I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
182/2006 EBAZPENA, ekainaren 12koa, Gizarte Ongizatearen zuzendari nagusiak emana, 2006rako gizarte zerbitzuen arloko inbertsioetarako dirulaguntzen deialdia ebazten duena (B modalitatea, inbertsio txikietarako dirulaguntzak).
Gizarte Ongizate, Kirol eta Gazteria kontseilariak urtarrilaren 30ean emandako 24/2006 Foru Aginduaren bidez, gizarte zerbitzuen arloko inbertsioetarako dirulaguntzen 2006. urteko deialdiaren arauak onetsi ziren (19. Nafarroako ALDIZKARI OFIZIALa, 2006ko otsailaren 13koa).
Ikusirik Afera Ekonomikoen eta Inbertsioen Zerbitzuaren txostena, gizarte zerbitzuen arloko dirulaguntzak emateko 2006ko maiatzaren 4ko deialdiaren hamargarren oinarriak aipatzen duen Balorazio Batzordearen akta eta, azkenik, eskaera bakoitzari emandako puntuazioa biltzen duen eranskina.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legeak eta Gizarte Ongizate, Kirol eta Gazteria Departamentuaren egitura organikoa ezartzen duen otsailaren 24ko 46/2005 Foru Dekretuak ematen dizkidan eskurantzak erabiliz,
EBATZI DUT:
1. Gizarte zerbitzuen arloko dirulaguntzetarako 2006ko deialdiaren babesean (B modalitatea, inbertsio txikietarako inbertsioak), ondoko dirulaguntza hauek ematea eta aipatzen den gastua egin dadila xedatzea:
A modalitatean (Toki entitateentzako transferentziak, hirugarren adinekoen arloan inbertsioak egin ditzaten), 2006ko gastuen aurrekontuko 910001 91300 7609 231400 kontusailaren kargura:
_Garaioako Udalari (IFZ: P-3111100H) hemezortzi mila laurehun eta berrogeita hamar euroko dirulaguntza (18.450,00), lokal bat gizarte etxe gisa egokitzeko. Onartu den aurrekontua ehun eta hemezortzi mila seiehun eta hogeita bi euro eta berrogeita bi zentimokoa izan da (118.622,42). Dirulaguntza emateko orduan, deialdiaren arabera zerbitzua ematen zaion biztanle kopurua (150 euro biztanle bakoitzeko) eta inbertsioaren gehieneko portzentajea (%40) hartu dira kontuan. Udal honek 32 puntu lortu ditu 2. fasean.
_Eulateko Udalari (IFZ: P-3109900E) berrogeita hiru mila berrehun eta hirurogeita hemeretzi euro eta hogei zentimoko dirulaguntza (43.279,20), zahar etxean hobekuntza lanak egiteko eta ekipamendua erosteko, onartu den berrogeita hamalau mila eta laurogeita hemeretzi euroko (54.099,00) aurrekontuaren %80, hain zuzen. Udal honek 31 puntu lortu ditu 2 fasean.
_Aranaratxeko Udalari (P-3102100I) bi mila seiehun eta laurogei euro eta laurogei zentimoko dirulaguntza (2.680,80), gizarte etxerako ekipamendua erosteko, onartu den sei mila zazpiehun eta bi euroko (6.702,00) aurrekontuaren %40, hain zuzen. Udal honek 28,50 puntu lortu ditu 2. fasean.
_Burlatako Udalari (P-3126600J) hamahiru mila bostehun eta berrogeita bi euro eta berrogei zentimoko dirulaguntza (13.542,40), Erretiratuen elkarterako ekipamendua erosteko, onartu den hogeita hamahiru mila zortziehun eta berrogeita hamasei euroko (33.856,00) dirulaguntzatik %40, hain zuzen. Udal honek 28 puntu lortu ditu 2. fasean.
_Buñuelgo "San Gregorio" zahar etxearen erakunde autonomoari (IFZ: P-3105701A) hogeita bederatzi mila seiehun eta laurogeita hamalau euro eta berrogeita sei zentimoko dirulaguntza ((29.694,46), zahar etxean obra txiki batzuk egin eta ekipamendua erosteko, onartu den hogeita hamazazpi mila ehun eta hemezortzi euro eta zazpi zentimoko (37.118,07) dirulaguntzaren %80, hain zuzen. Erakunde honek 27 puntu lortu ditu 2. fasean.
