65. ALDIZKARIA - 2007ko maiatzaren 25a

I. NAFARROAKO FORU KOMUNITATEA

1.3. BESTELAKO XEDAPENAK

1.3.4. Dirulaguntzak eta bekak

107/2007 FORU AGINDUA, maiatzaren 10ekoa, Vianako Printzea Erakundea-Kultura eta Turismo Departamentuko kontseilariak emana, unibertsitate tituludunentzako prestakuntzako hamabost beka emateko deialdia onesten duena. Bekak Turismoaren Sustapenerako eta Irudi Turistikorako Zerbitzuan aritzeko dira.

Apirilaren 19ko 172/2004 Foru Dekretuak, Nafarroako Foru Komunitateko Administrazioan eta haren erakunde autonomoetan prestakuntzako bekak emateko araubide orokorra ezartzen du. Dirulaguntzak emateko prozedurari hasiera eman aurretik deialdiaren arauak onetsi beharko dira, eta Nafarroako ALDIZKARI OFIZIALean argitaratu.

Horiek horrela, proposatu da unibertsitate tituludunentzako prestakuntzako hamabost beka emateko deialdia eta arauak onestea; beka horiek Turismoaren Sustapenerako eta Irudi Turistikorako Zerbitzuan aritzeko dira, eta haien xedea da onuradunen prestakuntza akademikoa osatzea ezagutza espezializatuekin eta esperientzia praktikoarekin, administrazio publikoen nahiz enpresa pribatuen eskaerei aurre egiteko gaitasuna eskura dezaten.

Deialdiko bekak ondokoak dira:

_3 beka; ebazpenean ezartzen den egunean hasiko dira eta iraunen dute, hasiera batean, 2007ko abenduaren 31 arte. Hamabi hilabeteko aldietarako luzatzen ahal dira, gehienez ere hiru urte egin arte, ondoko zerrendari jarraikiz.

_Beka 1 zuzenbideko lizentziatuentzat, Turismoaren Sustapenerako eta Irudi Turistikorako Zerbitzuko zerbitzu zentraletan aritzeko.

_Beka 1 Komunikazio, Publizitate, Kazetaritza edo antzekoetako lizentziatuentzat, Turismoaren Sustapenerako eta Irudi Turistikorako Zerbitzuko zerbitzu zentraletan aritzeko.

_Beka 1 goi mailako tituludunentzat (eta lehen zikloan dagozkien ikasketak bukatu dituztenentzat) edo erdi mailako tituludunentzat, eranskinean agertzen diren titulazioei dagozkienentzat, Iruñeko Turismo Bulegoan aritzeko.

_8 beka, hiru hilabeteko iraupenekoak (2007ko uztaila, abuztua eta iraila), Nafarroako Turismo Bulegoetan aritzeko. Ez dute luzapenik izanen.

Beka horiek eskatzen ahal dituzte goi mailako tituludunek (eta lehen zikloko ikasketak bukatu dituztenek) edo erdi mailako tituludunek, eranskineko titulazioetako bat dutenek.

Beka horietarako aurreikusten diren lekuak ondokoak dira:

_6 beka Iruñeko Turismo Bulegorako.

_Beka 1 Lizarrako Turismo Bulegorako.

_Beka 1 Erriberriko Turismo Bulegorako.

_4 beka, 21 eguneko iraupenekoak (2007ko ekainaren 25etik 2007ko uztailaren 15era), Iruñeko Turismo Bulegoan aritzeko. Ez dute luzapenik izanen. Beka horiek eskatzen ahal dituzte goi mailako tituludunek (eta lehen zikloko ikasketak bukatu dituztenek) edo erdi mailako tituludunek, eranskinean agertzen dira titulazioetako bat dutenek.

Dotazio ekonomikoa ondokoa izanen da:

_Turismoaren Sustapenerako eta Irudi Turistikorako Zerbitzuko zerbitzu zentraletarako ematen den beka bakoitzean, 850 euro hilero.

_Nafarroako Turismo Bulegoetarako beka bakoitzean, 977,5 euro hilero.

_Iruñeko Turismo Bulegorako beka bakoitzean, 21 egun iraunen baitu, 892,5 euro, guztira.

