I. NAFARROAKO FORU KOMUNITATEA
1.3. BESTELAKO XEDAPENAK
1.3.6. Beste batzuk
1362/2006 EBAZPENA, abenduaren 13koa, Eskola eta Lanbide Irakaskuntzaren zuzendari nagusiak emana, Zangozako Udalaren "Juan Francés de Iribarren" Musika Eskolaren baimena aldatzen duena, "Bateria" espezialitatea baimendu eta "Perkusioa" kendu delako.
Ikusirik José Luis Lorenzo Elbás Zangozako "Juan Francés de Iribarren" Musika Eskolaren Udal Patronatuko buruaren eskaera, eskola horretan "Bateria" musika-tresnaren espezialitateko ikasketak emateko baimena eman dadin.
Ikusirik Zerbitzuak Ikuskatzeko eta Ikuskapen Teknikorako Zerbitzuak emandako adostasun txostena.
Ikusirik, bestalde, ikastetxeak "Perkusioa" emateko eskatzen diren baldintzak betetzeari utzi diola, horixe ageri baita espezialitate horren baimena baliogabetzeko espedientean, Zerbitzuak Ikuskatzeko eta Ikuskapen Teknikorako Zerbitzuak irekian.
Nafarroako Foru Komunitateko Musika eta Dantza Eskolen sorrerari eta funtzionamenduari buruzko oinarrizko arauak ezartzen dituen abenduaren 21eko 421/1992 Foru Dekretuko 29. artikuluak ezarritakoa kontuan hartuz (1993ko urtarrilaren 22ko Nafarroako ALDIZKARI OFIZIALa).
Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluko d) idatz-zatiak ematen dizkidan ahalmenak erabiliz, eta Ikastetxeen eta Ikasketetarako Laguntzen Zerbitzuak proposaturik,
EBATZI DUT:
1. Baimena ematen zaio Zangozako Udalaren "Juan Francés de Iribarren" izeneko Musika Eskolari (ikastetxearen kodea: 31007082) "Bateria" musika-tresnaren espezialitateko ikasketak emateko, 2006/2007 ikasturtetik aurrera.
2. Eskolak "Perkusioa" espezialitateko ikasketak emateko zuen baimena baliorik gabe utzi da, horretarako eskatzen diren baldintzak betetzen ez dituelako. 2006/2007 ikasturtetik aurrera izanen ditu ondorioak.
3. Eskolak une horretatik aurrera baimenduta izanen dituen ikasketak hauek dira:
a) 421/1992 Foru Dekretuko 9.1 artikuluan aipaturiko "oinarrizko eskaintza" eta musika-tresna hauen espezialitateak: Akordeoia, Bateria, Bonbardinoa, Klarinetea, Zeharkako flauta, Gitarra, Gitarra elektrikoa, Pianoa, Saxofoia, Tronboia, Tronpa, Tronpeta, Tuba, Txistua, Biola, Biolina eta Biolontxeloa.
b) Oinarrizko eskaintzan ez dauden beste arlo batzuk (9.2 artikulua): Musika eta Mugimendua (3 urtetik 6ra bitarteko haurrentzat).
4. Departamentu honen baimena beharko da eskolaren osaera aldatzeko, baldin eta 421/1992 Foru Dekretuko 29. artikuluak aipatua ukitzen badu aldaketak.
5. Foru dekretu horretako 31. artikuluan aipatutako kasuetan, Eskolaren baimena baliorik gabe uzten ahalko da.
6. Ohartarazten da ezen, 421/1992 Foru Dekretuko 20. artikuluarekin bat, Eskolaren titularra den entitateak ordainduko dituela ebazpen honen bidez baimendutako ikasketen gastuak.
7. Administrazioaren ebazpen honen kontra administrazio publiko interesatuak administrazioarekiko auzi-errekurtsoa jartzen ahalko du, Nafarroako Auzitegi Nagusiaren Administrazioarekiko Auzien Salari zuzendua, ebazpena argitaratu eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen ekainaren 13ko 29/1998 Legearen 44. artikuluan aurreikusitako moduan eta epeetan.
8. Ebazpen hau Nafarroako ALDIZKARI OFIZIALean argitaratuko da.
9. Ebazpen hau igortzea "Juan Francés de Iribarren" Udal Musika Eskolaren Patronatuko buruari, Zerbitzuak Ikuskatzeko eta Ikuskapen Teknikorako Zerbitzuari, Ikastetxeen eta Ikasketetarako Laguntzen Zerbitzuari, Araubide Bereziko Irakaskuntzaren Atalari, Ikastetxeen eta haien Finantzaketaren Atalari, Informazioa Kudeatzeko Bulegoari, Ikastetxe Publikoak Finantzatzeko Bulegoari eta Ikastetxeak Baimendu eta Erregistratzeko Bulegoari.
Iruñean, 2006ko abenduaren 13an._Eskola eta Lanbide Irakaskuntzaren zuzendari nagusia, Fermín Villanueva Ferreras.
Iragarkiaren kodea: F0619963
