36. ALDIZKARIA - 2007ko martxoaren 23a

II. NAFARROAKO TOKI ADMINISTRAZIOA

2.2. AGINTARIAK ETA LANGILEAK

2.2.2. Plantilla Organikoa, Lan Eskaintza Publikoa, oposizioak eta lehiaketak

SAN FRANCISCO DE ASIS UDAL PATRONATUA

Deialdia, Cintruenigoko "San Francisco de Asís" zaharren egoitzako garbitzaile izateko 3 lanpostu, oposizio-lehiaketa bidez eta lan-kontratu finkoarekin betetzeko

Cintruenigoko "San Francisco de Asís" patronatuak deialdia iragarri du Cintruenigoko "San Francisco de Asís" zaharren egoitzako garbitzaile izateko 3 lanpostu, oposizio-lehiaketa bidez eta lan-kontratu finkoarekin betetzeko.

1. oinarria._Arau orokorrak

1.1. Hautatzen diren izangaiei lan-kontratu finkoa eginen zaie denbora mugagabean.

1.2. Izendatzen diren izangaiek Cintruenigon bizi beharko dute eta helbidea bertan paratu.

1.3. Deialdiko 3 lanpostuen lan egoera Cintruenigoko "San Francisco de Asís" zaharren egoitzako soldaten gaineko 2005eko maiatzaren 18ko itunak zuzenduko du.

Lanpostua eskuratzean, izendatzen den izangai bakoitza hitzarmen horretako E taldean sailkatuko da.

1.4. horas anualesLanaldia urtean 1.766 ordu izanen da, zuzendaritzak erabakitzen duen txanda sisteman banatuak.

1.5. Izendatzen diren izangaien eginkizunak jarraian ematen dira, aipamen hutsez eta bertzelakoak baztertu gabe:

a) Egoitzako bazter guztiak egoera ezin hobean edukitzea, garbitasun, orden eta higieneari dagokionez.

b) Egoitzako zuzendaritzak manatzen dizkien gainerako eginkizun guztiak, funtzionamendua hobetzeko eta zerbitzuaren beharren ariora.

2. oinarria._Izangaien betebeharrak.

2.1. Oposizio-lehiaketa honetan onartuak izateko, izangaiek, eskabideak aurkezteko epea amaitzen den egunean, honako baldintza hauek bete beharko dituzte:

a) Europako Ekonomi Elkarteko herritarra izatea eta 18 urtez goitikoa izatea.

b) Eskola ziurtagiria edukitzea edo egoitza geriatriko batean 2 zerbitzu urte egiaztatzea.

c) Lanpostuaren eginkizunak betetzeko gaitasun fisiko eta psikikoa izatea.

d) Eginkizun publikoak betetzeko ezgaitua edo gabetua ez izatea, eta inongo administrazioren zerbitzutik baztertu gabea.

Espainiako herritartasuna ez duten izangaiek zinpeko aitorpena edo promesa aurkeztu beharko dute, beren Estatuko funtzio publikoan sartzea galarazten dien diziplina-zehapenik edo kondena penalik ez dutela adierazteko.

2.2. Aitzineko baldintza guztiak egiaztatu eta eskabideak aurkezteko epea akitzen den egunean bete behar dira, bai eta hautapen prozedura osoak dirauen bitartean ere, Cintruenigoko "San Francisco de Asís" zaharren egoitzak kontratatazioa egiten duen arte.

Betekizun horiez gainera, kontratazioa egiteko tenorean, izangaiek elikagaiak erabiltzeko karneta izan beharko dute.

3. oinarria._Eskabideak.

3.1. Deialdi honetan parte hartzeko eskabideak Cintruenigoko San Francisco de Asís zaharren egoitzako administrazioan aurkeztuko dira, 15 egun naturaleko epean, deialdi hau BOLETIN OFICIALean argitaratu eta biharamunetik hasita. Eskabide horiek deialdi honetako I. eranskinean argitaratzen den ereduari lotuko zaizkio, eta haiekin batean curriculum vitaea aurkeztuko da, lehiatzaileek alegatzen dituzten merezimenduekin.

Orobat, Cintruenigoko San Francisco de Asís zaharren egoitzan azterketa eskubideengatik 10 euro ordaindu izanaren gordekina aurkeztu beharko da eskabidearekin batean.

