I. NAFARROAKO FORU KOMUNITATEA
1.3. BESTELAKO XEDAPENAK
1.3.1. Lurraldearen antolamendua eta hirigintza
14/2007 FORU AGINDUA, irailaren 14koa, Lurraldearen Antolamendu eta Etxebizitza kontseilariak emana, Deierriko Udal Plana Aizkoako 27. poligonoko 101. lurzatian (Ziritzako etxolak) aldatzeko espedientea behin betiko onesten duena. Sustatzailea Deierriko Udala da.
Deierriko Udalak idazpuruan azaltzen den espedientea aurkeztu du Lurraldearen Antolamendu eta Etxebizitza Departamentuan, behin betiko onets dadin.
Ikusirik aurkezturiko agiriak eta Lurraldearen Antolamendu eta Hirigintza Zerbitzuaren txostena, bidezko da behin betiko onestea.
Lurraldearen Antolamendu eta Etxebizitza Departamentuaren egitura organikoa ezarri zuen irailaren 3ko 127/2007 Foru Dekretuaren bidez eskuratu ditudan ahalmenak erabiliz,
AGINDU DUT:
1. Behin betiko onestea Deierriko Udal Plana Aizkoako 27. poligonoko 101. lurzatian (Ziritzako etxolak) aldatzeko espedientea, bertako udalak sustatua, zehaztapen hauekin:
_Ingurumenaren gaineko Eragina Aztertu eta Lehengoratzeko Atalaren 2007ko ekainaren 20ko txostenean "abelbideari" buruz ezarritako baldintzak beteko dira, birzatitze aldian, obrek dirauten bitartean eta horiek amaitzean.
_Urbanizazio proiektua prestatzen denean, Herri Lan, Garraio eta Komunikazio Departamentuko txostenean (espediente zk.: 2007/152715) industria erabilerako esparruari buruz ezarritako baldintza guztiak beteko dira eta, bereziki, abiadura handitzeko eta mantsotzeko errei paraleloak jarriko dira, eginen den bidegurutzean. Lurzatiaren neurriek ahalbidetzen duten gehieneko luzera bilatuko da.
_Aurreikusita dauden ibilgailuentzako aparkalekuko tokien %3 (4 toki) gutxitu fisiko eta sentsorialentzat gorde beharko dira.
Toki horiek, baterian, neurri hauek izan beharko dituzte, gutxienez: frontea 320 cm eta sakonera 500 cm.
2. Foru agindu honek ez duela administrazio bidea agortzen adieraztea. Interesdunek, administrazio publikoek izan ezik, legezkotasuna kontrolatzea helburu duen egintza honen kontra gora jotzeko errekurtsoa jartzen ahalko dute, Nafarroako Gobernuari zuzendua, hilabeteko epean, foru agindu hau Nafarroako ALDIZKARI OFIZIALean argitaratzen denetik. Eta onetsitako hirigintza araudiaren kontra administrazioarekiko auzi-errekurtsoa jartzen ahalko da, Nafarroako Auzitegi Nagusiko Administrazioarekiko Auzien Salari zuzendua, araudia Nafarroako ALDIZKARI OFIZIALean argitaratu eta bi hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.
Epe horiek foru agindu honen jakinarazpena egin edo, bestela, Nafarroako ALDIZKARI OFIZIALean argitaratu eta biharamunetik aurrera hasiko dira kontatzen.
3. Foru agindu hau Deierriko Udalari eta Aizkoako Kontzejuari jakinaraztea eta Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, 2007ko irailaren 14an._Lurraldearen Antolamendu eta Etxebizitza kontseilaria, José Carlos Esparza Sáez.
Iragarkiaren kodea: F0714701
