I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
ERABAKIA, 2008ko urtarrilaren 14koa, Nafarroako Gobernuak hartua, Iturmendiko Udaleko Kudeaketa Batzordeko kideak izendatzen dituena.
Abuztuaren 31ko 1137/2007 Errege Dekretuaren bidez hainbat udalerritan hauteskunde partzialak egiteko deia egin zen, besteak beste Iturmendian. Herri horretan hautagai-zerrenda bakar bat ere aurkeztu ez denez, Hauteskundeetako Araubide Orokorrari buruzko Legearen 181.2 artikuluan xedatutakoari jarraikiz, Lege Organiko horren 182. artikuluko hirugarren lerroaldean ezarritakoari dagokionez, beharrezkoa da Nafarroako Gobernuak udal horretako Kudeaketa Batzordea osatuko duten kideak izendatzea.
Horrenbestez, Nafarroako Gobernuak, Toki Administrazioko kontseilariak proposaturik,
ERABAKI DU:
1. Iturmendiko Udaleko Kudeaketa Batzordeko kideak izendatzea: Santiago Galarza Esquisábel, Elías Aramendía López de Zubiría, José Andrés Iza Dorronsoro, Jesús Galarza Gabirondo, Javier Junguitu Marín, Nicolás Arbizu Gabirondo eta Alberto Goicoechea Esnaola. Horiexek osatuko dute Kudeaketa Batzordea.
2. Erabaki hau Nafarroako ALDIZKARI OFIZIALean argitaratzea.
3. Erabaki hau Iturmendiko Udalari jakinaraztea.
Iruñean, 2008ko urtarrilaren 18an.-Erakundeekiko Harremanetarako kontseilari eta Gobernuaren eleduna, Nafarroako Gobernuko idazkariaren ordez, Alberto Catalán Higueras.
Iragarkiaren kodea: F0800645
