Iragarkia
133. ALDIZKARIA - 2008ko urriaren 31
I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Publikoaren Eskaintza, oposizioak eta lehiaketak
DEIALDIA, Nafarroako Administrazio Publikoaren Institutuko zuzendari kudeatzaileak urriaren 20ko 185/2008 Ebazpenaren bitartez onetsia. Honen bidez bete nahi dira Nafarroako Foru Komunitateko Administrazioaren eta haren erakunde autonomoen zerbitzuko administrari laguntzaile izateko 148 lanpostu huts, oposizio bidez. Lanpostu hauetatik 22 lan araubidekoak dira (21 lanaldi partzialeko kontratuarekin eta 1, aldizka aritzeko kontratu finkoarekin).
Nafarroako Administrazio Publikoaren Institutuko zuzendari kudeatzaileak, urriaren 20ko 185/2008 Ebazpenaren bitartez, Nafarroako Foru Komunitateko Administrazioaren eta haren erakunde autonomoen zerbitzuko administrari laguntzaile izateko 148 lanpostu huts oposizio bidez betetzeko deialdia onetsi du. Lanpostu hauetatik 22 lan araubidekoak dira (21 lanaldi partzialeko kontratuarekin eta 1, aldizka aritzeko kontratu finkoarekin).
Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako oinarriak.
OINARRIAK
1.-Deialdiaren xedea.
1.1. Deialdi honen xedea administrari laguntzaile izateko 148 lanpostu huts oposizio bidez betetzea da, txanda hauetan banaturik:
-68 lanpostu txanda irekian.
-68 lanpostu igoera txandan.
-12 lanpostu txanda murriztuan, %33ko edo hortik gorako ezgaitasuna duten pertsonendako.
1.2. Hauek dira eskaintzen diren lanpostu hutsak:
-1 Toki Administrazioko Departamentuan, Idazkaritza Tekniko Nagusiari atxikia, Iruñean aritzeko. Lanpostu zenbakia: 7485.
-3 Familia, Gazteria, Kirol eta Gizarte Gaietako Departamentuan:
.1 Gizarte Gaien eta Garapenerako Lankidetzaren Zuzendaritza Nagusian, Iruñean aritzeko. Lanpostu zenbakia: 7246.
.1 Familiaren, Haurraren eta Kontsumoaren Zuzendaritza Nagusian, Iruñean aritzeko. Lanpostu zenbakia: 2852.
.1 Idazkaritza Tekniko Nagusian, Iruñean aritzeko. Lanpostu zenbakia: 4923.
-1 Vianako Printzea Erakundea-Kultura eta Turismo Departamentuan, Kultura Zuzendaritza Nagusiari atxikia, Cordovillan aritzeko. Lanpostu zenbakia: 4918.
-2 Landa Garapeneko eta Ingurumeneko Departamentuan:
.1 Ingurumenaren eta Uraren Zuzendaritza Nagusian, Iruñean aritzeko. Lanpostu zenbakia: 7497.
.1 Idazkaritza Tekniko Nagusian, Iruñean aritzeko. Lanpostu zenbakia: 8179.
-3 Ekonomia eta Ogasun Departamentuan, Nazioarteko Garapeneko Zuzendaritza Nagusiari atxikiak, Iruñean aritzeko, eta ingelesez jakin beharra daukatenak. Lanpostu zenbakiak: 3511, 8145 eta 8146.
-1 Nafarroako Zerga Ogasunean, lan araubidekoa eta aldizka aritzeko kontratuarekin, Iruñean aritzeko. Lanpostu zenbakia: 4251.
-30 Hezkuntza Departamentuan:
.1 Antsoaingo "Ezkaba" ikastetxe publikoan. Euskarazko 3. jakite maila behar da. Lanpostu zenbakia: 36355.
.2 Barañainen:
-1 "Los Sauces (Sahats)" ikastetxe publikoan. Lanpostu zenbakia: 34212.
-1 Barañaingo "Alaiz" Bigarren Hezkuntzako Institutuan, lanaldi partzialeko kontratupeko lan araubidean aritzeko. Euskarazko 3. jakite maila behar da. Lanpostu zenbakia: 37594,.
.1 Beriaingo ikastetxe publikoan, lanaldi partzialeko kontratupeko lan araubidean aritzeko. Lanpostu zenbakia: 37586.
.1 Burlatako "Askatasuna" Bigarren Hezkuntzako Institutuan. Euskarazko 3. jakite maila behar da. Lanpostu zenbakia: 37582.
.1 Cascanteko "Santa Vicenta María" ikastetxe publikoan, lanaldi partzialeko kontratupeko lan araubidean aritzeko. Lanpostu zenbakia: 37587.
.1 Castejongo "Dos de Mayo" ikastetxe publikoan, lanaldi partzialeko kontratupeko lan araubidean aritzeko. Lanpostu zenbakia: 37588.
.1 Cintruenigoko "Otero de Navascués" ikastetxe publikoan. Lanpostu zenbakia: 35723.
.1 Uharteko "Virgen Blanca" ikastetxe publikoan, lanaldi partzialeko kontratupeko lan araubidean aritzeko. Lanpostu zenbakia: 37465.
.1 Irurtzungo "Atakondoa" ikastetxe publikoan, lanaldi partzialeko kontratupeko lan araubidean aritzeko. Lanpostu zenbakia: 37454.
.1 Larraintzarko DBHIan. Euskarazko 3. jakite maila behar da. Lanpostu zenbakia: 36113.
.1 Mendabiako "Joaquín Romera" DBHIan. Lanpostu zenbakia: 37580.
.1 Murchanteko "Mardones y Magaña" ikastetxe publikoan, lanaldi partzialeko kontratupeko lan araubidean aritzeko. Lanpostu zenbakia: 37589.
.1 Erriberriko "Príncipe de Viana" ikastetxe publikoan, lanaldi partzialeko kontratupeko lan araubidean aritzeko. Lanpostu zenbakia: 37467.
.13 Iruñean:
-1 "Arturo Campión" ikastetxe publikoan, lanaldi partzialeko kontratupeko lan araubidean aritzeko. Euskarazko 3. jakite maila behar da. Lanpostu zenbakia: 37583.
-1 "Ave María" ikastetxe publikoan, lanaldi partzialeko kontratupeko lan araubidean aritzeko. Lanpostu zenbakia: 37585.
-1 "Axular Ikastola" ikastetxe publikoan, lanaldi partzialeko kontratupeko lan araubidean aritzeko. Euskarazko 3. jakite maila behar da. Lanpostu zenbakia: 37591.
-1 "Iturrama" ikastetxe publikoan. Lanpostu zenbakia: 31516.
-1 "Patxi Larráinzar" ikastetxe publikoan, lanaldi partzialeko kontratupeko lan araubidean aritzeko. Euskarazko 3. jakite maila behar da. Lanpostu zenbakia: 37592.
-1 "San Francisco" ikastetxe publikoan, lanaldi partzialeko kontratupeko lan araubidean aritzeko. Euskarazko 3. jakite maila behar da. Lanpostu zenbakia: 37466.
-1 "Vázquez de Mella" ikastetxe publikoan, lanaldi partzialeko kontratupeko lan araubidean aritzeko. Lanpostu zenbakia: 37584.
-1 Euskarabidea/Euskararen Nafar Institutua erakunde autonomoari atxikia. Euskarazko 3. jakite maila behar da. Lanpostu zenbakia: 36061.
