Iragarkia

73. ALDIZKARIA - 2006ko ekainaren 19a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Funtzio Publikoaren zuzendari nagusiak maiatzaren 29ko 1361/2006 Ebazpenaren bidez onetsia, Nafarroako Foru Komunitateko Administrazioan eta haren erakunde autonomoetan Nafarroako Ogasuneko kudeatzaile eta ikertzaile laguntzaile izateko maiatzaren 2ko 1104/2006 Ebazpenak deitutako lekualdatze lehiaketaren bidez betetzen ez diren lanpostuak oposizio bidez betetzekoa. Ebazpen hori gaur egun tramitazioan da.

Funtzio Publikoaren zuzendari nagusiak, maiatzaren 29ko 1361/2006 Ebazpenaren bidez, deialdia onetsi du, Nafarroako Foru Komunitateko Administrazioan eta haren erakunde autonomoetan Nafarroako Ogasuneko kudeatzaile eta ikertzaile laguntzaile izateko maiatzaren 2ko 1104/2006 Ebazpenak deitutako lekualdatze lehiaketaren bidez betetzen ez diren lanpostuak oposizio bidez betetzekoa. Ebazpen hori gaur egun tramitazioan da.

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako oinarriak.

1._Deialdiaren xedea.

1.1. Deialdi honen xedea da Nafarroako Ogasuneko kudeatzaile eta ikertzaile laguntzaile izateko Funtzio Publikoaren zuzendari nagusiaren maiatzaren 2ko 1104/2006 Ebazpenak deitutako lekualdatze lehiaketaren bidez betetzen ez diren lanpostuak (funtzionario araubidekoa, B maila) oposizio bidez betetzea. Ebazpena 2006ko 60. Nafarroako ALDIZKARI OFIZIALean, maiatzaren 19koan, jasotzen da.

Lehiaketa horren ondoriozko lanpostuen artetik, bat %33ko edo hortik goitiko ezintasunak dituzten pertsonendako izanen da.

Beste lanpostuak txanda irekiaren eta igoera txandaren artean banatuko dira, abuztuaren 30eko 251/1993 Legegintzako Foru Dekretuaren bidez onetsitako Nafarroako Administrazio Publikoen zerbitzuko Langileen Estatutuaren Testu Bategineko 15. artikuluko 3. idatz-zatian ezarririko formulari jarraituz. Hona hemen: lehena, txanda irekiari dagokio; bigarrena, igoera txandari; eta hirugarrenetik aurrera, bikoitiak igoera txandari eta bakoitiak, txanda irekiari.

1.2. Igoera txandako lanpostuak hutsik geldituz gero, izangaiek hautapen probak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Ezgaitasuna dutenendako txandako lanpostuak, izangaiek hautapen probak gainditzeko behar den gutxieneko puntuazioa atera ez dutelako bete gabe geldituz gero, bertze txandetakoei gehituko zaizkie, Nafarroako Administrazio Publikoen zerbitzuko Langileen Estatutuaren 15.3 artikuluan ezarritako ordenaren arabera.

Orobat, igoera txandan edo/eta minusbaliatuentzako txandan eskaintzen diren lanpostuak baino izangai gehiagok gainditzen badute, txanda horretan lanpostua eskuratzen ez dutenek aukera izanen dute txanda irekiko lanpostu hutsak eskuratzeko, txanda horretako izangaiekin lehia garbian eta eskuratutako azken puntuazioaren arabera.

Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, deialdiko 7.2. oinarrian agiriak aurkezteko ezartzen den epea bukatzen denean deialdiko 2.1.2 oinarriko eskakizun berariazkoak betetzen ez dituzten igoera txandako izangaiek.

1.3. Lanpostuek B mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

1.4. Halaber, deialdi honen bidez hauta-probak gainditu bai baina lanposturik lortzen ez duten izangaiekin aldi baterako kontratatuak izateko izangaien zerrenda bat osatuko da, deialdi honetako 10. arauan xedaturikoarekin bat.

2._Izangaiek bete beharreko baldintzak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epearen barrenean (deialdiaren 7.2 atalean adierazia) eta lanpostuaren jabetza hartu arte, baldintza hauek bete beharko dituzte:

2.1.1. Izangai guztiek bete beharreko baldintzak.

a) Espainiako herritarra izatea.

b) Adin nagusikoa izatea eta erretiroko adina ez izatea.

c) Unibertsitateko Diplomadun, Ingeniari Tekniko edo Arkitekto Tekniko titulua edo titulu baliokidea edukitzea, edo aipatu titulua eskuratzeko baldintza guztiak betetzea eskabideak aurkezteko epea amaitzen den egunean, edo Lizentziatura, Ingeniaritza edo Arkitekturako lehenengo hiru ikasturteak osorik gaindituak izatea.

Atzerrian lorturiko tituluak badira, homologazioa egiaztatzen duen kredentziala eduki beharko da.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko desgaitu edo gabetua ez egotea eta administrazio publikoren baten zerbitzutik bereizia ez izatea.

2.1.2. Igoera txandako izangaiek bete beharreko baldintza berariazkoak.

Igoera txandako izangaiek, aurreko idatz-zatian adierazitako betebeharrez gain, hauek bete beharko dituzte:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Azministrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Administrazio Publikoetan bost urteko antzinatasun onartua izatea, Nafarroako Polizia Kidegoetako kideen kasuan izan ezik, horiek frogatu beharko baitute zortzi urtez eman dituztela zerbitzuak kidego horietan.

Nafarroako Administrazio Publikoetan lan egiten duten langileen Estatutuaren xedapen gehigarrietatik zortzigarrenean ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.1.3. Ezgaitasunak dituzten pertsonendako txandako izangaiek bete beharreko berariazko baldintza

Ezgaitasunak dituzten pertsonendako txandako izangaiek, 2.1.1 atalean aipatzen diren baldintzez gain, ofizialki aitorturik eduki beharko dute %33ko edo hortik goitiko ezgaitasuna.

2.2. Deialdiko 3.3. arauko bigarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 idatz-zatian ezarririko epean eta moduan frogatu beharko dituzte betebehar horiek.

3._Eskabideak.

3.1. Deialdian parte hartzeko eskabideak Nafarroako Gobernuko Lehendakaritza, Justizia eta Barne Departamentuko Erregistro Orokorrean (Karlos III.aren etorbidea, 2, atalondoa, 31002 Iruña) edo erregistro horretako beste edozein bulegotan (zerrenda 2005eko 33. Nafarroako ALDIZKARI OFIZIALean argitaratu zen, martxoaren 18an) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/1992 Legeko 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuko Argibide Bulegoan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Eskabideari, behar bezala bete ondoren, agiri hauek erantsiko zaizkio:

Bat._Espedientea formalizatzeko eta azterketa eskubideetarako 18 euro ordaindu izanaren ziurtagiria. Azterketa eskubideen tasa ordaindu izanaren agiria aurkezten ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

_Behar bezala betetako ordainketa gutuna erabiliz; Foru Komunitateko Administrazioak Nafarroako finantza entitateetan dituen kontuetan sartuko da dirua. Arestian aipatutako webgunean, deialdiaren iragarkian, ordainketa gutuna eredua ageri da.

