I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
206/2007 EBAZPENA, martxoaren 8koa, Lan zuzendari nagusiak emana, "Metalaren merkataritza" sektorerako lan hitzarmen kolektiboaren 2007ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 30/2007).
Departamentu honetan 2007-2-20an sartu da "Metalaren merkataritza" sektoreko soldatak berrikusteko akordioa, 2007. urteari dagokiona, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 96/2006).
Industria eta Teknologia, Merkataritza eta Lan Departamentua da Lan Hitzarmen Kolektiboen testua erregistratu, gorde eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuko 90. artikuluan ezarrita daude, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera, eta kontuan hartuta maiatzaren 22ko Hitzarmen kolektiboen erregistro eta gordailuei buruzko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz.
EBATZI DUT:
1. Nafarroako "Metalaren merkataritza" sektoreko (kodea: 3102005) soldatak berrikusteko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006ko martxoaren 8an._Lan zuzendari nagusia, José María Roig Aldasoro.
NAFARROAKO FORU KOMUNITATEKO METALAREN MERKATARITZA SEKTOREAREN HITZARMENA
2007KO SOLDATA IGOERAREN AKTA
Iruñean, 2007ko otsailaren 14an.
Bertaratuak:
UGTren aldetik: Alicia Sanz Pascal.
ELAren aldetik: Oscar Rodríguez Caparros.
CCOOren aldetik: Juan Antonio Vidal Canabal.
Asociación de Comerciantes de Electrodomésticos de Navarra elkartearen aldetik: Dario Ortega Núñez.
Asociación de Empresarios de Ferretería de Navarra elkartearen aldetik: Dario Ortega Núñez.
Asociación de Comerciantes de Recambios y Accesorios de Automóvil elkartearen aldetik: Dario Ortega Núñez.
Asociación de Almacenistas de Hierros de Navarra elkartearen aldetik: Pilar Ochoa-Lácar Monterde, Ana Teresa Aldaz Ponte eta José Manuel Ayesa Villar.
Asociación de Empresarios Almacenistas de Alimentación de Navarra elkartearen aldetik: José Manuel Ayesa Villar.
ADIERAZTEN DUTE
Lehena._Nafarroako Foru Komunitateko metalaren merkataritza sektorearen hitzarmen probintzialak, 7. artikuluan, 2007. urterako soldata igoerako klausula ezartzen duela.
Bigarrena._Aipatu igoera klausulak ondoko hau ezartzen duela, hitzez-hitz:
_"2007. urteko soldata igoera Nafarroako 2006ko KPI erreala gehi puntu bat izanen da, 2006ko abenduaren 31n indarrean zeuden soldata taulak oinarritzat hartuta."
Hirugarrena._Nafarroako Kontsumorako Prezioen Indizea, 2006. urterako, %2,1ean ezarri dela behin betiko.
Aurreko horretan oinarriturik, aldeek
Erabaki dute:
Lehena._Nafarroako Foru Komunitateko metalaren merkataritza sektoreko hitzarmen probintzialaren 7. artikuluaren arabera, bidezkoa da 2006ko abenduaren 31n indarrean zeuden soldatak igotzea %3,1ean. Taulok 2007ko urtarrilaren 1etik dute indarra.
Beraz, soldata taula berriak akta honen 1. eranskin gisa ageri dira. Ondorioak 2007ko urtarrilaren 1etik aurrera izanen dituzte eta indarraldia 2007ko abenduaren 31 arte.
12. artikuluari dagokionez, 2007an kilometroko 0,26 euro ordainduko da.
Bigarrena._Hitzarmenaren edukiak aldatu gabe jarraituko du, aurreko egokitzapenek aldarazten ez duten guztian.
Hirugarrena._Aktaren testuaren bi ale Nafarroako Gobernuko Industria eta Teknologia, Merkataritza eta Lan Departamentura igortzea erabaki da, erregistratu, gorde eta Nafarroako ALDIZKARI OFIZIALean argitaratzeko beharrezkoa dena egin dezan, Langileen Estatutuaren 90. artikuluko 2. eta 3. ataletan agindutakoari jarraikiz.
