I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
3614/2007 EBAZPENA, azaroaren 27koa, Nafarroako Enplegu Zerbitzuko zuzendari kudeatzaileak emana, Jesús María Reclusa Espelosín jauna Nafarroako Enplegu Zerbitzuko Zuzendaritza Idazkaritzaren Bulegoko buru izendatzen duena, bitarte baterako.
Nafarroako Foru Komunitateko Administrazioari buruzko abenduaren 3ko 15/2004 Foru Legeak 27.3 artikuluan ezartzen du Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko direla atalburuak, bulegoburuak eta ataletik beherako unitateetako buruak.
Familia, Gazteria, Kirol eta Gizarte Gaietako Departamentuak adierazi du izendapenarekin ados dagoela.
Nafarroako Foru Komunitateko Administrazioaren eta haren erakunde autonomoen organoek langileen arloan dituzten eskurantzak zehazten dituen otsailaren 21eko 30/2005 Foru Dekretuko 8. artikuluan eta maiatzaren 21eko 47/2007 Foru Dekretuaren bidez onetsitako Nafarroako Enplegu Zerbitzuaren Estatutuetako 13. artikuluan xedatutakoari jarraikiz.
EBATZI DUT:
1. Jesús María Reclusa Espelosín jauna Nafarroako Enplegu Zerbitzuko Zuzendaritza Idazkaritzaren Bulegoko buru izendatzea, bitarte baterako.
2. Ebazpen honen berri ematea Funtzio Publikoaren Zuzendaritza Nagusiari eta Nafarroako Enplegu Zerbitzuko Laguntza Tekniko eta Administratiboaren Zerbitzuari.
3. Ebazpen hau interesdunari jakinaraztea. Aditzera ematen zaio hamar egun naturaleko epean jabetu beharko duela lanpostuaz, jakinarazi eta biharamunetik hasita.
4. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2008ko urtarrilaren 2an.-Nafarroako Enplegu Zerbitzuko zuzendari kudeatzailea, José Luis Ruiz Ciruelos.
Iragarkiaren kodea: F0800026
