I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
700/2008 EBAZPENA, urriaren 30ekoa, Nafarroako Kirolaren Institutuko zuzendari kudeatzaileak emana, Miguel Izquierdo Redín jauna Nafarroako Kirolaren Institutuko Kirolaren Azterlan, Ikerketa eta Medikuntzako Zentroko Ikerketa Unitate Teknikoko buru izendatzen duena, bitarte baterako.
Nafarroako Kirolaren Institutua erakunde autonomoko estatutuetako III. kapituluko 12. artiluko m) idatz-zatian xedatutakoa betez, Funtzio Publikoaren Zuzendaritza Nagusiak izendapenaren aldeko txostena emana du.
Nafarroako Foru Komunitateko Administrazioaren eta haren erakunde autonomoen organoetako langileen arloko eskudantziak zehazten dituen otsailaren 21eko 30/2005 Foru Dekretuak lehenbiziko xedapen gehigarrian ezartzen du erakunde autonomoetako burutzak bitarte baterako betetzeko araubidea kasuan kasuko erakundearen estatutuetan ezarriko dela.
Horrenbestez, Nafarroako Kirolaren Institutua erakunde autonomoaren estatutuak onetsi zituen martxoaren 17ko 18/2008 Foru Dekretuaren 12. artikuluak ematen dizkidan eskumenei jarraikiz,
EBATZI DUT:
1. Miguel Izquierdo Redín jauna Nafarroako Kirolaren Institutuko Kirolaren Azterlan, Ikerketa eta Medikuntzako Zentroko Ikerketa Unitate Teknikoko buru izendatzea, bitarte baterako.
2. Ebazpen hau Nafarroako ALDIZKARI OFIZIALean argitaratzea, behar diren ondorioak izan ditzan.
3. Ebazpen hau jakinaraztea interesdunari, Nafarroako Kirolaren Institutuari eta Funtzio Publikoaren Zuzendaritza Nagusiko Langileriaren Gastuaren Kontrolaren eta Nominen Zerbitzuari, Lan Harremanen eta Antolamenduaren Zerbitzuari eta Langileriaren Kudeaketa Zerbitzuari, behar diren ondorioak izan ditzan.
Iruñean, 2008ko urriaren 30ean.-Nafarroako Kirolaren Institutuko zuzendari kudeatzailea, José Javier Esparza Abaurrea.
Iragarkiaren kodea: F0816592
