II. NAFARROAKO TOKI ADMINISTRAZIOA
2.1. ORDENANTZAK ETA BESTELAKO XEDAPEN OROKORRAK
CINTRUENIGO
Cintruenigoko Udaleko langileen 20067ko lan egutegia
Ikusita Nafarroako Administrazio Publikoen zerbitzuko Langileen Estatutuaren 59.1 artikulua eta horren ondoriozkoak.
Nafarroako Foru Komunitateko herrien 2007ko jaiegunak zehaztuta, bidezko da Cintruenigoko Udalaren eta bere erakunde autonomoen zerbitzuko langileen 2007ko lan egutegia onestea, abenduaren 14ko 432/2006 Foru Aginduan ezarritako urteko lanordu kopuruan eta lanaldia banatzeko irizpideetan oinarrituta.
Horrenbestez, ebatzi dut:
1. Honako egunok jaiegun izatea:
_Urtarrilaren 1a: Urteberri.
_Urtarrilaren 6a: Errege eguna.
_Urtarrilaren 24a: Bakearen Ama Birjinaren eguna (herriko jaia).
_Apirilaren 5a: Ostegun Santua.
_Apirilaren 6a: Ostiral Santua.
_Apirilaren 9a: Pazko biharamuna.
_Maiatzaren 1a: Langileen eguna.
_Abuztuaren 15a: Abuztuko Andre Maria.
_Irailaren 8a, 10a eta 11: herriko festak.
_Urriaren 12a: Espainiako jai nazionala.
_Azaroaren 1a: Omiasaindu.
_Abenduaren 3a: San Frantzisko Xabierkoa (Nafarroaren eguna).
_Abenduaren 6a: Konstituzio eguna.
_Abenduaren 8a: Sortzez Garbiaren eguna.
_Abenduaren 25a: Eguberri eguna.
2. Udal bulegoak itxita egonen diren egunak: urteko larunbat guztiak.
3. Udaleko eta bere erakunde autonomoetako funtzionario eta langileek, txandaka lan egiten dutenak kenduta, 1.592 lanordu eginen dituzte urte guztian.
4. Udalaren eta bere erakunde autonomoen menpeko bulegoetako langileek lan egutegi hau izanen dute:
astelehenetik ostiralera, 07:40tik 15:00etara.
5. Aipatutako jaiegunak izanen dituzte gainerako langileek, eta zerbitzu bakoitzak urteko ordu kopurua bete beharko du.
6. Organo administratibo eskudunek arauz ezarritako oporrak honelaxe emanen dituzte: oporraldi luze bat edo bi eta, urtean zehar hartzeko, zazpi egun solte bakarrik, zerbitzuaren beharrek hala uzten dutenean.
Langileek ekitaldi hasieran adieraziko dute zein egun hautatzen dituzten oporretarako, zerbitzuak behar bezala antolatu ahal izateko.
Arau orokor gisa eta zerbitzuaren arrazoiengatik, ahalik eta gehiena murriztuko dira baimenak eta oporraldiak abenduan.
7. Norberaren kontuengatik baimen ordainduko hiru egun hartzeko, garaiz eskatu beharko dira eta zerbitzuaren beharren arabera emanen dira.
8. Puntualtasun faltak, diziplinaren araudian xedatutakoa deusetan ukatu gabe, funtzionarioak jasotzen duen lansaritik kenduko dira.
Cintruenigon, 2007ko urtarrilaren 2an._Alkatea, Faustino León Chivite.
Iragarkiaren kodea: L0700086