_Sarrera esku-dirutan edo bankuko transferentzia bidez eginez, Banestoko (Banco Español de Crédito) 00308124 87 0870002271 kontuan; horrelakoetan ordain-agirian datu hauek jarri beharko dira:

.Izangaiaren izen-deiturak.

.NAN/IFZ.

.Ordainketa zein kontutan egiten den, haren zenbakia.

.Kontzeptua: oposizioak.

.Deialdiaren xede den lanpostua.

Frogagirian datu horietako bat falta baldin bada, izangaia baztertu eginen da.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hauta-proben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon den bitartean eskainitako inolako lan egokiri uko egin ez izana eta lanbide sustapen, prestakuntza edo eraberritze ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorako den dirusarrerarik ez izatea hilabetero.

Lan eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lan-igoera, prestakuntza edo eraberritze ekintzetan parte hartzeari ere, justifikaturiko kasuetan izan ezik.

Hilero lanbide arteko gutxieneko soldatatik gorako errentarik ez duela interesatuaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela internet bidez, arestian emandako helbidean.

Bi._Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2. arauan jasotzen diren eskakizunak betetzen dituztela frogatzen duen agiria gehitu beharko diote eskabideari.

3.4. Eskabideak aurkezteko epea ezin izanen da luzatu.

3.5. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahai kalifikatzailea.

5.1. Epaimahaiak kide hauek izanen ditu:

_Mahaiburua: José Javier Zabaleta Zúñiga jauna, Nafarroako Zerga Ogasuneko Arauen Garapen eta Fiskalitaterako Zerbitzuko zuzendaria.

_Ordezkoa: Mario Sánchez Trueba jauna, Nafarroako Zerga Ogasuneko Dirubilketa Zerbitzuko zuzendaria.

_Mahaikidea: José Antonio López Bordetas, Nafarroako Zerga Ogasunari atxikiriko ogasuneko teknikaria.

_Ordezkoa: Miren Balda Igoa andrea, Ogasuneko teknikaria, Nafarroako Zerga Ogasunari atxikia.

_Mahaikidea: Celia de Vicente Semberoiz andrea, Nafarroako Ogasuneko kudeatzaile eta ikertzaile laguntzailea, Nafarroako Zerga Ogasunari atxikia.

_Ordezkoa: Sonia Ruiz Millán andrea, Nafarroako Ogasuneko kudeatzaile eta ikertzaile laguntzailea, Nafarroako Zerga Ogasunari atxikia.

_Mahaikidea: Nafarroako Zerga Ogasuneko Langileen Batzordeko ordezkari bat, batzordeak izendatua.

_Ordezkoa: Nafarroako Zerga Ogasuneko Langileen Batzordeko ordezkari bat, batzordeak izendatua.

_Mahaikide idazkaria: María Teresa Elizari Huarte andrea, Nafarroako Ogasuneko kudeatzaile eta ikertzaile laguntzailea, Nafarroako Zerga Ogasunari atxikia.

_Ordezkoa: José Goñi Gastón jauna, Nafarroako Ogasuneko kudeatzaile eta ikertzaile laguntzailea, Nafarroako Zerga Ogasunari atxikia.

Epaimahaia hautaprobak hasi baino lehen eratuko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek parte hartzeari uko egin beharko diote eta deialdia egin duen organoari hala jakinarazi, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Foru Legean horretarako aurreikusiak dauden egoerak gertatzen direnean.

Izangaiek, halaber, zilegi izanen dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan laguntzeko. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6._Oposizioa nola eginen den.

6.1. Oposizioa 2006ko urrian hasiko da. Onartu eta baztertuen behin betiko zerrenda onesten duen ebazpenean berean finkatuko dira probak hasteko tokia, eguna eta ordua.

Ondoren, epaimahaiak jakinaraziko ditu gainerako probak egiteko iragarkiak, erregelamenduz.

6.2. Oposizioak ariketa hauek izanen ditu:

Lehenbizikoa.

Berdina izanen da bi multzoetarako eta epaimahaiak proposaturiko kontabilitateko arazoak konpondu beharko dira, deialdiaren eranskineko programan ageri diren gaien gainean.

Ariketa hau egiteko bost ordu izanen dira gehienez.

Bigarrena.

Lehenbiziko ariketa gainditu duten izangaiek bigarrena egin beharko dute. Bi zati hauek edukiko ditu:

Lehena berdina izanen da bi multzoetarako eta Zuzenbide Zibila eta Merkataritzako Zuzenbidea programan sartutako gai zehatz bat, zozketa bidez ateratakoa, idatziz garatuko da. Gai horiek ere deialdiaren eranskinean daude.

Bigarren zatia:

Lehenengo multzorako, Zuzenbide Administratiboa eta Ekonomia programan sartutako gai zehatz bat, zozketa bidez ateratakoa, idatziz garatuko da. Gai horiek eranskinean daude.

Bigarren multzorako, Zuzenbide Administratiboa, Ekonomia eta Informatika programan sartutako gai zehatz bat, zozketa bidez ateratakoa, idatziz garatuko da. Gai horiek eranskinean daude.

Bigarren ariketako bi gaiak garatzeko lau ordu izanen dira gehienez.

Hirugarrena.

Berdina izanen da bi multzoetarako.

Bigarren ariketa gainditzen dutenek hirugarrena eginen dute. Finantzen eta Zergen Zuzenbideko gai bat, zozketaz ateratakoa, idatziz garatuko da, eta epaiamahaiak Nafarroako Zergen Zuzenbidearen inguruan egindako hamabost galdera erantzun beharko dira. Gai hauek ere deialdiaren eranskinean daude.

Ariketa hau egiteko bost ordu izanen dira gehienez.

6.3. Oposizioko ariketen balorazioan 60 puntu eman daitezke gehienez ere, honela banatuak:

Lehenbizikoa. gehienez 20 puntu.

Bigarrena. gehienez 20 puntu. Gai bakoitzean gehienez 10 puntuko balorazioa ematen ahal da.

Hirugarrena. gehienez 20 puntu. Hala gaiak nola hamabost galderek gehienez ere 10 puntu.

6.4. Oposizioko ariketak kanporagarriak izanen dira. Bazterturik geldituko dira horietako ariketaren batean gutxienez gehieneko puntuazioaren erdia lortzen ez duten izangaiak. Halaber, bazterturik geldituko da gai edo kasuetako edozeinetan 0 puntuko kalifikazioa ematen zaiona.

6.5. Ariketa bakoitza amaitutakoan, epaimahaiak jendaurrean jarriko du, ariketa egin den lekuan eta Nafarroako Gobernuaren iragarki oholean, probak gainditu dituzten izangaien zerrenda, bakoitzaren kalifikazioekin. Horrez gain, oposizioko hurrengo proba non, zein egunetan eta zer ordutan eginen den adierazten duen oharra argitaratuko du, gutxienez hura hasi baino 48 ordu lehenago.

6.6. Ariketa bakoitzerako dei bakarra eginen da. Izangaiek Nortasun Agiri Nazionala, gidabaimena edo pasaportea eraman beharko dute. Oposiziotik kanpo geldituko dira agertzen ez direnak edo nortasuna aipatutako agirien bidez frogatzen ez dutenak.

