I. NAFARROAKO FORU KOMUNITATEA
1.1. XEDAPEN OROKORRAK
1.1.4. Ebazpenak
1601/2006 EBAZPENA, abenduaren 28koa, Nafarroako Unibertsitate Publikoko errektoreak emana, Nafarroako Unibertsitate Publikoaren Administrazio eta Zerbitzuetako langileei aplikatzen zaien araubide juridikoa egokitzeko erabakia argitaratzeko agintzen duena.
Gobernu Kontseiluak, 2006ko abenduaren 20an eginiko bileran, eta Gizarte Kontseiluak, 2006ko abenduaren 27an eginiko bileran, onetsirik Nafarroako Unibertsitate Publikoaren Administrazio eta Zerbitzuetako langileei aplikatzen zaien araubide juridikoa egokitzeko erabakia.
Nafarroako Unibertsitate Publikoko Estatutuen 40. artikuluak ematen dizkidan eskumenak betez,
EBATZI DUT:
Lehenengoa._Nafarroako Unibertsitate Publikoko Administrazio eta Zerbitzuetako langileei aplikatzen zaien araubide juridikoa egokitzeko erabakia Nafarroako ALDIZKARI OFIZIALean argitara dadila agintzea.
Bigarrena._Ebazpen honek administrazio bidea agortzen du, Unibertsitateei buruzko abenduaren 21eko 6/2001 Lege Organikoaren 6.4 artikuluak xedatzen duenaren arabera, eta aukeran, berraztertzeko errekurtsoa aurkez daiteke errektorearen aurrean, edo, bestela, zuzenean administrazioarekiko auzi-errekurtsoa Nafarroako Administrazioarekiko Auzietako Epaitegietan, hilabeteko epean lehenengo kasuan, eta bi hilabeteko epean bigarrenean, biak ere, ebazpena argitaratu eta biharamunetik kontatzen hasita.
Iruñean, 2006ko abenduaren 28an._Errektorea, Pedro Burillo Pérez.
NAFARROAKO UNIBERTSITATE PUBLIKOKO ADMINISTRAZIO ETA ZERBITZUETAKO LANGILEEI APLIKATZEN ZAIEN ARAUBIDE JURIDIKOA EGOKITZEKO ERABAKIA
Nafarroako Unibertsitate Publikoa da Nafarroako Foru Komunitateko Unibertsitate Publikoa, apirilaren 21eko 8/1987 Foru Legeak sortua, Nafarroako Foru Eraentza Birrezarri eta Hobetzeari buruzko Lege Organikoaren (NFEBHLO-LORAFNA) 47. artikuluak aitortutako eskumen osoa erabiliz. Hainbat erakundek emandako txostenak eta irizpenak dira sorrera horren aurrekariak, eta horiek guztiek amankomunean dutena da Nafarroako Foru Komunitatearen eskumenen aitortza, estatuko legerira, izaera osagarriarekin, jotzeko inolako beharrik gabe, eta, une hartan, abuztuaren 25eko 11/1983 Unibertsitatea Eraberritzeko Lege Organikoa zen muga bakarra. Estatuko Administrazioaren esku-hartzea baztertzen zen horrela, hala sortu zenean nola ondorengo prozesu eratzailean.
Abuztuaren 25eko 11/1983 Unibertsitatea Eraberritzeko Legearen 49.3 artikuluak ezartzen zuen unibertsitate publikoetako administrazio eta zerbitzuetako langileei aplikatzen zitzaien araubide juridikoa, Nafarroako Unibertsitate Publikoa sortu zen unean.
Une horretan, administrazio eta zerbitzuetako langileei buruzko araudiak oso urriak ziren, eta hasieratik hainbat gabezia eragin zituen, orduz geroztik langile hauen estatutu-esparruaren bereizgarri izan diren anbiguotasun eta nahaste juridikoa azaltzeko baliagarriak direnak.
Unibertsitateei buruzko abenduaren 21eko 6/2001 Lege Organikoaren 73.3 artikuluak ezartzen du Unibertsitate publikoetako administrazio eta zerbitzuetako langileei aplikatzen zaien araubide juridikoa.
Agindu horrek xedatzen du ondoko arau hauek arautuko dituztela administrazio eta zerbitzuetako langileak: Unibertsitateei buruzko abenduaren 21eko 6/2001 Lege Organikoa eta beren garapen-xedapenak, Estatuko funtzionario zibilen legeria eta Autonomia Erkidegoek hau garatzeko egiten dituzten xedapenak, eta Unibertsitateko Estatutuak.
