I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1344/2007 EBAZPENA, irailaren 20koa, Nafarroako Unibertsitate Publikoko errektoreak emana, María Begoña Pérez Eransus andrea "Gizarte Lana eta Gizarte Zerbitzuak" jakintza-arloko unibertsitate eskolako irakasle titular izendatzen duena.
Ikusirik maiatzaren 23ko 792/2007 Ebazpena (ekainaren 16ko E.A.O.), unibertsitate irakaskidegoetako lanpostuak betetzeko lehiaketarako deia egin zuena.
Ikusirik lehiaketa epaitu duen batzordeak 2007ko irailaren 11n egindako proposamena, "Gizarte Lana eta Gizarte Zerbitzuak" jakintza-arloko Nafarroako Unibertsitate Publikoko Unibertsitate Eskolako irakasle titular lanpostua, 3525 kodeduna eta Gizarte Laneko Sailari atxikia, betetzeari buruz, eta interesdunak aurkeztu duenez deialdiaren hamargarren oinarriak aipatzen duen dokumentazioa.
Aurreko guztiagatik, eta apirilaren 12ko 4/2007 Lege Organikoak aldatutako Unibertsitateei buruzko abenduaren 21eko 6/2001 Legearen 65. artikuluan eta Estatutuen 40. artikuluan esleituta dauzkadan eskumenak betez,
EBATZI DUT:
Lehenengoa.-María Begoña Pérez Eransus andrea Nafarroako Unibertsitate Publikoko Unibertsitate Eskolako irakasle titular izendatzea. Lanpostua "Gizarte Lana eta Gizarte Zerbitzuak" jakintza-arlokoa da, 3525 kodea du, eta Gizarte Laneko Sailari atxikitzen zaio.
Bigarrena.-Gehienez ere 20 eguneko epean, izendapena "Estatuko Aldizkari Ofizialean" argitaratzen den egunaren biharamunetik kontatzen hasita, hartu beharko du lanpostuaren jabetza proposaturiko izangaiak, eta orduan ere hartuko du dagokion unibertsitate-irakaskidegoko funtzionarioaren izaera, horrek dakartzan eskubide eta betebeharrekin.
Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka, aukeran, berraztertzeko errekurtsoa aurkez daiteke errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2007ko irailaren 20an.-Errektorea, Julio Lafuente López.
Iragarkiaren kodea: F0715786
