II. NAFARROAKO TOKI ADMINISTRAZIOA
2.3. BESTELAKO XEDAPENAK
2.3.4. Aurrekontuak-Toki Ogasunak
TAFALLA
Aurrekontuetako aldaketa behin betikoz onetsirik
Tafallako Udalak, 2006ko apirilaren 25ean egin osoko bilkura arruntean, legezko quoruma izanik, hasiera batean onetsi zuen Udalaren 2006ko aurrekontu orokor eta bakarrean aldaketa egiteko 03/2006 espedientea, kreditu bereziaren bidezkoa baita.
Aurrekontuko aldaketak hasiera batean onesteko erabakia 2006ko 65. Nafarroako ALDIZKARI OFIZIALean argitaratu zen, maiatzaren 31an; behar bezainbateko publizitatea ere izan zuen iragarkiak, ediktua Udalaren iragarki oholean paratu baitzen.
Hamabortz egun balioduneko epea iragan eta inork ez duenez alegazio edo erreklamaziorik aurkeztu, aldaketa hori behin betikoz onetsitzat jo behar da, Nafarroako Toki Ogasunei buruzko martxoaren 10eko 2/1995 Foru Legeko 202 eta 214.2 artikuluekin bat eta Nafarroako Toki Administrazioari buruzko uztailaren 2ko 6/1990 Foru Legeko 271. artikuluarekin bat.
Hona hemen behin betiko onetsitako aldaketa:
"Tafallako Eskualdeko ikastetxe publikoko patioa moldatzeko obretarako kreditu bereziaren espedientea" (03/06 espedientea), 63.200 euro egiten duena.
1. Gastuak goititzea:
0.4220.6 Ikastetxe publikoko patioa moldatzea: 63.200.
Espedientearen finantzaketa.
2. Dirusarrerak goititzea:
0.7 Nafarroako Gobernuaren dirulaguntza: 41.000.
0.6 Orubeen salmenta: 22.200.
Guztira: 63.200.
Administrazio egintza honek amaiera ematen dio administrazio bideari, eta errekurtso hauek para daitezke haren kontra:
a) Berraztertzeko errekurtsoa, aukeran, egintza eman duen organo berari zuzendua, hilabeteko epean, egintza honen jakinarazpena jaso eta biharamunetik hasita. Ez da zilegi izanen administrazioarekiko auzi-errekurtsoa paratzea, errekurtso hau espresuki ebatzi arte edota ustezko ezespena gertatu arte.
b) Gora jotzeko errekurtsoa, aukeran, Nafarroako Administrazio Auzitegiari zuzendua, hilabeteko epean, egintza edo erabakia jakinarazi edo argitaratzen denetik aitzina, espresua bada, edo behar den eskabidea isilbide administratiboaren ondorioz ezetsitzat hartzen den egunetik aitzina.
c) Administrazioarekiko auzi-errekurtsoa Nafarroako Administrazioarekiko Auzien Epaitegiari (edo dagokion Salari) zuzendua, bi hilabeteko epean, egintza hau jakinarazi eta biharamunetik aitzina, edo berraztertzeko errekurtsoaren ebazpenaren jakinarazpen egunetik aitzina, espresua bada. Horrela ez bada, epea sei hilabetekoa izanen da, ustezko ezespena gertatu eta biharamunetik aitzina, errekurtsoaren ebazpena jakinarazi gabe hilabetetik gora iragateagatik.
Bidezko juzgatzen den bertze edozein errekurtso paratzen ahal da.
Tafallan, 2006ko ekainaren 19an._Alkate udalburua, Maite Mañú Echaide.
Iragarkiaren kodea: L0610883
