Iragarkia

22. ALDIZKARIA - 2007ko otsailaren 19a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Funtzio Publikoaren zuzendari nagusiak urtarrilaren 25ean emandako 228/2007 Ebazpenaren bidez onetsia, Nafarroako Foru Komunitateko Administrazioaren eta haren erakunde autonomoen zerbitzuko sistema informatikoetako goi mailako teknikari izateko 3 lanpostu oposizio bidez betetzekoa.

Funtzio Publikoaren zuzendari nagusiak urtarrilaren 25ean emandako 228/2007 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko sistema informatikoetako goi mailako teknikari izateko 3 lanpostu oposizio bidez betetzeko deialdia onetsi da.

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako arauak.

1._Deialdiaren xedea.

1.1. Deialdi honek xedea du sistema informatikoetako goi mailako teknikaria izateko 3 lanpostu oposizio bidez betetzea. Lanpostuak funtzionarioen araubidekoak eta A mailakoak dira, Ekonomia eta Ogasun Departamentuko Informazioaren Gizarterako Zuzendaritza Nagusiari atxikirik daude, plantilla organikoan 919, 3679 eta 6903 zenbakiak dituzte eta Iruñean aritzekoak dira.

1.2. Deialdiko lanpostu hutsak txanda hauetan banatuko dira:

_lanpostu bat, txanda irekian.

_2 lanpostu igoera txandan.

1.3. Igoera txandako lanpostuak hutsik geldituz gero, izangaiek hautapen probak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Bestaldetik, igoera txandan hutsik dauden lanpostuak baino izangai gehiagok gainditzen badute, txanda horretan lanpostuak eskuratzen ez dituztenek aukera izanen dute txanda irekiko lanpostu hutsak eskuratzeko, txanda horretako izangaiekin lehian eta eskuratutako azken puntuazioaren arabera.

Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, deialdiko 7.2 arauan agiriak aurkezteko ezartzen den epea bukatzen denean deialdiko 2.1.2 arauko eskakizun berariazkoak betetzen ez dituzten igoera txandako izangaiek.

1.4. Lanpostuek A mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

1.5. Halaber, deialdi honen bidez hautaprobak gainditu bai baina lanposturik lortzen ez duten izangaiekin aldi baterako kontratatuak izateko izangaien zerrenda bat osatu nahi da, deialdi honetako 3., 10., 11. eta 12. arauetan xedaturikoarekin bat.

2._Betebeharrak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epea amaitzen denetik (deialdiaren 7.2 atalean adierazia) lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak:

a) Espainiarra izatea, edo Europar Batasuneko beste estatu batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek parte hartzen ahal dute, zuzenbidez bereizita ez badaude; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira, edo gorakoak, haien kontura biziz gero.

b) Adin nagusikoa izatea eta erretiroko adina ez izatea.

c) Baldintza hauetako bat, bata zein bestea, betetzea:

c.1) Informatikako ingeniariaren titulua edo baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

c.2) Lizentziadun, ingeniari, arkitekto edo titulu baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea. Gainera, frogatu beharko du deialdia argitaratu aurreko lau urteetatik hirutan informazio sistemetako proiektuetan parte hartu duela eta ondoko profiletako bat bete duela:

_Informazio sistemetako proiektuko burua/kudeatzailea

_Erabiltzaileen errekerimenduen kudeatzailea (analista funtzionala)

_Garatzailea (Programatzailea)

_Azpiegiturako errekerimenduen kudeatzailea (sistemetako analista)

Atzerrian lorturiko tituluak badira, homologazioaren egiaztagiria eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko desgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren estatuko funtzio publikoan sartzea eragozten dien diziplina zehapenik edo zigor penalik ez dutela.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko atalean adierazitako betebeharrez gain, hauek bete beharko dituzte:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio Publikoetan bost urteko antzinatasun onartua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.

Nafarroako Administrazio Publikoetan lan egiten duten langileen Estatutuaren zortzigarren xedapen gehigarrian ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.2. Deialdiko 3.3 arauaren bigarren eta hirugarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 atalen ezarririko epean eta moduan frogatu beharko dituzte betebehar horiek.

3._Eskabideak.

3.1. Deialdian parte hartzeko eskabideak Lehendakaritza, Justizia eta Barne Departamentuko Erregistro Orokorrean (Karlos III.aren etorbidea, 2, atalondoa, 31002 Iruña) edo erregistro horretako beste edozein bulegotan (zerrenda 2006ko 65. Nafarroako ALDIZKARI OFIZIALean argitaratu zen, maiatzaren 31n) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/1992 Legeko 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabidea posta bulego batean aurkeztuz gero, kartazal irekian eginen da, postako langileek, ziurtatu aurretik, data eta zigilua jar ditzaten.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuaren edozein erregistro bulegotan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Hautapen prozesuko ariketa guztiak gainditzen ez dituzten hautagaiekin zerrenda batzuk osatuko dira, ondoren aldi baterako kontratazioak egiteko. Horretarako, parte-hartzaileek deialdiko eskabidean berean adierazi beharko dute kontratazio zerrendetatik zeinetan nahi duten sartu.

