65. ALDIZKARIA - 2007ko maiatzaren 25a

II. NAFARROAKO TOKI ADMINISTRAZIOA

2.1. ORDENANTZAK ETA BESTELAKO XEDAPEN OROKORRAK

ETXARRI ARANATZ

2007ko lan egutegia eta lanerako balio gabeko egunak. Onespena

Alkatetzaren 2007ko martxoaren 14ko ebazpena:

"Kontuan hartuz abenduaren 27ko 624/1999 Foru Dekretua, ezartzen duena urteko lanaldia Nafarroako Administrazio Publikoetako enplegatuentzat (1.592 egiazko lanordu, 2007rako), hain zuzen ere Nafarroako Administrazio Publikoen zerbitzuko Langileen Estatutuaren testu bateginaren aplikazio eremuan sartzen direnentzat, eta Lan zuzendari nagusiaren azaroaren 24ko 924/2006 Ebazpena, Nafarroako Foru Komunitatearen esparruan 2007ko jaiak zein diren zehazten duena; ikusirik, orobat, espedientean jasotako dokumentazioa eta Foru Komunitatean epeen kontaketarako 2007. urtean baliogabeak izanen diren egunak zehazten dituen araudia, ebatzi dut, 2007rako jarraian ematen den lan egutegia onestea, Etxarri Aranazko herriko jaietara egokitu ondoren:

1. Honako egunok jaiegun izatea:

_Urtarrilaren 1a: Urteberri.

_Urtarrilaren 6a: Errege eguna.

_Apirilaren 18a: Ostegun Santua.

_Apirilaren 18a: Ostiral Santua.

_Apirilaren 9a: Pazko biharamuna.

_Maiatzaren 1a: Langileen eguna.

_Ekainaren 17an: San Kiriko (herriko jaia).

_Ekainaren 16an: San Adrian (herriko jaia).

_Abuztuaren 6, 7 eta 8a: herriko festak.

_Abuztuaren 15a: Abuztuko Andre Maria.

_Urriaren 12a: Espainiako jai nazionala.

_Azaroaren 1a: Domusantu.

_Abenduaren 3a: San Frantzisko Xabierkoa (Nafarroaren eguna).

_Abenduaren 6a: Konstituzioaren eguna.

_Abenduaren 8a: Ama Birjina Sortzez Garbia.

_Abenduaren 24a: Eguberri bezpera.

_Abenduaren 25a: Eguberri.

2. Udal bulegoak itxita egonen diren egunak:

Urteko larunbat guztiak.

3. Udal honetako funtzionario eta langileek 1.592 lan ordu, egiazkoak, izanen dituzte urtean.

4. Udalaren eta bere erakunde autonomoen menpeko bulegoetako langileek lan egutegi hau izanen dute:

Astelehenetik ostiralera, 07:50etik 15:00etara.

5. Organo administratibo eskudunek arauz ezarritako oporrak honelaxe emanen dituzte: oporraldi luze bat edo bi eta, urtean zehar hartzeko, zazpi egun solte bakarrik, zerbitzuaren beharrek hala uzten dutenean. Jaieguna eta oporrak hartzeko eskabidea Udaleko idazkariari aurkeztu beharko zaio.

Langileek ekitaldi hasieran adieraziko dute zein egun hautatzen dituzten oporretarako, zerbitzuak behar bezala antolatu ahal izateko.

6. Norberaren kontuengatik baimen ordainduko hiru egun hartzeko, garaiz eskatu beharko dira eta zerbitzuaren beharren arabera emanen dira.

7. Ebazpen hau jakinaraztea eta balio gabeko egunak Herriko Etxeko iragarki oholean eta Nafarroako ALDIZKARI OFIZIALean argitaratzea.

Etxarri Aranatzen, 2007ko apirilaren 11n._Jarduneko alkatea, Iraitz Goñi Iraurgi.

Iragarkiaren kodea: L0706702