I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Eskaintza Publikoa, oposizioak eta lehiaketak
127/2007 EBAZPENA, urtarrilaren 15ekoa, Funtzio Publikoaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko industriako ingeniari tekniko izateko 11 lanpostu oposizio bidez betetzeko deialdiko epaimahaiak eskaturik, lehen ariketa egiteko tokia aldatzen duena.
Funtzio Publikoaren zuzendari nagusiak, ekainaren 12ko 1536/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen zerbitzuko industriako ingeniari tekniko izateko 11 lanpostu oposizio bidez betetzeko deialdia onetsi zuen.
Funtzio Publikoaren zuzendari nagusiak, urtarrilaren 8ko 29/2007 Ebazpenaren bidez, deialdiko izangai onartu eta baztertuen behin betiko zerrenda onetsi, epaimahaiaren behin betiko osaera finkatu eta oposizioko lehen ariketa egiteko eguna, ordua eta tokia adierazi zituen.
Epaimahaiaren eskaera aintzakotzat hartuz, bidezko da oposizioko lehen ariketa egiteko tokia aldatzea.
Horrenbestez, otsailaren 21eko 30/2005 Foru Dekretuaren bidez esleiturik ditudan eskurantzak erabiliz,
EBATZI DUT:
1. Nafarroako Foru Komunitateko Administrazioaren eta haren erakunde autonomoen zerbitzuko industriako ingeniari tekniko izateko 11 lanpostu oposizio bidez betetzeko oposizioko lehen ariketa egiteko tokia aldatzea. Deialdi hori Funtzio Publikoaren zuzendari nagusiak onetsi zuen, ekainaren 12ko 1536/2006 Ebazpenaren bidez. Azkenean, Urrutiko Hezkuntzarako Unibertsitate Nazionalaren Sario eraikineko "O" ikasgelan izanen da, Iruñeko Sadar errepidean, zk.g., 2007ko urtarrilaren 28an 9:00etan.
2. Ebazpen hau mahakideei igortzea eta Nafarroako ALDIZKARI OFIZIALean argitara dadila agintzea, behar diren ondorioak izan ditzan. Ebazpenaren aurka gora jotzeko errekurtsoa paratu ahal da, Lehendakaritza, Justizia eta Barne kontseilariari igorria, jakinarazi eta biharamunetik hilabeteko epean, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 114. eta 115. artikuluetan xedaturikoarekin bat. Lege hori urtarrilaren 13ko 4/1999 Legearen bidez aldatu zen.
Iruñean, 2007ko urtarrilaren 15ean._Funtzio Publikoaren zuzendari nagusia, Alberto Andérez González.
Iragarkiaren kodea: F0701154