Horrenbestez, Vianako Printzea Erakundea-Kultura eta Turismo Departamentuaren egitura organikoa ezarri zuen maiatzaren 16ko 73/2005 Foru Dekretuaren 2.2.a) artikuluak ematen dizkidan eskurantzak erabiliz,

AGINDU DUT:

1. Unibertsitate tituludunentzako eta diplomadunentzako prestakuntzako hamabost beka emateko deialdia eta haren arauak onestea. Arauak foru agindu honen eranskinean ageri dira. Bekak Turismo Zuzendaritza Nagusian (Turismoaren Sustapenerako eta Irudi Turistikorako Zerbitzua) aritzeko dira.

2. Gastua baimentzea, 45.772,5 euro gehienez ere, 2007ko gastuen aurrekontuaren "Praktiketako ikasleentzako transferentzia arruntak" izeneko A10002-A1200-4800-432300 kontusailaren kontura, adierazitako zenbatekoei jarraikiz. Aurreikusten denez, luzatzen ahal diren hiru bekak ekainean hasiko lirateke, beraz, guztirako zenbatekoak kalkulatzen dira 8 hilabeteren gainean. Data ezberdinean hasiz gero, zenbatekoak doitu eginen lirateke. Horren arabera, gastu osoa kalkulatzen da ondoko zenbatekoei jarraikiz:

1. kategoria: Zuzenbideko lizentziatuentzako beka, zerbitzu zentraletan aritzeko: 850 euro x 7 hilabete: 5.950 euro.

2. kategoria: Komunikazio, Publizitate, Kazetaritza edo antzekoetako lizentziatuentzako beka, zerbitzu zentraletan aritzeko: 850 euro x 7 hilabete: 5.950 euro.

3. kategoria: Oro har tituludun direnentzako bekak, Iruñeko Turismo Bulegoan aritzeko: 977,5 euro x 7 hilabete: 6.842,5 euro.

4. kategoria: Oro har tituludun direnentzako bekak, Nafarroako Turismo Bulegoetan aritzeko: 977,5 euro x 3 hilabete x 8 beka: 23.460 euro.

5. kategoria: Oro har tituludun direnentzako bekak, 21 egunekoak, Iruñeko Turismo Bulegoan aritzeko: 892 euro x 4 hilabete: 3.570 euro

3. Deialdi hau, haren arauak eta eskabide eredua Nafarroako ALDIZKARI OFIZIALean argitaratzea.

Foru agindu honen aurka gora jotzeko errekurtsoa jartzen ahal da, Nafarroako Gobernuari zuzendua, jakinarazi eta biharamunetik hilabeteko epean.

Iruñean, 2007ko maiatzaren 10ean._Vianako Printzea Erakundea-Kultura eta Turismo Departamentuko kontseilaria, Juan Ramón Corpas Mauleón.

ERANSKINA

Unibertsitateko tituludunentzako prestakuntzako hamabost bekaren deialdia, Turismo Zuzendaritza Nagusian aritzeko (Turismoaren Sustapenerako eta Irudi Turistikorako Zerbitzua)

1._Sorrera eta iraupena.

Apirilaren 19ko 172/2004 Foru Dekretuaren bidez, Nafarroako Foru Komunitateko Administrazioan eta haren erakunde autonomoetan prestakuntzako bekak emateko araubide orokorra ezarri zen.

Aipatu araudiaren babesean, Vianako Printzea Erakundea-Kultura eta Turismo Departamentuko Kultura Zuzendaritza Nagusiak, beketarako deialdi hau atera du. Xedea da onuradunen prestakuntza akademikoa osatzea ezagutza espezializatuekin eta esperientzia praktikoarekin, administrazio publikoek nahiz enpresa pribatuek eskatzen dituzten ezagupen eta trebeziei aurre egiteko gaitasuna eskura dezaten.

Deialdiko bekak hamabost dira, eta ondoko ezaugarriak dituzte:

3 beka; ebazpenean ezartzen den egunean hasiko dira eta iraunen dute, hasiera batean, 2007ko abenduaren 31 arte. Hamabi hilabeteko aldietarako luzatzen ahal dira, gehienez ere hiru urte egin arte, ondoko zerrendari jarraikiz:

_Beka 1 Zuzenbideko lizentziatuentzat, Turismoaren Sustapenerako eta Irudi Turistikorako Zerbitzuko zerbitzu zentraletan aritzeko.

_Beka 1 Komunikazio, Publizitate, Kazetaritza edo antzekoetako lizentziatuentzat, Turismoaren Sustapenerako eta Irudi Turistikorako Zerbitzuko zerbitzu zentraletan aritzeko.

