hau da, baja bideratuko da Gizarte Segurantzan, kotizatu beharrik ez dagoela eta lanpostua gordeko dela.

Lizentzia ordaindu gabe hori hartzeko, enpresa eta langilea ados jarri beharko dira beren artean, enpresaren une bakoitzeko beharrizanak kontuan hartuta.

Langileak 15 eguneko lizentzia ordaindu gabea hartzea eskatu beharko du hilabete lehenago; nolanahi ere, enpresak beren-beregiko erantzuna eman beharko du.

25. artikulua. Lan-bizitza eta familiakoa ongi uztartzea.

-Edoskitzaroa metatzea:

Bederatzi hilabetetik beheitiko semeari edo alabari esnea ematen dioten emakumezko langileek eskubidea dute lanetik ordubetez lekutzeko. Denbora hori bi zatitan bana dezakete.

Emakumezko langileak eskubide hori ohiko lanaldiaren eguneko ordu erdiko murrizketarekin ordezka dezake, hala nahi badu, helburu berbererako, edo denbora hori lanaldi osotan pilatzen ahal du.

Baimen hori amak nahiz aitak hartzen ahal dute, beren nahierara, biak lanean ari badira eta bakarrak eskatzen badu.

Jakinarazpen prozedura:

Eskubide horren ondorioz, edoskitzaroa metatzea aukeratzen duen langileak enpresari idatziz jakinarazi beharko diola ezarri da, metatzea baino hilabete lehenago.

26. artikulua. Eszedentziak.

Eszedentzia borondatezkoa edo nahitaezkoa izan daiteke, eta enpresako langile finkoek bakarrik hartzen ahalko dute.

Borondatezko eszedentzia: enpresan gutxienez urtebeteko antzinatasuna duen langileak eskubidea du borondatezko eszedentzia izateko, 4 hilabeterako gutxienez eta 5 urterako gehienez. Eskubide horretaz berriro balia daiteke langile bera, aurreko eszedentzia bukatu eta 4 urte igaro eta gero.

Eszedentzian dagoen langileak enpresan hutsik dauden eta bere kategoriakoak edo antzekoak diren lanpostuetan sartu ahal izateko lehentasuna besterik ez du. Horretarako, eszedentzia bukatu aurreko 30 egun naturaleko epean itzultzea eskatu beharko du. Bestela, lan harremanari uko egiten diola ulertuko da.

Nahitaezko eszedentzia: Nahitaezko eszedentzia: Nahitaezko eszedentzian dagoen langileak lanpostua gordetzeko eta antzinatasunari begira kontatzeko eskubidea izanen du, eta ondoko inguruabarrak biltzen dituztenek eskuratzen ahalko dute eszedentzia hori:

a) Hauteskunde prozesu egoki baten bidez kargu publiko bat betetzeko hautatua edo izendatua izatea, Estatuan, erkidegoan, eskualdean, probintzian edo udalean, eta eremu orokor guztietarako edo bakoitzerako.

Kargu horietarako Estatu, autonomia erkidego, eskualde, probintzia edo udaleko organo eskudunen eta ministroen Kontseiluan onetsitako izendapen ofizial baten bidez hautatua izan bada, eta dagozkion aldizkari ofizialetan edo ebazpen administratibo baten bidez argitaratu bada.

b) Probintzia barneko edo esparru handiagoko sindikatu eginkizunetan aritzen diren langileek ere, beren estatutuen arabera, eska dezakete eszedentzia enpresan, beren karguak irauten duen denborarako.

Probintzia barneko edo esparru handiagoko sindikatu eginkizunetan edo ordezkaritza kargu publikoetan aritzeagatik lanpostua uzten duten langileen kasuan, langileak hogeita hamar egun naturaleko epea izanen du lanean berriro hasteko bere zerbitzua, kargua edo eginkizuna bukatzen duenetik aitzina.

Azaldutako eszedentzia kasu guztietan, eta horrek irauten duen bitartean, hau da, eszedentziako langilea bere lanpostura itzultzen ez den bitartean, ez du eskubiderik izanen soldatarik jasotzeko, ez eta egoera horretan dagoen denbora inolako ondorioetarako kontuan hartzeko ere, salbu eta nahitaezko eszedentzietan, antzinatasunerako kontatuko baita.

Seme-alabak zaintzeko eszedentzia hartzen duten langileen kasuan, lanpostua gordetzeko eskubidea Langileen Estatutuko 46. artikuluko 3. zenbakian xedatutakoak gobernatuko du.

27. artikulua. Irenspena eta konpentsazioa.

Hitzarmen honetan itundutako baldintzek multzo organiko eta zatiezina osatzen dute eta, praktikan aplikatzerakoan, beren osotasunean hartuko dira. Oro har, legezko gutxieneko baldintzak baino hobeak dira. Beraz, irentsi eta konpentsatuko dituzte bere indarraldian xedapenaren aginduz bete beharreko bestelako baldintzak, zeinek eraginkortasun praktikoa izan baitezakete baldin eta orokorrean, urteko konputuan, hitzarmenaren maila osoa baino hobeak badira.

Hitzarmen honetan itundutako baldintzak, denak batera hartuta, konpentsatzen ahal dira gaur egun edo lehenagotik hauetako baten bidez indarrean dauden hobekuntza itunduekin: alde bakarrak eman duelako, edo legearen nahiz epailearen aginduz, administrazioarekiko prozeduraz, edozein motatako itunez edo beste edozein arrazoiren ondorioz.

VIII. kapitulua.-Baldintza ekonomikoak

28. artikulua. Ordainsariak.

1.-Soldataren egitura.

Refrescos de Sur Europa enpresako langileen hitzarmeneko soldata honako hauek osatuko dute:

-Oinarrizko soldata.

-Hitzarmeneko osagarria.

-Lanpostuko osagarria.

2.-Soldaten igoera.

Hitzarmen honen indarraldiko urteetan ordainsari igoera hauek izanen direla hitzartu da artikulu honetan aipatutako soldata kontzeptu guztietarako.

2008. urtea: soldatak eranskin gisa erantsi den taulan adierazitakoak izanen dira; horiek aurreikusitako KPIren igoera eta %0,5eko aldea barne hartzen dituzte. Espainiako 2008ko egiazko KPI ezagutu ondoren, taula berrikusiko da eta atzeraeragina izanen du 2008ko urtarrilaren 1etik aitzina. Aurreikusitako KPI gainditzen duen desbiderapena baldin badago, beharrezko atzerapenak ordainduko dira.

2009. urtea: 2008ko behin betiko soldata taulak 2009rako aurreikusitako KPI eta %0,4ko aldea aplikatuta gehituko dira. Espainiako 2009ko egiazko KPI ezagutu ondoren, taula berrikusiko da eta atzeraeragina izanen du 2009ko urtarrilaren 1etik aitzina. Aurreikusitako KPI gainditzen duen desbiderapena baldin badago, beharrezko atzerapenak ordainduko dira.