6.7. Hauta-probak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditu dituztenen zerrenda, izendapen proposamena eta agirien aurkezpena.

7.1. Hautaprobak amaiturik, epaimahaiak jendaurrean jarriko du probak gainditu dituztenen zerrenda, oposizioan lortutako kalifikazioekin, Nafarroako Gobernuaren iragarki oholean. Gero, zerrenda hori Funtzio Publikoaren zuzendari nagusiari igorriko dio, deialdiko lanpostuen kopuruaren barruan sartzen diren eta probak puntuazio altuenekin gainditu dituzten izangaiak izendatzeko proposamenarekin eta espediente osoarekin batera. Proposamen hori Nafarroako ALDIZKARI OFIZIALean argitaratuko da.

Hainbanaketarik gertatuz gero, lehenbiziko ariketan puntu gehien lortu dituztenen alde ebatziko da. Eta hala ere hainbana segitzen badute, gainerako ariketetan lortutako puntuazioak hartuko dira kontuan, hurrenez hurrenc.

7.2. Izendapen proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek inprimaki berariazko batzuk jaso eta honako agiri hauek aurkeztu behar dituzte Funtzio Publikoaren Zuzendaritza Nagusian:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren hiritartasuna eta nortasuna frogatzen dituen beste agiri baliokideren batenak.

b) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizi ez izanaren zinpeko aitorpena.

e) Zin egin edo hitz ematea, Nafarroako Foru Eraentza errespetatu, Konstituzioari eta Legeei men egin eta karguari dagozkion eginkizunak zuzen beteko dituela.

f) %33ko edo hortik gorako minusbaliotasuna aitortzen duen agiriaren fotokopia konpultsatua izatea, baldin eta minusbaliatuentzako txanda murriztuan parte hartu nahi bada.

g) Funtzio Publikoaren Zuzendaritza Nagusiak eskatzen dizkion gainerako agiriak.

Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

b) Funtzio Publikoaren Zuzendaritza Nagusiak eskatzen dizkion gainerako agiriak.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordurako egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1. atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

8._Lanpostu hutsak hautatzea.

8.1. Aurreko oinarrian xedatu dena betetzen duten lehiatzaileek Funtzio Publikoaren Zuzendaritza Nagusiak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, %33ko edo handiagoko minusbaliotasun aitortua duten izangaiek lehentasuna izanen dute txanda irekiko izangaien aurretik.

Izangai minusbaliaturik bada, eta horrek eragina badu lanpostu bat edo bestea hautatzeko, aukeratzen hasi aurretik, minusbaliotasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9._Izendapena, lanpostuen esleipena eta jabetza hartzea.

9.1. Funtzio Publikoaren zuzendari nagusiak, Ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, Nafarroako Ogasuneko kudeatzaile eta ikertzaile laguntzaile lanetan aritzeko. Ebazpen horren bidez lanpostuen esleipena ere eginen da.

9.2. Izendapenak eta lanpostuaren jabetza hartzeak nomina eta plantillako funtzionario bilakatuko dituzte izendatuak, indarra duten xedapenek ezartzen dituzten eskubide eta betebehar guztiak dituztela. Gizarte Segurantzako araubide orokorrean inskribatu eta kidetuko dira, araubide horretan aurreikusitakoaren babesean.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein bahituretxetako eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko bahituretxean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

9.3. Izendatzen diren izangaiek destinoko herrian izan beharko dute bizilekua, bertan helbidea egiazki kokatuz. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuak hilabeteko epean jabetu beharko du bere lanpostuaz, izendapenaren jakinarazpenetik kontatzen hasita.

Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu. Hala bada, 7.4 atalean ezarritakoari jarraikiko zaio.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data hartan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10._Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta oinarri honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

_Probak gainditu bai baina lanposturik lortu ez duten izangaien zerrenda.

_Hautapen prozesuaren ariketa guztiak gainditu ez dituzten izangaien zerrenda.

10.2. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautapen prozesua gaindituta ere lanposturik gabe gelditu diren izangaiei eta deialdian ezarritako azkenaurreko ariketa gainditu dutenei hamar egun balioduneko epea emanen zaie, ebazpena argitaratu eta biharamunetik hasita, ondoko dokumentazio hau aurkezteko:

Deialdiko 2. arauan eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, sartzeko prozesuan parte hartzeko eskabideak aurkezteko epean titulua eskuratzeko moduan egoten dela frogatzen duen ziurtagiria.

Ebazpen hau Nafarroako ALDIZKARI OFIZIALean argitaratuko da, eta langileen zerrendak Nafarroako Gobernuko iragarki-oholean (Karlos III.aren etorbidea, 2, atalondoa, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, deusetan ukatu gabe, betiere, parte hartzeko eskabidea faltsutzeagatik legokiekeen erantzukizuna.

10.3. Sartzeko prozeduraren eskabideak aurkezteko epea bukatzen den egunerako bete beharko dira baldintzak, eta hauta-probek dirauteino eta kontratazioaldiak iraun bitarte bete beharko dira.

10.4. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragarki oholean argitaratuko (Karlos III.aren etorbidea, 2, ataria, Iruña):

a) Probak gainditu bai baina lanposturik lortu ez duten izangaien zerrenda.

b) Deialdiaren azkenaurreko ariketa gainditu bai baina lanposturik gabeko gaindituen zerrendan ez daudenen zerrenda.

10.5. Hauxe izanen da aldi baterako kontratazioen zerrendaren ordena: oposizioa gainditu bai baina lanposturik lortu ez dutenen kasuan, hautapen prozesuan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketarik dagoenean nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

11._Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen kontra, oinarrien kontra eta haien aplikazio egintzen kontra, epaimahaiak hartutakoak izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatzen hasita.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2006ko maiatzaren 29an._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

Izena: ......................................................, adinez nagusia. Nortasun Agiri Nazionala (edo balio bereko beste agiriren bat): ........................ Sorteguna: ...................................... Sorterria: ........................................ (....................................). Nazionalitatea: ......................................... Helbidea: kalea: ..........., herria: ............., probintzia: ......., posta kodea: ........, eta ........ telefonoa (........... laneko telefonoa)

Azaltzen du:

Nafarroako Foru Komunitateko Administrazioaren eta haren erakunde autonomoen zerbitzuko .............. izateko ............... lanpostu .................... bidez betetzeko deialdian parte hartzeko onartu izatea eskatzen dudala, ondoko txandan (deialdia ...... zenbakiko Nafarroako ALDIZKARI OFIZIALean argitaratu zen, .........(e)an):

f Txanda irekia.

f Igoera txanda*

f Minusbaliatuendako txanda*

Hauta-probak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio-erroa*

f Nafarroako Osasun Zerbitzua-Osasunbidea*

f Nafarroako Gizarte Ongizatearen Institutua*

(Esparruetako bakar bat aukeratu daiteke)

Ez dudala karguan aritzea galarazten didan eritasun edo akats fisiko edo psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskabideak aurkezteko epearen azken egunean beharkizun guztiak betetzen ditudala.

f Ezgaitasuna dudala eta, beraz, behar dituen egokitzapenak eskatzen ditudala, haietarako arrazoiak adierazita. (Beste orri batean azaldu behar dira eskatzen diren egokitzapenak eta haietarako arrazoiak).

f Ezgaitasuna frogatzen duen agiria aurkezten dudala, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten dudala*

f Euskara maila neurtzeko proba egitea eskatzen dudala*

f Frantseseko eta ingeleseko nahikotasun frogak egitea eskatzen dudala (*)

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean,........(e)ko .........................aren ..............(e)an.

