66. ALDIZKARIA - 2006ko ekainaren 2a

I. NAFARROAKO FORU KOMUNITATEA

1.2. AGINTARIAK ETA LANGILEAK

1.2.2. Plantilla Organikoa, Lan Eskaintza Publikoa, oposizioak eta lehiaketak

DEIALDIA, Funtzio Publikoaren zuzendari nagusiak maiatzaren 22ko 1349/2006 Ebazpenaren bitartez onetsia, Nafarroako Foru Komunitateko Administrazioaren eta haren erakunde autonomoen zerbitzuko administrari laguntzaile izateko 256 lanpostu oposizio bidez betetzekoa. Lanpostu horietako 12 lan araubidekoak dira, 8 lanaldi partzialeko kontratua izatekoak eta 4 lan araubide finkoan aldizka aritzeko Errenta Kanpainetan.

Funtzio Publikoaren zuzendari nagusiak maiatzaren 22an emandako 1349/2006 Ebazpenaren bitartez, Nafarroako Foru Komunitateko Administrazioaren eta haren erakunde autonomoen zerbitzuko administrari laguntzaile izateko 256 lanpostu oposizio bidez betetzekoa. Lanpostu horietako 12 lan araubidekoak dira, 8 lanaldi partzialeko kontratua izatekoak eta 4 lan araubide finkoan aldizka aritzeko Errenta Kanpainetan.

Hautapen prozesua ondoko hauetan xedatutakoari jarraikiz eginen da: Nafarroako Administrazio Publikoen zerbitzuko Langileen Estatutuaren Testu Bategina, abuztuaren 30eko 251/1993 Legegintzako Foru Dekretuaren bidez onetsi zena, aipatu estatutua garatu eta burutzeko Sarrera Erregelamendua, gainerako aplikazio arauak eta deialdi honetako oinarriak.

1._Deialdiaren xedea.

1.1. Deialdi honen xedea da administrari laguntzaile izateko 256 lanpostu oposizio bidez betetzea, ondoko txanda hauetan banaturik:

_111 lanpostu txanda irekian.

_111 lanpostu igoera txandan.

_34 lanpostu txanda murriztuan, %33ko edo hortik gorako ezgaitasuna duten pertsonentzat.

1.2. Hauek dira eskaintzen diren lanpostu hutsak:

.4 Nafarroako Zerga Ogasunean. Lan araubidea izanen dute eta aldizkako lanpostu finkoak izanen dira. Lanpostuen zenbakiak: 4248, 4249, 4255 eta 4261. Destinoa Iruñean.

.24 lanpostu Hezkuntza Departamentuan:

_2 Corellan: 1 "José Luis Arrese" ikastetxe publikoan (lanpostuaren zenbakia: 33555), eta 1 "Alhama" Bigarren Hezkuntzako Institutuan (lanpostuaren zenbakia: 34432).

_1 Altsasuko "San Miguel de Aralar I" Bigarren Hezkuntzako Institutuan (lanpostuaren zenbakia: 34696). Beharrezkoa da euskaraz jakitea, 3. hizkuntz maila.

_2 Barañainen: 1 "Alaiz" ikastetxe publikoan (lanpostuaren zenbakia: 35711), eta 1 "Alaiz" Bigarren Hezkuntzako Institutuan (lanpostuaren zenbakia: 35712). Bietan beharrezkoa da euskaraz jakitea, 3. hizkuntz maila.

_2 Tuteran: 1 "Elvira España" ikastetxe publikoan, lanaldi partzialeko kontratupeko lan araubidean aritzeko (lanpostuaren zenbakia 37461), eta 1 Hizkuntza Eskola Ofizialean (lanpostuaren zenbakia 35719).

_1 Lekaroz-Elizondoko Bigarren Hezkuntzako Institutuan (lanpostuaren zenbakia 36070). Beharrezkoa da euskaraz jakitea, 3. hizkuntz maila.

_2 Zizur Nagusian: 1 "Erreniega" ikastetxe publikoan (lanpostuaren zenbakia: 36110), eta 1 Bigarren Hezkuntzako Institutuan (lanpostuaren zenbakia: 36072). Lehenengoan beharrezkoa da euskaraz jakitea, 3. hizkuntz maila.

_1 Agoizko Bigarren Hezkuntzako Institutuan (lanpostuaren zenbakia 36112). Beharrezkoa da euskaraz jakitea, 3. hizkuntz maila.

