I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
435/2007 EBAZPENA, maiatzaren 28koa, Lan zuzendari nagusiak emana, Noaingo "Nasermo, S.L." enpresaren lan hitzarmen kolektiboa luzatzeko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 55/2007).
Departamentu honetan 2007ko maiatzaren 15ean sartu da aipatu enpresaren lan hitzarmen kolektiboa luzatzeko akordioaren testua, xedapen 1ez eta 2 eranskinez osatua (2007rako lansarien taula barne), enpresaren ordezkariek eta enpresa batzordeak (CC OO eta UGT) 2007ko maiatzaren 11n izenpetu eta onetsia.
Industria eta Teknologia, Merkataritza eta Lan Departamentuak bere esku du martxoaren 24ko 1/1995 Legegintzako Errege Dekretuaren 90. artikuluan aipatzen diren lan hitzarmen kolektiboak erregistratu, gorde eta argitaratzea, lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuaren arabera, eta kontuan izanik Hitzarmen kolektiboak erregistratu eta gordetzeari buruzko maiatzaren 22ko 1040/1981 Errege Dekretuan xedatutakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
EBATZI DUT:
1. Noaingo "Nasermo, S.L." enpresako lan hitzarmen kolektiboa luzatzeko akordioa (kodea: 3104972) erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea. Hori guztia negoziazio batzordeari jakinaraziko zaio.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2007ko maiatzaren 28an._Lan zuzendari nagusia, José María Roig Aldasoro.
HITZARMEN KOLEKTIBOA LUZATZEKO AKORDIOA ETA 2007ko LANSARIEN BERRIKUSPENA
SINADURAREN AKTA
2007ko maiatzaren 11n, Nasermo, S.L. enpresako hitzarmen kolektiboa luzatzeko akordioa sinatu zen.
Sinatzaileak:
_Enpresaren aldetik:
Fernando Javier Pérez Andonegui.
_Langileen aldetik:
Villar Catalan García (CCOOko aholkulari gisa).
Rocío García Fernández.
María Gregoria Paredes Cáceres.
Piedad Ayestaran Goñi.
Camino Usunariz Ezcurra.
Rosario Guembe García.
M.ª José Urteaga Mendaza.
Adelino Gallardo Miguel.
2004an sinatutako hitzarmen kolektiboa 2007ko urtarrilaren 1etik hasitako atzera-eraginezko ondorioekin luzatzea erabaki zen, bai arauen esparruari dagokionez bai urte hartan erabaki ziren lansari kontzeptuei dagokienez. Horretarako bi eranskin sartu dira: I. eranskina, lansarien taularena, eta II. eranskina, ordainsari aldakor kolektiboa emateko taula agertzen duena, 2007. urterako emaitzen arabera.
2007ko lansariak igotzea
2007an Nafarroan egiatan izaniko KPIa ezagutu ondoren, aurreikusia gainditzen badu, lansarien zenbatekoak gaurkotuko dira, Nafarroako benetako KPIa plus puntu erdia egin arte, eta atzerapenen ordainketa 2007ko nominen kontura sortuko da. Nafarroako benetako KPIa aurreikusia baino txikiagoa bada, Nafarroako benetako KPIa hartuko da abiapuntutzat.
Hortik aparte, 2007rako, enpresaren 2007ko kontuak Batzordeari aurkeztu ondoren, Noaingo eta Novavíako lantegien kudeaketaren emaitzak ezaguturik, "Ordainsari Aldakor Kolektiboa" ordainduko da, ezin finkatuko dena, eta gehienez ere puntu eta erdi eginen duena. Ordainsari hori kobratu ahal izateko, ondoren ematen den taulako emaitzak lortu beharko dira.
Lantegiaren kudeaketaren emaitzak lantegi bakoitzaren emaitzen kontuan lorturiko etekinak dira, lantegi bat bestetik bereizirik, administrazioek dirulaguntza gisa emandako dirusarrerak barne eta lantegi bakoitzak izandako gastuak kontuan harturik.
2007ko azkeneko hiru hilabeteetan, 2008ko urtarrilaren 1ean indarra hartuko duen hitzarmen berrirako negoziazioak hasiko dira.
I. ERANSKINA
2007ko lansarien taula (2007. urteko %2,5eko aurreikuspena barne)
Z.E. 07ko TAUL. LANSARIA 07ko ANTZINATAS.
TAILERREKO BURUA 2.017,24 52,63
MANTENTZE LANEN ARD. 1.739,21 52,63
KALIT. ETA AURRENEURRIEN K. 1.624,40 52,63
ARDURADUNA 1.477,00 47,54
ZUZENDARITZAKO TEK. ADM. 1.477,00 47,54
BILTEGIAREN ETA LOGISTIKAREN ARD. 1.173,38 32,35
ADMINISTRARI LAG. 1.106,19 28,96
GIDARIA 1.091,67 28,27
BILTEGIKO MORROIA 1.003,23 24,69
LANGILEA - JARDUERA 07ko TAUL. LANSARIA 07ko ANTZINATAS.
100 754,55 11,41
101 762,57 11,86
102 770,61 12,33
103 778,64 12,78
104 786,68 13,25
105 794,71 13,70
106 802,74 14,16
107 810,78 14,63
108 818,81 15,08
109 826,83 15,55
110 834,87 16,00
111 842,89 16,41
112 850,92 16,83
113 858,95 17,24
114 866,97 17,65
115 874,99 18,08
116 883,02 18,49
117 891,04 18,90
118 899,06 19,32
119 908,23 19,79
120 917,40 20,26
121 926,57 20,74
122 935,73 21,21
123 944,91 21,68
124 954,08 22,16
125 963,24 22,63
126 971,24 23,04
127 979,24 23,46
128 987,24 23,87
129 995,25 24,28
130 1.003,23 24,69
II. ERANSKINA
Ordainsari aldakor kolektiboa ordaintzeko taula - 2007. urtea
KUDEAKETAREN KUDEAKETAREN
25.525 euro 35.735 euro Urteko taulako lansariaren %0,5, finkagarria
51.050 euro 71.470 euro Urteko taulako lansariaren %1, ez-finkagarria
76.575 euro 102.100 euro Urteko taulako lansariaren %1,5, ez-finkag.
102.100 euro 137.835 euro Urteko taulako lansariaren %2, ez-finkagarria
Iragarkiaren kodea: F0709223
