II. NAFARROAKO TOKI ADMINISTRAZIOA
2.1. ORDENANTZAK ETA BESTELAKO XEDAPEN OROKORRAK
CABANILLAS
Minusbaliatuendako aparkatzeko txartelak ematea arautzen duen ordenantza. Behin betiko onespena
Cabanillasko Udalak, 2007eko urtarrilaren 25ean egin bilkura arruntean, erabaki zuen, gehiengo aski zuela, hasiera batean onestea Minusbaliatuendako aparkatzeko txartelak ematea arautzen duen ordenantza.
Erabakia 2007ko 17. Nafarroako ALDIZKARI OFIZIALean argitaratu zen, otsailaren 7an, eta jendaurrean egon bitartean inork ez du erreklamaziorik batere egin. Beraz, bertzerik gabe behin betikoz onetsirik gelditu da, Toki Administrazioari buruzko uztailaren 2ko 6/1990 Foru Legearen 325. artikuluan ezarritako legezko prozedurarekin bat.
MINUSBALIATUENDAKO APARKATZEKO TXARTELAK EMATEA ARAUTZEN DUEN ORDENANTZA
1. artikulua. Xedea.
Ordenantza honen helburua da Minusbaliatuendako aparkatzeko txartelak emateko edo berritzeko arauak ezartzea, kontuan hartuz ezgaituen aukera berdintasuna eta haiek gizartean erabat sartzea. Hori, legedia honekin bat: Europako Kontseiluak 1998ko ekainaren 4an egin zuen 98/376/CE Gomendioa eta EEAO C 62/24, 1998ko otsailaren 26koa; Oztopo fisiko eta zentzumenezkoei buruzko uztailaren 11ko 4/1988 Foru Legea, martxoaren 25eko 22/2003 Foru Legeaz aldatua; eta abenduaren 19ko 19/2001 Legeko 7.b artikulua; azken lege horrek Bide Segurtasunari eta Ibilgailu Motordunen Zirkulazioari buruzko Legearen testu artikuluduna (martxoaren 2ko 339/1990 Legegintzako Errege Dekretuaren bidez onetsia) aldatu zuen.
2. artikulua. Betebeharrak.
Aparkatze txartela eskuratzeko, beharrezkoa da baldintza hauek betetzea:
1. Minusbaliatuak indarra duen gidabaimenaren jabe izan beharko du.
2. Mugikortasuna urritzen dion elbarritasuna izatea; xehetasun hauek frogatu beharko ditu:
a) Ziurtagiria, %33tik gorako minusbaliotasuna duela egiaztatzen duena.
b) Nafarroako Osasun Zerbitzuak emandako osasun agiria, frogatzeko ezen minusbaliotasunak modu larrian eragozten diola:
_Ibiltzeko, zangoetako edo gerri pelbikoko gaitz muskulu eskeletikoa dela-eta, eskumakila bat edo gehiago, protesiak edo ortesiak erabiltzera behartua izanik.
_Ehun metroko tartean gelditu gabe ibiltzeko, alterazio organiko edo funtzionalen ondorioz.
_Aulki gurpilduna behar izateko bere joan-etorrietan.
_Aparkatzeko maniobrak egiteko, zango-besoetako edo gerri pelbikoko eta/edo sorbalda-gerrikoko gaitz muskulu eskeletikoa dela-eta.
3. Behin betiko ezgaitasuna dutenen ahaide bizikideek edo zaintzaileek honako baldintza hauek bete beharo dituzte:
_Zaintzaileak edo ahaide bizikideak indarra duen gidabaimenaren jabe izan beharko du.
_Eskatzailearen dokumentazioa, elbarriarekin duen familia lotura frogatzen duena, edo hura zaintzen duela erakusten duena; baita harekin bizi dela ere, hala denean.