(Sinadura)

(*) Bidezkoa bada.

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA.

FUNTZIO PUBLIKOAREN ZUZENDARITZA NAGUSIA.

II. ERANSKINA

Gai zerrenda

Lehenbiziko ariketa

Kontabilitateko ariketa praktikoa.

_Finantzen kontabilitatea.

_Kontabilitateko plan orokorra.

_Sozietateen kontabilitatea.

_Kontabilitate analitikoa.

_Finantza egoeren azterketa.

Bigarren ariketa

Lehenengo zatia: Lehenengo eta bigarren multzoak

Zuzenbide Zibila eta Merkataritza Zuzenbidea

1. gaia_Zuzenbidearen iturriak Espainiako sistema juridiko positiboan. Kode Zibila eta legeria osagarria. Nafarroako Zuzenbide zibilaren iturriak. Foru Zuzenbide Pribatuari buruzko Konpilazioa edo Nafarroako Foru Berria: Edukiaren gaineko ezagupen orokorra. Arau juridikoen aplikazioa. Eraginkortasun orokorra. Denborari eta espazioari dagozkien mugak.

2. gaia._Pertsonaren kontzeptua. Pertsona natural eta juridikoak. Nortasuna sortu eta iraungitzea. Gaitasun juridikoa eta jarduteko gaitasuna. Gaitasuna Nafarroako Foru Zuzenbide Zibilean. Nazionalitatea eskuratzea eta galtzea. Nafar izaera zibil forala.

3. gaia._Ezkontzako araubide ekonomikoa. Xedapen orokorrak. Motak. Familiako ondasunen araubidea Nafarroako Foru Zuzenbide Zibilaren arabera.

4. gaia._Egoera zibila. Filiazioa: kontzeptua eta motak. Adopzioa. Guraso-ahala. Emantzipazioa. Tutoretza.

5. gaia._Eskubide errealak: kontzeptua eta motak. Jabetza. Jabegoa eskuratu eta galtzeko moduak. Jabetza erregistroa.

6. gaia._Ondasuna. Usufruktoa. Mirabetza. Nafarroako Foru Zuzenbide Zibileko arau bereziak.

7. gaia._Bermeko eskubide errealak: hipoteka, bahitura eta eskualdaketarik gabeko bahitura. Berme errealak Nafarroako Foru Zuzenbide Zibilean.

8. gaia._Obligazioak: kontzeptua eta motak. Obligazioen iturriak. Proba. Amaiera. Denboraren eragina erlazio juridikoetan. Obligazioak Nafarroako Foru Zuzenbide Zibilean.

9. gaia._Kontratua: kontzeptua eta motak. Kontratuen osagaiak. Kontratuen eraketa, hobekuntza eta interpretazioa. Kontratuen eragingarritasun eza. Kontratuen interpretazioa eta forma.

10. gaia._Salerosketa: Kontzeptua eta osagaiak. Salerosketaren edukia. Errentamendu kontratua. Salerosketa eta errentamendua Nafarroako Foru Zuzenbide Zibilean.

11. gaia._Dohaintza: kontzeptua eta motak. Dohaintzaren elementuak. Eraginak. Dohaintzen errebokazioa eta murriztapena. "Inter vivos" dohaintza Nafarroako Foru Zuzenbide Zibilean.

12. gaia._"Mortis causa" oinordetza: kontzeptua eta motak. Jaraunspena: kontzeptua eta egoerak. Jaraunspena onartzea. jaraunsleak eta legatudunak. Gehiagotzeko eskubidea. Testamentuzko oinordetza: kontzeptua eta testamentu motak. Nahitaezko oinordetza. Testamenturik gabeko oinordetza.

13. gaia._Oinordetza Nafarroako Foru Zuzenbide Zibilean. Legezko araubidea, disposizio askatasuna. Mugak. Legezko oinordetza: Kontzeptua. Oinordetza jaiotetxeko ondasunetan eta jaiotetxekoak ez direnetan. "Mortis causa" dohaintzak. Oinordetzako itun edo kontratuak.

14. gaia._Merkataritzako kontabilitatea. Kontabilitate formala: nahitaezko liburuak, liburuetan datuak jarri eta gordetzea. Liburuak erakutsi eta haien berri ematea. Kontabilitate materiala: Urteko kontuak. Kontuen egiaztapena, auditoria eta gordailatzea.

15. gaia._Merkataritza enpresa. Banakako enpresaburua: gaitasuna eta debekuak. Froga, merkatari egoera eskuratu eta galtzea. Ezkontza eta merkataritzan jarduteko ahalmena. Atzerriko merkataria.

16. gaia._Merkataritza sozietateak. kontzeptua eta sailkapena. Eratzeko betebeharrak. Sozietate irregularra. Sozietateen nazionalitatea. Sozietate zibilak eta komanditazko sozietateak. Erantzukizun mugatuko sozietatea: bere araubide juridikoaren ezaugarri nagusiak.

17. gaia._Sozietate Anonimoa: Kontzeptua eta ezaugarriak. Fundazioa. Sozietatearen eskritura eta estatutuak. Akzioak eta obligazioak. Sozietate anonimoen organoak.

18. gaia._Merkataritza-sozietateen desegitea. Likidazioa eta zatiketa. Eraldatu, bat-egite eta bereiztea.

19. gaia._Lehiaketa. Aurrekontu subjektiboa eta objektiboa. Lehiaketaren deklarazio autoa. Hartzekodun, kreditu eta kontratuen gaineko ondorioak. Lehiaketaren masa. Hitzarmena: edukia eta ondorioak. Lehiaketa bukatzeko zergatikoak. Lehiaketaren kalifikazioa.

20. gaia._Baloreak. Kontzeptua eta sailkapena. Zuzeneko tituluak, agindurako tituluak, eramailearen tituluak eta tradizio-tituluak. Kanbio letra: kontzeptua eta betebehar formalak. Endosua. Onarpena. Letrarenordainketa.

21. gaia._Merkataritzako betebeharrak. Ezaugarri orokorrak. Merkataritza kontratuak: kontzeptua eta motak. Merkataritza kontratuen burutzapena, forma eta proba. Merkataritza kontratuen ezaugarri ekonomikoak aldatzearen ondorioak. Preskripzioa Merkataritza Zuzenbidean.

22. gaia._Merkataritzako salerosketa. Garraioko kontratua. Aseguru kontratua.

23. gaia._Merkataritzako Erregistroa. Bankuetako kontratuak: kontzeptua eta sailkapena.