_1 Larraintzarko "Obispo Irurita" ikastetxe publikoan eta Derrigorrezko Bigarren Hezkuntzako Institutuan eta Jauntsarasko "Oihanzabal" ikastetxe publikoan (lanpostuaren zenbakia: 36113). Beharrezkoa da euskaraz jakitea, 3. hizkuntz maila.

_1 Noaingo "San Miguel" ikastetxe publikoan eta Iruñeko "José María Iribarren" ikastetxe publikoan (lanpostuaren zenbakia: 36566).

_1 Zarrakazteluko "Virgen de la Oliva" ikastetxe publikoan eta Derrigorrezko Bigarren Hezkuntzako Institutuan (lanpostuaren zenbakia: 37434).

_1 Irurtzungo "Atakondoa" ikastetxe publikoan (lanpostuaren zenbakia: 37454), lanaldi partzialeko kontratupeko lan araubidean aritzeko.

_1 Lodosako "Angel Martínez Baigorri" ikastetxe publikoan (lanpostuaren zenbakia: 37456), lanaldi partzialeko kontratupeko lan araubidean aritzeko.

_1 Mendabiako "Joaquín Romera" Derrigorrezko Bigarren Hezkuntzako Institutuan eta "San Francisco Javier" ikastetxe publikoan (lanpostuaren zenbakia: 37457), lanaldi partzialeko kontratupeko lan araubidean aritzeko.

_3 Hezkuntza Departamentuko egoitza nagusian (lanpostuen zenbakiak: 31037, 31444 eta 33058). Denetan beharrezkoa da euskaraz jakitea, 3. hizkuntz maila.

_1 Iruñeko "Cardenal Ilundáin" ikastetxe publikoan (lanpostuaren zenbakia: 37453), lanaldi partzialeko kontratupeko lan araubidean aritzeko.

_1 Iruñeko "José María Iribarren" Helduen Oinarrizko Hezkuntzako ikastetxe publikoan (lanpostuaren zenbakia: 37460), lanaldi partzialeko kontratupeko lan araubidean aritzeko.

_1 Azkoiengo "Ribera del Arga" Bigarren Hezkuntzako Institutuan (lanpostuaren zenbakia: 37459), lanaldi partzialeko kontratupeko lan araubidean aritzeko.

_1 Vianako "Del Camino" Derrigorrezko Bigarren Hezkuntzako Institutuan eta "Ricardo Campano" ikastetxe publikoan (lanpostuaren zenbakia: 37458), lanaldi partzialeko kontratupeko lan araubidean aritzeko.

.222 Nafarroako Osasun Zerbitzua-Osasunbidea erakunde autonomoan:

32 Bideko Ama Birjina Ospitaleari atxikiak:

_26 Bideko Ama Birjina Ospitalean. Lanpostuen zenbakiak: 64099, 64108, 64139, 64286, 64376, 64456, 64891, 64951, 65044, 65165, 65214, 65541, 66473, 66475, 66477, 66478, 66480, 66481, 66686, 67432, 67933, 67937, 67938, 68379, 68380 eta 68381.

_1 Burlatako ELZn. Lanpostuaren zenbakia: 67451.

_1 Txantreako ELZn. Lanpostuaren zenbakia: 67548.

_1 Iturramako ELZn. Lanpostuaren zenbakia: 68244.

_1 Tafallako ELZn. Lanpostuaren zenbakia: 68593.

_1 Zabalguneko-Alde Zaharreko-Etxarri Aranazko azpiunitateko ELZn. Lanpostuaren zenbakia. 67934.

_1 Ermitagaña-Barañaingo ELZn. Lanpostuaren zenbakia: 67558.

24 Nafarrroako Ospitalean. Lanpostuen zenbakiak: 61199, 62169, 62452, 62542, 62548, 62776, 63026, 63094, 63174, 63410, 63426, 63487, 63648, 65888, 66714, 67660, 68029, 68030, 68033, 68358, 68636, 68638, 68639 eta 68640.

65 Oinarrizko Osasun Laguntzan:

_5 Oinarrizko Osasun Laguntzako Zuzendaritzan. Lanpostuen zenbakiak: 60257, 68715, 68716, 68717 eta 68718.

_4 Ospitalez kanpoko Larrialdietarako Zerbitzuan. Lanpostuen zenbakiak: 68719, 68721, 68723 eta 68724.

_4 Barañaingo OOLTn. Lanpostuen zenbakiak: 60077, 60417, 60484 eta 67708.

_3 Berriozarko OOLTn. Lanpostuen zenbakiak: 60148, 66610 eta 68144.

_3 Azpilagañako OOLTn. Lanpostuen zenbakiak: 66859, 66861 eta 67579.

