I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
240/2007 EBAZPENA, urtarrilaren 24koa, Industria eta Merkataritza zuzendari nagusiak emana, B motako josteta eta zori makinetan inkorporatzeko, JOFEMAR markako eta OPT-1 modeloko kontagailuaren onespenaren bigarren aldaketa ez funtsezkoa egiteko baimena ematen duena.
Jofemar, S.A. entitateak, kontrol metrologikoaren erregistro zenbakia 13-I-002-R duenak, eta helbidea Martzillako errepidea, 2. km., 31350 - Azkoien (Nafarroa) duenak, Jofemar markako eta OPT-1 modeloko kontagailuaren bigarren aldaketa ez funtsezkoa egiteko baimena eskatu du, B motako josteta eta zori makinetan inkorporatzeko.
Ikusirik, Industria eta Merkataritza zuzendari nagusiak otsailaren 18an emandako 58/2004 Ebazpena. Haren bidez Jofemar markako eta OPT-1 modeloko kontagailuari modelo-onespena eman zaio B motako josteta eta zori makinetan inkorporatzeko.
Navarra de Verificaciones Legales, S.A. (Navelsa) entitateak 2004ko uztailaren 29an 5060326 zenbakiko entsegu-txostena eman du eta bertan ziurtatzen du aurkeztu den piezak, funtzionamendu automatikoko entseguak direla eta, B eta C motako josteta eta zori makinetan inkorporatutako kontagailuei buruzko 2000ko uztailaren 31ko Aginduko II. eranskinaren 2.3 puntuan ezarritakoa betetzen duela.
Ikusirik txosten horretan berean, 2000ko uztailaren 31ko Aginduko II. eranskinaren 2.2.3 puntuan, entsegu elektromagnetikoak eta inmunitateko entseguak direla-eta ezarritakoari jarraikiz Cemitec entitateak egindako entseguen emaitza positiboak, 3060034 txostenean islatuak.
Kontuan harturik Metrologiari buruzko martxoaren 18ko 3/1985 Legea, neurgailuen gainean Estatuaren kontrol metrologikoa arautzen duen uztailaren 21eko 889/2006 Errege Dekretua, eta Estatuko Administrazioaren Kontrol Metrologikoa ezartzen duen irailaren 11ko 1616/1985 Errege Dekretua.
Kontuan harturik B eta C motako josteta eta zori makinetan inkorporatutako kontagailuen gaineko Estatuaren Kontrol Metrologikoa arautzen duen 2000ko uztailaren 31ko Agindua. Makina horiek urriaren 2ko 2110/1998 Errege Dekretuaren bidez onetsitako Erregelamenduak arautzen ditu.
Kontuan harturik abuztuaren 1eko 1774/1985 Errege Dekretua, Foru Komunitateari, besteak beste, pisaketaren eta neurketen arloan Industria eta Energia Ministerioak egiten zituen zerbitzu eta eginkizunak transferitu zizkiona.
Kontuan harturik Industria, Merkataritza, Turismo eta Lan kontseilariak ekainaren 10ean emandako 128/1999 Foru Agindua, Nafarroako Foru Komunitatean kontrol metrologikoa antolatzen duena.
Izanik entitate horrek aurrean aipatutako arauetan eskatzen diren agiriak aurkeztu dituela.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legeko 22.1 artikuluak ematen dizkidan eskurantzak erabiliz.
EBATZI DUT:
1. Baimena ematea Jofemar, S.A. entitateari OPT-1 modeloko kontagailuaren onespenaren bigarren aldaketa ez funtsezkoa egiteko, B motako josteta eta zori makinetan inkorporatzeko.
2. Onetsitako modeloaren bigarren aldaketa ez funtsezkoa joko programa berri bat moldatzea eta makinaren diseinuan aldaketak egitea da. Programa kontagailuaren kudeaketaren Eprom-ean dago.
3. Onetsitako modeloaren bigarren aldaketa ez funtsezkoan sartzen diren tresnek baimen honen eranskin teknikoan eta modeloaren onespenaren eranskinean eskatutako baldintza guztiak bete beharko dituzte.
4. Onetsitako modeloaren bigarren aldaketa ez funtsezkoaren balioaldia modeloa onestean ezarri ziren datei eta baldintzei lotuko zaie.
5. Ebazpen hau jakinaraztea Jofemar, S.A.ri, Martzilla errepidean 2. kilometroan (31350) Azkoien, eta jakinaraztea administrazio bidea amaitzen ez duen ebazpen horren aurka gora jotzeko errekurtsoa jar daitekeela, Industria eta Teknologia, Merkataritza eta Lan kontseilariari zuzendua, hilabeteko epean, jakinarazi eta biharamunetik aurrera.
6. Ebazpen hau Zientzia eta Teknologia Ministerioaren Espainiako Metrologia Zentroari (Alfar kalea, 2, Tres Cantos, 28760 - Madril) jakinaraztea eta adieraztea haren kontra administrazioarekiko auzi-errekurtsoa jartzen ahal duela eskumena duen organo jurisdikzionalari zuzendua, ebazpena argitaratu eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epeetan.
7. Ebazpen hau Nafarroako ALDIZKARI OFIZIALean eta "Estatuko Aldizkari Ofizialean" argitaratzea, orok jakin dezan.
Iruñean, 2007ko urtarrilaren 24an._Industria eta Merkataritza zuzendari nagusia, Enrique Díaz Moreno.
Iragarkiaren kodea: F0701397
