I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
48/2007 FORU AGINDUA, apirilaren 20koa, Osasun kontseilariak emana, Tabakismoari Aurrea Hartzeko eta Kontrolatzeko Batzorde Tekniko Aholku-emailearen osaera aldatzen duena.
2007ko 45. Nafarroako ALDIZKARI OFIZIALean, apirilaren 11koan, Osasun kontseilariaren martxoaren 2ko 31/2007 Foru Agindua argitaratu zen, hots, Tabakismoari Aurrea Hartzeko eta Kontrolatzeko Batzorde Tekniko Aholku-emailea sortu zuena.
Batzordekideak adierazi zirenean, Oinarrizko Osasun Laguntzako Zuzendaritzaren ordezkariak adierazi gabe utzi zirenez, bidezkoa da orain haien berri ematea.
Horrenbestez, Osasun zuzendari nagusiak proposaturik,
AGINDU DUT:
1. Tabakismoari Aurrea Hartzeko eta Kontrolatzeko Batzorde Tekniko Aholku-emailearen osaera aldatzea, hemendik aurrera kide hauek osatuko baitute:
Nafarroako Osasun Publikoaren Institutuko zuzendaria, batzordeburua izanen dena.
Nafarroako Osasun Publikoaren Institutuko Epidemiologiaren, Aurreneurrien eta Osasun Sustapenaren Zerbitzuko burua.
Nafarroako Osasun Publikoaren Institutuko Osasuna Sustatzeko Zerbitzuko burua.
Tabakoaren kontrako Foru Planaren koordinatzailea.
Osasun Publikoko ikuskatzaile bat, Nafarroako Osasun Publikoaren Institutuko zuzendariak hautatua.
Drogamenpekotasunen kontrako Foru Planaren zuzendaria.
Osasunbidea-Nafarroako Osasun Zerbitzuko Oinarrizko Osasun Laguntzako Zuzendaritzako Osasun Laguntzaren Ebaluazio eta Kalitaterako Ataleko burua.
Hezkuntza Departamentuko zeharkako gaietarako aholkulari bat, Eskola eta Lanbide Irakaskuntzaren zuzendari nagusiak hautatua.
Nafarroako Kirol eta Gazteriaren Institutuaren ordezkari bat, bertako zuzendari kudeatzaileak hautatua.
Nafarroako Lan Osasunaren Institutuaren ordezkari bat, bertako zuzendari kudeatzaileak hautatua.
Bihotz Unitateko barrutiko sendagile espezialista bat, Nafarroako Ospitaleko zuzendariak hautatua.
Pneumologiako barrutiko sendagile espezialista bat, Bideko Ama Birjina Ospitaleko zuzendariak hautatua.
Emakumeari Laguntzeko Zentroko zuzendari bat, Emakumeari Laguntzeko Ataleko buruak hautatua.
Tabakismoari Aurrea Hartzeko Batzorde Nazionalak Nafarroan duen ordezkaria.
Oinarrizko Osasun Laguntzako pediatra bat.
Oinarrizko Osasun Laguntzako erizaintzako profesional bat.
Oinarrizko Osasun Laguntzako mediku bat.
Familiaren eta Komunitatearen Medikuntzaren Espainiako Sozietatearen Osasuna Sustatzeko eta Prebentzio Jardueren Programak Nafarroan duen arduraduna.
Batzordeak idazkari bat hautatuko du bere kideen artetik.
2. Foru agindu honek Nafarroako ALDIZKARI OFIZIALean argitaratzen den egunean hartuko du indarra.
Iruñean, 2007ko apirilaren 20an._Osasun kontseilaria, María Kutz Peironcely.
Iragarkiaren kodea: F0707902