_Beka 1 goi mailako tituludunentzat (eta lehen zikloko ikasketak bukatu dituztenentzat) edo erdi mailako tituludunentzat, eranskineko titulazioetako bat dutenentzat.

8 beka, hiru hilabeteko iraupenekoak (2007ko uztaila, abuztua eta iraila), Nafarroako Turismo Bulegoetan aritzeko. Ez dute luzapenik izanen.

Beka horiek eskatzen ahal dituzte goi mailako tituludunek (eta lehen zikloko ikasketak bukatu dituztenek) edo erdi mailako tituludunek, eranskin honetako titulazioetako bat dutenek.

Beka horietarako aurreikusten diren lekuak ondokoak dira:

_6 beka Iruñeko Turismo Bulegorako.

_Beka 1 Lizarrako Turismo Bulegorako.

_Beka 1 Erriberriko Turismo Bulegorako.

4 beka, 21 eguneko iraupenekoak (2007ko ekainaren 25etik 2007ko uztailaren 15era, biak barne), Iruñeko Turismo Bulegoan aritzeko. Ez dute luzapenik izanen. Beka horiek eskatzen ahal dituzte goi mailako tituludunek (eta lehen zikloko ikasketak bukatu dituztenek) edo erdi mailako tituludunek, eranskin honetako titulazioetako bat dutenek.

2._Dotazio ekonomikoa.

_Turismoaren Sustapenerako eta Irudi Turistikorako Zerbitzuko zerbitzu zentraletarako ematen den beka bakoitzean, 850 euro hilero.

_Nafarroako Turismo Bulegoetarako beka bakoitzean, 977,5 euro hilero.

_Iruñeko Turismo Bulegorako beka bakoitzean, 21 egun iraunen baitu, 892,5 euro, guztira.

_Diru kopuru horri Pertsona Fisikoen Errentaren gaineko Zergari dagokiona kenduko zaio, indarra duten arauei jarraikiz hala egin behar baldin bada.

_Bekadunei ematen zaien dirua ez da soldata edo lansaritzat hartuko, dirulaguntza publikotzat baizik.

_Ordainketa hilabetero eginen da, hilabeteak bukatutakoan.

_Beken dotazio ekonomikoa aldian aldian eguneratzen ahalko da Lehendakaritza, Justizia eta Barne kontseilariaren foru agindu baten bidez.

Gastua baimentzea, (guztira 45.772,5 euro, gehienez ere), 2007ko gastuen aurrekontuaren "Praktiketako ikasleentzako transferentzia arruntak" izeneko A10001-A1100-4800-432300 kontusailaren kontura, adierazitako zenbatekoei jarraikiz. Aurreikusten denez, luzatzen ahal diren hiru bekak ekainean hasiko lirateke, beraz, guztirako zenbatekoak kalkulatzen dira 8 hilabeteren gainean. Data ezberdinean hasiz gero, zenbatekoak doitu eginen lirateke.

3._Onuradunek bete beharreko baldintzak.

Prestakuntza bekak hartzen ahalko dituzte, soil-soilik, ondoren azaltzen diren baldintza guztiak betetzen dituzten pertsona fisikoek:

a) Adinez nagusia izatea.

b) Espainiako herritarra izatea edo Europar Batasuneko estaturen batekoa edo, Europar Batasunak izenpetu eta Espainiako Estatuak berretsitako nazioarteko itunen arabera, langileen joan-etorri askea aplikatzen duen estaturen batekoa. Dena den, Espainiako nazionalitatea ez dutenek gaztelaniaz behar adina badakitela frogatu beharko dute.

c) Jarduteko gaitasun osoa izatea eta Nafarroako Foru Komunitatearen eta haren erakunde autonomoen laguntza eta dirulaguntza publikoak jasotzeko desgaitua ez egotea.

d) Bizitokia Nafarroan izatea, deialdiaren eguna baino urte bat lehenagotik gutxienez.

e) Unibertsitateko, lanbide heziketako edo balio bereko titulu baten jabe izatea, Espainiako agintariek emana edo homologatua, eranskin honen 4. atalean biltzen diren titulazioei jarraikiz (salbu eta titulazio zehatza eskatzen duten bekak). Ziklo luzeko ikasketak egiten ari direnentzat, lehenbiziko zikloko ikasketak bukatu dituztenak ere onartuko dira.

f) Eskatutako titulu hori prestakuntza bekarako deialdia egin aurreko hiru urteen barrenean eskuratua izatea.

g) Bekaren prestakuntza jardueran aritzea galaraz dezakeen ezgaitasun fisikorik edo bestelako gaixotasunik ez izatea.

