I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
181/2006 EBAZPENA, ekainaren 12koa, Gizarte Ongizatearen zuzendari nagusiak emana, 2006rako gizarte zerbitzuen arloko inbertsioetarako dirulaguntzen deialdia ebazten duena (A modalitatea, inbertsio handietarako dirulaguntzak).
Gobernuak 2005eko abenduaren 26an hartutako Erabakiaren bidez, Gizarte Ongizate, Kirol eta Gazteri kontseilariari baimena ematen zaio, gizarte zerbitzuen arloko inbertsioetarako dirulaguntzen 2006ko deialdiko hainbat urtetarako gastua egiteko.
Gizarte Ongizate, Kirol eta Gazteria kontseilariak urtarrilaren 30ean emandako 24/2006 Foru Aginduaren bidez, gizarte zerbitzuen arloko inbertsioetarako dirulaguntzen 2006. urteko deialdiaren arauak onetsi ziren (2006ko 19. Nafarroako ALDIZKARI OFIZIALa, otsailaren 13koa).
Ikusirik Afera Ekonomikoen eta Inbertsioen Zerbitzuaren txostena, gizarte zerbitzuen arloko dirulaguntzak emateko 2006ko maiatzaren 4ko deialdiaren hamargarren oinarriak aipatzen duen Balorazio Batzordearen akta eta, azkenik, eskaera bakoitzari emandako puntuazioa biltzen duen eranskina.
Horrenbestez, Nafarroako Foru Komunitateko Administrazioari buruzko abenduaren 3ko 15/2004 Foru Legeak eta Gizarte Ongizate, Kirol eta Gazteria Departamentuaren egitura organikoa ezartzen duen otsailaren 24ko 46/2005 Foru Dekretuak ematen dizkidan eskurantzak erabiliz,
EBATZI DUT:
1. Gizarte zerbitzuen arloko dirulaguntzetarako 2006ko deialdiaren babesean (A modalitatea, inbertsio handietarako inbertsioak), ondoko dirulaguntza hauek ematea eta aipatzen den gastua egin dadila xedatzea:
A modalitatean (Toki entitateentzako transferentziak, hirugarren adinekoen arloan inbertsioak egin ditzaten), 2006ko 910001 91300 7609 231400 kontusailaren kontura:
_Leringo Udalari (IFZ: P-3115100D) ehun eta hamazazpi mila zortziehun eta laurogeita zortzi (117.888,00) euroko dirulaguntza, herriko Gizarte Etxearen 2. fasea eraikitzeko, 2006ko aurrekontuaren kontura. Onartu den aurrekontua bostehun eta laurogeita hamalau mila zazpiehun eta bederatzi euro eta laurogeita hamabi zentimokoa izan da (594.709,92). Dirulaguntza emateko orduan, deialdiaren oinarrien arabera kasu egiten ahal den biztanle kopurua (150 euro biztanle bakoitzeko) eta inbersioaren gehieneko portzentajea (%40) hartu dira kontuan. 1. fasean 50 puntu lortu ditu.
_Tafallako Nuestra Señora de la Caridad Ospitaleari (IFZ: P-3122701J) lau milioi seiehun eta lau mila eta zortziehun (4.604.800,00) euroko hainbat urtetarako dirulaguntza, Gobernuaren 2006ko maiatzaren 22ko Erabakiaren bidez baimendutako Zahar Etxea erabat zaharberritzeko obrak egiteko. Diru horretatik bi milioi hirurehun eta bi mila eta laurehun (2.302.400,00) euro 2006ko aurrekontuaren kontura, milioi bat hirurehun eta laurogeita bat mila laurehun eta berrogei (1.381.440,00) euro 2007ko kontusailaren kontura eta bederatziehun eta hogei mila bederatziehun eta hirurogei (920.960,00) euro 2008ko kontusailaren kontura izanen da. Dirulaguntza hori onartutako bost milioi zazpiehun eta berrogeita hamasei mila (5.756.000,00) euroko aurrekontuaren %80 da. 1. fasean 50 puntu lortu ditu.