Xede horrekin, parte-hartzaileek eskabidean agertzen diren kudeaketa esparruetako bakarra hautatu beharko dute, Nafarroako Osasun Zerbitzuko zerrendetan edo Nafarroako Foru Komunitateko Administrazioaren gainerako departamentu (Administrazio erroa) eta erakunde autonomokoetan sartzeko. Kudeaketa esparru bat baino gehiago hautatuz gero, edo parte hartzeko eskabidean atal hori betetzen ez bada, Administrazio erroko zerrendetan besterik ez dutela parte hartu nahi ulertuko da.

3.4. Eskabideari, behar bezala bete ondoren, agiri hauek erantsiko zaizkio:

Bat._Espedientea formalizatzeko eta azterketa eskubideetarako 25 euro ordaindu izanaren ziurtagiria. Azterketa eskubideen tasa ordaintzen ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

_Behar bezala betetako ordainketa gutuna erabiliz; Foru Komunitateko Administrazioak Nafarroako finantza entitateetan dituen kontuetan sartuko da dirua. Arestian aipatutako webgunean, deialdiaren iragarkian, ordainketa gutunaren eredua dago.

_Sarrera eskudirutan edo bankuko transferentzia bidez eginez, Banestoko (Banco Español de Crédito) 00308124 87 0870002271 kontuan; horrelakoetan ordainagirian datu hauek jarri beharko dira nahitaez:

_Izangaiaren izen-deiturak.

_NANa/IFZ.

_Ordainketa zein kontutan egiten den, haren zenbakia.

_Kontzeptua: oposizioak.

_Deialdiaren xede den lanpostua.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hautaproben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon diren bitartean eskainitako inolako lan egokiri uko egin ez izana eta lanbide sustapen, prestakuntza edo aldaketarako ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorakoa den dirusarrerarik ez izatea hilabetero.

Lan-eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lanbide sustapen, prestakuntza edo aldaketarako ekintzetan parte hartzeari ere, justifikaturiko kasuetan izan ezik.

Hilabetero lanbide arteko gutxieneko soldatatik gorako dirusarrerarik ez duela interesatuaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela Internet bidez, arestian emandako helbidean.

Bi._Informazio sistemetako proiektuetan parte hartu dela frogatzen duen ziurtagiria, deialdiaren 2.1.1.c)c.2) arauan ezarritako moduan, baldin eta deialdian bide hori erabiliz sartu nahi bada.

Hiru._Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2. arauan jasotzen diren eskakizunak betetzen dituztela frogatzen duen agiria gehitu beharko diote eskabideari.

3.5. Eskabideak aurkezteko epea ezin izanen da luzatu.

3.6. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartuen eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahaia.

5.1. Epaimahaiak kide hauek izanen ditu:

_Mahaiburua: Alberto Solchaga Ibero jauna, Ekonomia eta Ogasun Departamentuko Azpiegitura Teknologikoen eta Euskarri Zentroaren Zerbitzuko zuzendaria.

_Ordezkoa: Elisa María Guallart Domench andrea, Ekonomia eta Ogasun Departamentuko Informazio Sistemen Proiektuetarako Zerbitzuko zuzendaria.

_Mahaikidea: Jokin Sanz Ureta jauna, Ekonomia eta Ogasun Departamentuko Azpiegituren eta Ingurune Teknologikoen Ataleko burua.

_Ordezkoa: Juan Ignacio Loyola Eraso jauna, Ekonomia eta Ogasun Departamentuko sistema informatikoetako goi mailako teknikaria.

_Mahaikidea: José Antonio Garbayo Sánchez jauna, Ekonomia eta Ogasun Departamentuko Prozedura Elektronikoen eta Proiektu Berezien Ataleko burua.

_Ordezkoa: José Manuel Vázquez López jauna, Ekonomia eta Ogasun Departamentuko Gizarte eta Osasun arloko Proiektuetarako Ataleko burua.

_Mahaikidea: Administrazio Erroko Langileen Batzordearen ordezkari bat, batzordeak berak proposatua.

_Ordezkoa: Administrazio Erroko Langileen Batzordearen ordezkari bat, batzordeak berak proposatua.

_Mahaikide idazkaria: Jesús Flamarique Zaratiegui jauna, Ekonomia eta Ogasun Departamentuko Departamentuen Proiektuen Ataleko burua.

_Ordezkoa: José Luis Labiano Elcano jauna, Ekonomia eta Ogasun Departamentuko informatikako analista.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek ez dute parte hartuko, eta organo dei egileari horren berri emanen diote, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean parte ez hartzeko aipatzen diren egoeretakoaren batean baldin badaude.

Izangaiek, halaber, zilegi dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren arauak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza izan dezake proba batzuetan nahiz guztietan. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6._Oposizioa nola eginen den.

6.1. Oposizioa 2007ko irailean hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak gainerako probak egiteko iragarkiak jakinaraziko ditu, arauz egin behar den moduan.

6.2. Oposizioak ariketa hauek izanen ditu:

Lehena: ingelesezko testu bat gaztelaniara itzuli behar da eta testu horren gaineko zenbait galderari erantzuna, gaztelaniaz, eman behar zaie. Gehienez ere ordubeteko denboran eginen da. Itzuli beharreko testua, teknikoa, deialdiko lanpostuen eginkizunei lotua izanen da.

Bigarrena: praktikoa, deialdiko 2. eranskineko gai zerrendako I., II., III., IV. eta V. zatietako gaiei buruz epaimahaiak proposatuko dituen kasuak eta aferak garatu eta konpondu beharko dira, gehienez ere 4 orduan.

