I. NAFARROAKO FORU KOMUNITATEA
1.1. XEDAPEN OROKORRAK
1.1.2. Foru Dekretuak
246/2007 FORU DEKRETUA, azaroaren 19koa, uholdeengatik emateko laguntzetako kopuruak aldatzen dituena. Apirilaren 23ko 36/2007 Foru Dekretuan eta maiatzaren 21eko 46/2007 Foru Dekretuan ezarri ziren aipatutako kopuruak.
Apirilaren 23ko 36/2007 Foru Dekretuaren bidez 2007ko martxoko eta apirileko ekaitz eta uholdeek nekazaritzako sektorean eragindako kalteak konpontzeko dirulaguntza bereziak ezarri ziren. Azpiegitura publikoetarako 5.725.000 euro bideratu ziren honako kontusail honetatik: 720001-72120-7609-414305 "Ohiz kanpoko uholdeek titulartasun publikoko azpiegituretan eragindako kalteak konpontzeko laguntzak".
Maiatzaren 21eko 46/2007 Foru Dekretuaren bidez 2007ko maiatzeko lehen astean Nafarroako Foru Komunitatearen iparraldean gertatutako ekaitz eta uholdeeen ondorioz nekazaritza sektorean eragindako kalteak konpontzeko laguntza bereziak ezarri ziren. Titulartasun publikoko azpiegituretarako 600.000 euro bideratu ziren honako kontusail honetatik: 720001-72120-7609-414305 "Ohiz kanpoko uholdeek titulartasun publikoko azpiegituretan eragindako kalteak konpontzeko laguntzak".
Bi foru dekretuetatik ondorioztatzen diren laguntzen eskaeren espedienteak azterturik, foru dekretu bakoitzera bideratutako laguntzen emaitza honako hau da:
36/2007 Foru Dekretua: 4.266.335,65 euro.
46/2007 Foru Dekretua: 1.114.835,87 euro.
Aurrekontuan aski diru dagoenez eskaera guztietarako, bidezkoa da foru dekretu bakoitzeko laguntzetarako kopuruak aldatzea.
Horiek horrela, Landa Garapeneko eta Ingurumeneko kontseilariak proposaturik, Nafarroako Gobernuak, 2007ko azaroaren hemeretziko bilkuran hartutako erabakiarekin bat,
DEKRETATU DUT:
1. Diru kopuruen aldaketa onestea, ohiz kanpoko uholdeek titulartasun publikoko azpiegituretan eragindako kalteak konpontzeko laguntzetan.
36/2007 Foru Dekretua: 4.266.335,65 euro.
46/2007 Foru Dekretua: 1.114.835,87 euro.
Kopuru horiek honako kontusail honen kargura ordainduko dira: 720001-72120-7609-414305 "Ohiz kanpoko uholdeek titulartasun publikoko azpiegituretan eragindako kalteak konpontzeko laguntzak", 2007ko gastuen aurrekontukoa.
2. Foru dekretu hau jakinaraztea Nekazaritzako Azpiegituren Zerbitzuari, Ekonomia Aferetarako Bulegoari eta Landa Garapeneko eta Ingurumeneko Departamentuko kontu-hartzaile delegatuari, behar diren ondorioak izan ditzan.
Iruñean, 2007ko azaroaren 19an.-Nafarroako Gobernuko lehendakaria, Miguel Sanz Sesma.-Landa Garapeneko eta Ingurumeneko kontseilaria, Begoña Sanzberro Iturriria.
Iragarkiaren kodea: F0718010