_Otsagabiko Udalari (IFZ: P-3118500B) ehun eta hirurogeita hamabi mila bederatziehun eta laurogeita zazpi euro eta hogeita bi zentimoko (172.987,22) dirulaguntza, Zahar Etxea erabat hornitzeko, 2006ko aurrekontuaren kontura. Dirulaguntza onartutako aurrekontuaren %100 da, dirulaguntzen deialdiaren 2. puntuko bosgarren oinarrian xedatutakoari jarraikiz. 1. fasean 48 puntu lortu ditu.
_Otsagabiko Udalari (IFZ: P-3118500B) berrehun eta berrogeita zazpi mila ehun eta laurogeita hamalau euro eta hogeita bederatzi zentimoko (247.194,29) dirulaguntza, Zahar Etxeko urbanizazio lanak egiteko, 2006ko aurrekontuaren kontura. Dirulaguntza onartutako aurrekontuaren %100 da, dirulaguntzen deialdiaren 2. puntuko bosgarren oinarrian xedatutakoari jarraikiz. 1. fasean 48 puntu lortu ditu.
_Ultzamako Udalari (IFZ: P-3123600C) hirurehun eta laurogeita hamabost mila zazpiehun eta berrogeita hamasei euro eta berrogeita zortzi zentimoko (395.756,48) hainbat urtetarako dirulaguntza, Gizarte Etxea eraiki eta hornitzeko. Diru horretatik ehun eta laurogeita hamazazpi mila zortziehun eta hirurogeita hemezortzi euro eta hogeita lau zentimo (197.878,24) 2006ko aurrekontuaren kontura, ehun eta hemezortzi mila zortziehun eta hogeita hemezortzi euro eta hogeita lau zentimo (118.838,24) 2007ko kontusailaren kontura eta hirurogeita hemeretzi mila eta berrogei (79.040,00) euro 2008ko kontusailaren kontura izanen da. Dirulaguntza onartutako bederatziehun eta laurogeita bederatzi mila hirurehun eta laurogeita hamaika euro eta hogeita bat zentimoko (989.391,21) aurrekontuaren %40 da. 2. fasean 32,50 puntu lortu ditu.
_Arradako Kontzejuari (IFZ: P-3177900B) laurogeita bi mila bederatziehun eta berrogeita hamar (82.950,00) euroko hainbat urtetarako dirulaguntza, Gizarte Etxea eraikitzeko. Diru horretatik berrogeita bederatzi mila zazpiehun eta hirurogeita hamar mila (49.770,00) euro 2006ko aurrekontuaren kontura eta hogeita hamahiru mila ehun eta laurogei (33.180,00) euro 2007ko kontusailaren kontura izanen da. Onartu den aurrekontua hirurehun eta hemezortzi mila eta hogei euro eta laurogeita berederatzi zentimokoa izan da (318.020,89). Dirulaguntza emateko orduan, deialdiaren oinarrien arabera zerbitzua ematen zaion biztanle kopurua (150 euro biztanle bakoitzeko) eta inbersioaren gehieneko portzentajea (%40) hartu dira kontuan. 2. fasean 29,50 puntu lortu ditu.
_Zurukuaingo Kontzejuari (IFZ: P-3174500C) hamalu mila eta berrogeita hamar (14.850,00) euroko hainbat urtetarako dirulaguntza, Gizarte Etxea eraikitzeko. Diru horretatik zortzi mila bederatziehun eta hamar (8.910,00) euro 2006ko aurrekontuaren kontura eta bost mila bederatziehun eta berrogei (5.940,00) euro 2007ko kontusailaren kontura izanen da. Onartu den aurrekontua ehun eta hogei mila bederatziehun eta hamabi euro eta hamahiru zentimokoa izan da (120.912,13). Dirulaguntza emateko orduan, deialdiaren oinarrien arabera zerbitzua ematen zaion biztanle kopurua (150 euro biztanle bakoitzeko) eta inbersioaren gehieneko portzentajea (%40) hartu dira kontuan. 2. fasean 27,50 puntu lortu ditu.
