I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
424/2007 EBAZPENA, maiatzaren 7koa, Eskola eta Lanbide Irakaskuntzaren zuzendari nagusiak emana, 2006-2007 ikasturtean Lanbide Hastapeneko Programetan matrikulaturiko ikasleendako ikasketetarako laguntzak, zehazki, garraiorakoak eta jantokirakoak, ebazten dituena.
Ikusirik Lanbide Heziketaren Zerbitzuak aurkeztu duen txostena, azaroaren 3ko 1122/2006 Ebazpenaren bidez baimenduriko Hastapeneko Programetan 2006-2007 ikasturtean matrikulaturiko ikasleendako ikasketetarako laguntzak, zehazki, garraiorakoak eta/edo jantokirakoak, eman edo ukatzeari buruzkoa.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluko d) idatz-zatiak ematen dizkidan ahalmenak erabiliz,
EBATZI DUT:
1. 52.837,18 euroko gastua baimentzea eta I. eranskinean agertzen diren ikasleei 52.837,18 euro ordaintzeko agintzea. Ikasle horiek Lanbide Hastapeneko Programetan matrikulaturik daude 2006-2007 ikasturtean eta dirua ikasketetarako, garraiorako eta/edo jantokirako ematen zaien laguntzari dagokio.
2. II. eranskinean agertzen diren ikasleek eskaturiko laguntza ukatzea, baldintzaren bat betetzen ez dutelako. Ikasle horiek Lanbide Hastapenerako Programaren batean matrikulaturik daude 2006-2007 ikasturtean.
3. Ekonomia eta Ogasun Departamentuari eskatzea I. eranskinean agertzen diren zenbatekoak ordaintzeko agindua egiteko, guztira, 52.837,18 eurokoa, 2007ko aurrekontuetako "Erdi eta goi mailako ikasketetarako beka eta laguntzak" izeneko 410002-41150-4800-323100 kontusailaren kargura.
4. Ebazpen honen aurka gora jotzeko errekurtsoa jar daiteke, Hezkuntza kontseilariari zuzendua, jakinarazi eta biharamunetik hilabeteko epean.
5. Ebazpen hau Nafarroako ALDIZKARI OFIZIALean argitara dadila agintzea.
6. Ebazpen hau igortzea Ekonomia eta Ogasun Departamentuak Hezkuntzakoan duen kontu-hartzaile delegatuari, Lanbide Heziketaren Zerbitzuari, Ikastetxeen eta Ikasketetarako Laguntzen Zerbitzuari, Dibertsitate, Kultura-aniztasun eta Immigraziorako Zerbitzuari, Lanbide Irakaskuntzak Berriztatu eta Garatzeko Atalari, Ikasketetarako Laguntzen Atalari, Kudeaketa Ekonomikoaren Bulegoari eta laguntza eman edo ukatu zaien ikasleak matrikulaturik dituzten ikastetxe eta irabazi-asmorik gabeko erakundeei.
Iruñean, 2007ko maiatzaren 7an._Eskola eta Lanbide Irakaskuntzaren zuzendari nagusia, Fermín Villanueva Ferreras.
Iragarkiaren kodea: F0707885