Aztertzeko beste gairik ez izanik, bilerari bukaera eman zaio eta, adostasunaren adierazgarri, honako akta hau sinatu da goian aipatu toki eta egunean.
SOLDATEN TAULAK
_LEHEN TALDEA
INGENIARIAK ETA LIZENTZIADUNAK 1.704,07
URGAZLE TEKNIKOAK 1.483,67
PRAKTIKANTEAK 1.408,98
_BIGARREN TALDEA
LANGILERIAREN ETA SALEROSKETEN BURUA 1.643,03
KUDEATZAILEA EDO ZUZENDARI KOMERTZIALA 1.693,26
SUKURTSALEKO BURUA 1.643,03
ARDURADUN NAGUSIA 1.643,03
ESTABLEZIMEND. ARDURADUNA, SALTZAILEA EROSLEA 1.524,26
BILTEGIKO BURUA 1.524,26
TALDEBURUA 1.524,26
SEKZIOKO BURUA 1.442,86
SALTZAILE BIDAIARIA 1.285,13
PLAZA-ARTEKARIA 1.285,13
DENDAKO SALTZAILEA, 25 URTETIK GORAKOA 1.285,13
DENDAKO SALTZAILEA, 22-25 URTEKOA 1.097,41
URGAZLEA 996,61
DENDAKO SALTZ. HELDUA. 25 URT. BAINO %10 GEHIAGO 1.413,64
BIGARREN URTEKO IKASTUNA 784,82
LEHENENGO URTEKO IKASTUNA 672,89
_HIRUGARREN TALDEA
ADMINISTRARI BURUA 1.643,03
ADMINISTRAZIO SEKZIOKO BURUA 1.524,26
KONTULARIA 1.408,98
ADMINISTRARI-OFIZIALA 1.285,13
ADMINISTRARI LAGUNTZAILEA, 25 URTETIK GORAKOA 1.158,04
ADMINISTRARI LAGUNTZAILEA, 25 URTETIK BEHERAKOA 1.042,01
BIGARREN URTEKO IZANGAIA 784,82
LEHENENGO URTEKO IZANGAIA 672,89
KUTXAKO LAGUNTZAILEA, 20 URTETIK GORAKOA 986,46
KUTXAKO LAGUNTZAILEA, 24-25 URTEKOA 1.064,64
KUTXAKO LAGUNTZAILEA, 25 URTETIK GORAKOA 1.199,03
Maileguzko salmentak kobratzen badituzte, %10 gehiago, horrek
eragiketa osagarriak egitea eskatzen badu.
_LAUGARREN TALDEA
MARRAZKILARIAK 1.565,70
ERAKUSLEIHO-APAINTZAILEAK 1.327,58
_OFIZIOKO PROFESIONALAK
ZERBITZU TEKNIKOETAKO BURUA 1.442,86
TAILERREKO BURUA 1.305,49
1. MAILAKO OFIZIOKO PROFESIONALA 1.285,13
2. MAILAKO OFIZIOKO PROFESIONALA 1.159,20
URGAZLEA 1.078,70
LANGILEZAINA 1.303,74
MORROI ESPEZIALIZATUA 1.159,20
MORROIA 1.102,49
TELEFONISTA 1.068,39
ONTZIRATZAILEA EDO PAKETATZAILEA 1.077,08
EBAKITZAILEA 1.285,11
EBAKITZAILEAREN URGAZLEA 1.087,40
BIGARREN URTEKO IKASTUNA 784,82
LEHENENGO URTEKO IKASTUNA 672,89
BANAKETAKO LAGUNTZAILEA, 18-19 URTEKOA 784,82
BANAKETAKO LAGUNTZAILEA, 16-17 URTEKOA 672,89
_BOSGARREN TALDEA
ETXEZAINA, ZAINDARIA, GAUZAINA, ORDENANTZA 1.068,40
ATEZAINA 1.068,40
KOBRATZAILEA 1.127,52
GARBITZAILEAK (ORDUKO) 5,46
Iragarkiaren kodea: F0704558
