VIII. IRAGARKIAK
8.1. BESTELAKO IRAGARKI OFIZIALAK
IRUÑERRIKO MANKOMUNITATEA
IRAGARKIA
Ignacio Martínez Rodríguez jaunari (azken helbide ezaguna: Santa Cruz kalea 45, 2. B-Zizur Nagusia) jakinarazten zaio Iruñerriko Mankomunitateko instruktoreak, 2007ko abuztuaren 8an, 60/2007 Ebazpenak hasitako zehapen prozeduraren ebazpen proposamena eman duela. Hona aipatu proposamena:
"60/2007 Ebazpenak, Iruñerriko Mankomunitateko presidenteak emanak, hasitako zehapen prozedurari dagokionez, ondoko ebazpen proposamena eman dut:
1. 2007ko urtarrilaren 23an, Foruzaingoak jarritako salaketa jaso dugu Iruñerriko Mankomunitateko Erregistroan. Nafarroako Gobernuak (Lehendakaritza, Justizia eta Barne Departamentuak, hain zuzen) aipatutako salaketa bidali digu, eta bertan honako datuak ageri dira:
-Eguna: 2006-12-09
-Ordua: 00:45
-Espediente-zenbakia: 20815.
-Hautsitako agindua: Iruñerriko Hiri Garraio Zerbitzu Publikoa arautzen duen Ordenantzaren 13 F artikulua.
-Salaketaren lekua:
-Herria: Iruña
-Tokia: Nafarroako Gorteak kalea
-Salatutako gertakaria: Ibilgailuaren barruan edatea. (13 f) artikulua).
-Salatutakoaren datuak:
-Martínez Rodríguez Ignacio.
-Kalea edo plaza: Santa Cruz 45, 2. B
-Hiria: Zizur Nagusia.
-Probintzia: Nafarroa.
-Jaioteguna: 1988-04-20
-Salatzailearen datuak: 680/732.
-Salatuaren sinadura: Ez du sinatu.
2. Iruñerriko Mankomunitateko presidenteak emandako 60/2007 Ebazpenaren bidez, zehapen prozedura hasi zen, ondokoa jaso zuena, besteak beste: arau-haustearen tipifikazioa zein ezar liratekeen zehapenak.
Tipifikazioa:
-Ekainaren 1eko 7/1998 Foru Legearen 26 h) artikuluaren arabera, erabiltzaileek udalek hiriko garraio zerbitzu publikoa erabiltzeko ezartzen dituzten baldintzak ez betetzea arau-hauste arintzat hartuko da.
-Iruñerriko Hiri Garraioa Zerbitzu Publikoa arautzen duen Ordenantzaren 13 f) artikuluak, ibilgailuaren barruan edatea debekatua dagoela ezartzen du.
Zehapenak:
-276,47 eurora arteko isuna (7/1998 Foru Legearen 27.1 artikulua).
3. Bi aldiz jakinarazten saiatu ondoren, 60/2007 Ebazpena 2007ko apirilaren 23ko Nafarroako ALDIZKARI OFIZIALean (50 zk.) argitaratu eta, uztailaren 6tik 20ra bitarte, Zizur Nagusiko Udaleko iragarki-oholean jarri zen jendaurrean, Administrazio Publikoen Araubide Juridikoari eta Guztiendako Administrazio Prozedurari buruzko Legearen 59.4 artikuluari jarriki.
4. Ez da alegazio-idazkirik aurkeztu ezarritako epearen barruan.
5. 2007ko maiatzaren 17an, idazkia bidali zitzaion Foruzaingoari, ondokoak egin zitzan:
-Jarritako salaketa berretsi.
-Beharrezko informazio osagarria ekarri.
6. 2007ko ekainaren 13an, idazkia bidali zuen Foruzaingoko buruak, 732 zenbaki profesionala duen agenteak prestatutako txostena zekarrena. Hauxe jaso zuen agenteak txostenean:
Salaketa jarri zuen agentea beste bi poliziarekin batera zihoala.
Salaketa jarri zuten agenteak autobus publikoetako bidaiariak kontrolatzeko berariazko zerbitzua egiten ari zirela, eta aipatu ibilgailua kontrolatzen ari zirela Zizurtik atera zenetik.
Pio XII.a kalean (Blanca de Navarra hotelaren parean) dagoen geltokian, lagun talde batek garagardo botila bat bota zuela bide publikora ikusi zutela; horregatik, arreta gehiago jarri zioten talde horri, eta ziur daudela edan zutela autobusaren barruan.
Ezin dutela argitu autobuseko gidariak ez edateko esan zien ala ez.
Aurkeztutako alegazioek salatutako ekintza indargabetzen ez dutenez, agente salatzaileak berresten duela salaketa.
7. Prozeduraren instrukzioa egiteko lanen ondorioz, ondoko egitateak jakin dira:
2006ko abenduaren 9an, Ignacio Martínez Rodríguez jaunak Eskualdeko Hiri Garraioko autobus baten barruan edan zuen.
8. 7/1998 Foru Legearen 31.1 artikuluan, Zehatzeko ahalmena gauzatzeko Araudiaren 10.2 artikuluari doakionez (1398/1993 Errege Dekretuak onetsi zuen araudia), eta Iruñerriko Mankomunitatearen Estatutuen 20.12 nahiz aipatutako Mankomunitatearen Antolakuntza eta Funtzionamenduari buruzko Erregelamenduaren 28.5 artikuluetan xedatutakoarekin bat etorriz, Mankomunitateko presidenteari dagokio zehapen prozedura hau ebazteko eskumena.
9. Frogatutako gertakariak administrazio arau-hauste arintzat har daitezke, horrelaxe ezartzen baitute honako xedapenek:
-Ekainaren 1eko 7/1998 Foru Legearen 26 h) artikuluaren arabera, erabiltzaileek udalek hiriko garraio zerbitzu publikoa erabiltzeko ezartzen dituzten baldintzak ez betetzea arau-hauste arintzat hartuko da.
-Iruñerriko Hiri Garraioa Zerbitzu Publikoa arautzen duen Ordenantzaren 13 f) artikuluak, ibilgailuaren barruan edatea debekatua dagoela ezartzen du.
Aipatutako aurrekariak, xedapenak eta bete beharreko gainerako arau orokorrak ikusita, ondokoa formulatzen dut:
EBAZPEN PROPOSAMENA
Lehena.-Ignacio Martínez Rodríguez jaunari 50 euro-ko isuna jartzea (7/1998 Foru Legearen 27.1 artikulua) arau-hauste arina egiteagatik (Eskualdeko Hiri Garraioko autobus batean edatea).
Bigarrena.-Jakinarazi bekio ebazpen proposamen hau interesdunari, baita alegazioak aurkezteko eskubidea duela hamabost eguneko epean, abuztuaren 4ko 1398/1993 Errege Dekretuaren 18. artikuluak (Dekretuak zehatzeko ahalmena gauzatzeko Araudia onetsi zuen) eta 30/1992 Legearen 84. artikuluak xedatutakoarekin bat. Epea amaituta, behin betiko ebazpena emanen da.
Iruñean, 2007ko irailaren 19an.-Mankomunitateburua, Javier Torrens Alzu.
Iragarkiaren kodea: L0715509