_Zaindutako ahaideak mugikortasuna urritzen dion elbarritasuna izatea; hori dela eta, honako hauek egiaztatu beharko dira:
a) Ziurtairia, %33tik gorako minusbaliotasuna duela egiaztatzen duena.
b) Nafarroako Osasun Zerbitzuak emandako osasun agiria, frogatzeko ezen minusbaliotasunak modu larrian eragozten diola:
_Ibiltzeko, zangoetako edo gerri pelbikoko gaitz muskulu eskeletikoa dela-eta, eskumakila bat edo gehiago, protesiak edo ortesiak erabiltzera behartua izanik.
_Ehun metroko tartean gelditu gabe ibiltzeko, alterazio organiko edo funtzionalen ondorioz.
_Aulki gurpilduna behar izateko bere joan-etorrietan.
_Aparkatzeko maniobrak egiteko, zango-besoetako edo gerri pelbikoko eta/edo sorbalda-gerrikoko gaitz muskulu eskeletikoa dela-eta.
3. artikulua. Eskatzeko prozesua.
Txartela Udalaren bulegoetan eskatuko da, eta eskabidearekin batera honako hauek aurkeztuko dira:
_Ezgaitasuna duten pertsonaren argazki bat, kolorezkoa eta karnet neurrikoa.
_Minusbaliotasunaren Ziurtagiriaren fotokopia eta jatorrizkoa.
_Gidabaimen eguneratuaren fotokopia eta jatorrizkoa.
_NANaren fotokopia.
_Eskaera ahaide batek edo zaintzaile batek egiten duenean, minusbaliatuaren eta eskatzailearen arteko loturari buruzko datuak sartuko dira.
4. artikulua. Txartelaren erabilera.
1. Txartela ibilgailuaren aurreko partean jarriko da, txartelaren aurrealdea kanpotik argiro ikusten dela.
2. Indarraldia amaituta, bi urtekoa izanen baita, ez du baliorik izanen, eta hartu zen tokian itzuli beharko da. Han, bidezko bada, berritu eginen da.
3. Txarteldun ibilgailua aparkatu ahalko da:
a) Ordutegi mugarik gabe, ezgaituendako erreserbatuta eta seinalatuta dauden lekuetan.
b) Denbora tarte mugatu batean, bai zamalanetarako erreserbatuta dauden lekuetan (seinale bidez aparkatzeko debekua adierazi denetan) bai bestelakoetan, udaltzainek espresuki baimena emanez gero.
4. Ondoko kasuetan, ezin izanen da inola ere ibilgailua aparkatu baimen honen babespean:
a) Txartelaren titularra eramaten ez duenean.
b) Oinezkoendako pasabideetan.
c) Espaloiaren gainean.
d) Orokorrean, ibilgailuen nahiz oinezkoen joan-etorria larriki galarazten den tokietan.
5. artikulua. Arau-hausteak eta zehapenak.
Arau-hauste administratiboak dira:
a) Txartela lortzeko aurkezten diren datuak faltsutzea eta txartela lortzea eragotziko luketenak gordetzea.
b) Txartelak kontzesio administratiborik gabe erabiltzea.
c) Beste baten txartela erabiltzea.
Faltsutzea egin dutenak eta txartela eskatzen dutenak izanen dira erantzuleak.
Arau-hausteak zehatzeko, aldez aurretik zehapen espedientea abiaraziko da eta, haren ebazpena eman aitzin, interesatuei entzutea emanen zaie betiere, abuztuaren 4ko 1398/1993 Errege Dekretuan xedatutakoari jarraikiz, haren bidez onetsi baitzen zehapen ahalmena erabiltzeko prozedura.
AZKEN XEDAPEN BAKARRA
Ordenantza honek indarra hartu eta ondorio juridikoak izanen ditu ordenantzaren testua oso-osorik Nafarroako ALDIZKARI OFIZIALean argitaratutakoan eta Estatuko edo Foru Komunitateko Administrazioek toki entitateen egintza edo erabakiak indargabetzeko duten eskumena erabiltzeko epea iragandakoan.
Cabanillasen, 2007ko martxoaren 15ean._Alkate udalburua, Ana María Rodríguez Enériz.
Iragarkiaren kodea: L0704807