Hirugarrena: teorikoa, gai zerrendako VI. zatitik zozketaz ateratako bi gaietako bat aukeratu eta idatziz azaldu beharko da, gehienez ordu batean.

Oposizioko ariketak plika sistemaren bidez eginen dira.

Laugarrena: hau ere praktikoa, gai zerrendako I., II., III., IV. eta V. zatietako edukiei buruz epaimahaiak proposatuko dituen hiru kasuetatik bat konpondu beharko da, gehienez ere 6 orduan. Proba egitean, izangaiek kontuan hartu beharko dute kasu praktiko bat dela eta, beraz, epaimahaiak erabiltzailearen rola izanen du eta idatzi eginen zaizkion galderak erantzunen ditu.

Oposizioko ariketak plika sistemaren bidez eginen dira.

6.3. Oposizioko ariketen balorazioan 100 puntu eman daitezke gehienez ere, honela banatuak:

Lehena: gehienez 5 puntu.

Bigarrena: gehienez 35 puntu.

Hirugarrena: gehienez 5 puntu.

Laugarrena: gehienez 55 puntu.

6.4. Oposizioko ariketak baztergarriak izanen dira. Lehenbiziko, bigarren eta laugarren ariketetan bazterturik geldituko dira ariketa bakoitzean puntuazioaren erdira iristen ez diren izangaiak. Nolanahi ere, bazterturik geldituko da hirugarren ariketan 0 puntuko kalifikazioa ateratzen duen izangaia.

6.5. Ariketak zuzendu ondoren, epaimahaiak jendaurrean jarriko du, Nafarroako Gobernuaren iragarki oholean eta ariketa egin den tokian, gainditu duten izangaien zerrenda, lortutako kalifikazioekin eta, halaber, oposizioaren hurrengo proba edo ariketa egiteko tokia, eguna eta ordua, gutxienez 48 ordu lehenago.

6.6. Ariketa bakoitzerako dei bakarra eginen da. Izangaiek nortasun agiri nazionala, pasaportea edo gida-baimena eraman beharko dute. Azterketara agertzen ez direnak edo arestian aipatutako agirietako baten bidez beren nortasuna egiaztatzen ez dutenak oposiziotik baztertuko dira.

6.7. Hautaprobak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak amaiturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Funtzio Publikoaren zuzendari nagusiari igorriko dio, deialdiko lanpostuen kopuruaren barruan sartzen diren eta probak puntuazio altuenekin gainditu dituzten izangaiak izendatzeko proposamenarekin eta espediente osoarekin batera. Proposamen hori Nafarroako ALDIZKARI OFIZIALean argitaratuko da.

Berdinketa izanez gero, laugarren ariketan puntuazio altuagoa erdiesten dutenen alde jokatuko da. Hori eginda, berdinketak oraindik badirau, lehenbiziko eta bigarren ariketetan lorturiko puntuazioak hartuko dira kontuan, hurrenkera horrexetan.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Funtzio Publikoaren Zuzendaritza Nagusian:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren nazionalitatea eta nortasuna frogatzen dituen beste agiri baliokideren batenak.

b) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizia ez izanaren zinpeko aitorpena.

Izangaiek Espainiako nazionalitatea ez badute, agiria aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.

e) Zin egin edo hitz ematea, Nafarroako Foru Eraentza errespetatu, Konstituzioari eta legeei men egin eta karguari dagozkion eginkizunak zuzen beteko dituela.

f) Funtzio Publikoaren Zuzendaritza Nagusiak eskatzen dizkion gainerako agiriak.

Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

b) Funtzio Publikoaren Zuzendaritza Nagusiak eskatzen dizkion gainerako agiriak.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordura arteko egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1 atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

8._Lanpostu hutsak hautatzea.

8.1. Aurreko arauan xedatu dena betetzen duten lehiatzaileek Funtzio Publikoaren Zuzendaritza Nagusiak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, %33ko ezgaitasun aitortua edo handiagoa duten izangaiek lehentasuna izanen dute txanda irekiko izangaien aurretik.

Ezgaitasuna duen izangairik bada, eta horrek eragina badu lanpostu bat edo bestea hautatzeko, aukeratzen hasi aurretik, ezgaitasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9._Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, ebazpen baten bitartez, aurreko arauetan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, sistema informatikoetako goi mailako teknikarien lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitatetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian bizi beharra dute eta, horretarako, udalerri horretan finkatuko dute bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data horretan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10._Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta arau honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

_Probak gainditu bai baina lanposturik lortu ez duten izangaien zerrenda, bat bera Foru Komunitateko Administrazioko departamentu eta erakunde autonomo guztientzat.

_Hautapen prozesuko ariketa guztiak gainditu ez dituzten izangaien zerrenda, parte hartzeko eskabidean aukeratutako esparruaren arabera.

10.2. Probak gainditu bai baina lanposturik lortu ez duten izangaien zerrendak.

Probak gainditu arren lanposturik lortu ez duten izangaiekin Funtzio Publikoaren Zuzendaritza Nagusiak zerrenda bat osatuko du, ondoren aldi baterako kontratazioak egiteko, deialdi honetako 11. arauan ezarritako prozedurari jarraikiz. Lehendakaritza, Justizia eta Barne kontseilariaren azaroaren 14ko 146/2005 Foru Aginduan xedatutako arauen arabera kudeatuko du.