-2 Ikuskapenaren eta Zerbitzuen Zuzendaritza Nagusian. Lanpostu zenbakiak: 35724 eta 36352.
-1 Antolamenduaren, Kalitatearen eta Berrikuntzaren Zuzendaritza Nagusian. Lanpostu zenbakia: 35617.
-1 Nafarroako Urrutiko Hizkuntza Eskola Ofizialean. Lanpostu zenbakia: 35726.
-1 Hizkuntza Eskola Ofizialean. Lanpostu zenbakia: 33438.
.1 Ribaforadako "San Bartolomé" ikastetxe publikoan, lanaldi partzialeko kontratupeko lan araubidean aritzeko. Lanpostu zenbakia: 37590.
.1 Tuterako Hizkuntza Eskola Ofizialean. Lanpostu zenbakia: 35719.
.1 Atarrabiako "Atargi" ikastetxe publikoan, lanaldi partzialeko kontratupeko lan araubidean aritzeko. Euskarazko 3. jakite maila behar da. Lanpostu zenbakia: 37593.
-3 Berrikuntza, Enpresa eta Enplegu Departamentuan:
.1 Herri Lan Zuzendaritza Nagusian, Iruñean aritzeko. Lanpostu zenbakia: 2629.
.2 Idazkaritza Tekniko Nagusian, Iruñean aritzeko. Lanpostu zenbakiak: 2625 eta 7522.
-2 Nafarroako Enplegu Zerbitzuan, Iruñean aritzeko. Lanpostu zenbakiak: 6252 eta 6200.
-1 Herri Lan, Garraio eta Komunikazio Departamentuan, Garraio Zuzendaritza Nagusiari atxikia, Iruñean aritzeko. Lanpostu zenbakia: 8133.
-9 Lehendakaritza, Justizia eta Barne Departamentuan:
.4 Barne Zuzendaritza Nagusian, 1 Iruñean itzeko. Lanpostu aritzeko, 7762 , 8165 eta 8166. lanpostu zenbakia duena, eta 3 Cordovillan aritzeko, 7251, 8165 eta 8166 lanpostu zenbakiak dituztenak.
.4 Justizia Zuzendaritza Nagusian, Iruñean aritzeko. Lanpostu zenbakiak: 6657, 7950, 8121 eta 8117.
.1 Lehendakaritza Zuzendaritza Nagusian, Iruñean aritzeko. Lanpostu zenbakia: 7432.
-1 Nafarroako Administrazio Publikoaren Institutua erakundea autonomoan, Beriainen aritzeko. Lanpostu zenbakia: 4206.
-1 Nafarroako Larrialdietarako Agentzian, Iruñean aritzeko. Lanpostu zenbakia: 7773.
-1 Erakundeekiko Harremanetarako eta Gobernuaren Eledunaren Departamentuan, Erakundeekiko Harremanetarako Zuzendaritza Nagusiari atxkia, Iruñean aritzeko. Lanpostu zenbakia: 71.
-2 Lurraldearen Antolamendu eta Etxebizitza Departamentuan:
.1 Lurraldearen Antolamendu eta Etxebizitza Zuzendaritza Nagusian, Iruñean aritzeko. Lanpostu zenbakia: 3501.
.1 Idazkaritza Tekniko Nagusian, Iruñean aritzeko. Lanpostu zenbakia: 1443.
-1 Osasun Departamentuan, Osasun Zuzendaritza Nagusiari atxikia, Iruñean aritzeko. Lanpostu zenbakia: 7505.
-2 Nafarroako Lan Osasunaren Institutuan, Iruñean aritzeko. Lanpostu zenbakiak: 4639 eta 6633.
-84 Osasunbidea-Nafarroako Osasun Zerbitzua erakunde autonomoan:
.11 Bideko Ama Birjina Ospitaleari atxikiak:
-9 Bideko Ama Birjina Ospitalean. Lanpostu zenbakiak: 64671, 67936, 69032 eta 69033. Lanaldi partzialeko kontratupeko lan araubidean aritzeko 69034, 69035, 69036, 69037 eta 69038 lanpostu zenbakiak dituztenak.
-1 Txantreako Emakumeari Laguntzeko Zentroan. Lanpostu zenbakia: 67549.
-1 Ermitagaña-Barañaingo Emakumeari Laguntzeko Zentroan. Lanpostu zenbakia: 67555.
.10 Nafarroako Ospitalean. Lanpostu zenbakiak: 61199, 62904, 62945, 63099, 63253, 63774, 63775, 63777, 68356 eta 68774.
.19 Oinarrizko Osasun Laguntzan:
-5 Oinarrizko Osasun Laguntzako Zuzendaritzan. Lanpostu zenbakiak: 60778, 67619, 68296, 68321 eta 68905.
-1 Donibaneko Oinarrizko Osasun Laguntzako Taldean. Lanpostu zenbakia: 60094.
-1 Doneztebeko Oinarrizko Osasun Laguntzako Taldean. Euskarazko 1. jakite maila behar da. Lanpostu zenbakia: 60098.
-1 Barañaingo Oinarrizko Osasun Laguntzako Taldean. Lanpostu zenbakia: 60665.
-1 Noaingo Oinarrizko Osasun Laguntzako Taldean. Lanpostu zenbakia: 66618.
-1 Zizur-Etxabakoizko Oinarrizko Osasun Laguntzako Taldean. Lanpostu zenbakia: 67874.
-2 Iturramako Oinarrizko Osasun Laguntzako Taldean. Lanpostu zenbakiak: 67875 eta 67878.
-1 Arrotxapeko Oinarrizko Osasun Laguntzako Taldean. Lanpostu zenbakia: 68471.
-1 Antsoaingo Oinarrizko Osasun Laguntzako Taldean. Lanpostu zenbakia: 68482.
-1 Berriozarko Oinarrizko Osasun Laguntzako Taldean. Lanpostu zenbakia: 68902.
-2 Sanduzelaiko Oinarrizko Osasun Laguntzako Taldean. Lanpostu zenbakiak: 68901 eta 68904.
-1 Mendillorriko Oinarrizko Osasun Laguntzako Taldean. Lanpostu zenbakia: 68903.
-1 Zangozako Oinarrizko Osasun Laguntzako Taldean. Lanpostu zenbakia: 68906.
.18 Anbulatorioen eta Ospitalez kanpoko Laguntzaren Zuzendaritzan. Lanpostu zenbakiak: 60734, 61051, 61582, 62522, 64068, 67527, 67616, 67736, 68788, 68789, 68790, 68834, 68835, 68836, 68837, 68838, 68839 eta 68840.
.10 Lizarrako Osasun Barrutian:
-8 Lizarrako Ospitalean. Lanpostu zenbakiak: 62650, 63158, 63846, 67334, 68972, 68973, 68974 eta 69093.
-1 Alloko Oinarrizko Osasun Laguntzako Taldean. Lanpostu zenbakia: 66652.
-1 Antzin-Ameskoako Oinarrizko Osasun Laguntzako Taldean. Lanpostu zenbakia: 68971.
.8 Tuterako Osasun Barrutian:
-5 Tuterako Ospitalean. Lanpostu zenbakiak: 67361, 67425, 67812, 67814 eta 68793.
-1 Buñuelgo Oinarrizko Osasun Laguntzako Taldean. Lanpostu zenbakia: 66450.