3.2. Eskabideak aurkezteko epea ezin da luzatu.

4. oinarria._Izangaien onarpena eta erreklamazioak

4.1. Eskabideak aurkezteko epea burututakoan, San Francisco de Asís Patronatuko buruak ebazpena emanen du onartu eta baztertuen behin-behineko zerrenda onesteko, eta BOLETIN OFICIALean eta San Francisco de Asís zaharren egoitzan argitaratzeko aginduko du.

Bazterturik ez bada, deialdi honetako 4.3 puntuak aipatzen duen behin betiko zerrenda argitaratzea etorriko da.

4.2. Izangai baztertuek 10 egun naturaleko epea izanen dute, behin-behineko zerrenda BOLETIN OFICIALean argitaratzen denetik, erreklamazioak aurkezteko eta, akatsik bada, horiek zuzentzeko.

4.3. Erreklamazioetarako epea bukatutakoan eta horiek ebatzi ondoan, San Francisco de Asís Patronatuko buruak ebazpena emanen du onartuen eta baztertuen behin betiko zerrenda onesteko, eta BOLETIN OFICIAL ean eta San Francisco de Asís zaharren egoitzan argitaratzeko aginduko du.

5. oinarria._Epaimahaia.

5.1. Epaimahaiak kide hauek izanen ditu:

_Batzordeburua: San Francisco de Asís Udal Patronatuko burua, Faustino León Chivite.

_Ordezkoa: Mariano Celihueta Navascués, San Francisco de Asís Udal Patronatuko kidea.

_Mahaikidea: José Luis Santamaría Jáuregui, Egoitzako zuzendaria, edo berak izendatzen duena.

_Ordezkoa: Inmaculada Mena Lozano, San Francisco de Asís Udal Patronatuko kidea.

_Mahaikidea: Raquel Garbayo Berdonces, San Francisco de Asís Udal Patronatuko kidea.

_Ordezkoa: Santiago Rández Garbayo, San Francisco de Asís Udal Patronatuko kidea.

_Mahaikidea: Nafarroako Gizarte Ongizatearen Institutuko langileria departamentuak izendatzen duen langilea.

_Ordezkoa: Nafarroako Gizarte Ongizatearen Institutuko langileria departamentuak izendatzen duen langilea.

_Mahaikidea: Pilar Jiménez Monreal, erizaina, osasun etxeak izendatua.

_Ordezkoa: Javier Oscar Dosantos Fernández, medikua, osasun etxeak izendatua. Mahaikide idazkaria: José María González Sesma, idazkaria

_Ordezkoa: Margarita Luzarraga Fernandez, San Francisco de Asís Udal Patronatuko kidea.

5.2. Epaimahaia ezin izanen da eratu, ezta jardun ere, gutxienez kideen erabateko gehiengoa izan gabe.

5.3. Epaimahaiak gehiengoz ebatziko ditu deialdi honen arauen interpretazio eta aplikazioaren inguruko afera guztiak.

5.4. Epaimahaiak aholkulari espezialistak biltzen ahalko ditu proba batzuetarako nahiz guztietarako. Aholkulari horiek beren espezialitate teknikoetan baizik ez dira ariko eta haietan bakarrik emanen diote laguntza epaimahaiari.

6. oinarria._Oposizio-lehiaketaren nondik norakoak.

_Lehiaketaldia

6.1. Epaimahaiak izangaiek aurkezturiko merezimenduak baloratuko ditu ondotik aipatzen den merezimendu baremoari jarraikiz. Izangaiek eskabidea aurkezten duten unean berean alegatu eta egiaztatu beharko dituzte merezimendu guztiak. Horretarako jatorrizko agiriak edo behar bezala konpultsatuak ekarri beharko dituzte, bertzenaz ez aurkeztutzat joko dira.

6.2. Merezimenduen balorazioa: Izangaien merezimenduak baremo honi jarraikiz baloratuko dira:

a) Eskaintzen den gisako lanpostuan, geriatriaz kanpoko entitate publiko nahiz pribatuan egindako zerbitzu urte bakoitzeko, puntu 1 emanen da eta gehienez ere 5 puntu.

b) Egoitza geriatriko batean, eskaintzen den gisako lanpostuan egindako zerbitzu urte bakoitzeko, 2 puntu emanen dira eta gehienez ere 8 puntu.

_Oposizioaldia:

6.3. Oposizioaldian ariketa hauek izanen dira:

a) Lehen ariketa: Galdetegi bat idatziz erantzutea, II. eranskineko programaren gainean.