_Eugiko Kontzejuari (IFZ: P-3145300D) hemeretzi mila zortziehun eta laurogeita bederatzi euro eta laurogeita hemeretzi zentimoko dirulaguntza (19.889,99), lokal bat gizarte etxe gisa egokitzeko, onartu den berrogeita bederatzi mila zazpiehun eta hogeita lau mila euro eta laurogeita hamazazpi zentimoko (49.724,97) aurrekontuaren %40, hain zuzen. Kontzeju honek 26,50 puntu lortu ditu 2. fasean.
_Eugiko Kontzejuari (IFZ: P-3145300D) bi mila seiehun eta hogeita hemezortzi euro eta laurogeita hemezortzi zentimoko dirulaguntza (2.638,98), gizarte etxearen ekipamendua erosteko, onartu den sei mila bostehun eta laurogeita hamazazpi euro eta berrogeita lau zentimoko (6.597,44) aurrekontuaren %40, hain zuzen. Kontzeju honek 26,50 puntu lortu ditu 2. fasean.
B modalitatean (Oztopoak kentzeko azterketa eta obretarako transferentziak), 2006ko gastuen aurrekontuko 910001 91300 7609 231300 kontusailaren kargura:
_Tuterako Udalari (IFZ: P-3123200B) hogeita hamaika mila ehun eta lau euro eta laurogei zentimoko dirulaguntza (31.104,80), Emakumeari Oinarrizko Laguntza emateko Zentroko sarbideak oztopo arkitektonikoei buruzko arautegira egokitzeko, onartu den hogeita hemezortzi mila zortziehun eta laurogeita bat euroko (38.881,00) aurrekontuaren %80, hain zuzen. Udal honek 45 puntu lortu ditu 2. fasean.
C modalitatean (Toki entitateentzako transferentziak, beste zentro batzuetan inbertsioak egin ditzaten), 2006ko gastuen aurrekontuko 910001 91300 7609 231000 kontusailaren kargura:
_Fiteroko Udalari (IFZ: P-3110400C) berrogei mila zazpiehun eta hirurogeita hamasei euro eta hogeita bost zentimoko dirulaguntza (40.776,25), lokal bat oinarrizko gizarte zerbitzuen egoitza gisa egokitzeko, onartu den berrogeita hamar mila bederatziehun eta hirurogeita hamar euro eta hogeita hamaika zentimoko (50.970,31) aurrekontuaren %80, hain zuzen. Udal honek 34 puntu lortu ditu 2. fasean.
_Tuterako Udalari (IFZ: P-3117900E), hemeretzi mila berrehun eta hogeita hemeretzi euro eta hogei zentimoko dirulaguntza (19.239,20), gizarte zerbitzuen egoitza egiteko, onartu den hogeita lau mila berrogeita bederatzi euroko (24.049,00) aurrekontuaren %80, hain zuzen. Udal honek 30,50 puntu lortu ditu 2. fasean.
D modalitatean (Irabazi asmorik gabeko erakundeentzako transferentziak, hirugarren adinekoen arloan inbertsioak egiteko), 2006ko gastuen aurrekontuko 910001 91300 7819 231400 kontusailaren kargura:
_Elizondoko "Francisco Joaquín Iriarte" zahar etxeari (IFZ: G-31014921), hirurogeita hamasei mila bederatziehun eta berrogeita bost euro eta hamaika zentimoko dirulaguntza (76.945,11), oztopo arkitektonikoei buruzko arautegira egokitzeko, onartu den laurogeita hamasei mila ehun eta laurogeita bat euro eta hogeita hemeretzi zentimoko (96.181,39) aurrekontuaren %80, hain zuzen. Zahar etxe honek 50 puntu lortu ditu 1. fasean.
_Artaxoako "Virgen de Jerusalén" zahar etxeari (IFZ: G-31131618) berrogeita hamabost mila bostehun eta hirurogeita zortzi euro eta hamalau zentimoko dirulaguntza (55.568,14), leihoak aldatu eta ekipamendua erosteko, onartu den hirurogeita bederatzi mila laurehun eta hirurogei euro eta hemezortzi zentimoko (69.460,18) aurrekontuaren %80, hain zuzen. Udal honek 33 puntu lortu ditu 1. fasean.
_Elizondoko "Francisco Joaquín Iriarte" zahar etxeari (IFZ: G-31014921), berrogeita lau mila zazpiehun eta hirurogeita hamabost euro eta zentimo bateko dirulaguntza (44.775,01), logeletara deitzeko sistema hobetzeko, onartu den berrogeita hamabost mila bederatziehun eta hirurogeita zortzi euro eta hirurogeita hamasei zentimoko (55.968,76) aurrekontuaren %80, hain zuzen. Zahar etxe honek 42,50 puntu lortu ditu 1. fasean.