2010. urtea: 2008ko behin betiko soldata taulak 2009rako aurreikusitako KPI eta %0,3ko aldea aplikatuta gehituko dira. Espainiako 2009ko KPI erreala ezagutu ondoren, taula berrikusiko da eta atzeraeragina izanen du 2009ko urtarrilaren 1etik aitzina. Aurreikusitako KPI gainditzen duen desbiderapena baldin badago, beharrezko atzerapenak ordainduko dira.

2009. eta 2010. urteen hasieran, behin-behineko soldata taula eginen da, Gobernuak aurreikusitako KPIren arabera.

Aurretik aipatu diren igoerak beren-beregi ezarri diren soldata kontzeptuen gainean aplikatuko dira.

Hitzarmen kolektibo honen eraginpeko langileen lanbide kategoria bakoitzari dagozkion soldata eta lansariak hitzarmenaren I. eranskinean ezarriko dira. Aldi baterako langileek eta aldizkako langile finkoek egiten duten lan denboraren arabera kobratuko dute.

Osagarri pertsonalak (antzinatasuna) oinarrizko soldatarako ituntzen diren portzentaje igoerak izanen ditu.

29. artikulua. Gaueko lanaren plusa.

22:00etatik 06:00etara bitartean lan egiten duten langileek gaueko lanaren plusa kobratuko dute: gauez lan egindako ordu bakoitzeko 1,66 euroko zenbateko finkoa 2008an.

Hitzarmen honek irauten duen bitartean, Espainiako egiazko KPI gehituko da.

Plus horretatik kanpo daude gaueko lanetarako kontratatu diren langileak, edo interesdunak eskatuta gaueko lanei atxikitakoak.

Oporraldian azken hiru hilei dagokien gaueko lanaren plusaren batezbestekoa gehituko zaio ordainsariari.

30. artikulua. Larunbat, igande eta jaiegunetako plusa.

Jardueraren izaera jarraitua dela eta, Aurreformetako ataleko langileek eguneko plusa jasoko dute, 2008rako honako zenbateko hauetan banakatuko dena:

KONTZEPTUA ZENBATEKOA

Larunbatekoa 40 euro

Igandea 60 euro

Jaiegunekoa 65 euro

Eguberri-eguna 85 euro

Urteberri-eguna 85 euro

Aurreformetako ataleko langileek ez dute beren soldata taula gehituko 800euroko zenbatekoan urteko.

Hitzarmenak irauten duen bitartean, hitzarmen kolektiboko 28. artikuluan adierazitako igoerak eta berrikuspenak aplikatuko zaizkie kontzeptu horiei.

31. artikulua. Arriskuaren eta nekagarritasunaren plusa.

Lan arriskutsu eta nekagarritzat joko dira, irizpide tekniko hutsei jarraikiz, horrela ebaluatu eta jotzen direnak. Balorazioaren arabera, plus hori hitzarmeneko oinarrizko soldataren %25ekoa izanen da.

32. artikulua. Dietak.

Dieten zenbatekoa honako hau izanen da:

Enpresaren aginduz edozein langilek bere ibilgailua erabili behar duenean, enpresak 0,24 euro ordainduko ditu km-ko.

-Bazkaria: 10,22 euro.

-Afaria: 10,22 euro.

-Ostatua eta gosaria: 48,08 euro.

-Dieta osoa: 60,10 euro.

Langileak gastu gehiago baldin baditu enpresaren agindua betetzen ari denean, ordaindu eginen zaizkio, agiri bidez frogatu ondotik.

Nolanahi ere, enpresak langileren baten lan txanda aldatzen badu lanaldi jarraitua lanaldi zatitu bihurraraziz, enpresak bazkariaren balioa ordainduko du, langilea Martzillatik kanpo bizi bada.

Tafallako langileak egunero lekualdatzea: enpresak orain arte erabili duten garraio ibilgailua eskaini beharko die Refrescos de Sur Europa, S.A.ren Tafallako lantokitik datozen langile finkoei, egunero Tafallatik lantokira eta lantokitik Tafallara joateko.

33. artikulua. Aparteko eskersariak.

Hitzarmen kolektibo honen eraginpeko langileek urtean aparteko bi eskersarirako eskubidea izanen dute. Hona hemen eskersari horien edukia:

Uztaileko eta Gabonetako aparteko eskersariak: horietako bakoitzean hitzarmen kolektibo honetan ezarritako honako ordainsari hauek ordainduko dira: hogeita hamar eguneko oinarrizko soldata, hitzarmenaren osagarria, lanpostuaren osagarria eta, hala denean, "ad personam" osagarria eta osagarri pertsonala. Ordainsari horiek sei hilean behin jasotzen direla ulertuko da, horiek sortu eta likidatzeko; gauzak horrela, urtarrilaren 1etik ekainaren 30era eta uztailaren 1etik abenduaren 31ra bitartean zenbatuko dira.

Seihileko baten barnean enpresan sartzen den edo lana uzten duen langileari, likidazioari dagokion seihilekoan egin lanorduen arabera zenbatekoa hainbanatuz ordainduko zaio aparteko eskersaria.

Aldeek beren-beregi eskatuta, Mozkinetan Parte hartzea deritzon ordainsaria, Estatu eremuko sektore esparruko itunak aipatzen duena, hainbanatu eta Hitzarmeneko osagarriaren kontzeptuaren barnean sartuko da hilero. Horren ondorioz, haren irenspena eta konpentsazioa itunduko dira, Langileen Estatutuaren Legearen indarreko Testu Bategineko 26.5 artikuluan ezarritakoaren arabera.

34. artikulua. ldi baterako ezintasuna.

Eritasun arruntak.-Eritasun arruntagatiko aldi baterako ezintasuneko kasuetan benetako soldataren %80 jasoko da, baja hartzen den egunetik. Bajaren 21. egunetik aitzina, berriz, benetako soldataren %100 jasoko da, gehienez 18 hilabete igaro arte.

Hitzarmen honek irauten duen bitartean plantillaren eritasun arruntagatiko absentismo orokorraren indizea %3tik gorakoa ez bada, aurretik aipatu diren erregelamendu sariak hobetu eginen dira hurrengo hitzarmenetan.

Laneko istripuak edo lanbide eritasunak.-Hitzarmen kolektibo honen eraginpeko langileek, laneko istripu edo lanbide eritasunen baten ondorioz aldi baterako ezintasuna (ABE) izaten badute, beren benetako soldataren %100 kobratzeko eskubidea izanen dute lehenbiziko egunetik hasi eta gehienez ere 18 hilabete igaro arte.

Adierazitako hobekuntzek ez dute inoiz ere ekarriko eragindako langilea altan egonez gero kobratzen duena baino gehiago.

35. artikulua. Aseguru poliza.

Refrescos de Sur Europa enpresak indarrean mantenduko du aseguru poliza orokor bat hitzarmen honen eraginpeko langileentzat. Indarra izanen du enpresan lan egin eta Gizarte Segurantzan afiliatuta dauden langileentzat, honako kasuotan:

-Berezko heriotza, baliaezintasun osoa, erabateko baliaezintasuna eta baliaezintasun handia: 14.724,80 euro.

-Lan istripuaren ondoriozko heriotza: 42.070,85 euro.

-Lan istripuaren ondoriozko baliaezintasun osoa, erabateko baliaezintasuna eta baliaezintasun handia: 54.091,09 euro.

