I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
103/2007 EBAZPENA, azaroaren 19koa, Lanbide Heziketaren eta Unibertsitateen zuzendari nagusiak emana, atzerrian bizi diren eta nafarren ondorengoak diren ikasle unibertsitarioen laguntzetarako deialdia, 2007-2008 ikasturteari dagokiona, behin betikoz ebazten duena.
Unibertsitateko Irakaskuntza, Hedapen eta Ikerketa Zerbitzuak txostena aurkeztu du eta, atzerrian bizi eta nafarren ondorengoak diren ikasle unibertsitarioendako laguntzak 2007-2008 ikasturtean luzatzeko deialdia onesten duen maiatzaren 16ko 94/2007 Ebazpenean ezarritakoa betez, proposatu du atzerrian bizi eta nafarren ondorengoak diren ikasle unibertsitarioendako laguntzak 2007-2008 ikasturtean luzatzeko deialdiaren gaineko behin betiko ebazpena ematea, Balorazio Batzordeak 2007ko azaroaren 7ko bilkuran hartutako irizpide eta erabakiak, honako honi erantsitako aktan bilduak, kontuan harturik. Guztira, 23.235,79 euro dira.
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluko d) idatz-zatiak ematen dizkidan ahalmenak erabiliz,
EBATZI DUT:
1. Atzerrian bizi diren eta nafarren ondorengoak diren ikasle unibertsitarioendako dirulaguntzen 2007-2008 ikasturterako luzapena behin betikoz onestea eta haien ordainketa agintzea. Guztira 23.085,79 euro egiten dute, honela banatuak:
LEHEN ETA BIGARREN ZIKLOETAKO IKASKETETARAKO LAGUNTZAK
DEITURAK ETA IZENA IFZ HERRIALDEA UNIBERTSITATEA ZENBAT
LIZARRAGA CUBILLOS, JUAN CAMILO 72823617-M KOLONBIA NUP 7.928,23
MAGALLON GRANDE, LAURA 53395338-X ANDORRAKO P. NU 7816,56
HIRUGARREN ZIKLOKO IKASKETETARAKO LAGUNTZAK
DEITURAK ETA IZENA IFZ HERRIALDEA UNIBERTSITATEA ZENBAT
CESPEDES MANGIAUT, CARLOS FERNANDO 14131571 ARGENTINA UNED BUENOS AIRES 600,00
ERICE BAEZA, M.ª VALENTINA M3115067-Q ARGENTINA NU 6.741,00
2. M.ª Carmen Ortellao psikologia ikaslearen matrikularako laguntza, 150,00 eurokoa, onestea. Buenos Airesko (Argentina) UHUNaren bidez ikasten ari da eta agiri guztiak ekartzen dituelarik ordainduko zaio. Laguntza hori Urrutiko Hezkuntzarako Unibertsitate Nazionalaren Egoitza Nagusiko Ikasle Atzerritarren Atalean ordainduko da (Madril, IFZ: Q2818016D), hala xedatzen baitu atzerrian bizi eta nafarren ondorengoak diren ikasleendako laguntzetarako 2004-2005 ikasturteko deialdiaren "Laguntzen ordainketa" izeneko 10. artikuluak.
3. Ekonomia eta Ogasun Departamentuari eskatzea bidezko diren ordainketa aginduak eman ditzala, kasu bakoitzeko zenbatekoak kontuan hartuta.
Ebazpen hau sinatzerakoan guztira 23.085,79 euro ordaintzea. Kopuru horretatik 600,00 euro Carlos Fernando Céspedes Mangiaut jaunari dagozkio eta ordainketa atzerriko ordainketa agiriaren bidez egin behar da.
4. Ebazpen honetan aipatzen diren laguntzak 23.235,79 euro dira guztira. Indarra duen gastu aurrekontuko "Atzerrian bizi eta nafarren ondorengoak diren unibertsitateko ikasleendako bekak" izeneko 431000-43100-4800-323102 kontusailaren bidez finantzatuko dira (40003156 kontabilitate espedientea).
5. Ebazpen honen aurka gora jotzeko errekurtsoa jartzen ahal da, Hezkuntza Departamentuko kontseilariari zuzendua, ebazpena jakinarazi eta biharamunetik hilabeteko epean.
6. Ebazpen hau Nafarroako ALDIZKARI OFIZIALean eta Hezkuntza Departamentuko iragarki oholean argitara dadila agintzea.
7. Ebazpen hau igortzea Ekonomia eta Ogasun Departamentuak Hezkuntza Departamentuan duen kontu-hartzaile delegatuari, Aurrekontu eta Kudeaketa Ekonomikoaren Atalera, Unibertsitateetarako eta Hizkuntza Politikarako Zuzendaritza Nagusira, Unibertsitateko Irakaskuntza, Hedapen eta Ikerketa Zerbitzura, Goi Mailako Irakaskuntzaren Atalera, Goi Mailako Irakaskuntzaren Bulegora, Kudeaketa Ekonomikoaren Bulegora eta Administrazio Orokorreko Bulegora, behar diren ondorioak izan ditzan, eta interesatuei, banan-banan, dirulaguntza eman edo ukatu zaien jakinaraztea.
Iruñean, 2007ko azaroaren 19an.-Lanbide Heziketaren eta Unibertsitateen zuzendari nagusia, Pedro González Felipe.
Iragarkiaren kodea: F0718239