Halaber, zerrenda hori Osasunbidea-Nafarroako Osasun Zerbitzuko organo eskudunei igorriko die, erakunde autonomo horretako arauei jarraikiz kudea dezaten.

10.3. Hautapen prozesuko ariketa guztiak gainditzen ez dituzten izangaiak.

Deialdiko hamaikagarren arauan ezarritako prozedurarekin bat, Funtzio Publikoaren Zuzendaritza Nagusiak aldi baterako kontratazioak egiteko izangaien zerrenda bat osatuko du, deialdiko azken-aurreko ariketa gainditu eta Administrazio Erroko zerrenda hautatu duten izangaiekin.

Era berean, Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuko organo eskudunei igorriko die hautapen prozesuko ariketa guztiak gainditu ez eta esparru horretako kontratazio zerrendak aukeratu dituztenen zerrenda, aldi baterako kontratazioetarako, deialdi honetako 12. arauan ezarritako prozedurari jarraikiz.

11._Administrazio Erroan aldi baterako kontratatzeko izangaien zerrendak osatzeko prozedura.

11.1. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautaprobak gaindituta ere lanposturik gabe gelditu diren izangaiei eta deialdian ezarritako azken-aurreko ariketa gainditu eta Administrazio Erroko kontratazio zerrenda aukeratu dutenei hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:

_Deialdiaren 2. arauan eskatzen den tituluaren fotokopia konpultsatua, titulua lortzeko eskubideak pagatu direla frogatzen duen gordekinarena edo sarrera prozesurako eskabideak aurkezteko epean titulua eskuratzeko moduan dagoela frogatzen duen ziurtagiria eta, halakorik behar izanez gero, c.2) atalean eskatzen den baldintzaren frogagiria.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, betiere, parte hartzeko eskabidea faltsutzeagatik legokiekeen erantzukizuna deusetan ukatu gabe.

11.2. Sarrera prozedurako eskabideak aurkezteko epea bukatzen den egunerako bete beharko dira baldintzak, eta hautaprobek dirauteino eta kontratazioaldiak iraun bitarte bete beharko dira.

11.3. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragarki-oholean argitaratuko (Karlos III.aren etorbidea, 2, atalondoa, Iruña):

_Probak gainditu bai baina lanposturik lortu ez duten izangaien zerrenda.

_Deialdiko azkenaurreko ariketa gainditu, lanposturik gabe gelditu eta Administrazio erroko kontratazio zerrendak aukeratu dituzten izangaien zerrenda.

11.4. Hauxe izanen da aldi baterako kontratazioen zerrendaren ordena: oposizioa gainditu bai baina lanposturik lortu ez dutenen kasuan, hautapen prozesuan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketarik dagoenean nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

12._Osasunbidea-Nafarroako Osasun Zerbitzuan aldi baterako kontratatzeko izangaien zerrendak osatzeko prozedura.

Funtzio Publikoaren Zuzendaritza Nagusiak probak gainditu bai baino lanposturik lortu ez dutenen zerrendak eta hautapen prozesuko ariketa guztiak gainditu ez eta esparru horretako kontratazio-zerrendak aukeratu dituztenenak igorri ondoren, Osasunbidea-Nafarroako Osasun Zerbitzuko organo eskudunek beren kudeaketa esparruko aldi baterako kontratazioetarako izangaien zerrendak onetsiko dituzte, 2001eko urtarrilaren 9ko Akordioan erakunde autonomo horretako osasun zentro eta establezimenduetan aldi baterako langileak hautatzeko ezarritakoarekin bat. Akordio hori 2001eko 101. Nafarroako ALDIZKARI OFIZIALean argitaratu zen, abuztuaren 20an.

Horretarako, Nafarroako Osasun Zerbitzuak hamar egun balioduneko epea emanen die interesatuei, zentroa hautatu, iraunaldi laburreko zerrendetan egon nahi dutela adierazi eta aipatu erakunde autonomoak zehazten dituen gainerako inguruabarrak betetzeko.

Arau horren arabera osatzen diren zerrendak Osasunbidea-Nafarroako Osasun Zerbitzuak kudeatuko ditu, langileak hautatzeko 2001eko urtarrilaren 9ko Akordioan ezarritakoari jarraikiz.

13._Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzenduta, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen eta bere arauen kontra eta arauak aplikatzeko egintzen kontra, epaimahaiak hartutakoen kontra izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatuta.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat, eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2007ko urtarrilaren 25ean._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

Izena: ..............................., adinez nagusia. Nortasun Agiri Nazionala: .............. (edo balio bereko beste agiriren bat): ........................ Sorteguna: ................................. Sorterria: .................................... (..............). Nazionalitatea: ............................................ Helbidea: ............................... (kalea, zenbakia), .............. herria, ............. probintzia, ....... posta kodea, eta ........ telefonoa (........... laneko telefonoa),

AZALTZEN DUT:

Nafarroako Foru Komunitateko Administrazioaren zerbitzuko .............. izateko ...............lanpostu ....................bidez betetzeko deialdian parte hartzeko onar nazatela eskatzen dudala, aipatu txandan (deialdia ...... zenbakiko Nafarroako ALDIZKARI OFIZIALean argitaratu zen, .........(e)an).

f Txanda irekia

f Igoera txanda*

f Ezgaitasunen bat dutenendako txanda*

Hautaprobak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio erroa*

f Osasunbidea-Nafarroako Osasun Zerbitzua*

f Nafarroako Gizarte Ongizatearen Institutua*

(*) (Esparruetako bakar bat aukeratu daiteke)

Ez dudala karguan aritzea galarazten didan eritasunik edo akats fisikorik nahiz psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskabideak aurkezteko epearen azken egunean beharkizun guztiak betetzen ditudala.