Artikulu honetan xedatutakoa hitzarmena Nafarroako ALDIZKARI OFIZIALean argitaratzen denetik bi hilabeteko epean hartuko du indarra, enpresak polizaren beharrezko egokitzapenak egin ditzan. Une horretara arte, aurreko hitzarmenean ezarritakoa aplikatuko da.

Zenbateko horiek ez dira gehituko hitzarmenak indarra duen bitartean.

36. artikulua. Erretiro saria.

Erabateko baliaezintasun iraunkorra dela-eta enpresan baja hartzen duten eta hitzarmen kolektibo honek eragiten dituen langileei hilabete bateko soldata emanen zaie antzinatasuneko bosturteko bakoitzeko, 65 urte eta gutxienez enpresan hamar urte eman badituzte gutxienez. Dena den, honako muga hauek egonen dira:

-Sei hilabeteko soldata.-62 urte baino gutxiago badituzte.

-Bost hilabeteko soldata.-62 edo 63 urte badituzte.

-Hiru hilabeteko soldata.-64 edo 65 urte badituzte.

Langileek erretiroa eskatzen ahalko dute 1.194/85 Errege Dekretuaren babesean. Baldintza bakarra langilearen eta enpresaren arteko akordioa egotea izanen da.

IX. kapitulua.-Hutsegiteak eta zehapenak

37. artikulua. Hutsegiteak.

Hutsegitetzat hartuko dira indarra duten legezko xedapenek eta, oro har, hitzarmen kolektibo honek ezarritako betebeharren kontrako ekintzak edo ez-egiteak.

Garrantziaren arabera, hutsegiteak honela sailkatu dira: arinak, larriak eta oso larriak. Jarraian agertzen diren zerrendak orientatzekoak dira, ez zehatzak.

38. artikulua. Hutsegite arinen sailkapena.

Ondokoak joko dira hutsegite arintzat:

1.-Hilabete baten barnean lanera behin, bitan edo hirutan berandu iristea, bidezko arrazoirik gabe.

2.-Lanerako ezintasun iragankorreko baja edo lanera ez agertzearen bidezko arrazoiak bi egun balioduneko epean ez jakinaraztea, hori egiterik ez dela izan frogatu ezean.

3.-Lanetik denbora gutxirako alde egitea, bidezko arrazoirik gabe.

4.-Norberaren garbitasun edo txukuntasun eza.

5.-Egun batez lanera ez agertzea, bidezko arrazoirik gabe.

6.-Noizean behin mozkortuta agertzea.

39. artikulua. Hutsegite larrien sailkapena.

Honako hauek dira hutsegite larriak:

1.-Lautik zortzira arteko hutsegite lanera berandu iristeagatik, 30 egun naturaleko epearen barnean.

2.-Lanera bi egunez ez agertzea 30 egun naturaleko epean, bidezko arrazoirik izan gabe.

3.-Lanorduetan edozein motatako denbora pasatan ibiltzea.

4.-Beste langile bat lanera agertu dela simulatzea, haren sinadura, fitxa edo kontrol txartela erabiliz.

5.-Lanean zuhurtziarik gabe jokatzea. Jokabide hori hutsegite oso larritzat jo daiteke, baldin eta langilea bera edo lankideak istripua izateko arriskuan jartzen badira edota instalazioak edo salgaiak hondatzeko edo su hartzeko arriskuan.

6.-Lanorduetan norberaren lanak egitea, bai eta enpresaren tresnak norberarentzat erabiltzea ere, lanalditik kanpo izan arren, horretarako baimenik izan gabe (hutsegite arina izan liteke).

7.-Langileak ikusitako egintzak edo hutsegiteak ezkutatzea, horrek kalte larriak sortzen baditu, eta instalazioetan ikusten den edozein arazo garrantzitsuren berri buruari berehala ez ematea.

8.-Norberaren akatsak nahita ezkutatzea, enpresari kalteak sortzen ahal dizkioten arren.

9.-Enpresak emandako uniformea ez janztea.

10.-90 egun naturaleko epean 3 hutsegite arin edo gehiago egitea, desberdinak izan arren, aurretik hitzezko kargu-hartzea ez den zehapen bat jarri bazaio.

40. artikulua. Hutsegite oso larrien sailkapena.

Hutsegite oso larriak honako hauek dira:

1.-Lanera maiz berandu iristea edo ez joatea, bidezko arrazoirik gabe.

a) Lanera zortzi alditan baino gehiagotan berandu iristea arrazoirik gabe, hogeita hamar egun naturaleko epean, eta lanera hamasei aldiz berandu iristea arrazoirik gabe, 180 egun naturaleko epean.

b) Lanera ez joateagatiko hutsegitea: lanera hiru egunez ez agertzea, arrazoirik eman gabe, hiru hilabeteko epean.

2.-Agindutako kudeaketetan iruzur egitea, eta enpresari, lankideei edo beste edozeini lantoki barnean nahiz lanean beste edozein lekutan aritzean ebastea edo lapurtzea.

3.-Enpresaren lanabes, makineria, aparatu, instalazio, eraikin, altzari edo agiriak nahita desagerrarazi, ezdeus bihurtu edo hondatzea.

4.-Enpresaren edo langileen isilpeko eskutitzen edo agirien sekretua haustea.

5.-Enpresakoa ez den norbaiti nahitaez isilpean eduki beharreko datuak ezagutaraztea.

6.-Nagusi, mendeko edo lankideak jotzea edo iraintzea, norberaren defentsarako ez bada.

7.-Istripu larriak sorraraztea, zabarkeria edo zuhurtziagabekeria desenkusaezinagatik.

8.-Lankideekin liskarrak eta iskanbilak maiz sortzea, arrazoirik gabe.

9.-Segurtasun eta higieneagatik debekatuta dagoen tokietan erretzea. Debeku hori argi azaldu beharko da halako tokietan, kartelen, banderen edo beste edozein sistema egokiren bidez.

10.-Kontratuko onustea haustea, eta laneko konfiantza-abusua.

11.-Ohiko edota itundutako errendimendua luzaroan eta nahita gutxitzea.

12.-Enpresak emandako babes elementuak ez erabiltzea edo enpresak ezarritako segurtasun neurriak ez betetzea.

13.-Mozkortuta edo estupefazienteak hartuta maiz egotea, baldin eta lanean ondorio okerrak badakartza.

14.-Hutsegite larriak behin baino gehiagotan egitea, hots, gertaerako aurreko urtean langileari hirutan edo gehiagotan zehapenak jarri zaizkionean hutsegite larriengatik, nahiz eta izaera diferenteetakoak izan.

41. artikulua. Zehapenak.

Hutsegiteen arabera, zehapen hauek ezarriko dira:

1.-Hutsegite arinengatik:

-Ahozko kargu-hartzea.

-Idatzizko kargu-hartzea.

-Egun bateko edo bi eguneko enplegu-soldaten etenaldia.

2.-Hutsegite larriengatik:

-Hurrengo oporraldiko txanda hautatzeko eskubidea galtzea.

-Hiru egunetik hamabostera bitarteko enplegu-soldaten etenaldia.