4._Onartzen diren titulazioak.

Berariazko titulaziorik eskatzen ez duten beketarako, ondokoak dira onartzen diren titulazioak (halaber, onartzen dira lehenbiziko zikloko ikasketak bukatu dituztenen eskaerak, baldin eta titulazioetan lehenbiziko eta bigarren zikloak badaude).

Giza Zientziak:

_Arte Ederrak

_Filologia (adar guztiak)

_Filosofia

_Geografia

_Historia

_Artearen Historia

_Giza Zientziak:

_Itzulpengintza eta Interpretetza

_Antropologia Sozial eta Kulturala

_Musikaren Historia eta Zientziak

_Literaturaren Teoria eta Literatura Konparatua

Saiakuntza Zientziak:

_Biologia

_Ingurumen Zientziak

_Geologia

_Estatistika

_Estatistikako Zientzia eta Teknikak

_Enologia

Gizarte eta Zuzenbideko Zientziak:

_Enpresen Administrazio eta Zuzendaritza

_Gorputz Jardueren eta Kirolaren Zientziak

_Zientzia Politikoak eta Administrazioarenak

_Ikus-entzunezko Komunikazioa

_Zuzenbidea

_Ekonomia

_Kazetaritza

_Publizitatea eta Harreman Publikoak

_Soziologia

_Bibliotekonomia eta Dokumentazioa

_Enpresa Zientziak

_Gizarte Heziketa

_Kudeaketa eta Administrazio Publikoa

_Turismoa

_Laneko Zientziak

_Dokumentazioa

_Merkatuko Ikerketa eta Teknikak

Irakaskuntza teknikoak:

_Nekazaritzako ingeniaria

_Mendi ingeniaria

_Informatikako ingeniaria

_Arkitekto teknikoa

_Nekazaritzako ingeniari teknikoa (adar guztiak)

_Kudeaketarako Informatikako ingeniari teknikoa

_Kudeaketarako Informatikako ingeniari teknikoa

5._Eskaerak aurkeztea.

1. Deialdiko bekak eskatzeko epea hamar egun baliodunekoa izanen da, deialdi hau Nafarroako ALDIZKARI OFIZIALean argitaratu eta biharamunetik hasita.

2. Eskatzaileek Vianako Printzea Erakundea-Kultura eta Turismo Departamentuan edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38. artikuluan ezarritako tokietako edozeinetan agiri hauek aurkeztu beharko dituzte:

a) Eskabidea (eredua eranskin honen azken atalean dator).

b) Nortasun Agiri Nazionalaren fotokopia konpultsatua.

c) Helbidea Nafarroan duela frogatzen duen agiria.

d) Deialdia baino urte bat lehenagotik gutxienez, bizitokia Nafarroan duela frogatzen duen ziurtagiria.

e) Alegatutako merezimendu guztien ziurtagiria edo frogagiriaren fotokopia konpultsatua (ikasketa osagarriak, bete beharreko lanpostuarekin zerikusia duten ikastaroak, lortutako bekak eta egindako ikerlanak, hizkuntzak, bai eta izangaiari egokiak iruditzen zaizkion gainerako jarduera edo merezimendu guztiak ere).

f) Deialdiko bekak eskatu ahal izateko tituluaren ziurtagiria edo fotokopia konpultsatua.

3. Epearen barrenean aurkeztutako eskabideak aurreko atalean finkatutako baldintzak betetzen ez baditu, organo eskudunak interesdunari eskatuko dio hamar egun balioduneko epean zuzendu dezala, eta adieraziko dio ezen, zuzendu ezean, eskaerari uko egiten diola ondorioztatuko dela eta espedientea artxibatuko dela, eta azken gorabehera horren berri emanen zaiola.

Deialdian ezarritako merezimenduei buruzko agiriak aurkeztu ez badira, ezin izanen da hori zuzendu.

4. Bekak jasotzeko eskaera aurkezteak berarekin dakar eskatzaileak deialdiaren arauak onartzea.

6._Eskaeren ebaluazioa.