Unibertsitatea sortu zenez geroztik egon den nahaste-borrastea gorabehera, Estatuaren eta Nafarroako Foru Komunitatearen arteko eskumen-banaketak ondorio honetara eraman gintzakeen: abuztuaren 30eko 251/1993 Foru Dekretu Legegileak eta bere garapen-araudiek aurreikusitako araubide juridikoa zela Nafarroako Unibertsitate Publikoko langileei aplikatu behar zitzaiena, Nafarroako Foru Komunitateko funtzionarioak baitziren.
Nafarroako Foru Eraentza Birrezarri eta Hobetzeari buruzko 13/1982 Lege Organikoaren 49.1.b) artikuluak eskumen esklusiboa aitortzen dio Nafarroari, bere foru eraentzaren arabera, Foru Komunitatearen funtzionarioen estatutu-araubideari dagokionez, beti ere, Estatuko legeriak bere funtzionarioei aitortzen dizkien oinarrizko eskubide eta betebeharrak errespetatuz. Funtzio Publikoa Eraberritzeko Neurriei buruzko abuztuaren 2ko 30/1984 Legearen 14. Xedapen Gehigarriak, aldi berean, ondoko hau xedatzen du: Lege hau Nafarroako Foru Komunitatean aplikatuko da Konstituzioaren 149.1.18 artikuluan eta 1. Xedapen Gehigarrian eta Nafarroako Foru Eraentza Birrezarri eta Hobetzeari buruzko abuztuaren 10eko 13/1982 Lege Organikoan ezarritako moduan".
Nafarroako Unibertsitate Publikoaren lehenengo Estatutuek, martxoaren 13ko 68/1995 Foru Dekretuak onetsiek, administrazio eta zerbitzuetako langileei aplikatzen zaizkien hainbat alderdi aipatzen bazituzten ere, ez zuten deus esaten beroriei aplikatzen zaien araubide juridikoari buruz.
Kontuen Ganberak, Nafarroako Unibertsitate Publikoaren jarduerari buruzko auditoretza-eskumena betez behin eta berriz egindako txostenetan, eta bi lansari-sistema desberdinen _estatuko sistema eta foru-sistema_ koexistentziari eta bateratzeari dagokionez, behin eta berriz aipatu du Nafarroako Unibertsitate Publikoari buruzko fiskalizazio-txostenak, 1998ko ekitaldiaren gainekoak, 2000ko martxoan egikaritu zenak, dagoeneko jasotzen zuen ondoko gomendio hau:
"Egoera hau erregularizatzeko neurri egokiak hartzeko gomendioa egiten dugu, eta, bidezkoa bada, beharrezkoak diren lege-aldaketak bultza daitezela, besteak beste, langile hauek Nafarroako Funtzio Publikoaren Estatutuan sartzea."
Maiatzaren 12ko 110/2003 Foru Dekretuak, Nafarroako Unibertsitate Publikoaren Estatutuak onesten dituenak, berariaz eta aginduz xedatzen du Nafarroako Foru Komunitateko funtzio publikoari buruzko legeriak arautuko dituela administrazio eta zerbitzuetako langileak, Unibertsitatearen eremurako ezartzen diren berezitasunak galarazi gabe.
Duela gutxi, Nafarroako Justizia Auzitegi Nagusiak emandako 753/2006 epaiak Nafarroako Unibertsitate Publikoa derrigortu du Langileen Estatutuan ?1993ko abuztuaren 30eko testu bategina? agindutakoa betetzera, unibertsitatearen estatutuak betez, unibertsitateko funtzionario baten administrazio-egoera ukitzen zuen kasu zehatz batean. Epai honek auzialdiko epaiak jasotzen dituen zuzenbide-oinarriak bere egin ditu, zeinak bere Seigarren Oinarri Juridikoan ezartzen baitu ezen
"Azken batean, unibertsitateak, unibertsitatea denez, dagokion autonomiaz baliatuz ezarri du zein den funtzionarioen erregulazio orokorraren oinarria, hau da, Nafarroako Foru Komunitateko funtzio publikoari buruzko legeria, eta araubide hori hartu beharko da kontuan hitz-tarte edo "eranskin" horrekin, eta, honela esan badaiteke, estatutuei esker garapenerako tarte handiagoa dago, baina beti haien ondoren eta haiek erreferentzi gisa erabiliz. Beraz, administrazio demandatuak erabilitako argudioa, alegia, 16. artikulua ezin dela zuzenean aplikatu, arautegiaren bidezko garapena eskatzen duelako nahi eta nahi ez, ez, 106. artikuluaren aurreikuspena argia da, NUPeko administrazioko funtzionarioei aplikatzen zaien araubide juridikoari dagokionez, Nafarroako Foru Komunitatearen araudia aplikatu behar da, galarazi gabe, noski, ondoren emango diren arauek eta arautegiek, bidezkoa bada, arautu eta garatzen dituzten berezitasunak ..."