-Goragoko kategoria batera pasatzeko gaitasuna kentzea hiru urterako gehienez.

3.-Hutsegite oso larriengatik:

-Hamasei egunetik hirurogeira bitarteko enplegu-soldaten etenaldia.

-Goragoko kategoria batera pasatzeko gaitasuna kentzea bost urterako gehienez.

-Oporraldiko txanda hautatzeko eskubidea galtzea.

-Kaleratzea.

42. artikulua. Zehapenak betetzea.

Zehapen guztiak ematen diren unetik beretik hasita betearaziko dira; horrek ez du alde batera uzten zehapena jasotzen duenak jurisdikzio eskudunean erreklamazioak egiteko duen eskubidea. Enpresako Zuzendaritzak zehapena betetzea atzeratzen ahalko du 3 hilabeteko epean.

43. artikulua. Preskripzioa.

Hutsegite arinak hamar egunen buruan preskribatuko dira, larriak hogei egunen buruan eta oso larriak hirurogeiren buruan, enpresa hutsegiteaz jakitun egindako egunetik aitzina eta, nolanahi ere, hutsegitea egin eta sei hilabeteren buruan.

44. artikulua. Prozedura.

1.-Enpresako Zuzendaritzari edo haren ordezkariari dagokio sariak eman edo zehapenak ezartzeko ahalmena.

2.-Enpresak langileen legezko ordezkariei eta ordezkari sindikalari, hala denean, jakinaraziko dizkie hutsegite larrien eta oso larrien ondorioz langileei ezartzen zaizkien zehapenak.

3.-Hutsegiteak arinak direnean ez da espedientea instruitu beharko. Hutsegite larrien edo oso larrien ondoriozko zehapenak ezartzeko ere ez da espedienterik instruitu beharko. Nolanahi ere, horiek idatziz jakinaraziko dira, eta idazkian zehatz azalduko da zer egitatek sortu duen hutsegitea eta nolako zehapena ezarriko den, non ez den hitzezko kargu-hartzea.

Gertaerak argitzearren, enpresak erabakitzen badu espedientea irekitzea zehapenak ezartzeko, interesdunak eskubidea izanen du deskargu orria aurkezteko eta proposatzen dituen eta instruktorearen ustez bidezkoak diren frogak gauzatzeko, eginbideak hasten direnetik hilabeteko epean gehienez.

4.-Hutsegite larri edo oso larri baten ondoriozko zehapena ezartzen zaienean karguetan dauden langileen legezko ordezkariei edo agintaldia bukatu eta urtebetea pasatua ez dutenei, aginduzkoa izanen da espedientea irekitzea, arau hauei jarraikiz:

a) Enpresak espedientea ireki dela jakinaraziko dio langileari eta, horrekin batera, espedientean azaltzen diren gertaerak biltzen dituen kargu orriaren berri emanen dio.

b) Enpresak idazkari bat eta insktruktore bat izendatuko ditu, eta horien izenak espedientea irekitzeko idazkian berean azalduko dira.

c) Instruktoreak idazki hori interesdunari igorriko dio, alegazioak egin eta bidezkoak iruditzen zaizkion frogak gauza ditzan bost eguneko epean.

d) Espediente irekitzea bukaturik, enpresak ondokoak jakinaraziko dizkio langileari, idatziz: ezarritako zehapena, zein egunetatik hasita izanen dituen ondorioak eta zehapenaren oinarri diren gertaerak.

45. artikulua. Enpresaburuen lan arloko arau-hausteak.

Abuztuaren 4ko 5/2000 Legegintzako Errege Dekretuan eta indarra duten gainerako legezko xedapenetan ezarritakoa aplikatuko da.

X. kapitulua-Segurtasuna eta higienea

46. artikulua. Arau orokorra.

Enpresak eta langileek konpromisoa hartu dute laneko arriskuen prebentzioari eta segurtasunari buruzko indarreko araudian xedatutako guztia betetzeko.

47. artikulua. Laneko segurtasuna

Segurtasun handiagoa lortzeko asmoz, Segurtasun eta Osasun Batzordean istripuak gertatzen direnean jarduteko prozedura egokia ezarriko da.

48. artikulua. Lokaletako higienea.

Lokalek baldintza egokiak izan behar dituzte osasun eta ingurumen aldetik, eta garbi eta higiene onarekin edukitzeko baliabideak izan; langileek enpresako zuzendaritzak horri begira ematen dituen arauak bete behar dituzte.

49. artikulua. Osasun azterketak.

Enpresak osasuna zaintzeko kontratatu duen erakundeak legearen arabera xedatzen duena beteko da.

Osasun azterketak lanpostu bakoitzaren ezaugarri berezien araberakoak izanen dira.

50. artikulua. Higiene zerbitzuak.

Lantokian edateko ura hartzeko behar beste toki izanen da, bai eta aldagelak, garbigelak, dutxak eta komunak ere, aplika daitezkeen arauetan ezarritakoaren arabera.

51. artikulua. Lanerako arropa.

Enpresak langile guztiei, oro har, lanerako honako arropa hauek emanen dizkie urtean behin, zein departamentutan lan egiten duten kontuan hartuta:

Hori behar duten kolektiboetako langileei haizetik babesteko jantzi polar bat emanen zaie urtean behin.

.Xarabe-egileak.

-2 atorra.

-2 praka pare (negurako bat eta udarako beste bat).

-2 bota pare.

-Txaleko bat.

-Jaka handi bat (beharren arabera).

.Eskorgak.

-2 atorra.

-2 praka pare (negurako bat eta udarako beste bat).

-2 bota pare.

-Txaleko bat.

-Jaka handi bat (beharren arabera).

.Produkzioa.

-2 atorra.

-2 praka pare (negurako bat eta udarako beste bat).

-2 bota pare.

-Txaleko bat.

.Mantentze lanak.

-2 atorra.

-2 praka pare (negurako bat eta udarako beste bat).

-2 bota pare.

-Txaleko bat.

-Txaketa bat.

-Jaka handi bat (beharren arabera).

Lantegian sartu behar duten administrazioko eta laborategiko langileek lanerako arropa egokiak jasoko dituzte.

Lanerako arropa horien kontserbazioa eta garbiketa langileen kontura izanen dira.

52. artikulua. Botika gela.

Enpresa aldez aurretik instalatutako botika gela edo osasun gela hornitzeaz eta mantentzeaz arduratuko da, segurtasun eta higiene arloan indarra duten xedapenei jarraikiz.

53. artikulua. Jantokiak.

Jantokiei dagokienez, indarra duen legerian ezarritakoari jarraituko zaio.

54. artikulua. Gaitasun urritua.

Laneko istripu edo lanbide eritasun baten ondorioz ondorio fisikoak edo psikikoak dituzten langile guztiek lehentasuna izanen dute deitzen diren lanpostu hutsak betetzeko, enpresaren ustez lanpostu huts horretarako eskatutako gutxieneko gaitasunak badituzte.

Kasu horietan, jaso beharreko ordainsaria lanpostu eta lanbide kategoria berriei dagokiena izanen da.

55. artikulua. Langileen higienea.

