I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
958/2006 EBAZPENA, abenduaren 15ekoa, Lan zuzendari nagusiak emana, Zizur Txikiko "Aspace (Eguneko Zentroa)" enpresarako Lan Hitzarmen Kolektiboaren testua erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 104/2006).
Departamentu honetan 2006ko azaroaren 30ean sartu da "Aspace (Eguneko Zentroa)" enpresaren lan hitzarmen kolektiboaren testua luzatzeko erabakia, 3 artikuluz eta eranskin batez (2006ko lansarien taula) osatua, enpresaren ordezkaritzak eta enpresa batzordeak (ELA-STV) 2006ko azaroaren 17an izenpetu eta onetsia.
Industria eta Teknologia, Merkataritza eta Lan Departamentua da Lan Hitzarmen Kolektiboaren testua erregistratu, gorde eta argitaratzeko eskumena duena. Eginkizun horiek martxoaren 24ko 1/1995 Legegintzako Errege Dekretuko 90. artikuluan ezarrita daude, Estatuaren lan arloko eginkizunak Nafarroako Foru Komunitateari eskualdatzeko arauak ezartzen dituen apirilaren 11ko 937/1986 Errege Dekretuan ezarritakoaren arabera, eta kontuan hartuta maiatzaren 22ko Hitzarmen kolektiboen erregistro eta gordailuei buruzko 1040/1981 Errege Dekretuan ezarritakoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legeko 22.1 artikuluak ematen dizkidan eskurantzak erabiliz,
EBATZI DUT:
1. Zizur Txikiko "ASPACE (Eguneko Zentroa)" enpresaren lan hitzarmen kolektiboaren testua luzatzeko erabakia (kodea: 3108071) erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta honen aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
3. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006ko abenduaren 15ean._Lan zuzendari nagusia, José M.ª Roig Aldasoro.
A K T A
Zizur Txikian, 2006ko azaroaren 17ko goizeko 9:30ean bildu da ASPACEko Ramón y Cajal Eguneko Zentroko langileen lan hitzarmen kolektiboaren negoziazio batzordea. Honako hauek osatzen dute batzordea:
_Langileen legezko ordezkaritzaren izenean:
Tomás Esparza jauna, Javier Lizarbe jauna, Ana Viñuela andrea eta Carmen Barber andrea.
_Zentroko Zuzendaritzaren izenean:
Belén Mateo andrea eta Leticia Iribarnegaray andrea.
Aholkulari gisa:
Marta Hernández andrea.
Ekitaldiari hasiera eman ondotik, zera erabaki dute:
Lehena: 2006. urtean luzatzea ASPACEko Ramón y Cajal Eguneko Zentroko langileen lan hitzarmen kolektiboa.
Bigarrena: %3,7 handitzea 2005eko abenduaren 31n indarrean den lansari taulako oinarrizko soldatari dagozkion balioak, Nafarroan 2005. urteko benetako KPIa iritsitako zenbatekoari dagokion kopurua, hain zuen.
Aipatu portzentajeak atzerako eragina izanen du 2006ko urtarrilaren 1etik hasita.
Atzerakinak 2006ko abenduan ordainduko dira.
Hirugarrena: akta honen ale bat igortzea Nafarroako Gobernuko Industria, Merkataritza, Turismo eta Lan kontseilaritzara, haren berri izan dezaten eta eskatzea akta Nafarroako ALDIZKARI OFIZIALean argitaratzeko beharrezkoa guztia prestatzeko.
Aztertzeko beste gairik ez izanik, bilerari bukaera eman zaio eta akta hau prestatu da, bertaratuek sinatu dutena, idazpuruan aipatu toki eta egunean.
ZIZURKO "RAMON Y CAJAL EGUNEKO ZENTROKO" LANGILEEN 2006KO LANSARIEN TAULA
%3,70
KATEGORIA HIL. OIN. S. ANTZ. HILEKO URT. OIN. S.
GOI MAILAKO TEKNIKARIAK 1.716,85 41,73 25.752,70
ERDI MAILAKO TEKNIKARIAK
Gizarte langilea 1.528,48 41,73 22.927,14
Fisioterapeuta 1.477,78 41,73 22.166,65
Pedagogia Terapeutikoko irakaslea 1.477,78 41,73 22.166,65
Logopeda 1.477,78 41,73 22.166,65
Lan bidezko terapeuta 1.477,78 41,73 22.166,65
Aisialdiko arduraduna 1.406,74 41,73 21.101,14
Kirol teknikaria 1.406,74 41,73 21.101,14
Erdi mailako tituludun 1.406,74 41,73 21.101,14
TEKNIKARI LAGUNTZAILEAK
Monitorea 1.237,66 29,77 18.564,89
Laguntzailea 941,38 29,77 14.120,67
Jantokiko laguntzailea 799,89 24,04 11.998,35
Autobuseko begiralea 423,65 12,02 6.354,68
ADMINISTRAZIOKO LANGILEAK
Administrari-ofiziala 1.409,48 29,77 21.142,20
Administrari laguntzailea 1.168,33 29,77 17.524,89
ZERBITZUETAKO LANGILEAK
Sukaldaria 956,23 27,05 14.343,42
Sukaldeko laguntzailea 816,22 23,33 12.243,34
Garbitzailea 792,26 23,33 11.883,86
Telefonista 712,33 23,51 10.684,89
Mantentze lanetarako langilea 974,47 23,61 14.617,03
Txoferra (537,5 ordu/urtean) 309,72 7,48 4.645,81
Iragarkiaren kodea: F0620597