-1 Valtierra-Cadreitako Oinarrizko Osasun Laguntzako Taldean. Lanpostu zenbakia: 67426.
-1 Corellako Oinarrizko Osasun Laguntzako Taldean. Lanpostu zenbakia: 68986.
.4 Ubarmin Klinikan. Lanpostu zenbakiak: 62887, 63125, 68884 eta 69098.
.4 Nafarroako Osasun Publikoaren Institutuan. Lanpostu zenbakiak: 67069, 67070, 67778 eta 68049.
1.3. Igoera txandako lanpostuak hutsik geldituz gero, izangaiek hautaprobak gainditzeko behar den gutxieneko puntuazioa atera ez dutelako, txanda irekikoei gehituko zaizkie.
Ezgaitasuna dutenendako txandako lanpostuak, izangaiek hautaprobak gainditzeko behar den gutxieneko puntuazioa atera ez dutelako bete gabe geldituz gero, beste txandetakoei gehituko zaizkie, Nafarroako Administrazio Publikoen zerbitzuko Langileen Estatutuaren 15.3 artikuluan ezarritako hurrenkeraren arabera.
Orobat, igoera txandan edota ezgaitasuna dutenendako txandan eskaintzen diren lanpostuak baino izangai gehiagok gainditzen badute, txanda horretan lanpostua eskuratzen ez dutenek aukera izanen dute txanda irekiko lanpostu hutsak eskuratzeko, txanda horretako izangaiekin lehia garbian eta eskuratutako azken puntuazioaren arabera.
Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, agiriak aurkezteko deialdiaren 7.2 oinarrian ezartzen den epea bukatzen denean deialdiaren 2.1.2 oinarriko eskakizun berariazkoak betetzen ez dituzten igoera txandako izangaiek.
1.4. Lanpostuek D mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.
1.5. Halaber, deialdiaren bidez hautaprobak gainditu bai, baina lanposturik lortzen ez duten izangaiekin aldi baterako kontratatuak izateko izangaien zerrenda hauek osatuko dira, deialdi honen 3. eta 10. oinarrietan xedatutakoarekin bat:
a) Hautapen prozesuko ariketa guztiak gainditu bai baina lanposturik lortu ez duten izangaien zerrenda, bat bera Foru Komunitateko Administrazioko departamentu eta erakunde autonomo guztientzat.
b) Eskabidean aukeratu duten kudeaketa esparruan aldi baterako kontratatzeko izangaien zerrendak, sarrerako hautapen prozedurako ariketa guztiak gainditu ez dituztenek osatuak. Ondorio horietarako, izangaiek eskabidean azaldu beharko dute, deialdi honen 3.3 oinarrian ezarritako moduan, zer kudeaketa esparrutako kontratazio zerrendetara aurkeztu diren.
2.-Izangaiek bete beharreko baldintzak.
2.1. Oposizio honetan onartuak izateko, izangaiek, eskaerak aurkezteko epea amaitzen den egunean eta agiriak aurkezteko epea amaitzen denetik (deialdiaren 7.2 atalean adierazia) lanpostuaz jabetu edo lanean hasi arte, baldintza hauek bete beharko dituzte:
2.1.1. Txanda irekiko izangaiek bete beharreko baldintzak.
a) Espainiarra izatea, edo Europar Batasuneko beste estatu batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.
Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.
b) Hamasei urte beteta izatea eta erretiroa nahitaez hartzeko gehieneko adina gainditua ez izatea.
c) Eskola graduatua, lehen mailako lanbide heziketa edo titulu baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.
Atzerrian lorturiko tituluak izanez gero, aipatu epea betetzen den egunean, haren homologazioa frogatzen duen agiriaren jabe izatea.
d) Bete behar dituen eginkizunetan aritzeko adinako gaitasun fisiko eta psikikoa izatea.
e) Eginkizun publikoetan aritzeko ezgaitu edo gabetua ez egotea eta administrazio publikoren baten zerbitzutik bereizia ez izatea.
Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.
f) Hizkuntza Eskola Ofizial batek luzaturiko Euskararen Gaitasun Agiria edo ofizialki horren baliokidetzat jotzen den agiria edukitzea, besteak beste, euskarazko 3. jakite maila esleiturik daukan lanpostu bat eskuratu nahi baldin bada, eta Hizkuntza Eskola Ofizialean lau ikasmaila edo Nafarroako Gobernuak antolaturiko ikastaroetan bederatzi "urrats" gaindituak izan beharra, euskarazko 1. jakite maila esleiturik daukan lanpostu bat eskuratu nahi baldin bada.
Izangaiak, aipatu diren titulu edo ikastaroak ez baditu, proba bat egiteko aukera izanen du, eta horrela zehaztuko da beharrezkoa den maila baduen hizkuntza horretan. Izangaiek, askitasun proba hori egin nahi badute, deialdian parte hartzeko eskabidean adierazi beharko dute, horri dagokion tokian.
g) Ingelesez ahoz eta idatziz jakiteari buruzko proba berariazkoa gainditzea, baldintza hori duen lanpostu bat aukeratu nahi izanez gero. Horretarako, interesdunek proba egin nahi dutela adierazi beharko dute eskabidean.
Nafarroako Administrazio Publikoaren Institutuak eginen ditu f) eta g) ataletan aipatzen diren askitasun probak.
h) B motako ibilgailuak gidatzeko baimena izatea, betebehar hori duen lanpostua eskuratu gogo denean.
2.1.2. Igoera txandako izangaiek bete beharreko baldintzak.
Igoera txandako izangaiek betebehar hauek izan beharko dituzte:
a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.
b) Deialdiko lanpostu hutsen maila berekoa edo apalagokoa izatea.
c) Eskola graduatua, lehen mailako lanbide heziketa edo titulu baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea eta Administrazio Publikoetan bost urteko antzinatasun onartua frogatzea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.
d) Hizkuntza Eskola Ofizial batek luzaturiko Euskararen Gaitasun Agiria edo ofizialki horren baliokidetzat jotzen den agiria edukitzea, besteak beste, euskarazko 3. jakite maila esleiturik daukan lanpostu bat eskuratu nahi baldin bada, eta Hizkuntza Eskola Ofizialean lau ikasmaila edo Nafarroako Gobernuak antolaturiko ikastaroetan bederatzi "urrats" gaindituak izan beharra, euskarazko 1. jakite maila esleiturik daukan lanpostu bat eskuratu nahi baldin bada.
Izangaiak, aipatu diren titulu edo ikastaroak ez baditu, proba bat egiteko aukera izanen du, eta horrela zehaztuko da beharrezkoa den maila baduen hizkuntza horretan. Izangaiek, askitasun proba hori egin nahi badute, deialdian parte hartzeko eskabidean adierazi beharko dute, horri dagokion tokian.
e) Ingelesez ahoz eta idatziz jakiteari buruzko proba berariazkoa gainditzea, baldintza hori duen lanpostu bat aukeratu nahi izanez gero. Horretarako, interesdunek proba egin nahi dutela adierazi beharko dute eskabidean.
Nafarroako Administrazio Publikoaren Institutuak eginen ditu d) eta e) ataletan aipatzen diren askitasun probak.
f) B motako ibilgailuak gidatzeko baimena izatea, betebehar hori duen lanpostua eskuratu gogo denean.
Nafarroako Administrazio Publikoetan lan egiten duten langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.