Bigarren zatia

Lehenengo multzoa

Zuzenbide Administratiboa eta Ekonomia

1. gaia._Europar Batasuna. Sistema instituzionala. Batasuneko zuzenbidea: iturriak, ezaugarriak eta aplikazioa. Europako Zuzenbidearen eta kide diren estatuen antolamendu juridikoaren arteko loturak.

2. gaia._Espainiako 1978ko Konstituzioa. Ezaugarriak eta egitura. Koroa. Gorte Nagusiak. Gobernua. Botere Judiziala. Auzitegi Konstituzionala. Konstituzioaren erreforma.

3. gaia._Estatuko lurralde antolaketa. Komunitate Autonomoak: egitura eta eskumenak. Nafarroako Foru Komunitatea: ahalmenak eta eskumenak.

4. gaia._Administrazio Zuzenbidearen iturriak. Konstituzioa. Legea. Legearen indarra duten gobernuaren xedapenak. Erregelamendua: kontzeptua, ezaugarriak eta motak. Erregelamenduen mugak. Legez kanpoko erregelamenduak.

5. gaia._Administrazio publikoaren kontzeptua. Entitate publikoen motak. Zerbitzu publikoak kudeatzeko moduak. Zuzeneko kudeaketa. Zeharkako kudeaketa: kontzesio administratiboa.

6. gaia._Ahalmen administratiboak. Kontzeptua eta motak. Administrazio egintzak: kontzeptua eta ezaugarriak. Administrazio egintzen sailkapenak. Legezkotasunaren printzipioa. Administrazioak bere burua babesteko prozedura.

7. gaia._Administrazio egintzaren osagaiak: subjektua, objektua, xedea eta forma. Administrazioaren egintzen motibazioa eta jakinarazpena. Isiltasun administratiboa. Egintza politikoak edo Gobernuaren egintzak.

8. gaia._Administrazio egintzaren eraginkortasuna. Administrazioaren egintzak betearazteko ahalmena. Administrazioaren egintzen balioa eta baliorik eza. Administrazioaren egintzen atzera botatzea eta ofizioz indarrik gabe uztea.

9. gaia._Kontratu administratiboak. Izaera. Nafarroako Administrazio Publikoen Kontratuen araubide juridikoa.

10. gaia._Administrazio Publikoen ondarezko erantzukizuna. Jatorria eta bilakaera. Aurrekontuak. Erantzukizunezko egintza. Erakuntzizuna, errakuntza judiziala dela-eta eta Justizia Administrazioaren okerrek funtzionamendua dela-eta. Administrazioaren funtzionarioen eta agenteen erantzukizuna.

11. gaia._Administrazio prozedura. Kontzeptua eta helburuak. Printzipio orokorrak eta Administrazio Publikoen Araubide Juridikoari eta Administrazio Prozedura Erkideari buruzko Legearen aplikazio esparrua. Administrazio Prozedura Erkidearen ezaugarriak, osagaiak eta aldiak. Rasgos esenciales de los procedimientos especiales.

12. gaia._Errekurtso administratiboak. Kontzeptua eta motak. Errekurtsoen tramitazio orokorra.

13. gaia._Administrazioarekiko auzien jurisdikzioa: izaera, hedadura eta mugak. Administrazioarekiko auzien jurisdikzioaren organoak. Administrazioarekiko auzien prozesuak dituen parteak. Gaitasuna, legimimazioa eta defentsa. Administrazioarekio auzi-errekurtsoa jarri aurreko tramiteak. Administrazioarekiko auzien prozeduaren alderdi nagusiak. Epaien aurkako errekurtsoak.

14. gaia._Nafarroako Foru araubidea. Nafarroa Gaztelan sartu aurretik eta ondoren. 1841eko Lege Itundua: aurrekariak, izaera juridikoa eta edukia. Nafarroako Foru Eraentza Berrezarri eta Hobetzeko Lege Organikoa: izaera, egitura eta edukia.

15. gaia._Nafarroako Parlamentua edo Gorteak. Aurrekariak. Parlamentarien hautapena, onurabideak eta estatutua. Antolaketa eta funtzionamendua. Eginkizunak: gehien bat legegintzakoa.

16. gaia._Nafarroako Gobernua edo Foru Diputazioa. Aurrekariak. Osaketa, izendapena, kargu uztea, eskurantzak, funtzionamendua eta laguntza organoak. Lehendakaria: hautaketa, izendapena, kargu uztea eta eskurantzak. Lehendakariordeak eta kontseilariak. Nafarroako Gobernuaren lege ekimena eta erregelamendu ahalmena. Nafarroako Foru Komunitateko Administrazioaren egitura organikoa. Nafarroako Administrazio Auzitegia: aurrekariak, antolaketa eta eskumenak.

17. gaia._Nafarroako Toki Administrazioa. Nafarroako toki entitateen antolaketa eta administrazioa. Funtzionamendua. Prozedura. Ondasunak.

18. gaia._Jarduera ekonomikoa. Sistema ekonomikoak. Jarduera ekonomikoaren antolamendu motak. Sistema ekonomiko baten eginkizunak.

19. gaia._Errenta nazionala. Kontzeptua eta kalkulatzeko metodoak. Kontabilitate nazionala. Izaera eta xedeak. Input-output azterketa. Harreman sektorialak.

20. gaia._Dirua. Diruaren kontzeptua eta eginkizunak. Diru eskari eta eskaintza. Korritu tasaren eraketa.

21. gaia._Finantza sistema. Banku Zentrala. Merkataritzako bankuak. Beste bitarteko finantzario batzuk.

22. gaia._Nazioarteko merkataritza. Formulazio teorikoak. Babes arantzelarioa. Ordainketa balantza: kontzeptua eta egitura. Kanbio tasa. Ordainketen balantzaren oreka.

23. gaia._Eskariaren teoria. Erabilgarritasun kontzeptua. Indiferentzia kurbak. Kontsumitzailearen oreka. Eskariaren kurbak.

24. gaia._Produkzioaren teoria. Produkzioko eginkizunak. Produktibitatea. Produkzioaren oreka. Produkzioaren kostuak. Kontzeptua eta motak. Kostu eginkizunak. Eskaintzaren kurba. Enpresaren oreka.

25. gaia._Merkatua. Kontzeptua eta motak. Lehia libreko merkatuak eta monopoliozkoak. Prezioaren eraketa. Beste merkatu batzuen azterketa: lehia monopolistikoa eta oligopolioa.

26. gaia._Ekoizpen prozesua. Produkzioaren kostuak. Kostuaren egitura. Produkzioaren kostuak ezartzen dituen osagai nagusiak. Azpiproduktuen kostua.

27. gaia._Enpresa erakundea den aldetik. Esparru instituzionala. Kontzeptua. Errealitate ekonomikoa eta ingurua. Enpresa motak eta sailkapen irizpideak. Enpresaren helburuak. Zuzendu eta kudeatzeko sistemak.

28. gaia._Merkataritzako fondoa: Esanahi ekonomikoa. Baloratzeko teknika. Abian den enpresaren balorazioa.