1. Eskaerak Turismo Zuzendaritza Nagusiko Turismoaren Sustapenerako eta Irudi Turistikorako Zerbitzuak tramitatuko ditu.

2. Bekadunak honako hauek osatuko duten ebaluazio batzorde batek hautatuko ditu: Miren Ausín Lecuna andrea, Turismoaren Sustapenerako eta Irudi Turistikorako Zerbitzuko zuzendaria, mahaiburu lanetan; Carmen Oroz Iribarren andrea, Sustapen Ataleko burua, eta Ana Beroiz Beorlegui andrea, Turismoa Sustatzeko Euskarrien Bulegoko burua. Aurkezten diren eskaerak aztertu eta baloratuko ditu batzorde horrek, eta bekak puntu gehien (guztira 20 puntu izan daitezke, gehienez ere) ateratzen duten izangaiei ematea proposatuko du, ondoko baremoan oinarrituz:

a) Ikasketa osagarriak, ikastaroak, bestelako bekak, ikerlanak, etab., bete beharreko lanpostuarekin zerikusia badute. gehienez ere, 10 puntu.

Honako baremo honen arabera puntuatuko dira:

Turismoaren inguruko masterra: 2,25 puntu.

Turismoaren inguruko ikastaroak, 50 ordutik gora: 1,75 puntu.

Turismoaren inguruko ikastaroak, 25 ordutik gora: 0,75 puntu.

Turismoaren inguruko ikastaroak, 25 ordu baino gutxiagokoak: 0,15 puntu.

b) Euskara eta atzerriko hizkuntzak, Hizkuntza Eskola Ofizial bateko agirien bidez frogatuak:

1. maila: 1 puntu.

2. maila: 2 puntu.

3. maila: 3 puntu.

4. maila: 4 puntu.

5. maila: 5 puntu.

c) Euskara eta atzerriko hizkuntzak, agiri ez-ofizialen bidez frogatuak:

Oinarrizko maila: 1,5 puntu.

Erdi maila: 2,5 puntu.

Maila aurreratua: 4 puntu.

d) Buruz buruko elkarrizketa: gehienez ere 10 puntu.

3. Ebaluazio Batzordeak prozedura ebazteko beharrezkotzat jotzen dituen txosten guztiak eskatzen ahalko dizkio dagokion organoari.

4. Ebaluazioa bukatutakoan, Ebaluazio Batzordeak hautatuei buruzko proposamena egin eta igorriko dio organo eskudunari, onartutako pertsona bakoitzaren osoko puntuazioa azalduta. Betiere, proposamen hori loteslea izanen da.

Proposamen horrek deialdia osorik zein hein batean bete gabe deklaratzen ahalko du, azkeneko kalifikazioan 8 puntu baino gutxiago ateratzen duten izangaiak bazterturik.

7._Bekak ematea.

1. Ebazpen proposamena ikusirik, bekak Turismo zuzendari nagusiaren ebazpen bidez emanen dira, eskaerak aurkezteko epea bukatzen denetik hiru hilabeteko epean, gehienezere. Epe hori ebazpen zehatzik jakinarazi edo argitaratu gabe bukaturik, eskaerak ezetsi direla ulertuko da.

2. Ebazpenean aipatuko da beka eman zaien eskatzaileen zerrenda, eta espresuki agerraraziko da, zein eskaerari esan zaion ezetz, izen zerrenda eta lortutako puntuazioak emanda.

3. Prozeduraren ebazpena interesdunei jakinaraziko zaie Administrazio prozedura erkideari buruzko legerian ezarritako moduan, eta jendaurrean jarriko da Vianako Printzea Erakundea-Kultura eta Turismo Departamentuko iragarki oholean (Navarrería kalea, 39, Iruña).

8._Jardueren hasiera eta ukoak.

1. Prestakuntza bekaren onuradunak gehienez hamar eguneko epea izanen du jardunean hasteko, beka eman zaiola jakinarazten zaionetik edo organo eskudunak zehazten duen egunetik hasita. Horrela egiten ez badu, onuradunak bekari behin betikoz uko egiten diola ulertuko da, non eta organo eskudunak ezinbesteko arrazoiak edo behar bezala justifikatutako beste edozein gorabehera ikusten ez dituen.

2. Jarduerak hasten direnean, eta Nafarroako Ogasun Publikoko zergaduna bada, onuradunak ziurtagiri bat aurkeztu beharko du zerga betebeharretan egunean dagoela egiaztatzeko, bai eta zinpeko aitorpen edo promesa, helburu bererako bestelako departamentu, administrazio edo erakunde publiko nahiz pribatuen laguntza publiko bateraezinik ez dela jasotzen ari frogatzeko.