2.1.3. Ezgaitasuna duten pertsonen erreserba txandako izangaiendako berariazko betebeharra.
Ezgaitasuna duten pertsonen erreserba txandako izangaiek, 2.1.1. atalean aipatzen diren betebeharrez gain, 100eko 33ko edo hortik goitiko ezgaitasuna izan beharko dute, ofizialki aitortua.
2.2. Deialdiko 3.4 oinarriaren bigarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 atalean ezarritako epean eta moduan frogatu beharko dituzte betebehar horiek.
3.-Eskabideak.
3.1. Deialdian parte hartzeko eskabideak Nafarroako Gobernuko Erregistro Orokorrean (Karlos III.aren etorbidea, 2, 31002 Iruña) edo Nafarroako Gobernuaren gainerako erregistro bulegoetako edozeinetan (zerrenda 2008ko 14. Nafarroako ALDIZKARI OFIZIALean argitaratu zen, urtarrilaren 30ean) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 38.4 artikuluan adierazi diren bideetakoren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.
Eskaera posta bulego batean aurkeztuz gero, gutun-azal irekian eginen da, postako langileek, ziurtatu aurretik, data eta zigilua jar ditzaten.
Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko aldizkari ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.
3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskaeran eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana. Aurreko atalean aipatzen den Interneteko helbidean eskabide eredu bat dago, interesdunen eskura.
3.3. Hautapen prozedurako ariketa guztiak gainditzen ez dituzten hautagaiekin zerrenda batzuk osatuko dira, ondoren aldi baterako kontratazioak egiteko. Horretarako, parte hartzaileek eskabidean adierazi beharko dute zein kudeaketa esparrutako kontratazio zerrendetan sartu nahi duten:
a) Administrazio erroa.
b) Osasunbidea-Nafarroako Osasun Zerbitzua.
Horretarako, parte hartzaileek eskabidean adierazi beharko dute zer aukeratzen duten. Osasunbidea-Nafarroako Osasun Zerbitzua aukeratuz gero, gainera, eskabidean horretarako ezarri den laukia bete beharko dute, esparruen hautapenerako eta iraupen labur eta luzeko kontratuetarako.
Kudeaketa esparru bat baino gehiago hautatuz gero, edo parte hartzeko eskabidean atal hori betetzen ez bada, Administrazio erroko kontratazio zerrendetan besterik ez dutela parte hartu nahi ulertuko da.
Eskabideak aurkezteko epean baizik ez dira onartuko hautatutako kudeaketa esparrua aldatzeko eskaerak.
3.4. Eskabideari, behar bezala bete ondoren, agiri hauek erantsiko zaizkio:
Bat.-Espedientea formalizatzeko eta azterketa eskubideetarako 6 euro ordaindu izanaren jatorrizko ziurtagiria. Azterketa eskubideen tasa ordaintzen ez bada, izangaia baztertu eginen da.
Sistema hauetako bat erabiliz ordaintzen ahalko da tasa hori:
-Behar den bezala betetako ordain-gutunaren bidez, Nafarroako Foru Komunitateko banku entitateetan ordaintzeko. Arestian aipatutako webgunean, deialdiaren iragarkian, ordain-gutunaren eredua dago.
-Sarrera eskudirutan edo bankuko transferentzia bidez eginez, Banestoko (Banco Español de Crédito) 0030 8124 87 0870002271 kontuan; horrelakoetan ordainagirian datu hauek jarri beharko dira nahitaez:
.Izangaiaren izen-deiturak.
.NANa/IFZ
.Ordainketa zein kontutan egiten den, haren zenbakia.
.Kontzeptua: oposizioak.
.Deialdiaren xede den lanpostua.
Honako hauek ez dute tasarik ordaindu beharko:
a) %33ko edo gehiagoko ezgaitasun aitortua pertsonek, baldin eta egoera hori organo eskudunak luzaturiko jatorrizko agiriaren edo behar bezala konpultsaturiko fotokopiaren bidez frogatzen badute.
b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonek. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den diru-sarrerarik ez izatea hilabetero.
Lan-eskatzailea dela frogatzeko, enplegu bulegoak emandako agiria aurkeztu beharko du. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.
Hilabetero lanbide arteko gutxieneko soldatatik gorako diru-sarrerarik ez duela interesdunaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Interneten bidez, arestian emandako helbidean.
Bi.-Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2 oinarrian jasotzen diren eskakizunak betetzen dituztela frogatzen duen agiria gehitu beharko diote eskaerari.
3.5. Eskaerak aurkezteko epea ezin izanen da luzatu.
3.6. Eskaeran atzematen diren akats materialak edo egitezkoak ofizioz edo interesdunak eskaturik zuzentzen ahalko dira, noiznahi ere.
4.-Izangaien onarpena eta erreklamazioak.
4.1. Eskaerak aurkezteko epea bukatuta, Administrazio Publikoaren Institutuko Sarrerarako Hautapenaren Zerbitzuko zuzendariak, erakunde autonomoaren zuzendari kudeatzaileak eskuordetuta (103/2008 Ebazpena, ekainaren 26koa) ebazpena emanen du izangai onartuen eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.
4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.
4.3. Erreklamazioak aurkezteko epea bukaturik eta haien gainean ebatzi ondoren, Administrazio Publikoaren Institutuko Sarrerarako Hautapenaren Zerbitzuko zuzendariak, erakunde autonomoaren zuzendari kudeatzaileak eskuordetuta (103/2008 Ebazpena, ekainaren 26koa) ebazpena emanen du izangai onartuen eta baztertuen behin betiko zerrenda onesteko, eta Nafarroako ALDIZKARI OFIZIALean argitara dadila aginduko du.
4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.
5.-Epaimahaia.
5.1. Epaimahaiak kide hauek izanen ditu:
-Epaimahaiburua: Tomás Rodríguez Garraza jauna, Nafarroako Administrazio Publikoaren Institutuko Sarrerarako Hautapenaren Zerbitzuko zuzendaria.
-Ordezkoa: Javier Lacarra Albizu jauna, Hezkuntza Departamentuko Ikastetxeen eta Ikasketetarako Laguntzen Zerbitzuko zuzendaria.
-Mahaikidea: Gabriel Izpura Liberal jauna, Osasunbidea-Nafarroako Osasun Zerbitzuko Langileriaren eta Lan Harremanen zuzendariordea.
-Ordezkoa: José Javier Uterga Mendinueta jauna, Osasunbidea-Nafarroako Osasun Zerbitzuko Nominen eta Gastu Kontrolaren Zerbitzuko burua.
-Mahaikidea: María Villar Sobejano Delgado andrea, irakaskuntzarako aholkularia, Hezkuntza Departamentuko Lanbide Heziketaren Zerbitzuari atxikia.
-Ordezkoa: Jesús Acosta Marín jauna, irakaskuntzarako aholkularia, Hezkuntza Departamentuko Antolamendu eta Berriikuntza Zerbitzuari atxkia.
-Mahaikidea: Jesús Menéndez Barrero jauna, Nafarroako Administrazio Publikoaren Institutuko Prestakuntza Ataleko burua.
-Ordezkoa: María Soledad Zubieta Aranzadi andrea, Nafarroako Administrazio Publikoaren Institutuko Psikoteknia Bulegoko burua.
-Mahaikidea: Alberto Viana Górriz jauna, Nafarroako Administrazio Publikoaren Institutuko Hautapen Organoen Ataleko burua.