29. gaia._Enpresaren egitura finkoaren finantzaketa. Autofinantzaketa. Amortizazio fondoen eginkizun finantzarioa. Amortizazio finantzarioak edo kapitalekoak deitzen direnak. Amortizazio teknikoen eta amortizazio finantzarioen arteko oreka.

30. gaia._Enpresako errentaren aldaketak. Arrazoien azkerketa. Espero den errentagarritasunaren eta izandakoaren arteko alderaketa. Errentagarritasuna, bere neurria. Enpresaren errentagarritasuna eta bertan inbertitutako kapitalaren korritua.

31. gaia._Azterketa finantzarioa. Finantziazio iturrien egitura. Oreka finantzarioa. Kontrol finantzarioa.

Bigarren zatia

Bigarren multzoa

Zuzenbide Administratiboa, ekonomia eta informatika

1. gaia._Europar Batasuna. Sistema instituzionala. Batasuneko zuzenbidea: iturriak, ezaugarriak eta aplikazioa. Europako Zuzenbidearen eta kide diren estatuen antolamendu juridikoaren arteko loturak.

2. gaia._Espainiako 1978ko Konstituzioa. Ezaugarriak eta egitura. Koroa. Gorte Nagusiak. Gobernua. Botere Judiziala. Auzitegi Konstituzionala. Konstituzioaren erreforma.

3. gaia._Estatuko lurralde antolaketa. Komunitate Autonomoak: egitura eta eskumenak. Nafarroako Foru Komunitatea: ahalmenak eta eskumenak.

4. gaia._Administrazio Zuzenbidearen iturriak. Konstituzioa. Legea. Legearen indarra duten gobernuaren xedapenak. Erregelamendua: kontzeptua, ezaugarriak eta motak. Erregelamenduen mugak. Legez kanpoko erregelamenduak.

5. gaia._Administrazio publikoaren kontzeptua. Entitate publikoen motak. Zerbitzu publikoak kudeatzeko moduak. Zuzeneko kudeaketa. Zeharkako kudeaketa: kontzesio administratiboa.

6. gaia._Ahalmen administratiboak. Kontzeptua eta motak. Administrazio egintzak: kontzeptua eta ezaugarriak. Administrazio egintzen sailkapenak. Legezkotasunaren printzipioa. Administrazioak bere burua babesteko prozedura.

7. gaia._Administrazio egintzaren osagaiak: subjektua, objektua, xedea eta forma. Administrazioaren egintzen motibazioa eta jakinarazpena. Isiltasun administratiboa. Egintza politikoak edo Gobernuaren egintzak.

8. gaia._Administrazio egintzaren eraginkortasuna. Administrazioaren egintzak betearazteko ahalmena. Administrazioaren egintzen balioa eta baliorik eza. Administrazioaren egintzen atzera botatzea eta ofizioz indarrik gabe uztea.

9. gaia._Kontratu administratiboak. Izaera. Nafarroako Administrazio Publikoen Kontratuen araubide juridikoa.

10. gaia._Administrazio prozedura. Kontzeptua eta helburuak. Printzipio orokorrak eta Administrazio Publikoen Araubide Juridikoari eta Administrazio Prozedura Erkideari buruzko Legearen aplikazio esparrua. Guztiendako Administrazio Prozeduraren ezaugarriak, osagaiak eta aldiak. Prozedura berezien funtsezko ezaugarriak.

11. gaia._Errekurtso administratiboak. Kontzeptua eta motak. Errekurtsoen tramitazio orokorra.

12. gaia._Administrazioarekiko auzien jurisdikzioa: izaera, hedadura eta mugak. Administrazioarekiko auzien jurisdikzioaren organoak. Administrazioarekiko auzien prozesuak dituen parteak. Gaitasuna, legimimazioa eta defentsa. Administrazioarekio auzi-errekurtsoa jarri aurreko tramiteak. Administrazioarekiko auzien prozeduaren alderdi nagusiak. Epaien aurkako errekurtsoak.

13. gaia._Nafarroako Foru araubidea. Nafarroa Gaztelan sartu aurretik eta ondoren. 1841eko Lege Itundua: aurrekariak, izaera juridikoa eta edukia. Nafarroako Foru Eraentza Berrezarri eta Hobetzeko Lege Organikoa: izaera, egitura eta edukia.

14. gaia._Nafarroako Parlamentua edo Gorteak. Aurrekariak. Parlamentarien hautapena, onurabideak eta estatutua. Antolaketa eta funtzionamendua. Eginkizunak: gehien bat legegintzakoa.

15. gaia._Nafarroako Gobernua edo Foru Diputazioa. Aurrekariak. Osaketa, izendapena, kargu uztea, eskurantzak, funtzionamendua eta laguntza organoak. Lehendakaria: hautaketa, izendapena, kargu uztea eta eskurantzak. Lehendakariordeak eta kontseilariak. Nafarroako Gobernuaren lege ekimena eta erregelamendu ahalmena. Nafarroako Foru Komunitateko Administrazioaren egitura organikoa. Nafarroako Administrazio Auzitegia: aurrekariak, antolaketa eta eskumenak.

16. gaia._Nafarroako Toki Administrazioa. Nafarroako toki entitateen antolaketa eta administrazioa. Funtzionamendua. Prozedura. Ondasunak.

17. gaia._Jarduera ekonomikoa. Sistema ekonomikoak. Jarduera ekonomikoaren antolamendu motak. Sistema ekonomiko baten eginkizunak.

18. gaia._Finantza sistema. Banku Zentrala. Merkataritzako bankuak. Beste bitarteko finantzario batzuk.

19. gaia._Enpresa erakundea den aldetik. Esparru instituzionala. Kontzeptua. Errealitate ekonomikoa eta ingurua. Enpresa motak eta sailkapen irizpideak. Enpresaren helburuak. Zuzendu eta kudeatzeko sistemak.

20. gaia._Enpresaren egitura finkoaren finantzaketa. Autofinantzaketa. Amortizazio fondoen eginkizun finantzarioa. Amortizazio finantzarioak edo kapitalekoak deitzen direnak. Amortizazio teknikoen eta amortizazio finantzarioen arteko oreka.

21. gaia._Enpresako errentaren aldaketak. Arrazoien azkerketa. Espero den errentagarritasunaren eta izandakoaren arteko alderaketa. Errentagarritasuna, bere neurria. Enpresaren errentagarritasuna eta bertan inbertitutako kapitalaren korritua.

22. gaia._Azterketa finantzarioa. Finantziazio iturrien egitura. Oreka finantzarioa. Kontrol finantzarioa.

23. gaia._Informazio sistemak. Aplikazioen gaineko dokumentazioa. Erabiltzaileendako esku-liburuak. Erabiltzaileak eta informazio sistemak. Informatikarien eta erabiltzaileen arteko harremana. Eginkizunetarako laguntza.

24. gaia._Oinarrizko informatika. Hardwarea. Informatika sistema baten osagai nagusiak. Softwarea eta sistema eragileak. Windows XP: Windowsi buruzko oinarrizko ariketak. NT-ren erabiltzaileak; fitxategien morroiekiko loturak.

25. gaia._Oinarrizko informatika. Telekomunikazio eta sareei buruzko oinarrizko kontzeptuak. Internet, Intranet eta Extranet. Atari korporatiboak. Fitxategien eta Interneten oinarrituriko zerbitzuen transferentzia.