_Berako San José ospitale-zahar etxearen Fundazioari (IFZ: G-311131679), laurogeita hamalau mila zazpiehun eta berrogeita zazpi euro eta hogeita hemezortzi zentimoko dirulaguntza (94.747,38), jantokia eta solairuak ixteko, eskailera beheko solairuan isolatzeko eta ekipamendua erosteko, onartu den ehun eta hemezortzi mila laurehun eta hogeita hamalau euro eta hogeita hiru zentimoko (118.434,23) aurrekontuaren %80, hain zuzen. Fundazio honek 34 puntu lortu ditu 2. fasean.
_Tuterako Miguel Eza Fundazioari (IFZ: G-3110692), hamahiru mila zazpiehun eta hogeita hamalau euro eta berrogei zentimoko dirulaguntza (13.734,40), Nuestra Señora de Gracia zahar etxean telebistarako zirkuitu itxia, zokaloa gune komunetan eta ekipamendu informatikoa instalatzeko, onartu den hamazazpi mila ehun eta hirurogeita zortzi euroko aurrekontuaren (17.168,00) %80, hain zuzen. Fundazio honek 34 puntu lortu ditu 2. fasean.
_Elizondoko "Francisco Joaquín Iriarte" zahar etxeari (IFZ: G-31014921), hamasei mila hirurehun eta hirurogeita hamazazpi euro eta hamazazpi zentimoko dirulaguntza (16.377,17), besaulkiak eta mahaiak erosteko, onartu den hogei mila laurehun eta hirurogeita hamaika euro eta berrogeita sei zentimoko (20.471,46) aurrekontuaren %80, hain zuzen. Zahar etxe honek 33 puntu lortu ditu 2. fasean.
_Tuterako Miguel Eza Fundazioari (IFZ: G-3110692), laurogeita bederatzi mila berrehun eta berrogeita hamabi euro eta hogeita bederatzi zentimoko dirulaguntza (89.252,29), Nuestra Señora de Gracia zahar etxean barreneko patioaren estalkia egokitzeko eta komun geriatrikoa egiteko, onartu den ehun eta hamaika mila bostehun eta hirurogeita bost euro eta hogeita hamasei zentimoko (111.565,36) aurrekontuaren %80, hain zuzen. Fundazio honek 31,50 puntu lortu ditu 2. fasean.
_Bakaikuko Hiru Haitz erretiratuen elkarteari (IFZ: G-31414774), hamazazpi mila zazpiehun eta hamasei euro eta hirurogeita bat zentimoko dirulaguntza (17.716,61), lokal bat erretiratuen elkarte gisa egokitzeko eta ekipamendua erosteko, onartu den berrogeita hamaika mila seiehun eta berrogeita lau euroko (51.644,00) aurrekontuaren gainean, kontuan hartuz deialdiaren arabera 210 euro ematen ahal direla erabiltzaile bakoitzeko, betiere inbertsioaren %40 gainditzen ez bada. Elkarte honek 31,50 puntu lortu ditu 2. fasean.
_Altsasuko ARFE Felipe Lecea Fundazioari (IFZ: G-31442817), hamabost mila seihun eta hirurogeita hemezortzi euro eta berrogeita bat zentimoko dirulaguntza (15.678,41), "Josefina Arregui" zentro psikogeriatrikorako ekipamendua erosteko, onartu den hemeretzi mila bostehun eta laurogeita hemezortzi euro eta zentimo bateko (19.598,01) aurrekontuaren %80, hain zuzen. Fundazio honek 30,50 puntu lortu ditu 2. fasean.
_Alloko "La Magdalena" erretiratuen elkarteari (IFZ: G-31217045), mila seiehun eta hogei euro eta hirurogeita hamabi zentimoko dirulaguntza (1.620,72), Erretiratuen elkarteko berokuntza berritzeko, onartu den lau mila berrogeita hamaika euro eta laurogei zentimoko (4.051,80) aurrekontuaren %40, hain zuzen. Elkarte honek 27 puntu lortu ditu 2. fasean.
E modalitatean (Ezgaituentzako kanpoko zentroetako inbertsioak), 2006ko gastuen aurrekontuko 910001 91300 7819 231300 kontusailaren kontura:
_Elkanoko Andre Maria Nahigabetuaren Mirabeei (IFZ: Q-3100277G) laurogeita hamabost mila ehun eta hogeita sei euro eta sei zentimoko dirulaguntza (95.126,06), "Javier" egoitza araudiari egokitzeko, onartu den ehun eta hemezortzi mila bederatziehun eta zazpi euro eta berrogeita hamazazpi zentimoko (118.907,57) aurrekontuaren %80, hain zuzen. Elkarte honek 49 puntu lortu ditu 1. fasean.
