I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
1298/07 EBAZPENA, irailaren 10ekoa, Nafarroako Unibertsitate Publikoko errektoreak emana, Miguel Casares Polo jauna "Analisi Ekonomikoaren Hastapenak" jakintza-arloko unibertsitateko irakasle titular izendatzen duena.
Ikusirik maiatzaren 23ko 792/2007 Ebazpena (ekainaren 16ko E.A.O.), unibertsitate irakaskidegoetako lanpostuak betetzeko lehiaketarako deia egin zuena.
Ikusirik lehiaketa epaitu duen batzordeak 2007ko irailaren 5ean egindako proposamena, "Analisi Ekonomikoaren Hastapenak" jakintza-arloko Nafarroako Unibertsitate Publikoko unibertsitate-katedradunaren lanpostua, 3524 kodeduna eta Ekonomia Sailari atxikia, betetzeari buruz, eta interesdunak aurkeztu duenez deialdiaren hamargarren oinarriak aipatzen duen dokumentazioa.
Aurreko guztiagatik, eta apirilaren 12ko 4/2007 Lege Organikoak aldatutako Unibertsitateei buruzko abenduaren 21eko 6/2001 Legearen 65. artikuluan, eta Estatutuen 40. artikuluan esleituta dauzkadan eskumenak betez,
EBATZI DUT:
Lehena.-Miguel Casares Polo jauna Nafarroako Unibertsitate Publikoko irakasle titular izendatzea. Lanpostua "Analisi Ekonomikoaren Hastapenak" jakintza arlokoa da, 3524 kodea du, eta Ekonomia Sailari atxikitzen zaio.
Bigarrena.-Gehienez ere 20 eguneko epean, izendapena "Estatuko Aldizkari Ofizialean" argitaratzen den egunaren biharamunetik kontatzen hasita, hartu beharko du lanpostuaren jabetza proposaturiko izangaiak, eta orduan ere hartuko du dagokion unibertsitate-irakaskidegoko funtzionarioaren izaera, horrek dakartzan eskubide eta betebeharrekin.
Ebazpen honek administrazio bidea agortzen du, Unibertsitateei buruzko Lege Organikoaren 6.4 artikuluan ezarritakoaren arabera, eta bere aurka, aukeran, berraztertzeko errekurtsoa aurkez daiteke errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako epaitegietan, hilabeteko epean lehenengo kasuan, eta bi hilabeteko epean bigarrenean, biak ere ebazpena argitaratu eta biharamunetik kontatzen hasita.
Iruñean, 2007ko irailaren 10ean.-Errektorea, Julio Lafuente López.
Iragarkiaren kodea: F0715780
