I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.1. Kargu-uzteak, izendapenak eta bestelako egoerak
96/2007 EBAZPENA, irailaren 26koa, Nafarroako Administrazio Publikoaren Institutuko zuzendari kudeatzaileak emana, Ana Isabel Salcedo Condón Nafarroako Administrazio Publikoaren Institutuko Ebaluazioko Foru Batzordearen Laguntzarako eta Kalitaterako Ataleko buru izendatzen duena, bitarte baterako.
Nafarroako Foru Komunitateko Administrazioari buruzko abenduaren 3ko 15/2004 Foru Legeak 27.3 artikuluan ezartzen du atalburuak, bulegoburuak eta ataletik beherako unitateetako buruak Foru Komunitateko funtzio publikoari buruzko legedian ezartzen denari jarraikiz izendatuko eta kargutik kenduko direla.
Nafarroako Administrazio Publikoen zerbitzuko Langileen Estatutuaren Testu Bategina onetsi zuen abuztuaren 30eko 251/1993 Legegintzako Foru Dekretuak, hirugarren xedapen gehigarriko bigarren atalean, ezartzen du Nafarroako Foru Komunitateko Administrazioko eta haren erakunde autonomoetako bulegoburutzak eta atalburutzak bitarte baterako bete daitezkeela, organo eskudunak egindako izendapenaren bidez; burutza horiek betetzen dituztenek nahitaez Foru Komunitateko Administrazioko funtzionarioak edo hari atxikirik dauden langileak izan beharko dute.
Nafarroako Foru Komunitateko Administrazioaren eta haren erakunde autonomoen organoetako langileen arloko eskurantzak zehazten dituen otsailaren 21eko 30/2005 Foru Dekretuko 8. artikuluak eta irailaren 30eko 117/2007 Foru Dekretuaren bidez onetsitako Nafarroako Gizarte Ongizatearen Institutuaren estatutuetako 15. artikuluak ematen dizkidaten eskurantzak erabiliz.
EBATZI DUT:
1. Ana Isabel Salcedo Condón Nafarroako Administrazio Publikoaren Institutuko Ebaluazioko Foru Batzordearen Laguntzarako eta Kalitaterako Ataleko buru izendatzea, bitarte baterako.
2. Ebazpen hau interesdunari jakinaraztea eta Funtzio Publikoaren Zuzendaritza Nagusira, Lehendakaritza, Justizia eta Barne Departamentuko Lan Harremanen eta Antolamenduaren Zerbitzura, Langileriaren Kudeaketako Zerbitzura eta Langileriaren Gastuaren Kontrolaren eta Nominen Zerbitzura eta Nafarroako Administrazio Publikoaren Institutuko Idazkaritza Nagusira igortzea, behar diren ondorioak izan ditzan.
3. Ebazpen hau Nafarroako ALDIZKARI OFIZIALean argitaratzea.
Iruñean, 2007ko irailaren 26an._Nafarroako Administrazio Publikoaren Institutuko zuzendari kudeatzailea, Ignacio Bandrés Urriza.
Iragarkiaren kodea: F0715093