Funtzionarioa Nafarroako unibertsitateko funtzio publikoan sartzeko baliagarria izan zen araubide juridiko aplikagarri bat egoteak eta aldi berean maiatzaren 12ko 110/2003 Foru Dekretuaren 106.1 artikuluko arau-agindua ere aldi berean egoteak segurtasun juridikorik gabeko egoera larria sortzen diote funtzionarioari. Egoera hori zuzendu egin behar da, eta, hortaz, administrazio eta zerbitzuetako langileei aplikatzen zaien araubide juridikoa egokitu egin behar da estatutuek agindutakotik eratorritako araubidera, beharrezkoak diren arreta eta bermeekin egokitze-prozesua garatu eta gero.
Ikusirik Gobernu Kontseiluaren proposamena, 2006ko abenduaren 20an eginiko bileran onetsitakoa, eta Ekonomia Batzordearen aldeko txostena, ondoko hau da Gizarte Kontseiluak, abenduaren 27an eginiko bileran, onetsi duen
Erabakia 26/2006
Lehenengoa._Nafarroako Unibertsitate Publikoaren administrazio eta zerbitzuetako langileei aplikatzen zaien araubide juridikoaren egokitze-prozesua hastea, maiatzaren 12ko 110/2003 Foru Dekretuak, Nafarroako Unibertsitate Publikoaren Estatutuak onesten dituenak, 106.1 artikuluan ezarritako arau-agindua betez.
Bigarrena._Unibertsitateko Kudeatzailetza gaitzea urtebeteko epean egokitze-prozesua zuzen dezan eta, sindikatuekin beharrezkoak diren negoziazioak izan eta gero, hura burutu eta aplikatu ahal izateko beharrezkoak diren arauzko tresna edo tresnak onesteko proposamena egin dezan.
Hirugarrena._Beharrezkoak diren tramiteak hastea maila-sustapenaren bidezko mugikortasuna, eta mugikortasun horizontala ere ahalbidetzeko, Nafarroako Unibertsitate Publikoaren eta Foru Komunitateko administrazioaren artean, Nafarroako Unibertsitate Publikoko funtzionarioek Foru Komunitateko administrazioak egiten dituen lekualdatze lehiaketetan eta txanda murriztuko sarrerako hautaprobetan parte hartzeko aukera izan dezaten.
Laugarrena._Errektoreak izendatutako lan-taldea eratzea, kudeatzaileak proposatutakoa, bertan parte hartuko dutelarik Araubide Juridiko eta Administratibo Zerbitzuko, eta Giza Baliabideen Zerbitzuko kideek, gutxienez.
Bosgarrena._Nafarroako Unibertsitate Publikoko lanpostuen lansari-egitura egokitzea abuztuaren 30eko 251/1993 Foru Dekretu Legegileak Nafarroako funtzio publikorako ezarritako lansari-egiturari; erabaki honen seigarren puntuan adierazten den behin-behineko izaerarekin, 2007ko urtarriletik aurrera, ekonomia- eta aurrekontu-gaietan ez baitu ondoriorik, eta nominak definizio horren arabera kitatzea 2007ko urtarrilaz geroztik.
Erabaki hau indarrean sartu baino lehen, lehenagoko araudia aplikatuz, eta betetzen ari ziren lanpostua betetzeagatik, urteko lansari handiagoa jasotzen duten funtzionarioek, bi lansarien arteko aldearen pareko konpentsazioa jasoko dute. Atal honek aipatzen duen konpentsazioa urtero eguneratuko da norberaren oinarrizko lansarien ehuneko berean. Ez da eguneratze hau egingo kopuru handiagoko lansariaren arrazoia antzinatasun-araubidearen aplikazioa bada. Kasu horretan, osagarria pixkanaka konpentsatuko da gradu- eta antzinatasun-sistema berria aplikatuz.