Ezgaitua naizelakoz, orri bereizi batean adierazten ditudan denbora eta baliabide egokitzapenak eskatzen ditudala.

Ezgaitasuna frogatzen duen agiria aurkezten dudala, erakunde eskudun batek emana.

Euskararen gaitasunaren agiria edo ofizialki baliokidea den beste titulu bat aurkezten dudala*

Euskara maila jakiteko proba egitea eskatzen dudala*

Frantseseko eta ingeleseko nahikotasun frogak egitea eskatzen dudala.*

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean, 20....ko .............aren ............(e)an.

(Sinadura)

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA. FUNTZIO PUBLIKOAREN ZUZENDARITZA NAGUSIA

(*) Bidezkoa bada.

OHARRA._Datu Pertsonalak Babesteari buruzko abenduaren 13ko 15/1999 Lege Orgainkoan xedatutakoa betez, jakinarazten da agiri honetan ageri diren datuak eta administrazioarekin etorkizunean izan daitekeen zerbitzu harremena kudeatzeko beharrezkoak diren gainerako guztiak datuen fitxategi automatizatu batean sartuko direla. Nafarroako Gobernuko Funtzio Publikoaren Zuzendaritza Nagusia da fitxategi horren erantzulea, eta datuen konfidentzialtasuna bermatzen du. Datuen titularrari jakinarazten zaio datu pertsonalen tratamendua eskuratu, zuzendu, ezabatu eta haren aurka jotzeko eskubidea erabiltzen ahal duela, datuak babesteko indarra duen araudiarekin bat.

II. ERANSKINA

Gai zerrenda

I. ZATIA

Informazio sistemei buruzko gai orokorrak

Informazio sistemen proiektuak

1. gaia._Proiektuen kudeaketa: proiektuaren integrazioaren, norainokoaren, plangintzaren eta kostuen kudeaketa.

2. gaia._Proiektuen kudeaketa: proiektuaren langileen, arriskuen, kalitatearen eta komunikazio planaren kudeaketa.

3. gaia._Informazio sistemen eraikuntza. Baldintzak biltzea. Anlisia eta diseinua. Garapena. Probak. Produkziora eramatea. Prestakuntza. Fase bakoitzeko dokumentazioa.

4. gaia._Lan taldeak koordinatzeko teknikak. Lan bilerak egoki kudeatzeko teknikak.

5. gaia._Proiektuak ezartzeagatik eta ezartzeko antolaketan egin beharreko aldaketa kudeatzea. Proiektuek antolaketan duten eragina, erabiltzaileen funtzioa, eginkizun berriak, prestakuntza, etab.

6. gaia._Software probak. Probetarako plana: parte-hartzaileak, saiakuntza jokoak, e.a. Proba motak: unitarioak, integraziokoak, funtzionaltasunekoak, kargakoak, estreskoak.

7. gaia._Erabiltzaileak eta informazio sistemak. Erabiltzaileen parte-hartzea. Prestakuntza. Informatikarien eta erabiltzaileen arteko harremanak. Eginkizunetarako laguntza.

8.gaia.-Zerbitzu mailaren kudeaketa: zerbitzuak definitzea, beharrezko ezaugarriak eta prozedurak.

Lanpostua

9. gaia._Bulegoetako automatizazioa. Ofimatika eta produktibitatea. Eskura dauden tresnak. Antolaketaren gaineko eragina.

10. gaia._Ofimatikako tresnak: testu prozesadorea (Word 2002-2003); kalkulu orria (Excel 2002-2003); aurkezteko modua (Power Point 2002-2003); web orrien editorea (Front Page 2002-2003); datu basearen kudeatzailea (Access 2002-2003); diagrama sortzailea (Visio 2002-2003)

11. gaia._Sistema eragilearen utilitateak (Internet Explorer, kontrol panela, inprimagailuen eta fax-en kudeaketa, etab.)

12. gaia._Denbora antolatu eta kudeatzeko tresnak: agenda, kontaktuak, lanak planifikatzea. Baimenak. (Outlook 2002-2003).

13. gaia._Azken erabiltzailearen tresna bat aukeratu eta eskuratzea. Funtzionalitateen definizioa. Proben definizioa. Ebaluazioa. Informazio sistemara moldatu eta integratzea.

Sistemen azpiegitura

14. gaia._Ordenagailuak ibiltzeko printzipioak. Informatika sistemen bilakaera eta belaunaldiak.

15. gaia._Informatika sistema baten osagai fisiko nagusiak. Arkitektura. a) Mikroprozesadorea. Familia nagusiak. x86 arkitektura. b) Memoriak. Memorien hierarkiak. Teknologien araberako sailkapena. c) Plaka amak. Motak. Dispositibo lotuak (Chip Set): kontrolatzaileak, DMA, denbora errealeko ordularia, serieko portuak, paraleloa, IDE, PCI zubiak. d) BIOS. Etenaldiak. Sistemaren bus-ak: USB, ISA, EISA, MCA, PCI, PCMCIA, SCSI, AGP, Fibre channel.