-Ordezkoa: Francisco Javier Ibero Gutiérrez jauna, sistema informatikoetako erdi mailako teknikaria, Hezkuntza Departamentuari atxikia.
-Mahaikidea: Nafarroako Foru Komunitateko Administrazioko Langileen Batzordeak izendatutako ordezkari bat.
-Ordezkoa: Nafarroako Foru Komunitateko Administrazioko Langileen Batzordeak izendatutako ordezkari bat.
-Mahaikide idazkaria: Elena Uriz Sucunza andrea, Lehendakaritza, Justizia eta Barne Departamentuko Barne-Igoerako eta Aldi Baterako Kontratuetarako Ataleko burua.
-Ordezkoa: Manuela Osácar Oláiz andrea, Lan Harremanetako diplomaduna, Lehendakaritza, Justizia eta Barne Departamentuari atxikia.
Epaimahaia hautaprobak hasi aitzin osatu beharko da, bai kide titularrekin, bai ordezko batzuekin, beharrezkoa bada.
5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.
Kide anitzeko organoaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.
5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoaren batean baldin badaude.
Izangaiek, halaber, zilegi dute mahaikideak errefusatzea, egoera horietako bat gertatzen denean.
5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren gainean sortzen diren arazo guztiak.
5.5. Epaimahaiak aholkulari adituen laguntza izan dezake, proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza hari.
6.-Oposizioa nola eginen den.
6.1. Oposizioa 2009ko apirilean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua. Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.
6.2. Oposizioak ariketa hauek izanen ditu, denak baztergarriak:
Lehen ariketa.-Bi proba izanen ditu:
-Lehenengo proba: zenbait aukera eskaintzen dituzten galderei erantzun beharko zaie, erantzun zuzena bakarra izanik, hizkuntzarako, zenbakietarako, bulego-antolaketarako eta pertzepziorako gaitasuna neurtzeko. Erantzun okerrengatik puntuak kenduko dira.
-Bigarren proba: galdera batzuk erantzun beharko dira deialdiaren eranskineko gai zerrendaren I. eta II. zatietako arloei buruz (Antolaketa administratiboa eta Nafarroako Foru Komunitateko Administrazioko oinarrizko arautegia). Aukera batzuk izanen dira, baina horietarik bat bakarrik izanen da zuzena. Erantzun okerrengatik puntuak kenduko dira.
Bi probak egun berean eginen dira, bata bestearen ondoren. Epaimahaiak erabakiko du zenbat iraunen duen bi probetariko bakoitzak, hasi baino lehen.
Proba hauek egiteko ez da inongo testurik erabiltzen ahalko, ez eta hiztegirik, kalkulagailurik edo bestelako materialik ere, mutur lodiko bolaluma urdina edo beltza ez bada.
Bigarren ariketa.-Bi proba izanen ditu:
-Lehenengo proba: praktikoa. Ordenagailuan kasu bat edo batzuk, epaimahaiak proposatuak, konpondu beharko dira, eranskineko gai zerrendako III. zatiko aplikazioak eta sistema operatiboa erabiliz (Informatika). Proba bakoitza hasi aurretik, epaimahaiak adieraziko du izangaiek proba egiteko zenbat denbora duten.
-Bigarren proba: praktikoa. Epaimahaiak proposaturiko testu bat transkribatu beharko da, ordenagailuaren teklatuaren gaineko lastertasuna eta eraginkortasuna baloratzeko. Sakaldi kopurua, zuzentasuna eta epaimahaiak proposaturiko testuarekiko fideltasuna baloratuko dira. Akats mekanografikoak, omisioak eta ariketa egiteko arauen ez betetzeak zehatuko dira.
Proba hau egiteko, izangaiek gehienez ere 10 minutu izanen dituzte.
Bi probak egun berean eginen dira, bata bestearen ondoren.
Epaimahaiak ariketa hori egiteko tokia, eguna eta ordua adieraziko ditu. Taldeka edo batera egiten ahalko da, antolaketa dela eta komeni denaren arabera. Izangai asko egoteagatik, ariketa ordutegi diferenteetan dei eginiko taldeetan egin behar baldin bada, epaimahaiak ariketa diferenteak prestatuko ditu, antzeko zailtasuna izanen dutenak, izangaiek ordu txanda bakoitzean ariketa banarekin egiteko moduan. Ariketa horiek ausaz aukeratuko dira.
Bigarren ariketa osatzen duten bi probak egiteko, izangaiei behar dituzten baliabide teknikoak emanen zaizkie.
Epaimahaiak ariketa egiteko komenigarri deritzon laguntza teknikoa eskatzen ahalko du.
6.3. Oposizioko ariketen balorazioa.
Oposizioko ariketen balorazioan 100 puntu eman daitezke gehienez ere, honela banatuak:
Lehenengo ariketa.
-Lehenengo proba: 0tik 30 puntura bitarte kalifikatuko da. Gutxienez ere 15 puntu lortzen ez dituzten izangaiak baztertuko dira.
-Bigarren proba: 0tik 20 puntura bitarte kalifikatuko da. Gutxienez ere 10 puntu lortzen ez dituzten izangaiak baztertuko dira.
Bi probak baztergarriak izanen dira. Gutxieneko puntuazioa lortzen ez duten lehiatzaileak baztertuko dira. Izangaiak ariketako lehen proban eskatzen den gutxieneko puntuazioa lortzen ez duenean, epaimahaiak ez du bigarrena kalifikatuko.
Bigarren ariketa.
-Lehenengo proba: 0tik 30 puntura bitarte kalifikatuko da. Gutxienez ere 15 puntu lortzen ez dituzten izangaiak baztertuko dira.
-Bigarren proba: 0tik 20 puntura bitarte kalifikatuko da. Gutxienez ere 10 puntu lortzen ez dituzten izangaiak eta hirurogei akats mekanografiko edo gehiago egiten dituztenak baztertuko dira.
Bi probak baztergarriak izanen dira. Gutxieneko puntuazioa lortzen ez duten lehiatzaileak baztertuko dira. Izangaiak ariketako lehen proban eskatzen den gutxieneko puntuazioa lortzen ez duenean, epaimahaiak ez du bigarrena kalifikatuko.
Bigarren proba irizpide hauek kontuan hartuz baloratuko da:
Akats mekanografikoengatik puntuak kendu ondoren, 10 puntu emanen dira lehenbiziko 2.600 sakaldiengatik. Horietatik aurrera, beste puntu bat emanen da 140 sakaldi zuzeneko edo proportzioan bidezkoa den puntuazioa. Bi puntuazioen baturak probari esleitu zaion gehieneko puntuazioa izanen du muga, 20 puntu, alegia.
Sakaldiak zenbatzerakoan, normalez gain, emanen dira:
Sakaldi bat lerroaldea aldatzen den bakoitzean.
Sakaldi bat maiuskula bakoitzarengatik edo maiuskulen tekla sakatu beharra duen zeinu bakoitzarengatik.
Sakaldi bat azentu ortografiko edo tilet bakoitzarengatik.
Eta sakaldi zuzenetatik bost sakaldi kenduko dira akats mekanografiko bakoitzarengatik. Hauek dira akatsak:
-Ondokoak sartzea:
Alfazenbakizko karaktereak, zuriuneak, edo puntuazio zeinuak, transkribatu beharreko testuan ez daudenak. 5 sakaldi kenduko dira.