3. Edozein arrazoi dela-eta, onetsitako bekari uko egiten bazaio, Turismoaren Sustapenerako eta Irudi Turistikorako Zerbitzuari jakinarazi behar zaio, idatziz. Norbaitek bekari uko eginez gero, Batzordeak bekak emateko ezarri duen puntuazio ordenari jarraikiz beteko da haren lekua, ezertan ukitu gabe uko egin arte onuradunak dituen betebeharrak betetzea. Izangaien zerrendak indarrean egoteko, deialdiko baldintza bete beharko dira; halaber, indarraldia baldintzaturik egonen da zerrenda horien ordez beste batzuk ezartzera, izaera bereko ondoko deialdietatik sortzen direnak.

9._Jarduerak.

1. Bekadunak zerbitzu zentraletan eta Nafarroako Turismo bulegoetan arituko dira, Turismoaren Sustapenerako eta Irudi Turistikorako Zerbitzuaren menpe baitaude, une bakoitzean agintzen zaizkien eginkizunak betez, turismo ferietara joatea barne (sortzen diren dietak eta gastuak ordainduko zaizkie).

2. Bekadunek prestakuntzarako behar diren joan-etorriak eginen dituzte.

3. Bekadunek, astero, gehienez 30 ordu emanen dituzte lanean eta bekaldiko hilabete bakoitzeko 2,5 egun naturaleko atsedenaldia izanen dute.

4. Organo eskudunak prestakuntzarako bekaldia eten ahalko du onuradunaren gaixotasun edo istripu kasuetan, bai eta ezinbesteko arrazoiak edo behar bezala justifikatutako bestelako gorabeherak daudenean ere. Etenaldiak beharrezkotzat jotzen den denbora iraunen du eta haren ondorioak arrazoi bakoitzaren araberakoak izanen dira.

5. Bekadunek egindako lanari eta izandako emaitzei buruzko txosten edo memoria bat aurkeztuko dute, dagokion tutorearen onespenarekin batera.

6. Bekadunek ezin izanen dituzte funtzionario publikoen eginkizunak bete edo beretzat hartu, ez eta hirugarrenen aurrean Administrazio Publikoaren kide, ordezkari edo agente gisan agertu ere.

10._Tutoretza.

1. Kasuan kasuko administrazio unitateak (Turismoaren Sustapenerako eta Irudi Turistikorako Zerbitzua) tutore bat izendatuko du, bekadunen jarduerak zuzendu eta gainbegiratzeko.

2. Tutoreak egin beharreko lanak agindu eta ordutegiak finkatuko ditu, eta bekadunek beren eginbehar orokor eta berariazkoak betetzen dituzten begiratuko du.

3. Tutoreari dagokio luzapenak baimentzea, bekak luzatzen ahal diren kasuetan.

11._Praktiken ziurtagiria.

Vianako Printzea Erakundea-Kultura eta Turismo Departamentuak, onuradunak egindako memoria eta Turismoaren Sustapenerako eta Irudi Turistikorako Zerbitzuak egindako txostena ikusirik, asistentziaren eta aprobetxamenduaren ziurtagiria emanen du, onuradunak eskuratzen duen jakintza eta ezagutza mailaren arabera.

12._Bekadunen betebeharrak eta eskubideak.

Bekadunek Nafarroako Foru Komunitateko Administrazioan eta haren erakunde autonomoetan prestakuntza bekak emateko araubide orokorra ezartzen duen apirilaren 19ko 172/2004 Foru Dekretuan ezarritako betebehar eta eskubideak izanen dituzte.

13._Bateraezintasuna.

Prestakuntzako bekak bateragarriak dira Foru Komunitateko Administrazioak, beste administrazio publiko batzuek, beste erakunde publiko nahiz pribatuek edo Espainiako nahiz atzerriko partikularrek helburu eta xede bererako emandako beste beka batzuekin, salbu eta Turismoaren Sustapenerako eta Irudi Turistikorako Zerbitzuan aritzeko deitutakoekin.

14._Araubide juridikoa.