C modalitatean (Toki entitateentzako transferentziak, beste zentro batzuetan inbertsioak egin ditzaten), 2006ko gastuen aurrekontuko 910001 91300 7609 231000 kontusailaren kontura:
_Altsasuko, Olaztiko eta Ziordiko Gizarte Zerbitzuen Mankomunitateari (IFZ: G-31228919) hirurogeita hamazazpi mila zazpiehun eta berrogeita hamabi euro eta bederatzi zentimoko (77.752,09) dirulaguntza, bertako gizarte zerbitzu oinarrizkoak erabat hornitzeko. Dirulaguntza onartutako laurogeita hamazazpi mila ehun eta laurogeita hamar euro eta hamaika zentimoko (97.190,11) aurrekontuaren %80 da. 1. fasean 42 puntu lortu ditu.
D modalitatean (Irabazi asmorik gabeko erakundeentzako transferentziak, hirugarren adinekoen arloan inbertsioak egiteko), 2006ko gastuen aurrekontuko 910001 91300 7819 231400 kontusailaren kontura:
_Valtierrako San José Zahar Etxeari (IFZ: G-31079205) bostehun eta laurogeita hamabost mila eta berrehun (595.200,00) euroko dirulaguntza, Zahar Etxea hornitzeko. Dirulaguntza onartutako zapiehun eta berrogeitalau mila (744.000,00) euroko aurrekontuaren %80 da, dirulaguntzen deialdiaren bosgarren oinarriaren 1. puntuko c) letran xedatutakoari jarraikiz. 1. fasean 50 puntu lortu ditu.
E modalitatean (Ezgaituentzako kanpoko zentroetako inbertsioak), 2006ko gastuen aurrekontuko 910001 91300 7819 231300 kontusailaren kontura:
_Tasubinsa enpresari (IFZ: A-31257868) ehun eta hamahiru mila zazpiehun eta berrogei euro eta laurogei zentimoko (113.740,80) hainbat urtetarako dirulaguntza, Arazurin dagoen garaiz aurreko zahartzea jasaten duten ezgaituentzako lan unitatea hornitzeko. Diru horretatik hirurogeita zortzi mila berrehun eta berrogeita lau euro eta berrogeita zortzi zentimo (68.244,48) 2006ko aurrekontuaren kontura eta berrogeita bost mila laurehun eta laurogeita hamasei euro eta hogeita hamabi zentimo (45.496,32) 2007ko kontusailaren kontura izanen da. Dirulaguntza onartutako ehun eta berrogeita bi mila ehun eta hirurogeita hamasei (142.176,00) euroko aurrekontuaren %80 da. 2. fasean 36 puntu lortu ditu.
F modalitatean (Pertsona talde baztertuei laguntzeko elkarteentzako dirulaguntzak), 910001 91300 7819 231600 kontusailaren kontura:
_Fundación Traperos de Emaús-i (IFZ: G-31351935) zazpiehun eta laurogeita hiru mila bostehun eta berrogeita bi euro eta hamar zentimoko (783.542,10) hainbat urtetarako dirulaguntza, Beltzuntzen dagoen Gizarteratzeko egoitza eraikitzeko obren fase berrirako. Diru horretatik laurehun eta hirurogeita hamar mila ehun eta hogeitabost euro eta hogeita sei zentimo (470.125,26) 2006ko ekitaldiaren kontura eta hirurehun eta hamahiru mila laurehun eta hamasei euro eta laurogeita lau zentimo (313.416,84) 2007ko ekitaldiaren kontura izanen da. Dirulaguntza onartutako aurrekontuaren %100 da, dirulaguntzen deialdiaren bosgarren oinarriaren 2. puntuan xedatutakoari jarraikiz. 1. fasean 50 puntu lortu ditu.
