II. NAFARROAKO TOKI ADMINISTRAZIOA
2.1. ORDENANTZAK ETA BESTELAKO XEDAPEN OROKORRAK
BAZTAN
Udal Planeko aldaketa xehakatua. Behin betiko onespena
Baztango Udalak, 2007ko irailaren 3an egin osoko bilkura arruntean, hau erabaki zuen:
1. Behin betikoz onestea aldaketa xehakatua, Elizondoko 60. poligonoko 186. lurzatiaren A azpilurzatiko eta 184. katastro lurzatiaren C eta F azpilurzatietako lurren kalifikazioari buruzkoa. Aldaketaren ondorioz, orain arte lurzoru urbanizaezina zena, oihangintzako erabilerarekin, lurzoru urbanizaezina izanen da, nekazaritzako produktibitate ertainekoa, horiek definituta baitaude Baztango Udal Planean. Hori guztia horretarako espresuki irekitako espedientean agertzen da eta eskatzailea, berriz, María Julia Carrica Ochandorena andrea da.
2. Erabaki hau Nafarroako ALDIZKARI OFIZIALean argitaratzea, ukituendako jakinarazpen ondorioa izan dezan, eta Nafarroako Gobernuko Ingurumen, Lurraldearen Antolamendu eta Etxebizitza Departamentura igortzea, arlo honetan indarra duen legeriarekin bat.
Aditzera ematen da orok jakin dezan eta behar diren ondorioak izan ditzan, indarra duen legeriak agindutakoari jarraikiz.
Elizondon (Baztan), 2007ko irailaren 27an.-Alkatea, Virginia Alemán Arrastio.
Iragarkiaren kodea: L0715570