_1 Ermitagañako OOLTn. Lanpostuaren zenbakia: 68322.

_2 Uharteko OOLTn. Lanpostuen zenbakiak: 68714 eta 66616. Beharrezkoa da euskaraz jakitea, 1. hizkuntz maila.

_1 Etxarri Aranazko OOLTn. Lanpostuaren zenbakia: 60612. Beharrezkoa da euskaraz jakitea, 1. hizkuntz maila.

_1 Irurtzungo OOLTn. Lanpostuaren zenbakia: 68569.

_3 Arrotxapeko OOLTn. Lanpostuen zenbakiak: 60074, 60101 eta 67580.

_3 Donibaneko OOLTn. Lanpostuen zenbakiak: 60163, 67569 eta 67571.

_1 Doneztebeko OOLTn. Lanpostuaren zenbakia: 67526.

_1 Artaxoako OOLTn. Lanpostuaren zenbakia: 68713.

_2 Burlatako OOLTn. Lanpostuaren zenbakiak: 60431 eta 66612.

_2 Zarrakazteluko OOLTn. Lanpostuen zenbakiak: 61013 eta 68567.

_1 Zizur-Etxabakoizko OOLTn. Lanpostuaren zenbakia: 68323.

_2 Txantreako OOLTn. Lanpostuen zenbakiak: 60797 eta 66613.

_3 II. Zabalguneko OOLTn. Lanpostuen zenbakiak: 60078, 67648 eta 67649.

_3 Iturramako OOLTn. Lanpostuen zenbakiak: 60442, 60955 eta 68327.

_3 Arrosadiko OOLTn. Lanpostuen zenbakiak: 66822, 66823 eta 66825.

_3 Azkoiengo OOLTn. Lanpostuen zenbakiak: 66619, 68326 eta 68711.

_1 Noaingo OOLTn. Lanpostuaren zenbakia: 68324.

_1 Garesko OOLTn. Lanpostuaren zenbakia: 68712.

_1 Orkoiengo OOLTn. Lanpostuaren zenbakia: 60055.

_1 Agoizko OOLTn. Lanpostuaren zenbakia: 60067.

_3 Zangozako OOLTn. Lanpostuen zenbakiak: 60118, 60162 eta 61015.

_2 Altsasuko OOLTn. Lanpostuen zenbakiak: 61002 eta 66309. Azken horretan beharrezkoa da euskaraz jakitea, 1. hizkuntz maila.

_1 Erriberriko OOLTn. Lanpostuaren zenbakia: 61012.

_2 Elizondoko OOLTn. Lanpostuen zenbakiak: 66604 eta 66608. Azken horretan beharrezkoa da euskaraz jakitea, 1. hizkuntz maila.

_1 Zaraitzuko OOLTn. Lanpostuaren zenbakia: 66606.

_1 Aurizko OOLTn. Lanpostuaren zenbakia: 66611. Beharrezkoa da euskaraz jakitea, 1. hizkuntz maila.

43 Anbulatorioen eta Ospitalez kanpoko Laguntzaren Zuzendaritzan. Lanpostuen zenbakiak: 60072, 60084,60160, 60408, 60483, 61071, 61354, 61417, 61587, 61774, 62166, 62386, 62429, 62549, 62970, 63779, 64072, 64210, 64231, 64262, 67310, 67705, 67738, 67741, 67742, 67743, 67744, 67745, 67747, 67751, 67752, 68304, 68305, 68306, 68307, 68308, 68555, 68556, 68557, 68558, 68559, 68684 eta 68687.

21 Lizarrako Osasun Barrutian:

_13 Lizarrako Ospitalean. Lanpostuen zenbakiak: 62660,63219, 63786, 63888, 66656, 67968, 67969, 67970, 67971, 67974, 68331, 68332 eta 68614.

_1 Lodosako OOLTn. Lanpostuaren zenbakia: 62653.

_3 San Adriango OOLTn. Lanpostuen zenbakiak: 62656, 66654 eta 68333.

_3 Lizarrako OOLTn. Lanpostuen zenbakiak: 62633, 67973 eta 68068.

_1 Los Arcosko OOLTn. Lanpostuaren zenbakia: 62651.

21 Tuterako Osasun Barrutian:

_11 Tuterako Ospitalean. Lanpostuaren zenbakiak: 64039, 64232, 65065, 65608, 67360, 67363, 67810, 67813, 68765, 68766 eta 68768.

_1 Tuterako Ekialdeko OOLTn. Lanpostuaren zenbakia: 67365.