16. gaia._Biltze masiborako gailuak. Gailu magnetiko, optiko eta mistoak. RAID teknologiak. Lagundu eta berreskuratzeko prozedurak planifikatzea. SAN eta NAS.

17. gaia._Sistema eragileak. Kontzeptua, bilakaera eta joerak. PC artxiboen sistemak: FAT16, FAT32, NTFS. Inprimatzeko teknologiak. Ilarak.

18. gaia._Sareak: OSI eredua. TCP/IP modeloa.

Internet

19. gaia._Internet sarea: jatorria, bilakaera eta ezaugarriak. Euskarriko sareak. Zerbitzuen hornitzaileak. Internet, Intranet eta Extranet: antzekotasunak eta ezberdintasunak.

20. gaia._Interneten oinarritutako zerbitzuak: posta, artxiboen transferentzia, FTP, hipertestu formatuko argitalpenak, eztabaida eta albisteetarako taldeak, informazio antolatua bilatu eta eskuratzea. Foroak eta blog-ak.

21. gaia._Interneten erabilitako lengoaiak: HTML, , XML, script, Java, ASP eta ASP.NET lengoaiak.

22. gaia._Web-erako informazio arkitektura: sormena eta diseinua, irudi korporatiboa,linea editoriala, edukien egitura, nabigazio modeloa, etiketatua, bilatzeko sistemak. Antolaketa eredua.

23. gaia._Web orrien tipologia: generalistak, bertikalak, direktorioa, transakziozkoak, promoziokoak.

24. gaia._Audientziaren segmentazioa atarietan. Interes eta pertsonalizazio komunitateak.

25. gaia._Herritarrei, langileei eta laguntzaileei zuzendutako atari korporatiboak. Funtzionalitate nagusiak: integrazioa, pertsonalizazioa, edukien kudeaketa, enpresa inteligentzia, lankidetza.

Ezagutzaren kudeaketa

26. gaia._Ezagutzaren kudeaketa. Ezagutza gordea eta esplizitua. Pertsonalizazioa. Lankidetzarako tresnak.

27. gaia._Edukien kudeatzaileak. Oinarrizko funtzionalitatea.

28. gaia._Dokumentuen kudeaketa. Dolumentuen bizitza zikloa: sorrera, onespen fluxuak, biltegiratzea, kategorizatzea eta indexatzea, argitaratzea.

29. gaia._Dokumentuen iturrietako sarbidea. Bilatzaileak.

30. gaia._Informazio biltegiak: definizioa, ezaugarri nagusiak. Arkitekturak (Data warehouse korporatiboa eta Data Mart). Analizatzeko teknikak: query eta reporting; olap; molap; rolap; data mining.

31. gaia._Erabakia hartzera bideratutako sistema estrategikoak: ezaugarriak eta onurak. Diferentziak transakzio sistemen aldean. Erabiltzaileen ezaugarriak informazio beharren arabera.

Zerbitzuen ustiapena

32. gaia._ITIL. Konfigurazioaren kudeaketa. Aldaketen kudeaketa. Jaurtiketen kudeaketa. Zerbitzu mailaren kudeaketa. Eskuragarritasunaren kudeaketa. Edukieraren kudeaketa. Finantzen kudeaketa.

33. gaia._Erabiltzaileendako laguntza, Service Desk baliabidea. Laguntzarako bideak. Bertan eginda ematen den laguntza. Telefonozko laguntza. Internet bidezko laguntza. Contact Center. Bestelako bideak. Intzidentzien eta arazoen kudeaketa. Zerbitzuaren eskaeren kudeaketa. Mailaketa.

34. gaia._Sistemen eta zerbitzuen administrazioa eta operazioa.

35. gaia._Zerbitzuaren eskaeren kudeaketa. Katalogoak.

Segurtasuna

36. gaia._Datu Pertsonalak Babesteari buruzko Lege Organikoaren ezaugarri nagusiak eta horren inguruko xedapenak.

37. gaia._Sinadura elektronikoari buruzko Legea.

38. gaia._Segurtasun txartelak eta dispositiboak. NAN elektronikoa.

39. gaia._Administrazio elektronikoa (e-Administrazioa).

40. gaia._ITIL. Service Desk baliabidea. Intzidentzien kudeaketa. Arazoen kudeaketa.

41. gaia._PKI sistemak.

II. ZATIA

Garapena

1. gaia._Objektuei zuzendutako programazioa. a) Motak: atributuak, metodoak eta ikusgarritasuna. b) Erlazioak: herentzia, gehiketa, elkarketa eta erabilpena (mendekotasuna edo instantziazioa). c) Metodoak. Polimorfismoa.

2. gaia._3 geruzatako arkitekturan oinarritutako aplikazioen garapena. bezeroa, negozioaren logika eta datuetara iristeko geruza. COM, DCOM, Assemblies de. net, clases Java teknologien bidez osagaiak eta zerbitzuak garatzea.

3. gaia._Microsoft plataforma. Visual Studio. NET. Web forms aplikazioak sortea. Win forms aplikazioak sortzea. Web zerbitzuak sortzea. Osagaiak sortzea, assemblies. Visual Studio 6, Visual interDev.

4. gaia._Datuetara iristea programen bitartez. a) Biltegiko prozedurak. b) SQL lengoaia. c) Datuetar iristeko teknologiak: ADO, OLEDB, ODBC, ADO.NET.

