I. NAFARROAKO FORU KOMUNITATEA
1.3. BESTELAKO XEDAPENAK
1.3.1. Lurraldearen antolamendua eta hirigintza
252/2007 FORU AGINDUA, maiatzaren 18koa, Ingurumen, Lurraldearen Antolamendu eta Etxebizitza kontseilariak emana. Haren bidez behin betikoz onesten da Azagrako Udal Plana aldatzeko espedientea, lurzoru urbanizaezinean, las Esparadas alderdian, (3. poligonoko 581., 582., 583. eta 584. lurzatietan). Construcciones Ricer, S.L.k sustatua.
Azagrako Udalak idazpuruan azaltzen den espedientea aurkeztu du Ingurumen, Lurraldearen Antolamendu eta Etxebizitza Departamentuan, behin betikoz onets dadin.
Ikusirik aurkezturiko agiriak eta Lurraldearen Antolamendu eta Hirigintza Zerbitzuaren txostena, bidezko da behin betikoz onestea.
Ingurumen, Lurraldearen Antolamendu eta Etxebizitza Departamentuaren egitura organikoa ezarri zuen otsailaren 24ko 42/2005 Foru Dekretuaren bidez eskuratu dudan ahalmena erabiliz,
AGINDU DUT:
1. Behin betikoz onestea Azagrako Udal Plana aldatzeko espedientea, lurzoru urbanizaezinean, las Esparadas alderdian, (3. poligonoko 581., 582., 583. eta 584. lurzatietan), Construcciones Ricer, S.L.k sustatuta.
2. PA-1 sektorearen eremuarendako burutuko den urbanizazio proiektuak, egungo sarbidearen urbanizazio egokia hartu beharko du bere baitan, mugimendu desberdinak bideratuko dituena, 2006ko uztailaren 28ko 2006/94798 Txostenean jasotzen diren Herri Lan Departamentuaren zehaztepenekin bat.
3. Foru agindu honek ez duela administrazio bidea agortzen adieraztea. Interesdunek, administrazio publikoek izan ezik, legezkotasuna kontrolatzea helburu duen egintza honen kontra gora jotzeko errekurtsoa jartzen ahalko dute, Nafarroako Gobernuari zuzendua, hilabeteko epean. Eta onetsitako hirigintza araudiaren kontra administrazioarekiko auzi-errekurtsoa jartzen ahalko da, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.
Epe horiek foru agindu honen jakinarazpena egin edo, bestela, Nafarroako ALDIZKARI OFIZIALean argitaratu eta biharamunetik aurrera hasiko dira kontatzen.
4. Foru agindu honen berri ematea Azagrako Udalari, Construcciones Ricer, S.Lri eta Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, 2007ko maiatzaren 18an._Ingurumen, Lurraldearen Antolamendu eta Etxebizitza kontseilaria, José Andrés Burguete Torres.
Iragarkiaren kodea: F0708445