Seigarrena._Nafarroako Unibertsitate Publikoko lanpostuen lansarien proposamena egitea, Langileen Estatutuak eta Lansarien Behin-behineko Arautegiak, erabaki honen I. eranskina denak, aurreikusitakoarekin bat etorriz, eta behin-behineko izaerarekin, administrazio eta zerbitzuetako langileen lansariei buruzko auzia ebatziko duen ebazpen judiziala eman artean.
Zazpigarrena._Erabaki hau igortzea kudeatzaileari, Giza Baliabideen Zerbitzuko zuzendariari, Ekonomia Gaietarako Zerbitzuko zuzendariari eta kontu-hartzaileari.
Zortzigarrena._Erabaki hau Nafarroako Gobernuari igortzea jakinaren gainean egoteko eta gainerako ondorioetarako.
Bederatzigarrena._Erabaki hau errektoreari igortzea, bete dadin.
Hamargarrena._Erabaki hau indarrean sartuko da Nafarroako ALDIZKARI OFIZIALean argitaratu eta biharamunean.
Gizarte Kontseiluko Burua._Jesús Irurre Arigita.
I ERANSKINA
Lansarien behin-behineko proposamena
ZUZENDAR. BATERA. MAILA ERABATEKO LANPOSTUKO ARRISKU
LANPOSTUA MAILA LANP. OSAG. OSAG. OSAG. ARDURALD. OSAG. OSAG.
% % (A y B) % % % %
KUDEATZAILEA A 100 - - 55 - -
ZERBITZUKO ZUZENDARIA A 40 - - 55 - -
GIZARTE KONTSEILUKO IDAZKARIA A 20 - - 55 - -
ZERBITZUKO ZUZENDARIA B 40 - - 55 - -
KONTU-HARTZAILEA B - - - 55 64 -
ATALBURUA A 20 - - 55 - -
ATALBURUA B 20 - - 55 - -
ATALBURUA A 20 35 - - - -
ATALBURUA B 20 35 - - - -
MANTENTZE UNITATEKO BURUA B 10 - - 55 - -
LIBURUTEGIKO BULEGOKO ARDURADUNA B 10 35 - - - -
TEKNIKARIA O.L. A - 35 - - 2 -
IKASTEGIKO ADMINISTRATZAILEA C 20 - 12 - 5,68 -
KUDEAKETARIA O.L./ LIB. LAGUNT. B - 35 - - 2 -
ATALBURUA C 20 - 12 55 5,68 -
LIBURUTEGIKO BULEGOKO ARD. C 10 - 12 - 5,68 -
KIROL BULEGOKO ARDURADUNA C 20 - 12 - 5,68 -
LABORATEGIKO ZERBIT. ARDURADUNA C 6 - 12 - 15,33 -
ADM. / ARTXIBO ETA LIB. TEK. LAGUNT. C - - 12 - 9,68 -
BULEGOBURUA C 10 - 12 - 5,68 -
BULEGOBURUA D 10 - 12 - 6,66 -
ZERBITZU OROKORRETAKO UNIT. BURUA D 10 - 12 55 6,66 -
INFORMATIKAKO O.T. C - - 12 - 19,68 -
LABORATEGIKO ZERBITZUETAKO OFIZIALA C - - 12 - 19 -
ADMINISTRARI ARDURADUNA C 6 - 12 - 5,68 -
ADMINISTRARI ARDURADUNA D 6 - 12 - 6,66 -
GOI KARGUKO IDAZKARIA C - - 12 - 15,68 -
GOI KARGUKO IDAZKARIA D - - 12 - 16,66 -
PROTOKOLO IDAZKARIA C - - 12 55 5,68 -
ERREKT. / GIZARTE KONTS. IDAZKARIA C - - 12 55 5,68 -
ZERBITZUKO ARDURADUNA D 6 - 12 - 6,66 -
ADM. LAGUNTZ. / ZERBITZ. LAGUNTZ. D - - 12 - 10,66 -
ERREKTORETZAKO ADMINISTRARI LAGUNTZ. D - - 12 - 16,66 -
GIDARIA D - - 12 - 4 10
ERREKTOREAREN GIDARIA D - - 12 55 - 10
MANDATARIA E - - 15 - 11 -
_Konpentsazioak lanaldi-tipologiaren arabera: Lanaldi zatitua (E mailako soldataren % 15), Txandakakotasuna (dagokion mailako soldataren %6).
_Nafarroako Gobernuan Sindikatuek eta Nafarroako Foro Komunitateko Administrazioak izenpetutako 2006/2007 hitzarmenetik eratortzen diren osagarriak aplikatuko dira.
Iragarkiaren kodea: F0700560