5. gaia._Office-n oinarritutako garapena. VBA. Macroak eta moduluak.

6. gaia._Objektuei zuzendutako analisia eta diseinua. a) Eskakizunen identifikazioa eta idazkera: erabilera kasuetako diagramak, sekuentzia diagramak, interakzio eta lankidetza diagramak. b) Modelo estatikoa: klaseen diagrama. c) Modelo fisikoa: osagaien eta zabaltze diagramak. d) Datuen modelaketa. UML notazioaren bidezko modelaketa.

7. gaia._Patroiak. arkitekturako patroiak. Diseinu patroiak.

8. gaia._Java 2 plataforma: a) Desktop aplikazioak JDK estandar 1.4.2 bertsioarekin. b) Urruneko objektuetarako atzipenak: RMI, CORBA. c) Datuetarako atzipena: JDBC eta JDO. d) Web aplikazioak: Applets, Servlets, JSP. e) Osagaietan oinarritutako aplikazioak: Enterprise Java Beans. f) XML eta Java.

9. gaia._XML eta Web zerbitzuak. XML. XML dokumentuak aldatzea eta formateatzea, XSLTrekin eta XSLrekin. XML dokumentuen deskribapena, XML Schemas-ekin. Web zerbitzuen inbokazioa: SOAP. Web zerbitzuen deskubrimendua eta deskribapena: UDDI eta WSDL. Web zerbitzuetako transakzioak: XLANG eta XAML.

III. ZATIA

Informazio biltegiak

1. gaia._Informazio biltegia egiteko metodologia: analisia. Definizioa. Egitura logikoa. Inplementazio fisikoa. Segurtasuna. Sistema aurre-produkzioan paratzea. Egiaztapena. Kontsulta tresnak. Sistema produkzioan paratzea.

2. gaia._Data Warehouse-ren osagaiak: datu iturriak, diseinu/garapeneko tresnak, datuak atera eta eraldatzeko tresnak, Data Store, datuak atzitu eta analizatzeko tresnak.

3. gaia._MS Data Warehousing Framework erabiliz Data Warehouse diseinatzea: Framework: componentes del modelo, esquemas de modeloaren osagaiak, elur izarra eta maluta, granulartasuna.

4. gaia._MS Data Warehousing Framework erabiliz Data Warehouse kargatzea: Framework: herramientas DTS de SQL Server, T-SQL y VB SQL Serveren DTS tresnak, T-SQL eta VB Script.

5. gaia._SQL Server 2000-ren Analysis Services-ekin (OLAP Services) kubo multidimentsionala sortzea eta mantentze-lanak eramatea. a) Tamaina: hierarkiak, ezaugarriak, motak. Mailak eta kideak. b) Neurriak: gehiketa eginkizunak, kide kalkulatuak. c) Kuboak: bilketa, prozesatua, kubo motak. d) Segurtasuna: datu base, kubo, tamaina edo gelatxoen mailan. e) Tamainetan aldaketak erabiltzea. Tamainaren aldakortasuna. f) Kuboaren optimizazioa: indizeak erabiltzea, eskema optimizatzea, partiketak. Erabileraren araberako optimizazioa.

6. gaia._Aginte koadroak: erabakiari laguntzeko sistemak (DSS); informazio exekutiboaren sistemak (EIS); aginte koadro integrala (BSC). Definitzea indikatzaileak, alerta sistemak, simulazioak.

IV. ZATIA

Sistemak. Azpiegiturak eta produktuak

1. gaia._Komunikazioak: Sareen interkonexioa. Sare motak. Konektibitate elementuak: hub, switch, router. 2. mailako, 3. mailako eta 7. mailako komutadoreak.

2. gaia._Urruneko sarreretarako teknologiak. Sarrera sareak. VPN eta telelana.

3. gaia._Sistemen monitorizazioa eta kudeaketa. SNMP protokoloa. Oinarrizko zerbitzuak: DHCP, izenak ebaztea, DNS.

4. gaia._Sistema eragile profesionalak: a) Kontzeptuak. Zerbitzuak. Zerbitzariak. Bezeroak. b) MS Windows XP Professional. c) MS Windows 2000 eta 2003, Server, Advanced Server edizioak. d) Linux.

5. gaia._Direktorioko sistemak. LDAP protokoloa. Direktorio aktiboa.

6. gaia._Aplikazioen zerbitzariak. a) Objektuak, osagaiak, aplikazioak. Transakzioak. Aplikazioen arteko komunikazioa: mezuen ilarak. b) COM+. MSMQ.

7. gaia._Framework. NET V2.0.

8. gaia._Cluster teknologiak: MSCS, NLB. Blades teknologiak.

9. gaia._Sistemen administrazioa.

10. gaia._Kode irekiko softwarea. Kontzeptua. Baimen motak. Mugak.

11. gaia._Terminalen sistemak. Windows Terminal Server eta Citrix Metaframe.

12. gaia._Posta elektronikoa. a) Kontzeptuak. Protokoloak. Zerbitzuak. Bezeroaren tresnak. b) MS Exchange Server 2003. MS Outlook 2002-2003.

13. gaia._Internet / Intranet. SW nabigatzailea. MS Internet Explorer 6.0.

14. gaia._Web zerbitzariak. MS Internet Information Server.

15. gaia._Suebakiak. ISA Server. Checkpoint FW 1. Symantec Gateway Security.

16. gaia._Monitorizazio sistemak. Microsoft Operation Manager.