Arau hauetan aurreikusten ez den orotan, Nafarroako Foru Komunitateko Administrazioan eta bere erakunde autonomoetan prestakuntzarako bekak emateko araubide orokorra ezartzen duen apirilaren 19ko 172/2004 Foru Dekretuan eta Dirulaguntzei buruzko azaroaren 9ko 11/2005 Foru Legean xedatutakoari jarraituko zaio.

15._Errekurtsoak.

Deialdi honen eta bere arauen kontra gora jotzeko errekurtsoa jartzen ahal da, Nafarroako Gobernuari zuzendua, hilabeteko epean, Nafarroako ALDIZKARI OFIZIALean argitaratu eta biharamunean hasita.

16._Argitalpena.

Deialdia argitara emanen da Nafarroako ALDIZKARI OFIZIALean eta www.navarra.es helbideko Zerbitzuen Katalogoan, Bekak eta dirulaguntzak izeneko atalean. Aipatu helbidean on-line deskargatzen ahal da eskabide eredua, eranskin honen osagarri gisa ematen dena. Nafarroako ALDIZKARI OFIZIALean aditzera emanen da www.navarra.es helbidean argitaratzeko asmoa, deialdiaren hedapena errazteko eta eskaera eredua deskargatzeko aukera ahalbidetzeko.

PRESTAKUNTZAKO BEKAK, NAFARROAKO FORU KOMUNITATEKO FORU ADMINISTRAZIOARENAK ETA HAREN ERAKUNDE AUTONOMOENAK, 2007RAKO

Vianako Printzea-Kultura eta Turismo Departamentua

TURISMOAREN SUSTAPENERAKO ETA IRUDI TURISTIKORAKO ZERBITZUA

Eskabide eredua

Eskatzen den beka mota (markatu bat edo gehiago)

f Epe luzeko beka Zuzenbideko lizentziatuentzat(zerbitzu zentraletan aritzeko).

f Epe luzeko beka Komunikazio, Publizitate, Kazetaritza edo antzekoetako lizentziatuentzat (zerbitzu zentraletan aritzeko).

f Epe luzeko beka oro har tituludun direnentzat(Iruñeko Turismo Bulegoan aritzeko).

f Hiru hilabeteko bekak oro har tituludun direnentzat (Nafarroako Turismo Bulegoetan aritzeko).

f Sanferminetako bekak orohar tituludun direnentzat ekainak 25-uztailak 15 (Iruñeko Turismo Bulegoan aritzeko).

Datu pertsonalak

_Lehen deitura:

_Bigarren deitura:

_Izena:

_NAN/Pasaportea:

_Jaioteguna:

_Nazionalitatea:

_Bizilekua (postazo helbide osoa):

_Telefonoa:

_Faxa:

_Posta elektronikoaren helbidea:

Datu akademikoak (1):

_Beka hartzeko aurkeztu den titulazioa:

_Titulua eskuratu zen ikasturtea:

_Fakultatea/Eskola eta Unibertsitatea:

Merezimendu akademikoak, turismo arloarekin zerikusia dutenak(2):

_Masterra edo graduatu ondoko ikastaroa.

_Ikastaroak.

_Ikerlanak.

_Bekak.

_Bestelakoak.

Hizkuntzak (3):

_1. hizkuntza:

_Maila:

_Entitatea (markatu dagokiona):

f Hizkuntza Eskola Ofiziala.

f Bestelako entitateak.

_2. hizkuntza:

_Maila:

_Entitatea (markatu dagokiona):

f Hizkuntza Eskola Ofiziala.

f Bestelako entitateak.

_3. hizkuntza:

_Maila:

_Entitatea(markatu dagokiona):

f Hizkuntza Eskola Ofiziala.

f Bestelako entitateak.

_4. hizkuntza:

_Maila:

_Entitatea (markatu dagokiona):

f Hizkuntza Eskola Ofiziala.

f Bestelako entitateak.

.....................(e)n, 2007ko ..... aren .... (e)an.

Sinadura

(1) Tituluaren fotokopia konpultsatua edo frogagiri baliokidea aurkeztu behar da.

(2) Zehaztu, kategoria bakoitzarentzat, ondokoa: alegatutako merezimenduaren izena eta kuantifikazioa (ordutan edo bidezko den denbora unitatea erabiliz). Frogagirien kopia konpultsatuak aurkeztu behar dira.

(3) Merezimendutako aurkezten den hizkuntza bakoitzetik, azaltzen diren datuak sartuko dira. Frogagirien kopia konpultsatuak aurkeztu behar dira.

Iragarkiaren kodea: F0707861