_AMIFE-Lizarra aldeko minusbaliatu fisikoen elkarteari (IFZ: G-311730542) lau mila eta zortziehun euroko dirulaguntza (4.800,00), egoitzan sartzeko bideetatik oztopoak kentzeko, onartu den sei mila (6.000,00) euroko aurrekontuaren %80, hain zuzen. Elkarte honek 33 puntu lortu ditu 1. fasean.
_ASORNA-Nafarroako Gorren Elkarteari (IFZ: G-31058043), zortzi mila berrogeita lau euro eta laurogei zentimoko dirulaguntza (8.044,80), ekipamendu informatikoa erosteko, onartu den hamar mila berrogeita hamasei euroko (10.056,00) aurrekontuaren %80, hain zuzen. Elkarte honek 41 puntu lortu ditu 2. fasean.
_Nafarroako Aspace elkarteari (IFZ: G-31077050) hirurogeita lau mila hirurehun eta hogeita hamasei euro eta hamar zentimoko dirulaguntza (64.336,10), Iruñeko aisialdiko kluba isolatu eta pintatzeko eta aire girotu eta berokuntzako ponpa bat instalatzeko, onartu den laurogei mila laurehun eta hogei euro eta hamabi zentimoko (80.420,12) aurrekontuaren %80, hain zuzen. Elkarte honek 40 puntu lortu ditu 2. fasean.
_ANFAS elkarteari (IFZ: G-31058258) hogeita hemeretzi mila laurehun eta berrogeita bi euro eta berrogei zentimoko dirulaguntza (39.442,40), babespeko etxebizitzaren ekipamendua erosteko, onartu den berrogeita bederatzi mila hirurehun eta hiru (49.303,00) euroko aurrekontuaren %80, hain zuzen. Elkarte honek 39 puntu lortu ditu 2. fasean.
_Esklerosi Anizkoitzaren Elkarteari (IFZ: G-31575087) zazpi mila bederatziehun eta hogeita hiru euro eta berrogeita hamar zentimoko dirulaguntza (7.923,50), Tuterako egoitzarako ekipamendua erosteko, onartu den hamalau mila bederatziehun eta berrogeita hamar euroko (14.950,00) aurrekontuaren %53, hain zuzen. Elkarte horrek 37 puntu lortu ditu 2. fasean.
_AMIMET-Nafarroako Erriberako Urritu Fisikoen Elkarteari (IFZ: G-31135106) hogeita hamabi mila bostehun eta zortzi euro eta hirurogeita hamazazpi zentimoko dirulaguntza (32.508,77), ibilgailu bat erosteko, onartu den berrogei mila seihun eta hogeita hamabost euro eta laurogeita hamasei zentimoko (40.635,96) aurrekontuaren %80, hain zuzen. Elkarte honek 37 puntu lortu ditu 2. fasean.
F modalitatean (baztertuei laguntzeko elkarteentzako dirulaguntzak), 910001 91300 7819 231600 kontusailaren kontura:
_Gaztelan elkarteari (IFZ: G-31546435) zortzi mila laurehun eta laurogeita hamabi euro eta laurogei zentimoko dirulaguntza (8.492,80), lanerako ikastegia isolatu eta bertan berokuntza instalatzeko, onartu den hamar mila seihun eta hamasei (10.616,00) euroko aurrekontuaren %80, hain zuzen. Elkarte honek 41 puntu lortu ditu 2. fasean.
_Itxaropen Gune elkarteari (IFZ: G-31820426) zazpi mila laurehun eta laurogeita bat euroko dirulaguntza (7.481,00), egoitzarako ekipamendua erosteko, onartu den bederatzi mila hirurehun eta berrogeita hamaika euro eta hogeita bost zentimoko (9.351,25) aurrekontuaren %80, hain zuzen. Elkarte honek 36 puntu lortu ditu 2. fasean.
_Lantxotegi elkarteari (IFZ: G-31279961) berrogeita bost mila zazpiehun eta berrogeita bost euro eta hemeretzi zentimoko dirulaguntza (45.745,19), Berriozarren lantegi-eskola bat sortzeko etxabe bat egokitzeko, onartu den berrogeita hamazazpi mila ehun eta laurogeita bat euro eta berrogeita bederatzi zentimoko (57.181,49) aurrekontuaren %80, hain zuzen. Elkarte honek 36 puntu lortu ditu 2. fasean.
