I. NAFARROAKO FORU KOMUNITATEA
1.3. BESTELAKO XEDAPENAK
1.3.1. Lurraldearen antolamendua eta hirigintza
239/2007 FORU AGINDUA, maiatzaren 10ekoa, Ingurumen, Lurraldearen Antolamendu eta Etxebizitza kontseilariak emana, "Tuteran Unibertsitate Publikoa ezartzea" izeneko Udalez gaindiko Plan Sektorialaren 1. sektoreko Plan Berezia behin betikoz onesten duena. Sustatzailea Nafarroako Unibertsitate Publikoa da.
1. Aurrekariak.
Ingurumen, Lurraldearen Antolamendu eta Etxebizitza kontseilariak emandako abenduaren 29ko 472/2006 Foru Aginduaren bidez "Tuteran Unibertsitate Publikoa ezartzea" izeneko Udalez gaindiko Plan Sektorialaren 1. sektoreko Plan Berezia hasiera batez onetsi da. Sustatzailea Nafarroako Unibertsitate Publikoa da. (2007ko urtarrilaren 10eko Nafarroako ALDIZKARI OFIZIALa, 5. zenbakia)
Plan Berezi honen xedea da 1. sektoreko antolamendu egituratzailea eta UE 2B exekuzio unitatearen antolamendu xehekatua (Plan Bereziak berak planteatzen duen UE2ko azpizatiketaren ondoriozkoa) garatzea. UE 2B unitatean Unibertsitatearen garapenerako lehen fasea gauzatuko litzateke.
2. Alegazioak.
Jendaurrean egon den bitartean alegazio idazki bat aurkeztu du María Victoria Castillo Floristán andreak Tuterako Udalaren izenean.
Edukia:
Alegatzaileak, sarbideak modu egokian moldatzeko, "Tuteran Unibertsitate Publikoa ezartzea" izeneko Udalez gaindiko Plan Sektorialean aurreikusitako biribilgunea egiteko eskatu du, unibertsitatearen eta La Atalaya zentroaren arteko bidearen lotune gisa.
Biribilgune hau eta Tuterako Udalak iparralderago egin eta ordaintzea aurreikusten duen beste biribilgunea, ezkerrera biratzeko soluzioa dela argudiatu du, eta horretaz, Plan Berezia hasiera batez onesten duen foru aginduaren xedapen zatian argibideak eskatu zirela.
Erantzuna:
Plan Bereziak "Tuteran Unibertsitate Publikoa ezartzea" Plan Sektoriala garatzen du, eta plan honek biribilgune guztia bere esparruan hartzen ez duenez, ezinezkoa da hemendik kanpoko soluzioak eranstea.
Horretarako, aipatu biribilgunea Plan Berezian kontuan hartua izan zedin eta ondoren urbanizatzeko proiektuan burutzeko proiektatua, beharrezkoa litzateke UPSa aldatzea, alegatzaileak sustatzen ahal lukeen aldaketa, biribilgune guztia bere esparruan hartu ahal izateko eta modu honetan beharrezkoa den lurzoru guztia eskuratu eta jarduketaren kontu burutzeko. Soluzio hau aurrera eramateko beste bide batzuk erabili ahal izaten direla kontuan hartu gabe.
3. Udal txostena.
Tuterako Udaleko hirigintza udal zerbitzu teknikoek UE 2B urbanizatzeko proiektuari buruzko txostena aurkeztu dute. Bertan arestian alegatutakoa berresteaz gain, 3. eremuaren _eremuko berdegunea_ mantentze eta jabetza argitzea komenigarri izanen zela adierazten da, alegaturiko biribilgunearen hurbiltasuna dela eta Tarazona etorbideko irteera/sarreraren beharra zalantzan jarriz azkenik. Bi gai hauek Plan bereziaren xedapenekin duten harremana dela eta argitu beharrekoak dira.
Jarduketaren 3. eremuari buruz, Plan bereziak eremu publiko libretzat hartzen duena (berdegunea), aipatu beharrekoa da ekipamendu publiko baten zati dela, hau da jabari eta erabilera publikokoa. Mantentzeari buruz, ente publiko titularren esku egon behar dela kontsideratzen da. Iruñeko NUParen campusa katastroaren arabera Nafarroako Foru Komunitatearen jabetza da (NUP), modu honetan berdeguneen mantentzea NUPen esku dago.