Jangaiak prestatzen eta maneiatzen zuzenean esku hartzen duten langileek zorrotz beteko dituzte higiene eta osasun neurri guztiak.

Enpresak beharrezkoak diren baliabide guztiak emanen dizkie, behar duten langileei, jangaiak erabiltzeko txartela lor dezaten.

Era berean, enpresak arauak ezarriko ditu, jangaiak zuzenean ukitu ez arren fabrikazio lanak egiten diren lokaletan sartu behar duten langileentzat.

Halaber, kontuan izanen da langileen higiene neurriei dagokienez indarra duen araudian ezarritakoa bete behar dela.

XI. kapitulua.-Langileen ordezkariak.

56. artikulua. Eskubide sindikalak

Enpresak errespetatu eginen du langile guztiek libreki sindikatzeko duten eskubidea, onartuko du sindikatu batean afiliatuta dauden langileek bilerak egin eta kuotak kobratu ditzaketela eta lanorduetatik kanpo eta enpresako ohiko jardueran etenik egin gabe sindikatuko informazioa banatu dezaketela; era berean, ezin izanen du ez afiliatzeko edo afiliazioa uzteko baldintza jarri langile batek bere lanpostuari eusteko, edo afiliazioagatik edo sindikatuko jardueragatik beste modu batez kalte egin langileari.

Sindikatuek informazioa bidaliko dute enpresara, banatu dadin, betiere lanorduetatik kanpo eta produkzio prozesua eten gabe. Lantokian iragarki ohol bat izanen da, behar adinako ordezkaritza duten sindikatuek oharrak jar ditzaten.

57. artikulua. Sindikatuak.

Enpresan titulartasun pertsonalaren bidez ordezkatua izateko eskubidea duela alegatzen duen sindikatuak behar bezala egiaztatu beharko du enpresaren aurrean; horren ondoren, enpresak onartuko du ordezkari sindikalak sindikatua ordezkatzeko ahalmena duela, legezko ondorioetarako.

Sindikatuko ordezkariak jarduneko langilea izan behar du enpresan, eta ordezkatzen duen zentral edo sindikatuko estatutuen arabera izendatua.

58. artikulua. Ordezkari sindikalaren eginkizunak.

a) Enpresak Enpresa Batzordearen eskura jartzen duen informazio eta dokumentazio bera eskuratzeko eskubidea izatea; ordezkari sindikalak isiltasun profesionalez jokatu behar du legez bidezkoa den gaietan.

b) Haren atal sindikalaren izenean enpresako hitzarmen kolektiboaren negoziazioan parte hartzea.

c) Enpresak ordezkariak esan beharrekoa entzuteko eskubidea izatea, langile guztiei eta, bereziki, bere sindikatuko afiliatuei eragiten dieten neurri kolektiboak hartu aurretik, batez ere iraizpenetan eta zehapenetan.

d) Arrazoi ekonomikoak, teknikoak, antolaketakoak edo ekoizpenekoak direla-eta enpresaburuak lan kontratuak suntsitu nahi dituenean, bete behar den eztabaida eta kontsulta aldian parte hartzeko eskubidea izatea.

e) Lan gatazka kolektiboei buruzko prozesuak sustatzeko legitimazio aktiboa.

f) Enpresa Batzordearen segurtasun eta osasun arloko bileretara joateko eskubidea izatea, hizpidea bai baina botorik gabe.

59. artikulua. Enpresa batzordearen eskumenak.

Enpresa Batzordeak honako eskumen hauek izanen ditu:

1. Hiru hilean behin bederen ondokoen gainean emanen zaien informazioa jasotzea: enpresaren sektore ekonomikoaren eboluzio orokorra, entitatearen produkzio eta salmenta egoera, enpresaren produkzio programa eta enpleguak izan dezakeen eboluzioa, bai eta enpresaburuek kontratu berriak egiteko dituzten aurreikuspenak, zenbat eta zein modalitatetakoak izanen liratekeen zehaztuz eta, berdin, kontratu motak eta azpikontratazio kasuak.

2. 8. artikuluko 3. atalaren a) lerroaldean aipatzen diren kontratuen kopia jasotzea, eta horien luzapen eta amaierak jakitea, hori gertatu eta hamar eguneko epean.

3. Balantzea, emaitzen kontua, memoria eta bazkideei ematen zaizkien gainerako agiriak ezagutzea, horien baldintza berberetan.

4. Txostena egitea, enpresaburuak ondoko arlo hauetan hartzen dituen erabakiak gauzatu aurretik:

-Plantilla berregituratzea eta hartan izaten diren uzte erabatekoak edo partzialak, behin betikoak edo aldi batekoak.

-Lanaldi murrizketak, eta instalazioen lekualdaketa erabatekoak edo partzialak.

-Enpresaren lanbide heziketako planak.

-Lanaren antolaketako eta kontroleko sistemak ezarri edo berrikustea.

-Denborak aztertzea, prima edo pizgarrien sistemak ezartzea eta lanpostuen balorazioa egitea.

-Txostena egitea, enpresaren "status" juridikoaren bat-egiteak, xurgapenak edo aldaketak enplegu kopuruan eragina baldin badu.

-Enpresak erabiltzen dituen lan kontratu idatziko ereduak ezagutzea, bai eta lan harremana zehaztearen inguruko agirienak ere.

-Hutsegite larriengatik edo oso larriengatik langileei jartzen zaizkien zehapen guztien berri izatea.

-Hiru hilean behin bederen ondokoei buruzko estatistikak jasotzea: absentismo indizea eta horren arrazoiak, lan istripuak eta lanbideari lotutako eritasunak eta horien ondorioak, ezbehar-tasak, laneko ingurumen arloko aldian aldiko azterketak edo azterketa bereziak eta erabiltzen diren prebentzio baliabideak.

-Honako lanak egitea:

a) Lan, gizarte segurantza eta enplegu arloetan arauak eta enpresako gainerako itun, baldintza eta ohiturak betetzen diren begiratzea, eta enpresaren eta erakunde edo epaitegi eskudunen aurrean bidezkoak diren legezko ekintzak gauzatzea, hala behar denean.

b) Enpresako lanetan segurtasun eta higiene baldintzak betetzen diren begiratzea eta kontrolatzea, Langileen Estatutuko 19. artikuluan horren inguruan ezarritako berezitasunak kontuan hartuta.

60. artikulua. Kuota sindikala.

58. artikuluan aipatzen den ordezkaritza duten sindikatuetako langile afiliatuek eskaturik, enpresak langileen hileko kuotatik kenduko du dagokien sindikatuko kuotaren zenbatekoa.

Eragiketa hori egin nahi duen langileak idazki bat bidaliko du enpresako Zuzendaritzara, datu hauek emateko: deskontua egiteko agindua argi adierazia, zein sindikatutakoa den, kuotaren zenbatekoa eta diru transferentzia jasoko duen kontu korrontearen edo aurrezki kutxako libretaren zenbakia. Enpresak urtebetez eginen du kenketa, interesdunak kontrakorik adierazten ez badu behintzat.

Enpresako zuzendaritzak transferentziaren kopia emanen dio sindikatuak enpresan duen ordezkaritzari, halakorik baldin bada.

61. artikulua. Orduak metatzea.

