I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1321/2007 EBAZPENA, irailaren 14koa, Nafarroako Unibertsitate Publikoko errektoreak emana, Ana Fernández Militino andrea "Estatistika eta Ikerketa Operatiboa" jakintza-arloko unibertsitateko katedradun izendatzen duena.
Ikusirik maiatzaren 23ko 792/2007 Ebazpena (ekainaren 16ko E.A.O.), unibertsitate irakaskidegoetako lanpostuak betetzeko lehiaketarako deia egin zuena.
Ikusirik lehiaketa epaitu duen batzordeak 2007ko irailaren 10ean egindako proposamena, "Estatistika eta Ikerketa Operatiboa" jakintza-arloko Nafarroako Unibertsitate Publikoko unibertsitateko katedradunaren lanpostua, 3523 kodeduna eta Estatistika eta Ikerketa Operatibo Sailari atxikia, betetzeari buruz, eta interesdunak aurkeztu duenez deialdiaren hamargarren oinarriak aipatzen duen dokumentazioa.
Aurreko guztiagatik, eta apirilaren 12ko 4/2007 Lege Organikoak aldatutako Unibertsitateei buruzko abenduaren 21eko 6/2001 Legearen 65. artikuluan eta Estatutuen 40. artikuluan esleituta dauzkadan eskumenak betez,
EBATZI DUT:
Lehenengoa.-Ana Fernández Militino andrea Nafarroako Unibertsitate Publikoko katedradun izendatzea. Lanpostua "Estatistika eta Ikerketa Operatiboa" jakintza-arlokoa da, 3523 kodea du, eta Estatistika eta Ikerketa Operatibo Sailari atxikitzen zaio.
Bigarrena.-Gehienez ere 20 eguneko epean, izendapena "Estatuko Aldizkari Ofizialean" argitaratzen den egunaren biharamunetik kontatzen hasita, hartu beharko du lanpostuaren jabetza proposaturiko izangaiak, eta orduan ere hartuko du dagokion unibertsitate-irakaskidegoko funtzionarioaren izaera, horrek dakartzan eskubide eta betebeharrekin.
Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka, aukeran, berraztertzeko errekurtsoa aurkez daiteke errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2007ko irailaren 14an.-Errektorea, Julio Lafuente López.
Iragarkiaren kodea: F0715783