17. gaia._Kudeaketa sistemak. SMS 2003. HP Open View.

18. gaia._Datu base erlazionalen kudeatzailea. a) Administrazioa. Optimizazioa. Erreplikazioa. b) MS SQL Server 2005. c) Oracle 9i.

19. gaia._Txostenak sortzeko eta jakinarazteko sistemak. SQL Reporting Services eta Notification Services.

20. gaia._Presentzia kontrolatzeko sistemak. SIP. Microsoft LCS eta Communicator.

21. gaia._Banda zabaleko komunikazioak. ADSL, FR, modem kablea.

22. gaia._Hari gabeko komunikazioak: GPRS, UMTS, Wifi, Wimax, Bluetooth.

V. ZATIA

Segurtasuna informazio sistemetan

1. gaia._ISO/IEC 17799 2005 araua.

2. gaia._Eraso eta erasotzaile motak. Intrusismo teknikak.

3. gaia._Segurtasun fisikoa: sarbideen kontrola, CPDen, UPSren, SAIren, eta abarren ezaugarriak.

4. gaia._Partxeen kudeaketa. Windows Update. SUS. SMS.

5. gaia._Lanpostuko segurtasuna. Erabiltzaileen eta pasahitzen politika. Erabiltzaileen profilak. Baimenak. Erabiltzaileen eta postuen kudeaketa politiken arabera.

6. gaia._Perimetroko segurtasuna. Sarrera zerrendak. Su bakiak: motak eta teknologiak. IDSak eta IPSak. Web iragazpenerako sistemak.

7. gaia._Kriptografia. Klabe pribatuaren eta publikoaren sistemak.

8. gaia._Segurtasun proiektu global bat egitea.

9. gaia._Auditoriak eta arriskuen kudeaketa.

10. gaia._Segurtasuna aplikazioak garatzean.

11. gaia._Segurtasuna hari gabeko sareetan. 802.11x.

12. gaia._Segurtasun kopiak. Sostengu estrategiak. Iraupen planak.

13. gaia._Sare pribatu birtualen teknologiak. IPSEC, SSL, MPLS.

14. gaia._Autentifikazio sistemak. RADIUS. Identifikazio biometrikoko sistemak.

15. gaia._SPAM. Arazoak. Spam-en kontrako tresnak.

16. gaia._Programa maltzurrak. Birusak, troiarrak eta spywareak. Analizatu, atzeman eta deuseztatzeko tresnak.

17. gaia._Arrisku egoerak atzeman eta zuzentzeko sistemak. IDSak eta IPSak. Sareko sniffer-a.

VI. ZATIA

Arauak

1. gaia._Espainiako 1978ko Konstituzioa: Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2. gaia._Zuzenbide Publikoaren iturburuak: legeak eta lege motak. Lege dekretuak. Legegintzako foru dekretuak. Nazioarteko itunak.

3. gaia._Administrazio Zuzenbidearen iturburuak: erregelamendua eta erregelamendu-ahalmena. Erregelamendu motak. Erregelamendu-ahalmenaren mugak eta haren kontrola.

4. gaia._Administrazio egintza (I): kontzeptua, motak eta osagaiak.

5. gaia._Administrazio egintza (II): administrazio egintzen baldintzak, eraginkortasuna, deuseztasuna eta deuseztagarritasuna.

6. gaia._Administrazio prozedura erkidea (I): kontzeptua eta izaera. Hasiera, antolamendua, instrukzioa eta bukaera.

7 gaia._Administrazio prozedura erkidea (II): administrazioarekiko errekurtsoak: printzipio orokorrak eta motak.

8. gaia._Nafarroako Parlamentua edo Gorteak: osaera, antolakuntza eta eginkizunak.

9. gaia._Nafarroako Gobernuari eta lehendakariari buruzko Foru Legea.

10. gaia._Nafarroako Foru Komunitateko Administrazioari buruzko Foru Legea.

11. gaia._Nafarroako Foru Komunitateko arartekoa. Comptos Ganbera. Nafarroako Kontseilua.

12. gaia._Nafarroako Administrazio Publikoen zerbitzuko Langileen Estatutua (I): langile motak. Funtzionario publikoen hautapena. Funtzionario izaera eskuratzea eta galtzea.

13. gaia._Nafarroako Administrazio Publikoen zerbitzuko Langileen Estatutua (II): karrera administratiboa. Administrazio egoerak. Lanpostuak betetzea. Ordainsariak.

14. gaia._Nafarroako Ogasun Publikoa: Nafarroako Ogasun Publikoaren eskubide eta betebeharrak. Nafarroako aurrekontu orokorrak: edukia eta onespena; gastuen sailkapen ekonomikoa; betearaztea eta likidazioa.

15. gaia._Kontratu Publikoei buruzko Foru Legea. Aplikazio eremua. Nafarroako Administrazio Publikoen kontratuei buruzko arau orokor eta komunak. Kontratazio organoak. Kontratuak esleitu, betearazi eta berrikusteko arau orokorrak. Kontratu motak eta haien definizioak.

16. gaia._Datu pertsonalak babesteko Lege Organikoa; datuak babesteko printzipioak; pertsonen eskubideak.

Oharra: gai guztiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina egun horren ondoren onetsitako arau aldaketen ekarpenak baloratzen ahalko ditu epaimahaiak.

Iragarkiaren kodea: F0702075