Enpresa batzordeko kideek Langileen Estatutuan ezarritako ordu ordainduak izanen dituzte hilean beren ordezkaritza lanak egiteko, segurtasun eta osasun arloko prebentziorako orduak barne.

Hileko ordu ordainduen metaketari dagokionez, batzordeko kideek, batzordeko kide diren aldetik, bakoitzari dagozkion orduen 100eko 100era bitarte laga diezaiokete beren sindikatuko langile bati. Lagatuko diren orduak hilean hilekoak izanen dira, eta orduak lagatu baino hamar egun lehenago, gutxienez, esan behar zaio enpresako zuzendaritzari.

62. artikulua. Sindikatuen kontrako jarduketak.

Aldeetako baten batek uste badu sindikatuen kontrakoak diren jarduketak egin direla, legeetan ezarritakoari jarraituko zaio.

63. artikulua. Ingurumeneko ordezkaria.

Enpresa Batzordeak ingurumeneko ordezkariaren figura sortuko du, bere kideetako bat hautatuz eta laneko arriskuen prebentzioko ordezkari baten jarraibideei jarraikiz.

Haren eginkizunak eta eskumenak arautu beharko dira.

64. artikulua. Arau erreferentzia.

Aurreko artikuluetan berariaz bildu ez den orotan, ekintza sindikalaren arloko aldeek Langileen Estatutuan eta Askatasun Sindikalaren Lege Organikoan xedatutakoa bete beharko dute.

I. ERANSKINA

Oposizio-lehiaketaren deialdia

Lanpostua:

Iraupena:

Lanb. taldea:

Atala: XXXX

Txostena: (e)ko arduradunari bidaltzea

Ordutegia:

Eginkizunak:

Baldintzak:

Honako hau baloratuko da:

Lanpostu horretan interesatuta dauden langile guztiek eskabidea aurkeztu beharko dute Giza Baliabideetako atalean, ...........aren ..... (e)ra arte, CV eguneratuarekin batera.

Adeitasunez,

Giza Baliabideak.

Argitalpen-data: ... / ... / ......

II. ERANSKINA

Oposizio-lehiaketaren ebazpena

Norentzat: langile guztiak

Data: ... / ... / ......

Kopia: Enpresa Batzordea.

Nork egin du?: Giza Baliabideak.

Ebazpena.

Oposizio-lehiaketa bidez.

Deitutako lanpostua:

Lanbide taldea:

Jasotako eskabideak:

Baldintzak betetzen dituztenak:

Aukeratutako hautagaia:

Besterik gabe, hartu agur bero bat.

Giza Baliabideak.

III. ERANSKINA

2008ko behin-behineko soldata taulak

2008ko urtarrilaren 1etik 2008ko abenduaren 31ra: %%%%(2+%0,5).

1. TAULA.-2008

Igoera: Igoera: %2,50 (langile guztiak).

O. SOLDATA JARDUERA LANP. OSAG. HIL. GUZT. URT. GUZT.

606,91 220,95 140,22 968,08 13.553,15

667,60 243,05 154,24 1.064,90 14.908,59

697,94 254,10 161,26 1.113,29 15.586,07

728,28 265,15 168,28 1.161,72 16.264,03

758,63 276,22 175,28 1.210,13 16.941,77

788,97 287,24 182,28 1.258,50 17.619,00

849,68 309,35 196,33 1.355,36 18.975,09

1.031,75 375,64 238,38 1.645,77 23.040,76

1.213,81 441,94 280,46 1.936,21 27.106,93

2. TAULA.

Produkzio, Biltegi, Xarabe, Mantentze lan eta Kalitateko langileak (asteburuetako atxikiak).

O. SOLDATA JARDUERA LANP. OSAG. HIL. GUZT. URT. GUZT.

606,91 220,95 197,36 1.025,22 14.353,11

667,60 243,05 211,38 1.122,04 15.708,55

697,94 254,10 218,40 1.170,43 16.386,03

728,28 265,15 225,42 1.218,86 17.063,99

758,63 276,22 232,42 1.267,27 17.741,73

788,97 287,24 239,42 1.315,64 18.418,96

849,68 309,35 253,47 1.412,50 19.775,05

1.031,75 375,64 295,52 1.702,91 23.840,72

1.213,81 441,94 337,60 1.993,35 27.906,89

2008 (hitzarmenak irauten duen bitartean Espainiako egiazko KPI gehituta).

Xarabe-egilearen p.: 48,06.

Betetzailearen p.: 24,03.

Txandako lanaren p.: 162,15.

Aurreformetako ataleko langileei ez zaie aplikatuko Produkzio, Biltegi, Xarabe, Mantentze lan eta Kalitateko langileek 2008an jasotzen duten eta lanpostuaren osagarriaren barnean sartu den 2. taula (800 euro gehituta urtero).

Oharra.-Langileei errespetatu eginen zaizkie hitzarmen kolektibo honen indarraldia hasterakoan, batera hartuta edo urteko konputuan, hura gainditzen duten baldintza pertsonalak. Horrela, 2008rako aurretik aipatutako taulak eraginkorrak izanen dira urtarrilaren 1etik aitzina. Horren ondorioz, aurreko hitzarmenaren arabera urtean ordaindu diren larunbat, igande eta jaieguneko lanagatiko plusak zenbateko berrira egokitu eta aldea orain arte sortutako atzerapenen zenbatekoarekin irentsi beharko da.

Doikuntza hori 2008ko atzerapenak diru bihurtzen diren unean eginen da.

IV. ERANSKINA

Etengabeko prestakuntza

Refrescos de Sur Europa enpresako Zuzendaritzak ordezkari sindikalei hitz eman die plantillako langileen etengabeko prestakuntza sustatuko duela. Bi aldeek enpresako langileen etengabeko eguneratzea sustatu nahi dute.

Langileen kualifikazioa langileen eskubidea da, eta tresna, beren garapenerako, desberdintasunak murrizteko eta enpresa barnean sustatzeko. Horretaz gain, balio estrategikoa da, langileentzat eta enpresarentzat.

Arlo honetan indarra duten arauetan ezarritakoa aplikatuko da.

V. ERANSKINA

Lanbide sailkapena

Hitzarmen hau sinatu duten aldeek egiaztatu dute jarraian definitu diren lanbide kategoriak eta taldeak arlo horretan sektoreak eskatzen dituen gaur egungo beharrizanetarako egokiak direla, arrazoizko produkzio egitura lortzeko asmoz.

-1. lanbide taldea:

Peoia: prestaketa edo trebakuntza berezirik gabe, ahalegin fisikoa egitea bakarrik eskatzen duten eginkizunez arduratzen den langilea da.

-2. lanbide taldea:

Espezialista: peoiaren gaitasunetik gorakoa dakarten praktika, espezialitatea eta arreta eskatu arren, etengabe eginkizun jakin eta zehatzak egiten dituen langilea da, lanbide zehatza ez badauka ere.

Menpeko langilea: oro har erabateko leialtasuna eta konfiantza eskatzen dituzten eginkizunak gauzatzen dituen langilea da. Salbuespenak salbuespen, eginkizun horietarako lehen mailako prestakuntzatik gorakoa izan edo kasuan kasu adierazten diren betekizunak bildu baino ez da behar, karguari atxikitako erantzukizunak norberaren gain hartuta.