-Ondokoak ez egitea:
Alfazenbakizko karaktereak (letrak ez idaztea, azentudunak izan ala ez), puntuazio zeinuak (horietan sartzen dira puntu eta bereiz guztiak edo lerroalde arteko bereizketak), edo hitzen arteko bereizketak: Halako kasu bakoitzeko 5 sakaldi kenduko dira.
-Nahasteak:
Alfazenbakizko karaktereen, puntuazio zeinuen edo elkarren segidako bi karaktereren okerreko transkripzioa, horrek alfazenbakizko karaktere bat beste batez ordeztea ekartzen duenean. Halako kasu bakoitzeko 5 sakaldi kenduko dira.
Zuzenketa programa automatiko baten bidez eginen da, eta epaimahaiak emandako testuaz baliatuta izangaiak transkibatzen duen testua karakterez karaktere aztertuko da.
6.4. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.
6.5. Ariketa bakoitzerako dei bakarra izanen da, alegia, izangaiek epaimahaiak adierazten duen tokian eta egunean egon beharko dute, jarduketak hasteko hark ezarririko orduan. Deialdi horretara agertzen ez direnak oposiziotik baztertuko dira, probak ekitaldi batzuetan banaturik gelditu arren.
Izangaiek nortasun agiri nazionala, pasaportea, gidabaimena edo nortasuna frogatzeko epaimahaiak askiesten duen beste edozein agiri aldean dutela agertu beharko dute. Agertzen ez direnak edo nortasuna esan den moduan frogatzen ez dutenak baztertuko dira.
6.6. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.
7.-Probak gainditu dituztenen zerrenda, izendapen proposamena eta agirien aurkezpena.
7.1. Hautaprobak bukaturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Nafarroako Administrazio Publikoaren Institutuko zuzendari kudeatzaileari igorriko dio, deialdiko lanpostuen kopuruaren barruan sartzen diren eta probak puntuazio altuenekin gainditu dituzten izangaiak izendatu edo kontratatzeko proposamenarekin eta espediente osoarekin batera. Proposamen hori Nafarroako ALDIZKARI OFIZIALean argitaratuko da. Zerrenda Interneten bidez ere kontsultatzen ahalko da, www.navarra.es helbidean, Zerbitzuen Katalogoan, Enplegu Publikoaren atalean, deialdiari buruz dagoen aiputik abiatuta.
Berdinketa izanez gero, administraziorako gaitasunen proban puntuazio altuagoa erdietsi duenaren alde jokatuko da. Hala badirau, gainerako probetan lorturiko puntuazioak hartuko da aintzakotzat, bata bestearen ondoren eta beren hurrenkeran.
7.2. Izendatu edo kontratatzeko proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu beharko dituzte Nafarroako Administrazio Publikoaren Institutuko Sarrerarako Hautapenaren Zerbitzuan:
7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:
a) Nortasun Agiri Nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.
b) Deialdiaren 2.1.1.c) oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.
c) Laneko Arriskuen Prebentziorako Atalak emandako txostena, interesdunak karguan aritzea eragotziko liokeen eritasun edo akats fisiko edo psikikorik ez duela frogatzeko.
Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.
d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.
Izangaiek Espainiako nazionalitatea ez badute, agiria aurkeztu beharko dute, beren estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.
e) Zin egin edo hitz ematea Nafarroako Foru Eraentza errespetatu, Konstituzioari eta legeei men egin eta karguari dagozkion eginkizunak zuzen beteko dituela.
f) 100eko 33ko edo hortik goitiko ezgaitasun ofizialki aitortua frogatzen duen agiriaren fotokopia konpultsatua, ezgaitasuna duten pertsonen txandako lanpostu bat aukeratu nahi bada.
Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarri buruzkoa.
g) Hizkuntza Eskola Ofizial batek luzaturiko Euskararen Gaitasun Agiria edo ofizialki horren baliokidetzat jotzen den agiriaren kopia konpultsatua, besteak beste, euskarazko 3. jakite maila esleiturik daukan lanpostu bat eskuratu nahi baldin bada, eta Hizkuntza Eskola Ofizialean lau ikasmaila edo Nafarroako Gobernuak antolaturiko ikastaroetan bederatzi "urrats" gaindituak izan beharra, euskarazko 1. jakite maila esleiturik daukan lanpostu bat eskuratu nahi baldin bada.
h) B motako ibilgailuak gidatzeko baimena izatea, betebehar hori duten lanpostuak eskuratu gogo direnean.
7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:
a) Deialdiaren 2.1.2.c) oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskaerak aurkezteko epean titulua eskuratzeko moduan dagoela frogatzen duen ziurtagiria.
Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.
b) Hizkuntza Eskola Ofizial batek luzaturiko Euskararen Gaitasun Agiria edo ofizialki horren baliokidetzat jotzen den agiriaren kopia konpultsatua, besteak beste, euskarazko 3. jakite maila esleiturik daukan lanpostu bat eskuratu nahi baldin bada, eta Hizkuntza Eskola Ofizialean lau ikasmaila edo Nafarroako Gobernuak antolaturiko ikastaroetan bederatzi "urrats" gaindituak izan beharra, euskarazko 1. jakite maila esleiturik daukan lanpostu bat eskuratu nahi baldin bada.
c) B motako ibilgailuak gidatzeko baimena izatea, betebehar hori duten lanpostuak eskuratu gogo direnean.
7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.
7.4. Aurreko atalean ezarritakoa gertatuz gero, Nafarroako Administrazio Publikoaren Institutuko zuzendari kudeatzaileak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.
7.5. Deialdiaren xede den lanposturako izendatua izateko beharrezko betebehar eta baldintzez gain, Funtzio Publikoaren Zuzendaritza Nagusiak, bere eskurantziak erabiltzeko, beste edozein agiri eskatu diezaioke proposatutako izangaiari, eta honek aurkeztu beharko du deialdi honen 7.2. oinarrian ezarritako moduan.
8.-Lanpostu hutsak hautatzea.
8.1. Aurreko oinarrian xedatu dena betetzen duten izangaiek Nafarroako Administrazio Publikoaren Institutuko Sarrerarako Hautapenaren Zerbitzuak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.
8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.
8.3. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute txanda irekiko izangaien aurretik.
Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.
9.-Izendapena, lanpostuen esleipena, jabetza hartzea eta kontratatzeko baimena.
9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu edo haien kontratazioa baimenduko du, administrari laguntzaile izateko lanetan aritzeko. Ebazpen horren bidez lanpostuen esleipena ere eginen da.
9.2. Izendatuak, izendapena egin eta lanpostuaz jabetzen direnetik aurrera, nomina eta plantillako funtzionario bilakatuko dira eta Nafarroako Foru Komunitateko Administrazioko funtzionarioentzat indarra duten xedapenetan ezarrita dauden eskubide eta betebehar guztiak izanen dituzte.
Lan kontratupekoek dagokien araubide juridikoaren ondoriozko eskubide eta eginbehar guztiak izanen dituzte.
Izendatzen diren izangaiak Gizarte Segurantzako Araubide Orokorrean afiliatuko dira eta, bidezkoa bada, alta emanen zaie bertan, araubide horretan aurreikusten den babesaren pean.
Aurreko atalean xedaturikoa gorabehera, Nafarroako administrazio publikoen zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.
Kontratatuko izangaiak Gizarte Segurantzaren araubide orokorrean afiliatuko dira eta, bidezkoa bada, bertan alta emanen zaie.