_"Etxabakoitz" lantegi-eskola fundazioari (IFZ: G-31780562) ehun eta bederatzi mila berrehun eta laurogeita zortzi euro eta laurogeita bederatzi zentimoko (109.288,89) hainbat urtetarako dirulaguntza, ile-apainketako gela egiteko lokala egokitzeko. Diru horretatik hirurogeita bost mila bostehun eta hirurogeita hamahiru euro eta hogeita hamahiru zentimo (65.573,33) 2006ko ekitaldiaren kontura eta berrogeita hiru mila zazpiehun eta hamabost euro eta berrogeita hamasei zentimo (43.715,56) 2007ko ekitaldiaren kontura izanen da. Dirulaguntza onartutako ehun eta hogeita hamasei mila seiehun eta hamaika euro eta hamaika zentimoko (136.611,11) aurrekontuaren %80 da. 2. fasean 46 puntu lortu ditu.
2. Dirulaguntza hauek ukatzea 25 puntura ez iristeagatik, deialdiaren hamargarren oinarrian xedatutakoari jarraikiz:
_Sartagudako Udalari, Eguneko Zentroa eraiki eta hornitzeko.
_Vianako Udalari, Gizarte Etxea eraiki eta hornitzeko.
_Ablitasko Udalari, Zahar Etxea eta Eguneko Zentroa eraiki eta hornitzeko.
_Murillo el Frutoko Udalari, Gizarte Etxea egiteko eraikina erosteko.
_Alloko Udalari, eraikin bat Eguneko Zentro gisa egokitzeko.
_Ziritzako Vida Nueva elkarteari, larrialdi sozialeko egoeretan dauden pertsonentzako harrera eta gizarteratze zentroa eraiki eta hornitzeko.
_Erriberako Minusbaliatu Fisikoen Elkarteari (AMIMET), apartamentu babestuak eta gizarte egoitza eraiki eta Eguneko Zentroa zaharberritzeko.
_Castejongo Udalari, "Solidaridad" egoitza mistoa handitzeko.
3. Deialdiaren oinarriei jarraikiz, dirulaguntza zenbait urtetan eman behar bada, hitzarmena sinatuko da Gizarte Ongizate, Kirol eta Gazteri Departamentuaren eta pertsona edo entitate arduradunaren artean, dirulaguntza ekitaldi ekonomiko bakoitzari egokitzeko xehetasunak finkatzeko, 15 eguneko epean dirulaguntza jakinarazten den egunetik aitzina.
4. Ordaintzeko modua eta baldintzak deialdiaren hamahirugarren oinarrian ezarritakoak izanen dira. Aipatutako kontusailen kontura ordainduko da.
5. Ebazpen hau Nafarroako ALDIZKARI OFIZIALean argitaratzea, behar diren ondorioak izan ditzan.
6. Ebazpen honen berri ematea Balorazio Batzordeari, Kontabilitate Zentroari eta interesatuei, behar diren ondorioak izan ditzan, eta Toki Entitateei jakinaraztea haientzat administrazio bidea agortzen duela. Ebazpen honen kontra administrazioarekiko auzi-errekurtsoa jartzen ahalko da, Nafarroako Auzitegi Nagusiaren Administrazioarekiko Auzien Salari zuzendua, jakinarazi eta biharamunetik hasita bi hilabeteko epean, alde batera utzi gabe Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epeetan. Halaber, administrazio publikoa ez diren interesatuei jakinarazten zaie haientzat ez duela administrazio bidea agortzen, eta haren kontra gora jotzeko errekurtsoa paratzen ahal dela, Gizarte Ongizate, Kirol eta Gazteria kontseilariari zuzendua, hilabeteko epean, jakinarazi eta biharamunetik aitzina.
Iruñean, 2006ko ekainaren 12an._Zuzendari nagusia, José Carlos Esparza Sáez.
Iragarkiaren kodea: F0610077