-3. lanbide taldea:

Administrari laguntzailea: langile horrek, ekimen propiorik izan gabe, administrazioko oinarrizko eragiketak egiten ditu, batik bat horiei dagozkien lan mekanikoak.

Era berean, beste eginkizun burokratiko batzuk egiten ahalko dituzte, hala nola izakinak zenbatu eta idaztea, horiek mugitu eta egiaztatzea eta abar.

Telefonista laguntzaileen kategoriarekin parekatuko da, haren eginkizuna enpresaren bulegoetan instalatutako telefono gunea zaindu eta bertan arreta eskaini, telefono deiak egin eta jaso eta abisuak idatzi eta jakinaraztea baita. Administrazioko zeregin errazak egiteko agintzen ahalko zaio telefono guneak haren arreta behar ez duenean eta haren eginkizun nagusiarekin bateraezinak ez direnean.

Ofizioko urgazlea: ofizialei haien lanetan laguntzen dien eta noizean behin lan hutsalagoak -hala nola garbitu, ikusi, etiketatu eta garraiatzeko behar diren eskuzko eragiketak edota mekanikoak egitea- egiten dituen langilea da. Halaber, botilatzeko makinetan, eta ontziratzearen, lehengaien, osagarrien, amaierako produktuen eta erdilanduen ataletan eragiketak eginen ditu, eskuz edo baliabide mekanikoak erabiliz.

-4. lanbide taldea:

Fabrikazioko bigarren mailako ofiziala: lan perfektuek eskatzen duten espezializaziora iritsi ez arren, lanbide bateko lanak nahiko zuzentasun eta eraginkortasunez egiten dituen langilea da. Hainbat makina -adibidez, botilatzeko makinak, makina dosifikatzaileak, tapoia jartzen dutenak eta asetzekoak- zaintzeko ardura hartuko du. Hala denean, jasomakinez ere arduratu beharko da eta horretarako, gidabaimena izatea eskatuko zaio.

Logistikako bigarren mailako ofiziala:

Bigarren mailako administrari-ofiziala: ekimen eta erantzukizun mugatuz lehen mailako ofizialari laguntzen dion langilea da, zereginaren garrantziak hala agintzen badu. Gauzak horrela, artxiboak eta fitxategiak antolatu, postaz arduratu, soldatak likidatu eta langileen dokumentazioa prestatzen du. Kategoria horretan sartzen dira funtsezko ezagutzak dituzten administrariak, hau da, 1. mailako ofizialei atzerriko hizkuntzen eta tresna informatikoen inguruan eskatutako ezagutzen maila ez dutenak.

-5. lanbide taldea:

Fabrikazioko lehen mailako ofiziala: langile hori, lanbide bat izanik, halako perfekzio eta errendimendu mailarekin aritzen da horretan, non lan orokorrak ez ezik, ahalegin eta arreta berezia eskatzen dutenak ere egiten baititu.

Xarabe-egilea: xarabeak egiteko behar diren lanak egiteaz arduratzen den langilea, emandako arauak eta formulak errespetatuta eta lehengaiak, osagarriak eta amaierako produktuak zuzen erabili, tratatu eta kontserbatzea zainduta.

Lehen mailako ofizial administraria: ekimenez eta esleitutako eginkizunen gaineko erantzukizunez eta bere agindupean beste langile batzuk izanda (edo horiek gabe), honako lan guztiak edo horietako batzuk bere ardurapean dituen langilea da: kutxazaina, hots, ekimenez eta erantzukizunez espezializazioa, azterketa, prestakuntza eta baldintza egokiak eskatzen dituzten kutxa lanak esleituta dituena; kontabilitateko idazpenak egitea; eta kalkulua eta azterketa eskatzen dituzten dokumentuak idaztea. Kategoria hori izateko, beharrezkoa izanen da atzerriko hizkuntza bat jakitea (ahal dela, ingelesa, frantsesa edo alemana), Hizkuntza Eskola Ofizialeko 3. mailako titulu ofiziala edo nazioartean aintzatetsi diren titulu baliokideak aurkeztuz egiaztatzen ahal dela. Era berean, ofimatikako tresnak eta programak -Windows ingurunea- erabiltzaile aurreratuaren mailan erabiltzen dakitela egiaztatu beharko dute (Office multzoa, MS Word, Excel, access, powerpoint eta Outlook barne hartzen dituena); posta elektronikoa eta Interneteko nabigazioa maila aurreratuan erabiltzea; eta kontabilitate eta enpresa kudeaketako tresna informatikoak maila aurreratuan erabiltzea (contaplus motakoak edo antzekoak).

Ofizioko bigarren mailako ofiziala: zerbitzu osagarri eta gehigarriez arduratzen den langilea da. Zerbitzu mota horretan agintzen zaizkion lanak egiten ditu, behar bezalako praktika izanda baina lehen mailako ofizialaren perfekzio maila izan gabe.

Logistikako lehen mailako ofiziala: produkzioa zaindu eta kontrolatzeaz, zamaketa zuzenaz, norberaren eta besteen ibilgailuen zamalanez, enpresarako edozein motatako salgaiak jasotzeaz eta bulego guztiak garbitu eta ordenatzeaz arduratzen den langilea da.

-6. lanbide taldea:

Laborategiko teknikari laguntzailea: edari freskagarriak egiteko ezagutza praktikoak izanda, haren nagusien agindupean eginkizunak gauzatzen dituena da.

Arduraduna: laneko arauak langile zehatz batzuei aplikarazteko eginkizunak edo enpresaren plan orokorretan adierazitako helburuak lortzeko eginkizunak gauzatzen dituena da, horiek zehatz betetzen direla zainduta eta haren hurbileko nagusiei menpeko langileen eginkizunen garapenaren inguruan interesgarria den edozer jakinarazita uneoro.

Ofizioko lehen mailako ofiziala: zerbitzu osagarri edo gehigarriez arduratzen den langilea da. Industriako lan osagarri edo gehigarriak, normalean tailerreko mekanikariei, doitzaileei, argiketariei, arotzei, pintoreei, errotulatzaileei, iturginei, igeltseroei, gidariei eta abarri dagozkienak, egiteko agintzen zaio eta berak lanbidearen gaineko ezagutza zuzena eta jarduna egiaztatzen dituzten trebetasun eta hobezintasunez egiten ditu.

Merkataritza teknikaria: Merkataritza teknikaria: salmentak sustatu eta aztertzeko jarduerak zein publizitate arlokoak egiteaz arduratzen den langilea da, egunero haren nagusiei kudeaketaren berri emanda.

-7. lanbide taldea:

Erdi mailako tituludunak: ingeniari teknikoak, arkitekto teknikoak, osasun-laguntzaile teknikoak, lan-harremanetako gradudunak, industri maisuak, etab., daukaten titulua dela-eta itundutako lan harremanari jarraikiz enpresari lotuta daudenak, tituluak ematen duen gaikuntzaren araberako eginkizunak egiteko, beren betebeharra normaltasunez eta erregulartasunez gauzatzen badute.