Epaimahaiak 30 puntu izanen ditu proba baloratzeko. Bazterturik geldituko dira gutxienez 15 puntu lortzen ez dituztenak.

b) Bigarren ariketa: test psikotekniko bat egitea: 30 puntu. 15 puntu baino gehiago eskuratzen ez dituzten izangaiak baztertuak izanen dira.

c) Hirugarren ariketa: buruz buruko elkarrizketa epaimahaiarekin: gehienez ere 25 puntu. Lortutako puntuazioa gainerako ariketetakoari batuko zaio, behin betiko kalifikazioa eskuratzeko.

Ariketa bakoitza deialdi bakarraren bidez eginen da eta hartara NANa aldean duela joan beharko du izangai bakoitzak.

Probaren ordua finkatuta ez da inor onartuko hura egitera berandu badator.

Hiru ariketen puntuazioaren batura lortuta aterako da oposizioaren emaitza. Emaitza horri gehituko zaizkio lehiaketan erdietsitako puntuak, eta horrek oposizio-lehiaketaren azken eta behin betiko puntuazioa ekarriko du.

Parte hartzaileen emaitzak handienetik tikienera ordenatu ondoan, puntuaziorik altuena duten 3 lagunak izendatzeko proposatuko zaio Cintruenigoko San Francisco de Asís Udal Patronatuko buruari; buruak proposamen hori BOLETIN OFICIALean argitaratuko du. Gainerako izangaiak enplegu poltsa batean sartuko dira, etorkizunean egin litezkeen kontratazioetarako, emaitzen ordenaren ariora.

7. oinarria._Agirien aurkezpena

7.1. Proposaturiko izangaiek honako agiri hauek aurkeztu beharko dituzte Cintruenigoko San Francisco de Asis egoitzaren administrazioan, 25 egun naturalean, proposamena BOLETIN OFICIALean argitaratzen edo banan banako jakinarazpena egiten denetik aitzina:

a) Osasun ziurtagiria, lanpostuan aritzea guztiz eragozten dion eritasunik edo akats fisiko edo psikikorik ez duela frogatzen duena.

b) Tituluaren kopia kautotua edo fotokopia konpultsatua, aitzinetik aurkeztu ez bada.

7.2. Zuzenbidean ezarritako bertzelako frogabideak ere onartuko dira, eskatzen diren agiriak aurkezteko arrazoizko ezintasunik gertatuz gero.

7.3. 7. oinarrian errana ez bada betetzen bertan ezarritako epeetan, ezin izanen da ez izendapenik ez egiazko kontrataziorik egin, eta, horrenbertzez, eskubidea ere galdu eginen da. Horrela gertatuz gero, gainditu dutenen puntuazioen zerrendan hurrena datorren izangaiari luzatuko zaio izendapen proposamena.

I. ERANSKINA

Izena ................., adinez nagusia, NAN zenbakia ........, sorteguna ........, sorlekua .............. probintzia: ........, bizilekua ............., probintzia ........., karrika ............, zenbakia .........., telefonoa ...........

Honako hau azaltzen dut:

Cintruenigoko "San Francisco de Asís" zaharren egoitzako garbitzaile izateko lanpostu bat betetzeko deialdiko baldintza guztiak betetzen ditudala (deialdiaren data: ........), eskabideak aurkezteko epea bukatu baino lehen.

Horrenbertzez, lanpostu hori eskuratzeko hautaprobetan onartua izatea eskatzen dut.

Cintruenigon, 20....(e)ko ................aren ..........(e)an.

II. ERANSKINA

1._Lokalak, eskailerak, denendako gela-pasabideak, kristalak eta leihoak garbitzea; garbiketarako tresna eta materialak, eta horiek erabiltzeko modua.

2._Logelen garbiketak, oheak egitea.

3._Komunen eta bainuen garbiketa.

4._Garbitze lanetan erabil daitezkeen tresna egokiak, denbora eta indarra aurrezteko.

5._Jantoki zerbitzua, kontuan hartu beharreko alderdiak.

6._Arropa garbitu eta zaintzea. Ehun motak.

7._Desinfekzioa eta intsektuak hiltzea. Intsektuek eta bizkarroiek dakartzaten osasun arriskuak. Horiek kasatzeko bideak.

8._Elikagai motak. Elikagaiak erabiltzea.

9._Laneko segurtasun eta higieneari buruzko ezagutzak.

10._Ortografia eta aritmetika: oinarrizko ezagutza.

Iragarkiaren kodea: L0702373