Alegatutako biribilgunearen Tarazona etorbideko aparkalekuaren erdiko irteera/sarreraren hurbiltasunari buruz, aipatu biribilgunea egitea, hiribidea denez berau erabiltzeak Tarazona etorbiden zirkulazio arazoak ez sortzea espero da..
4. 472/2006 Foru Agindua.
Plan berezi hau hasiera batez onesten duen Foru Aginduaren xedapen zatiaren 2. puntuan, sustatzaileak espedientea ebatzi baino lehen hurrengo puntu hauei erantzun beharko diela ezartzen da:
_Argitu egin behar da eta, behar bada, zehaztu, Tarazonako errepidea etorkizunean bikoizteko beharrezkoak izanen diren lurzoru lagapenak zein modutan bermatuko diren.
_Tarazonako errepidea bikoizten ez den bitartean, errepide horretatik Campusean sartzeko ezkerraldera egin behar diren biraketak konpontzeko zer proiektu dagoen argitu beharko da.
_Argitzekoa da, halaber, aparkalekuetatik etorkizunean bikoiztuko den Tarazonako errepidera jotzeko sarrera-irteerak nola konponduko diren.
Lehenengo puntuari buruz sustatzaileak dokumentazio grafikoa aurkeztu du, bertan Tarazona etorbidearen bikoizketa canpusaren kontrako aldera eginen dela eta UPSaren eremuaren baitako egungo kanpusaren bazterrean dagoen haskaia-bizikletentzako erreia-espaloi zuhaitzduna guztiz errespetatuko dela azaltzen da.
Ezkerrera biragune eta aparkalekuen eremuko irteera/sarrerari buruz, ETIren sarrerako biribilgunearekin, bitan zatitua dagoena, eta nekazarien elkartea kooperatibaren instalazioen iparraldean Tuterako Udalak egin asmo duen biribilgunearekin koponduko direla uste da.
Horrenbestez, Lurraldearen Antolamendu eta Hirigintza Zerbitzuak egindako txostena ikusirik, eta Lurraldearen Antolamendu eta Hirigintzari buruzko abenduaren 20ko 35/2002 Foru Legeko 43. artikuluan agindutakoarekin bat,
AGINDU DUT:
1. Aurkeztu diren alegazioak ebaztea foru agindu honen xedapen zatian agertu den moduan.
2. Behin betiko onestea "Tuteran Unibertsitate Publikoa ezartzea" izeneko Udalez gaindiko Plan Sektorialaren 1. sektoreko Plan Berezia, Nafarroako Unibertsitate Publikoak sustatua, baldintza honekin:
_O.05 planoa zuzenduko da, "exekuzio-erabilpen unitateen gainezarpena", UE.2B exekuzio-unitatearen mugatzea O.06 planoan islatutakoarekin egokitzeko, "UE.2B: antolamendu xehekatua, lerrokatzeak, kotak eta sestrak"
3. Adieraztea foru agindu honek ez duela administrazio bidea agortzen eta espedientean interesa dutenek, administrazio publikoak izan ezik, haren kontra gora jotzeko errekurtsoa jartzen ahal dutela, Nafarroako Gobernuari zuzendua, hilabeteko epean. Espedientearen kontra administrazioarekiko auzi-errekurtsoa jartzen ahalko da, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean. kontatzen.
Epe horiek foru agindu honen jakinarazpena egin edo, bestela, Nafarroako ALDIZKARI OFIZIALean argitaratu eta biharamunetik aurrera hasiko dira
4. Ebazpen hau Ekonomia eta Ogasun Departamentuko Ondare Zerbitzuari, Tuterako Udalari, Tuterako Udalaren Ur Batzordeari eta Nafarroako Unibertsitate Publikoari jakinaraztea eta Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, 2007ko maiatzaren10ean._Ingurumen, Lurraldearen Antolamendu eta Etxebizitza kontseilaria, José Andrés Burguete Torres.
Iragarkiaren kodea: F0708108