26. gaia._Posta elektronikoa. Microsoft Outlook: posta-kontua, postontzia, ontzia; egutegia; harremanak; karpeta pertsonalak eta publikoak; elkarlanaren elementuak; aukerak eta lanabesak. Microsoft Exchange Server (oinarrizko ezagutza).

27. gaia._Ofimatika. Testu prozesadoreak: funtsezko kontzeptuak. Microsoft Word: oinarrizko ariketak. Lan eremua; idatzi eta editatzea; testuaren formatua; orriaren diseinua eta konposizioa; estiloak; plantillak; tresnak; taulak; artxiboen administrazioa; eremuekin lan egitea; inprimatzea. Makroekin lan egitea.

28. gaia._Ofimatika. Kalkulu orriak: funtsezko kontzeptuak. Microsoft Excel, laneko liburuak, orriak, gelatxoak, gelatxoak eta komandoak hautatzea, datuak sartzea, formulak eta loturak sortzea, funtzioak erabiltzea, kalkulu-orri bat editatzea, formatuak, grafikoak, inprimatzea. Makroekin lan egitea.

29. gaia._Datu baseak: funtsezko kontzeptuak. Datu erlazionalen basea. Entitatea/erlazioa eredua. SQL mintzaira. Biltegietako prozedurak. Microsoft SQL Server eta Microsoft Access.

30. gaia._Ofimatikako bestelako tresnak: Microsoft Power Point: aurkezpen diseinuak. Aurkezpenen erreprodukzioa: Microsoft Visio. Diagrama motak. Microsoft Project: proiektuak kudeatzeko oinarrizko ezagutza.

31. gaia._Ezagutzaren kudeaketa. Ideia orokorrak. Dokumentuen kudeaketa eta informazio biltegiak. Erabakiak hartzen laguntzeko sistemak. Talde lana eta lan emaria. Datu base dokumentalak.

32. gaia._Informazio sistemetako segurtasuna. Oinarritu eta berreskuratzeko prozedurak. Enkriptatze algoritmoak eta erabilera praktikoak (izenpe digitala, PKI). Datu Pertsonalak Babesteko Lege Organikoa eta hari loturiko xedapenak.

Hirugarren ariketa

Lehenengo zatia

Finantzen eta Zergen Zuzenbidea

1. gaia._Zuzenbide Finantzarioa: kontzeptua, autonomia eta edukia. Ogasun publikoa Espainiako Konstituzioan.

2. gaia._Aurrekontu-zuzenbidea: kontzeptua eta edukia. Aurrekontuei buruzko Lege Orokorra. Estatuko Aurrekontu Orokorrak. Nafarroako Ogasun Publikoari buruzko Foru Legeak gai hauek nola arautzen dituen. Nafarroako Kontu Orokorrak.

3. gaia._Gastu publikoa egiteko prozedura orokorra. Nafarroako Ogasun Publikoarekiko zorren iraungipena. Gastu publikoa egiteko prozedura bereziak. Nafarroako Ogasun Publikoaren betebeharrak.

4. gaia._Finantza-jarduera publikoaren kontrola: kontzeptua, motak eta esparrua. Kontrol organoak: Kontuen Auzitegia. Comptos Ganbera. Kontu-hartzailetza Nafarroan.

5. gaia._Zuzenbide Finantzarioa: kontzeptua eta edukia. Iturriak. Tributuei buruzko Foru Lege Orokorra: printzipio orokorrak eta zergapekoen eskubide orokorrak.

6. gaia._Nafarroako zerga arauen aplikazioa eta interpretazioa. Denbora-esparrua eta toki-esparrua. Legearen kontrako iruzurra. Analogia Finantza-zuzenbidean. Simulazioa.

7. gaia._Tributuak Nafarroan: kontzeptua, helburuak eta motak. Harreman juridiko-tributarioa. Zergapeko egintza. Loturarik eza nahiz salbuespena. Salbuespen subjektiboak eta objektiboak. Sortzapena. Preskripzioa.

8. gaia._Tributudunak: Motak. Subjektu pasiboak. Zergadunak. Ondorengoak. Erantzule solidarioak eta subsidiarioak. Bestelako tributudunak. Jarduteko gaitasuna. Ordezkaritza. Helbide fiskala.

9. gaia._Zerga oinarria: kontzeptua eta zehaztu edo kalkulatzeko araubideak. Likidazio-oinarria. Balioen egiaztapena. Karga-tasa. Zerga-kuota. Tributu-zorra.

10. gaia._Tributuen kudeaketa Nafarroan (I). Kontzeptua eta ezaugarriak. Tributudunei informazioa eta laguntza ematea. Zergei buruzko kontsulta. Tributuen kudeaketarako entitate laguntzaileak. Identifikazio fiskalerako zenbakia. Zentsuaren kudeaketa. Fakturazio betebeharra. Hirugarren pertsonekiko eragiketen urteko aitorpena.

11. gaia._Tributuen kudeaketa Nafarroan (II). Tributuen kudeaketaren prozedura. Hasiera. Tributu aitorpena. Autolikidazioak. Salaketa publikoa. Tributu Administrazioari laguntzeko beharra. Ebazteko beharra eta epeak. Entzunaldia eta alegazioak. Jakinarazpenak. Froga.

12. gaia._Tributuen kudeaketa Nafarroan (III). Egiaztatzeko eta ikuskatzeko jarduketak. Egiaztapen laburtua. Tributuaren arloko likidazioak: Izaera eta motak. Okerreko diru-sarreren itzulketa. Autolikidazioen zuzenketa eta zergetan eragina duten egintzen inpugnazioa eta konturako atxikipen eta sarrerena.

13. gaia._Zergak biltzeko prozedura Nafarroan (I). ezaugarriak eta legezko araubidea. Nafarroako Ogasun Publikoaren dirubilketa organoak. Zorren iraungipena: ordaintzea eta beste bide batzuk. Nork ordaindu behar. Tributu zorraren bermeak. Gerorapenak eta zatikako ordainketak.

14. gaia._Zergak biltzeko prozedura Nafarroan (II). Dirubilketa derrigorrezko aldian. Premiamendu prozedura. Prozeduraren ezaugarriak. Faseak: hasiera, ondasun eta eskubideen bahitura, besterentzea eta prozeduraren bukaera. Hirugarrengotzak. Erantzule eta oinordekoentzako prozedurak.

15. gaia._Zergak ikuskatzeko prozedura Nafarroan (I). Tributuen ikuskapena: eginkizunak, antolaketa, eskubideak eta betebeharrak. Ahalmenak. Jarduketa motak. Zergen arloan garrantzitsua den informazioa lortzeko jarduketak. Informazio eta aholkurako jarduketak.

16. gaia._Zergak ikuskatzeko prozedura Nafarroan (II). Egiaztatzeko eta ikertzeko jarduketak. Jarduketen tokia eta denbora. Prozeduraren hasiera, garapena eta bukaera. Ikuskapen jardueraren agiriak. Zehapenak ezartzea.