_2 Corellako OOLTn. Lanpostuaren zenbakiak: 64184 eta 64131.

_1 Tuterako Mendebaldeko OOLTn. Lanpostuaren zenbakia: 64196.

_1 Cascanteko OOLTn. Lanpostuaren zenbakia: 67424.

_2 Cintruenigoko OOLTn. Lanpostuen zenbakiak: 66664 eta 67367.

_2 Valtierra-Cadreitako OOLTn. Lanpostuen zenbakiak: 66666 eta 66667.

_1 Buñuelgo OOLTn. Lanpostuaren zenbakia: 66447.

8 Osasun Publikoaren Institutuan. Lanpostuen zenbakiak: 67019, 67073, 67074, 67075, 67078, 67085, 67779 eta 67780.

8 Ubarmin Klinikan. Lanpostuen zenbakiak: 62670, 63002, 63579, 66286, 67760, 67762, 67763 eta 68084.

.4 Nekazaritza, Abeltzaintza eta Elikadura Departamentuan. B motako ibilgailuak gidatzeko baimena beharrezkoa da hauetan: 1 Ariben (lanpostuaren zenbakia: 5452); 1 Larragan (lanpostuaren zenbakia: 5849); 1 Cintruenigon (lanpostuaren zenbakia: 5913); eta 1 Larraintzarren (lanpostuaren zenbakia: 6616).

_1 Nafarroako Enplegu Zerbitzuan, Lodosan aritzeko. Lanpostuaren zenbakia: 6617.

_1 Nafarroako Gizarte Ongizatearen Institutuko San José zentroan. Lanpostuaren zenbakia: 3192. Destinoa Iruñean.

1.3. Igoera txandako lanpostuak hutsik geldituz gero, izangaiek hautapen probak gainditzeko behar den gutxieneko puntuazioa atera ez dutelako, txanda irekikoei gehituko zaizkie.

Ezgaitasuna dutenendako txandako lanpostuak, izangaiek hautapen probak gainditzeko behar den gutxieneko puntuazioa atera ez dutelako bete gabe geldituz gero, bertze txandetakoei gehituko zaizkie, Nafarroako Administrazio Publikoen zerbitzuko Langileen Estatutuaren 15.3 artikuluan ezarritako ordenaren arabera.

Orobat, igoera txandan edo/eta minusbaliatuentzako txandan eskaintzen diren lanpostuak baino izangai gehiagok gainditzen badute, txanda horretan lanpostua eskuratzen ez dutenek aukera izanen dute txanda irekiko lanpostu hutsak eskuratzeko, txanda horretako izangaiekin lehia garbian eta eskuratutako azken puntuazioaren arabera.

Era berean, txanda irekiko lanpostuak eskuratzeko aukera izanen dute, aurreko lerroaldean adierazitako moduan, deialdiko 7.2. oinarrian agiriak aurkezteko ezartzen den epea bukatzen denean deialdiko 2.1.2 oinarriko eskakizun berariazkoak betetzen ez dituzten igoera txandako izangaiek.

1.4. Lanpostuek D mailako lansariak izanen dituzte, uztailaren 4ko 158/1984 Foru Dekretuaren bidez onetsitako Lansarien Behin-behineko Erregelamenduan eta, kasuan kasu, aplikatu beharreko gainerako xedapenetan ezarritakoari jarraikiz.

1.5. Halaber, deialdi honen bidez hauta-probak gainditu bai baina lanposturik lortzen ez duten izangaiekin aldi baterako kontratatuak izateko izangaien zerrenda bat osatu nahi da, deialdi honetako 3., 10., 11., 12. eta 13. oinarrietan xedaturikoarekin bat.

2._Izangaiek bete beharreko baldintzak.

2.1. Oposizio honetan onartuak izateko, izangaiek, eskabideak aurkezteko epea amaitzen den egunean eta agiriak aurkezteko epearen barrenean (deialdiaren 7.2 atalean adierazia) eta lanpostuaren jabetza hartu edo lanpostuan hasi arte, baldintza hauek bete beharko dituzte:

2.1.1. Txanda irekiko izangaiek bete beharreko baldintzak.

a) Espainiarra izatea, edo Europar Batasuneko beste estatu batekoa, edo, Europar Batasunak izenpetu eta Espainiak berretsitako nazioarteko itunak direla medio, langileen zirkulazio librea aplikatzen den eremuko estatu batekoa.