_Gitanas Gaz kalo elkarteen federazioari (IFZ. G-31676059) hamar mila seiehun eta laurogei euro eta laurogei zentimoko dirulaguntza (10.680,80), egoitza batzuetarako ekipamendua erosteko, onartu den hamahiru mila hirurehun eta berrogeita hamaika euroko (13.351,00) aurrekontuaren %80, hain zuzen. Federazio honek 28 puntu lortu ditu 2. fasean.
G modalitatean (Gizarte zerbitzuen arloko beste inbertsio eta ekipamendu batzuk), 2006ko gastuen aurrekontuko 910001 91300 7819 231000 kontusailaren kontura:
_Nafarroako Elikagaien Bankuaren Fundazioari (IFZ: G-31536535) hogeita hamasei mila hirurogeita hamabost euro eta laurogeita hemeretzi zentimoko dirulaguntza (36.075,98), apalategiak jartzeko eta furgoneta bat erosteko, onartu den berrogeita bost mila laurogeita hamalau euro eta laurogeita hamazazpi zentimoko (45.094,97) aurrekontuaren %80, hain zuzen. Fundazio honek 41 puntu lortu ditu 2. fasean.
_Bularreko Minbizia duten Emakumeen Nafarroako Elkarteari (IFZ: G-31568579) lau mila ehun eta hirurogeita hamasei euro eta zentimo bateko dirulaguntza (4.176,01), egoitzarako ekipamendua erosteko, onartu den bost mila berrehun eta hogei euro eta zentimo bateko (5.220,01) aurrekontuaren %80, hain zuzen. Elkarte honek 39 puntu lortu ditu 2. fasean.
_Nafarroako Zeliakoen elkarteari (IFZ: G-31619356) hogeita bederatzi mila berrehun eta berrogeita hamar euro eta hogeita hemezortzi zentimoko dirulaguntza (29.250,38), egoitza egokitzeko obrak egiteko, onartu den hogeita hamasei mila bostehun eta hirurogeita bi euro eta laurogeita hamazazpi zentimoko (36.562,97) aurrekontuaren %80, hain zuzen. Elkarte honek 33 puntu lortu ditu 2. fasean.
2. Dirulaguntza hauek ezestea:
_Desojoko Udalari, aurrekontuetan behar adina diru ez izateagatik eta guztira puntu gutxiago izateagatik, deialdiaren hirugarren eta laugarren arauetan ezarritakoari jarraikiz.
_Itxaropenaren Telefonoari, aurrekontuetan behar adina diru ez izateagatik eta guztira puntu gutxiago izateagatik, deialdiaren hirugarren eta laugarren arauetan ezarritakoari jarraikiz.
_Nafarroako Gurutze Gorriari, 25 puntu baino gutxiago lortzeagatik, deialdiaren hamargarren arauan ezarritakoari jarraikiz.
_AFADENA-Nafarroako Familia Adoptiboen Elkarteari, 25 puntu baino gutxiago lortzeagatik, deialdiko hamargarren arauan ezarritakoari jarraikiz.
_AFADENA-Nafarroako Familia Adoptiboen Elkarteari, 25 puntu baino gutxiago lortzeagatik, deialdiko hamargarren arauan ezarritakoari jarraikiz.
_Ustaizeko Kontzejuari, 25 puntu baino gutxiago lortzeagatik, deialdiaren hamargarren arauan ezarritakoari jarraikiz.
3. Ordaintzeko modua eta baldintzak deialdiaren hamahirugarren oinarrian ezarritakoak izanen dira. Aipatutako kontusailen kontura ordainduko da.
4. Ebazpen hau Nafarroako ALDIZKARI OFIZIALean argitaratzea, behar diren ondorioak izan ditzan.
5. Ebazpen honen berri ematea Balorazio Batzordeari, Kontabilitate Zentroari eta interesatuei, behar diren ondorioak izan ditzan, eta Toki Entitateei jakinaraztea haientzat administrazio bidea agortzen duela. Ebazpen honen kontra administrazioarekiko auzi-errekurtsoa jartzen ahalko da, Nafarroako Auzitegi Nagusiaren Administrazioarekiko Auzien Salari zuzendua, jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epeetan. Halaber, administrazio publikoa ez diren interesatuei jakinarazten zaie haientzat ez duela administrazio bidea agortzen, eta haren kontra gora jotzeko errekurtsoa paratzen ahal dela, Gizarte Ongizate, Kirol eta Gazteria kontseilariari zuzendua, hilabeteko epean, jakinarazi eta biharamunetik aitzina.
Iruñean, 2006ko ekainaren 12an._Zuzendari nagusia, José Carlos Esparza Sáez.
Iragarkiaren kodea: F0610075