17. gaia._Arau-hausteak eta zehapenak Zergei buruzko Zuzenbide nafarrean. Ogasun publikoaren kontrako delituak.

18. gaia._Bide administrazioko berrikuspena, Nafarroako Zerga Administrazioak agindutako egintzen kasuan: Berrikuspeneko prozedura bereziak. Errekurtsoak: Arau orokorrak. Berraztertzeko errekurtsoa. Inpugnazio ekonomiko-administratiboak.

Bigarren zatia

Nafarroako Zergen Zuzenbidea

1. gaia._1841eko Lege Itunduaren xedapenak Ogasunaren arloan. Hitzarmen ekonomikoaren eta Itun ekonomikoaren arteko desberdintasunak. Nafarroaren eta Estatuaren arteko Hitzarmen Ekonomikoen historia laburra. Nafarroako Foru Eraentza Hobetu eta Berrezartzeari buruzko Lege Organikoaren arlo horretako xedapenak.

2. gaia._1990eko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren arabera (I). Xedapen orokorrak. Tributu-harmonizazioa. Pertsona Fisikoen Errentaren gaineko Zerga. Ondarearen gaineko Zerga. Egoitzagabeen gaineko zerga. Oinordekotzaren eta Dohaintzen gaineko Zerga.

3. gaia._1990ko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren arabera (II). Sozietateen gaineko Zerga eta Balio Erantsiaren gaineko Zerga. Eragiketak zein tokitan egiten diren. Kudeaketa. Ikuskapena.

4. gaia._1990ko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren (III.a) arabera (III). Zerga bereziak. Zenbait hidrokarburoren txikikazko salmenten gaineko zerga. Aseguruetako primen gaineko zerga. Ondare Eskualdaketen eta Egintza Juridiko Dokumentatuen gaineko Zerga. Jokoaren gaineko tributuak. Tasak. Toki Ogasunak.

5. gaia._1990ko uztailaren 31ko Hitzarmen Ekonomikoa, 2003ko urtarrilaren 22ko Eguneratze Akordioaren (IV.a) arabera. Arbitraje Batzordea. Diru aportazioa. Batzorde Koordinatzailea.

6. gaia._Ekonomia eta Ogasun Departamentua: Eginkizunak eta egitura. Nafarroako Zerga Ogasuna erakunde autonomoa: egitura eta eginkizunak.

7. gaia._Pertsona Fisikoen Errentaren gaineko Zerga (I): Zergapeko egintza. Subjektu pasiboa. Dirusarrera eta gastuen aldi bateko egozketa.

8. gaia._Pertsona Fisikoen Errentaren gaineko Zerga (II): Zerga-oinarria. Lanaren, kapitalaren, enpresa jardueren eta lanbide jardueren etekinak, ondarea handitu eta murriztea. Errentak egoztea, nazioarteko gardentasun fiskala eta Inbertsio Kolektiboko Erakundeak. Errenta motak, integrazioa eta konpentsazioa.

9. gaia._Pertsona Fisikoen Errentaren gaineko Zerga (III): Zergaldia eta zergaren sortzapena. Tributu zorra. Likidazio oinarria: kuota osoa, likidoa eta diferentziala. Taldeko tributazioa. Atxikipenak eta konturako beste ordainketa batzuk. Zergaren kudeaketa.

10. gaia._Egoitzagabeen errentaren gaineko zerga: ezaugarriak, helburua eta aplikazio eremua. Elementu pertsonalak. Zergarekiko lotura. Establezimendu iraunkorren bitartez eskuratutako errentak. Establezimendu iraunkorrik gabe eskuratutako errentak. Erakunde ez-egoiliarren ondasun higiezinen gaineko karga-tasa bereziak. Beste xedapen batzuk.

11. gaia._Ondarearen gaineko Zerga. Zergapeko egintza. Subjektu pasiboa. Ondareko elementuen zergapetzea eta egozketa. Zerga-oinarria. Likidazio oinarria. Sortzapena. Zerga zorra. Zergaren kudeaketa.

12. gaia._Sozietateen gaineko Zerga (I). Zergapeko egintza. Subjektu pasiboa. Zerga-oinarria. Zergaldia eta zergaren sortzapena. Dirusarrera eta gastuen aldi bateko egozketa.

13. gaia._Sozietateen gaineko Zerga (II). Tributu-zorra. Hobariak eta kenkariak. Ordainketa zatikatua. Zergaren kudeaketa.

14. gaia._Sozietateen gaineko Zerga (III). Zerga araubide bereziak: ondare sozietateen araubidea. Salbuespen partziala duten entitateen araubidea. Etxebizitzak errentan ematea jardueratzat duten entitateak. Zerga-bateratzerako erregimena. Bat-egiteak, zatiketak, aktiboen ekarpenak eta baloreen trukea. Beste araubide berezi batzuk: aipamena eta oinarrizko ezaugarriak.

15. gaia._Oinordetzen eta Dohaintzen gaineko Zerga. Xedapen orokorrak. Zergapeko egintza. Salbuespenak. Subjektu pasibo eta erantzuleak. Zerga-oinarria. Likidazio-oinarria. Tributu-zorra. Sorrarazpena eta preskripzioa. Arau bereziak.

16. gaia._Ondare-eskualdaketen eta egintza juridiko dokumentatuen gaineko zerga (I). Kostu bidezko ondare eskualdaketak: zerga gaia, elementu pertsonalak eta zerga oinarriak eta zerga zorrak zehaztea. Kasu bereziak.

17. gaia._Ondare-eskualdaketen eta egintza juridiko dokumentatuen gaineko zerga (II). Sozietate eragiketak. Zerga gaia, elementu pertsonalak eta zerga oinarriak zehaztea. Egintza Juridiko Dokumentatuak: tributazioa. Denetarako xedapenak.

18. gaia._Balio Erantsiaren gaineko Zerga (I). Zergagaiaren zehaztapena: ondasun-emate eta zerbitzu-emateak. Europar Batasunaren barneko ondare-eskuraketak. Salbuespenak. Sortzapena. Zerga oinarria.

19. gaia._Balio Erantsiaren gaineko Zerga (II). Subjektu pasiboak. Zerga-tasak. Kenkariak eta itzulketak.

20. gaia._Balio Erantsiaren gaineko Zerga (III). Araubide bereziak. Subjektu pasiboen betebeharrak. Zergaren kudeaketa.

21. gaia._Zerga Bereziak. zerga gaiak, elementu pertsonalak eta zerga zorra zehaztea. Aseguruetako primen gaineko zerga.

22. gaia._Tasa fiskalak: kontzeptua, aplikazio esparrua, zergapeko egintza, subjektu pasiboa, erantzuleak, sortzapena, kudeaketa eta likidazioa. Ezarritako tasa nagusiak. Prezio publikoak.

23. gaia._Nafarroako Toki Ogasunen tributuak. Jarduera ekonomikoen gaineko zergaren eta Lurraren gaineko kontribuzioaren azterketa berezia.

Oharra:

Gai guztiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina egun horren ondoren onetsitako arau aldaketen ekarpenak baloratzen ahalko ditu epaimahaiak.

Iragarkiaren kodea: F0609533