9.3. Izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.
9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den arautegian ezarritakoarekin bat.
9.5. Izendapena Nafarroako ALDIZKARI OFIZIALean argitaratuko da. Izangai izendatuek hilabeteko epean jabetu beharko dute beren lanpostuaz, izendapenaren jakinarazpenetik kontatzen hasita.
Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu.
Halaber, kontratua izenpetzen ez duten izangaiek eskubide guztiak galduko dituzte lan araubideko langile finko bihurtzeko.
Bi kasuetan, 7.4 atalean ezarritakoari jarraikiko zaio.
9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan beste administrazio publiko batean ari delako, kasuko lanpostu hutsa ere beteko da deialdiaren 7.4 atalak agintzen duen moduan.
9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.
10.-Aldi baterako kontratuetarako izangaien zerrenda.
10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta oinarri honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:
a) Hautapen prozesuko ariketa guztiak gainditu bai baina lanposturik lortu ez duten izangaien zerrenda, bat bera Foru Komunitateko Administrazioko departamentu eta erakunde autonomo guztientzat.
b) Hautapen prozesuko ariketa guztiak gainditu ez dituzten izangaien zerrendak, parte hartzeko eskabidean aukeratutako esparruaren arabera.
10.2. Sarrerako hautapen prozedurako probak gainditu bai baina lanposturik lortu ez duten izangaien zerrenda.
Hautapen prozesuko probak gainditu arren lanposturik lortu ez duten izangaiekin Funtzio Publikoaren Zuzendaritza Nagusiak zerrenda bat osatuko du, ondoren aldi baterako kontratazioak egiteko.
Horretarako, Nafarroako Administrazio Publikoaren Institutuko Sarrerarako Hautapen Zerbitzuak espedientea igorririk, Funtzio Publikoaren zuzendari nagusiaren ebazpen baten bidez, sarrerako hautapen prozesua gaindituta ere lanposturik gabe gelditu diren izangaiei hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:
a) Deialdiaren 2.1.1.c) oinarrian eskatzen den tituluaren fotokopia konpultsatua, titulua lortzeko eskubideak pagatu direla frogatzen duen gordekinarena edo sarrera prozesurako eskaerak aurkezteko epean titulua eskuratzeko moduan dagoela frogatzen duen ziurtagiria.
b) Izangaiaren euskarazko jakite maila frogatzen duen agiriaren kopia konpultsatua. Proba egitea erabaki duten izangaien kasuan, 2. oinarrian xedatu bezala, administrazioak ofizioz bilduko ditu haren emaitzak.
Era berean, ingelesezko askitasun proba egitea erabakitzen dutenen kasuan, ofizioz gehituko zaizkio emaitzak espedienteari.
c) Eskabidea, administrari laguntzaile gisa aldi baterako kontratatzeko izangaiek eskualdeak hautatzekoa, bai eta, hala denean, lanaldi partzialeko lanpostuak aukeratzekoa ere.
Ebazpen hori, eskualdeak eta lanaldi partzialeko postuak aukeratzeko eskabide eredua eta eskualde bakoitzeko eremuaren argibideak Nafarroako ALDIZKARI OFIZIALean argitaratuko dira. Ukituriko langileen zerrendak Nafarroako Gobernuko iragarki oholean argitaratuko dira, Karlos III.aren etorbideko 2an.
Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko zerrendan, eta deialdian parte hartzeagatik izan litezkeen eskubide guztiak galduko dituzte, betiere, parte hartzeko eskabidea faltsutzeagatik legokiekeen erantzukizuna deusetan ukatu gabe.
Sarrera prozedurako eskabideak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratazioaldiak iraun bitarte bete beharko dira.
Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda onetsiko da eta Nafarroako Gobernuaren iragarki oholean argitaratuko (Karlos III.aren etorbidea, 2, atalondoa, Iruña).
Aldi baterako kontratuetarako zerrendan, izangaien hurrenkera, gainditu bai baina lanposturik lortu ez dutenen kasuan, sarrerako hautapen prozeduran lortutako puntuazioaren araberakoa izanen da.
Zerrenda horren kudeaketa, Administrazio erroaren esparruan, Lehendakaritza, Justizia eta Barne kontseilariak emandako azaroaren 14ko 146/2005 Foru Aginduan ezarritako arauekin bat eginen da.
Halaber, Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuko eta Nafarroako Mendekotasun Agentziako organo eskudunei igorriko die, esparru horretako arauei jarraikiz kudea dezaten.
10.3. Administrazio Erroan aldi baterako kontratatzeko izangaien zerrendak osatzeko prozedura.
Funtzio Publikoaren Zuzendaritza Nagusiak aldi baterako kontratazioak egiteko izangaien zerrenda bat osatuko du, deialdiko azken bigarren ariketa gainditu eta Administrazio Erroko kontratazio zerrendak hautatu dituzten izangaiekin.
Horretarako, Nafarroako Administrazio Publikoaren Institutuko Sarrerarako Hautapenaren Zerbitzuak hautapen prozesuko azken bigarren ariketa gainditu duten izangaien zerrenda igorririk, Funtzio Publikoaren zuzendari nagusiaren ebazpen baten bidez, hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:
a) Deialdiaren 2.1.1.c) oinarrian eskatzen den tituluaren fotokopia konpultsatua, titulua lortzeko eskubideak pagatu direla frogatzen duen gordekinarena edo sarrera prozesurako eskaerak aurkezteko epean titulua eskuratzeko moduan dagoela frogatzen duen ziurtagiria.
b) Izangaiaren euskarazko jakite maila frogatzen duen agiriaren kopia konpultsatua. Proba egitea erabaki duten izangaien kasuan, 2. oinarrian xedatu bezala, administrazioak ofizioz bilduko ditu haren emaitzak.
Era berean, ingelesezko askitasun proba egitea erabakitzen dutenen kasuan, ofizioz gehituko zaizkio emaitzak espedienteari.
c) Eskabidea, administrari laguntzaile gisa aldi baterako kontratatzeko izangaiek eskualdeak hautatzekoa, bai eta, hala denean, lanaldi partzialeko lanpostuak aukeratzekoa ere.
Ebazpen hori, eskualdeak eta lanaldi partzialeko postuak aukeratzeko eskabide eredua eta eskualde bakoitzeko eremuaren argibideak Nafarroako ALDIZKARI OFIZIALean argitaratuko dira. Ukituriko langileen zerrendak Nafarroako Gobernuko iragarki oholean argitaratuko dira, Iruñeko Karlos III.aren etorbideko 2ko atalondoan, 31002 posta kodean.
Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko zerrendan, eta deialdian parte hartzeagatik izan litezkeen eskubide guztiak galduko dituzte, betiere, parte hartzeko eskabidea faltsutzeagatik legokiekeen erantzukizuna deusetan ukatu gabe.
Sarrera prozedurako eskabideak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratazioaldiak iraun bitarte bete beharko dira.
Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda onetsiko da eta Nafarroako Gobernuaren iragarki oholean argitaratuko (Karlos III.aren etorbidea, 2, atalondoa, Iruña).
Aldi baterako kontratuetarako zerrendan, izangaien hurrenkera, sarrerako hautapen prozeduran gainditutako ariketetan lortutako puntuazioaren araberakoa izanen da.
Zerrenda horren kudeaketa Lehendakaritza, Justizia eta Barne kontseilariak emandako azaroaren 14ko 146/2005 Foru Aginduan ezarritako arauekin bat eginen da.