Biltegiko arduraduna: arduraduna nagusiaren edo ataleko buruaren eginkizunak gauzatzen dituen langilea da, baina enpresako biltegi atalera mugatuta dago.

-8. lanbide taldea:

Goi mailako tituludunak: unibertsitateko edo goi eskola teknikoko goi mailako titulua izanda, daukaten titulu hori dela-eta itundutako lan harremanari jarraiki enpresari lotuta daudenak tituluak ematen duen gaikuntzaren araberako eginkizunak egiteko, beren betebeharra normaltasunez eta erregulartasunez gauzatzen badute.

Mantentze lanetako arduraduna: arduradun nagusiaren edo ataleko buruaren eginkizunak gauzatzen dituen langilea da, baina enpresako mantentze lanetako atalera mugatuta dago.

Garraioen arduraduna: arduradun nagusiaren edo ataleko buruaren eginkizunak gauzatzen dituen langilea da, baina enpresako garraio atalera mugatuta dago.

Plangintzako arduraduna: arduradun nagusiaren edo ataleko buruaren eginkizunak gauzatzen dituen langilea da, baina enpresako plangintza atalera mugatuta dago.

-9. lanbide taldea:

Ataleko burua: Zuzendaritzaren zuzeneko agindupean, hainbat atal koordinatu eta kontrolatzen dituen langilea da, planak, programak eta jarduerak garatuta, bere agindupean langileak izanda zein ez lan egokiak gauzatzeko aginduta eta, hala denean, langileen prestaketa eta diziplina bere ardurapean izanda. Bere kudeaketaren erantzulea izanen da enpresako Zuzendaritzaren aurrean.

VI. ERANSKINA

Laneko gatazkak konpontzea

Oinarrizko hitzarmen hau sinatu duten alderdiek erabaki dute hitzarmen hau interpretatzean sortzen diren desadostasun eta gatazka guztiak, bai taldekoak bai banakakoak, Nafarroako Lan Gatazkak Konpontzeko Auzitegiaren esku jartzea, bitartekotza eta adiskidetze faseetan, eta alderdiak beren borondatez aipatu auzitegiaren arbitraje prozeduraren esanetara jartzeko ahaleginak eginen direlako konpromisoa agertzea.

Klausula hau, beraz, alderdiak Lan Gatazkak Konpontzeko Auzitegiari atxikitzearen adierazpena da, L.E.ko 83. artikuluak arautzen duen eraginkortasun orokorreko izaera du eta, horren ondorioz, itunak enpresaburuak, ordezkari sindikalak eta langileak behartzen ditu beren desadostasunak epaiketara jo aitzin aipatu auzitegiaren bitartekotza eta adiskidetze prozeduretan azaltzera. Hori horrela, ez da nahitaezkoa atxikimendu espresua eta banakakoa egitea, arbitrajera borondatez lotzeko ez bada, zeina bultzatzeko eta sustatzeko konpromisoa hartu baitute lan hitzarmen honen sinatzaileek.

VII. ERANSKINA

Batzorde paritarioa

Refrescos de Sur Europa enpresaren hitzarmen kolektiboaren Batzorde Paritarioa sortu da.

-Hona hemen Batzorde Paritarioaren eginkizunak:

a) Haren esku jartzen diren banakako eta taldeko gatazketan bitartekari, arbitraje eta adiskidetze lana egitea.

b) Akordio guztien interpretazio lanak egitea.

c) Akordio guztien jarraipen lanak egitea.

-Akordioak. Batzorde Paritarioak denen intereseko arloetan hartzen dituen akordioak oinarrizko hitzarmen honen partetzat joko dira eta horiek ere bete beharrekoak izanen dira. Halako akordioak lan arloko agintaritzari igorriko zaizkio, erregistra ditzan.

-Osaera. Batzordea honela osatuko da:

.Langileen 3 ordezkarien izenak:

-Martín Fuentes Medina.

-Oliver Valer Vera.

-Oscar Goñi Sobejano.

.Eta enpresako 3 ordezkarien izenak:

-Mari Cruz Fabo Navarro.

-José Manuel Herráiz Venancio.

-Juan Andrés Montero Vilela.

-Funtzionamenduko erregelamendua.

-Bilerak. Batzorde Paritarioa zeregin hauetarako bilduko da:

Aurreko artikuluko 1 a) eta b) atalean aipatutako eginkizunak betetzeko, esku hartzeko eskatzen zaionean.

-Deialdiak. Batzorde Paritarioa biltzeko deia enpresako Zuzendaritzak edo langileen ordezkariek eginen dute, eta horretarako aski izanen da idatzizko komunikazio bat, eguneko gai zerrenda azalduko duena.

Batzorde paritarioa bilduko da gaiaren garrantziaren arabera komeni den epearen barnean, baina deialdia egin eta hamabost eguneko tartean gehienez.

Epe horretan batzordea biltzen ez bada, Batzorde Paritarioaren esku-hartzea amaitu dela ulertuko da eta interesdunak bidezko iruditzen zaizkion ekintzak baliatzen ahal izanen ditu.

-Quoruma-Aholkulariak. Batzordea eratutzat joko da ordezkaritza bakoitzaren gehiengo soila bertaratzen denean. Aldeak bileratara joaten ahal dira bina aholkulari hartuta, gehienez.

-Akordioen baliozkotasuna. Batzordeak akordioak adosteko, edonola ere bi ordezkaritzetako bakoitzaren 100eko 60aren aldeko botoa beharko da.

Bilera bakoitzaren akta eginen da, eta idazkariek eta alderdi bakoitzeko ordezkari batek sinatuko dute.

-Helbidea. Batzorde Paritarioak enpresaren lokaletan izanen du jakinarazpen eta deialdietarako helbidea: Geltokiaren bidegurutzea etorbidea, zk.g., Martzilla.

-Batzorde Paritarioaren mende jarri beharra. Alderdiek Batzorde Paritarioaren mende jarri behar dituzte edozein ekintza judizial edo administratiboren aurretik sortzen diren interes orokorreko gai guztiak, nahiz eta horrek ez duen galarazten gero eskubide kolektiboak erabili ahal izatea. Nolanahi ere, onustearen printzipioari jarraituz negoziatu beharko da.

VII. ERANSKINA

Laneko egonkortasuna

1. Hitzarmena sinatzearekin batera, honako hauek kontratu mugagabeko langile bihurtuko dira:

a) Javier Casado.

b) Jesús Gallego.

c) Gema Donamaría.

d) Susana Jiménez.

e) Beatriz Ferrero.

IX. ERANSKINA

Olivarako lekualdaketak

Enpresak langile batzuk Olivako (Valentzia) lantokira lekualdatzea proposatzen badu, langile horiek honako aukera hauek izanen dituzte:

a) Lekualdaketa onartzea: urteko soldata gordinaren hamabirena ordainduko da, lekualdaketa-gastuak direla eta.

b) Lekualdaketa ukatzea: 45 eguneko soldata jasoko da enpresan lan egindako urte bakoitzeko, 30 hilabeteko soldata gehieneko muga izanda.

Iragarkiaren kodea: F0815476