I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
552/2006 EBAZPENA, ekainaren 6koa, Eskola eta Lanbide Irakaskuntzaren zuzendari nagusiak emana, zuzendari nagusi berak maiatzaren 11n emandako 460/2006 Ebazpena indargabe uzten duena. Haren bidez, 2005/2006 ikasturtean Lehen Hezkuntzako eta Derrigorrezko Bigarren Hezkuntzako mailetan testuliburuak erosteko beka eta laguntza deialdia behin-behinekoz ebatzi zen. Bidenabarrean, 2005/2006 ikasturtean Lehen Hezkuntzako eta Derrigorrezko Bigarren Hezkuntzako mailetan testuliburuak erosteko beka eta laguntza deialdia berriz ebazten da behin-behinekoz.
Eskola eta Lanbide Irakaskuntzaren zuzendari nagusiak uztailaren 29an emandako 712/2005 Ebazpenaren bitartez, Lehen Hezkuntzako eta Derrigorrezko Bigarren Hezkuntzako mailetan testuliburuak erosteko 2005/2006 ikasturteko laguntza deialdia onetsi zen (2005eko irailaren 2ko 105. Nafarroako ALDIZKARI OFIZIALean argitaratua).
Eskola eta Lanbide Irakaskuntzaren zuzendari nagusiak maiatzaren 11n emandako 460/2006 Ebazpenaren bitartez, 2005/2006 ikasturtean Lehen Hezkuntzako eta Derrigorrezko Bigarren Hezkuntzako mailetan testuliburuak erosteko beka eta laguntza deialdia behin-behinekoz ebazten da.
Ikastetxeen eta Ikasketetarako Laguntzen Zerbitzuak txostena aurkeztu du eta hartan adierazi informatikako prozesuan akatsak atzeman direla eta, haien ondorioz, aipatu den ebazpenean agertzen diren zenbatekoak ez direla ez zuzenak ez errealak. Hortaz, 460/2006 Ebazpena indargabe uztea proposatzen du eta beste bat onestea aipatu diren zenbatekoak zuzendurik ezarriko dituenak.
Hori horrela, Nafarroako Foru Komunitateko Administrazioa arautzen duen abenduaren 3ko 15/2004 Foru Legearen 22.1. artikuluko d) idatz-zatiak ematen dizkidan ahalmenak erabiliz,
EBATZI DUT:
1. Eskola eta Lanbide Irakaskuntzaren zuzendari nagusiak maiatzaren 11n emandako 460/2006 Ebazpena indargabe uztea, atzeman diren informatikako akatsen ondorioz bertan agertzen diren zenbatekoak zuzenak ez direlakoz. Ebazpen haren bidez, 2005/2006 ikasturtean Lehen Hezkuntzako eta Derrigorrezko Bigarren Hezkuntzako mailetan testuliburuak erosteko beka eta laguntza deialdia behin-behinekoz ebatzi zen.
2. Behin-behinekoz onartzea testuliburuak erosteko laguntza jasotzeko eskubidea izanen dutela ebazpen honetako 1. eranskineko zerrendan ageri diren ikasleek, nahiz hori ez den eragozpen izanen eskubide hori berrikusteko, eta familiaren per capita errenta 6.101,00 eurotik gorakoa ez duten ikasleek. Aipatu den I. eranskinean azaltzen dira deialdiko 4.2 arauko lehentasun ordenan ezarritako egoera batzuetan dauden ikasleak.
3. Behin-behinekoz ezetza ematea ebazpen honen II. eranskinean ageri diren ikasleek egindako laguntza eskaerei, arauzko epe eta eran aurkeztutako alegazio eta berrikusketak ebazten ez diren bitartean. Aditzera ematen da jasotako eskaera eta agirien zuzentasuna egiaztatzen den heinean eginen direla kontzesioa eta ordainketa, bidezko izanez gero.
4. Testuliburuak erosteko laguntzen zenbatekoak aipatu deialdiaren 3. arauan azaltzen direnak dira, deialdiko 8.2 arauan xedatutakoa deusetan galarazi gabe.
5. Ikastetxeen eta Ikasketetarako Laguntzen Zerbitzuari baimena ematea, bidezko diren kudeaketak egin ditzan, emandako eta ukatutako beka eta laguntzak interesatuei eta ikastetxeei jakinarazteko, behar diren administrazio egiaztapenak egiteko eta ikastetxeen aldeko ordainketa aginduak emateko Ekonomia eta Ogasun Departamentuan.
6. Ekonomia eta Ogasun Departamentuari eskaera egitea bidezko diren ordainketa aginduak eman ditzan, III. eranskinean aipatzen diren ikastetxeen alde (ikastetxe horietan izena emanak baitira laguntzen onuradun diren ikasleak).
Guztira 572.209,84 euro dira eta 410002 41150 4800 322D00 kontusailetik finantzatuko dira. Kontusail horrek "Testuliburuak erosteko laguntzak" du izena, 2006ko gastu aurrekontuan.
7. III. eranskinean ageri diren ikastetxeetako zuzendariek, deialdiko 8.4 arauan xedatu bezala, frogatuko dute ebazpen honen I. eranskinean aipatzen diren onuradunei laguntzak pagatu dizkietela, onuradunek laguntzak deialdiko 8.3 arauan aipatzen diren helburuetarako erabili dituztela egiaztatutakoan.
8. Aipatu deialdiko 7.2 araua betetzearren, deialdiko baldintzak ez betetzeagatik laguntza ukatu eta beren eskubideetan kalte izan dutela uste duten II. eranskineko eskatzaileek, bidezko diren alegazioak aurkeztuz, beren eskabidea aldatu, zuzendu edo berrikusteko eskatzen ahalko diote Hezkuntza Departamentuko Ikastetxeen eta Ikasketetarako Laguntzen Zerbitzuari, behin-behineko ebazpen hau Nafarroako ALDIZKARI OFIZIALean argitaratu eta biharamunetik hamabost egun balioduneko epean.
9. Ebazpen hau Nafarroako ALDIZKARI OFIZIALean argitara dadila agintzea eta ebazpen honen eranskinak jendaurrean jartzea honako tokiotan:
_Nafarroako Gobernuaren Argibide Bulegoan, Iruñeko Karlos III.aren etorbideko 2an.
_Eskola eta Lanbide Irakaskuntzaren Zuzendaritza Nagusiko Argibide eta Agiri Bulegoan Iruñeko Santo Domingo kalean, zk.g.
_Ikastetxeetako iragarki oholetan ikasleen zerrendak jarriko dira ikusgai, laguntzak eman edo ukatzeko behin-behineko proposamenekin batera.
10. Ebazpen hau igortzea Ekonomia eta Ogasun Departamentuak Hezkuntza Departamentuan duen kontu-hartzaile delegatuari, Zerbitzuak Ikuskatzeko eta Ikuskapen Teknikorako Zerbitzura, Ikastetxeen eta Ikasketetarako Laguntzen Zerbitzura, Ikasketetarako laguntzen Atalera, Beka Bulegora eta Kudeaketa Ekonomikoaren Bulegora, behar diren ondorioak izan ditzan.
Iruñean, 2006ko ekainaren 6an._Eskola eta Lanbide Irakaskuntzaren zuzendari nagusia, Fermín Villanueva Ferreras.
Iragarkiaren kodea: F0609915