10.4. Osasunbidea-Nafarroako Osasun Zerbitzuan aldi baterako kontratatzeko izangaien zerrenda.
Nafarroako Administrazio Publikoaren Institutuko Sarrerako Hautapen Zerbitzuak Osasunbidea-Nafarroako Osasun Zerbitzuko organo eskudunei igorriko die hautapen prozesuko ariketa guztiak gainditu ez eta Osasunbidea-Nafarroako Osasun Zerbitzuko kontratazio zerrendak aukeratu dituztenen zerrenda, aldi baterako kontratazioetarako zerrendak egiteko.
Sarrerarako Hautapenaren Zerbitzuak hautapen prozesuko ariketa guztiak gainditu ez eta esparru horretan kontratatuak izatea erabaki duten izangaien zerrenda igorririk, Osasunbidea-Nafarroako Osasun Zerbitzuko organo eskudunek beraien kudeaketa esparruari dagokion aldi baterako kontrataziorako izangaien zerrenda onetsiko dute, erakunde autonomo horren mendeko osasun etxe eta zentroetan sortzen diren beharren arabera langile horiek aldi baterako kontratatzeari buruzko 2001eko urtarrilaren 9ko Erabakian ezarritakoarekin bat (2001eko 101. Nafarroako ALDIZKARI OFIZIALa, abuztuaren 20koa).
Oinarri horren arabera osatzen den zerrenda Osasunbidea-Nafarroako Osasun Zerbitzuak kudeatuko du 2001ko urtarrilaren 9ko Akordioan langileak hautatzeari buruz ezarritakoarekin bat.
11.-Errekurtsoak.
Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da, Nafarroako Administrazio Publikoaren Institutuko zuzendari kudeatzaileari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.
Deialdiaren eta oinarrien kontra eta oinarriak aplikatzeko egintzen aurka, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.
Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.
Iruñean, 2008ko urriaren 15ean.-Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.
I. ERANSKINA
II. ERANSKINA
Gai zerrenda
I. zatia
Antolaketa administratiboa
1. gaia.-Jendeari informazioa eta laguntza ematea Administrazio Publikoan. Informaziorako eskubidea. Informazio motak. Herritarren partaidetza Administrazioan. Herritarrei informazioa eta laguntza emateko bulegoak.
2. gaia.-Komunikazioa eta informazioaren tratamendua. Ahozko eta telefono bidezko komunikazioa: arauak, baliabideak eta isilpekotasuna; helburuak, erabilera eta mugak. Komunikazio idatzia: arauak, baliabideak eta motak. Gutunak: edukia, egitura eta ereduak.
3. gaia.-Korrespondentzia: posta hartu, bideratu eta barnetik ibiltzea eta korrespondentzia ateratzea. Posta elektronikoa.
4. gaia.-Sartu-ateratzeak erregistratzea, argibideak eta agiriak artxibatzea. Erregistro liburuen kontzeptua eta sailkapena. Dokumentuak antolatu eta sailkatzeko sistemak. Argibide eta agirien zainketa, eskuratzea, segurtasuna eta isilpekotasuna. Artxiboak: kontzeptuak, motak eta erabiltzeko arau praktikoak. Artxibo informatikoa. Artxiboaren kontrola.
5. gaia.-Dokumentazio administratiboa. Ofizioa, eskabidea, ziurtagiria, akta, ebazpen administratiboa, espedientea: edukia, egitura eta diferentziak helburuei eta erabilerari dagokienez.
II. zatia
Nafarroako Foru Komunitateko Administrazioko oinarrizko arautegia
1. gaia.-Europar Batasuna: Erakundeak. Europar Batasunaren Zuzenbidearen iturburuak: jatorrizko zuzenbidea eta zuzenbide eratorria.
2. gaia.-Espainiako 1978ko Konstituzioa: Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan. Konstituzio Auzitegia.
3. gaia.-Zuzenbide Publikoaren iturburuak: legeak eta lege motak. Lege-dekretuak. Legegintzako foru dekretua. Nazioarteko itunak.
4. gaia.-Administrazio zuzenbidearen iturburuak: erregelamendua eta erregelamendu-ahalmena. Erregelamendu motak. Erregelamendu-ahalmenaren mugak eta haren kontrola.
5. gaia.-Administrazio egintza (I): kontzeptua, motak eta elementuak.
6. gaia.-Administrazio egintza (II): administrazio egintzen baldintzak, eraginkortasuna, deuseztasuna eta deuseztagarritasuna.
7. gaia.-Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.
8. gaia.-Administrazio prozedura erkidea (II): Administrazioarekiko errekurtsoak: printzipio orokorrak eta motak.
9. gaia.-Nafarroako Parlamentua edo Gorteak: osaera, antolaketa eta eginkizunak.
10. gaia.-Nafarroako Gobernuari eta Lehendakariari buruzko Foru Legea.
11. gaia.-Nafarroako Foru Komunitateko Administrazioari buruzko Foru Legea.
12. gaia.-Nafarroako Foru Komunitateko arartekoa. Comptos Ganbera. Nafarroako Kontseilua.
13. gaia.-Nafarroako administrazio publikoen zerbitzuko Langileen Estatutua (I): langile motak. Funtzionario publikoen hautapena. Funtzionario bihurtu eta funtzionario izatetik gelditzea.
14. gaia.-Nafarroako administrazio publikoen zerbitzuko Langileen Estatutua (II): karrera administratiboa. Egoera administratiboak. Lanpostuak betetzea. Ordainsariak.
15. gaia.-Nafarroako Foru Komunitateko Administrazioan administrazio elektronikoa ezartzeko Foru Legea.
Oharra: arlo guztietako gaiek deialdi hau Nafarroako ALDIZKARI OFIZIALean argitaratu zen egunean indarra zuen legeriari jarraituko diote.
III. zatia
Informatika
1. gaia.-Funtsezko kontzeptuak Windows XPz. Mahaigaina eta bere elementuak; programen administratzailea; Windows esploradorea; kontrol-panela, inprimagailuak; "hasi" botoia; "hasi" karpeta; tresna-barra; "exekutatu" komandoa; laguntza; sarean lan egitea; erabiltzaile kontuak.
2. gaia.-Testu-prozesadoreak: oinarrizko kontzeptuak. Microsoft Word 2003: lan esparrua; idatzi eta editatzea; testu formatua; orrialdea diseinatu eta konposatzea; estiloak; txantiloiak; tresnak; taulak; artxiboak administratzea; korrespondentzia konbinatzea; eremuekin lan egitea; inprimatzea;.
3. gaia.-Kalkulu orriak: oinarrizko kontzeptuak. Microsoft Excel 2003: funtsezko kontzeptuak; laneko liburuak; orriak; gelatxoak; gelatxoak eta komandoak hautatzea; datuak sartzea; formulak eta loturak sortzea; funtzioak erabiltzea; kalkulu orri bat editatzea; formatuak; grafikoak; inprimatzea.
4. gaia.-Datu baseak: oinarrizko kontzeptuak. Microsoft Access 2003: oinarriak; taulak; kontsultak; inprimakiak; txostenak; inprimatzea.
Iragarkiaren kodea: F0815876
Sarbidea
Nafarroako Aldizkari Ofiziala
Paseo Pablo Sarasate, 38, 2.º izda.
31001 - Iruña
848 42 12 50