Orobat, espainiarren eta Europar Batasuneko beste estatuetako edo aipatu nazioarteko itunek ukitutako estatuetako herritarren ezkontideek hartzen ahal dute parte; halaber, haien ondorengoek eta ezkontidearenek, zuzenbidez bereizita ez badaude, 21 urtetik beherakoak badira edo, gorakoak izanik, haien kontura biziz gero.

b) Adin nagusikoa izatea eta erretiroko adina ez izatea.

c) Eskola-Graduatuko titulua, Lanbide Heziketako Lehen Mailako titulua edo horien baliokidea izatea, edo eskaerak aurkezteko epea bukatzen den egunean titulu hori eskuratzeko moduan egotea.

Atzerrian lorturiko tituluak izanez gero, aipatu epea betetzen den egunean, haren homologazioa frogatzen duen agiriaren jabe izatea.

d) Bete behar dituen eginkizunetan aritzeko adinako gaitasun fisiko eta psikikoa izatea.

e) Eginkizun publikoetan aritzeko desgaitu edo gabetua ez egotea eta administrazio publikoren baten zerbitzutik bereizia ez izatea.

Espainiako nazionalitatea ez duten izangaiek frogatu beharko dute beren Estatuko Funtzio Publikoan sartzea eragozten dien diziplina zehapenik edo zigor penalik ez dutela.

f) Hizkuntza Eskola Ofizial batek luzaturiko Euskarazko Gaitasun Agiria edo ofizialki baliokidetzat jotzen den titulua edukitzea, euskara jakitea (3. hizkuntz maila) betebeharra duten lanpostuetara aurkeztu nahi izanez gero, eta Hizkuntza Eskola Ofizial batean lau kurtso edo, bestela, Nafarroako Gobernuak antolatutako ikastaroetan bederatzi "urrats" gainditu dituela frogatzen duen agiria, hizkuntza hori jakitea betebeharra (1. hizkuntz maila) duten lanpostuetara aurkeztu nahi izanez gero.

Izangaiak, titulu edo kurtso horiek ez baditu, proba bat egiteko aukera izanen du, eta horrela zehaztuko da beharrezkoa den maila baduen hizkuntza horretan. Izangaiek, proba hori egin nahi badute, deialdian parte hartzeko eskabidean adierazi beharko dute, horri dagokion tokian.

g) B motako ibilgailuak gidatzeko baimena izatea, betebehar hori duen lanpostua eskuratu gogo denean.

2.1.2. Igoera txandako izangaiek bete beharreko baldintzak.

Igoera txandako izangaiek baldintza hauek bete beharko dituzte:

a) Nafarroako edozein Administrazio Publikotako langile finkoa izatea, edo Nafarroako Foru Komunitateko Administrazioari transferitutako Justizia Administrazioaren zerbitzuei atxikitako langile finkoa, eta jatorrizko lanpostuan borondatezko edo nahitaezko eszedentzian ez egotea.

b) Deialdiko lanpostu hutsen maila berekoa edo apalagokoa izatea.

c) Eskola Graduatuaren titulua, Lehen Mailako Lanbide Heziketakoa edo horien baliokidea izatea, edo eskaerak aurkezteko epea amaitzen denean eskuratzeko moduan egotea, eta administrazio publikoetan gutxienez bost urteko antzinatasuna duela frogatzea, Nafarroako Polizia Kidegoetako kideen kasuan izan ezik, kidego horietan benetako zerbitzuetan zortzi urteko antzinatasuna dutela frogatu beharko baitute, edo bestela, administrazio publikoetan zortzi urteko antzinatasuna frogatzea.

d) Hizkuntza Eskola Ofizial batek luzaturiko Euskarazko Gaitasun Agiria edo ofizialki baliokidetzat jotzen den titulua edukitzea, euskara jakitea (3. hizkuntz maila) betebeharra duten lanpostuetara aurkeztu nahi izanez gero, eta Hizkuntza Eskola Ofizial batean lau kurtso edo, bestela, Nafarroako Gobernuak antolatutako ikastaroetan bederatzi "urrats" gainditu dituela frogatzen duen agiria, hizkuntza hori jakitea betebeharra (1. hizkuntz maila) duten lanpostuetara aurkeztu nahi izanez gero.

Izangaiak, titulu edo kurtso horiek ez baditu, proba bat egiteko aukera izanen du, eta horrela zehaztuko da beharrezkoa den maila baduen hizkuntza horretan. Izangaiek, proba hori egin nahi badute, deialdian parte hartzeko eskabidean adierazi beharko dute, horri dagokion tokian.

e) B motako ibilgailuak gidatzeko baimena izatea, betebehar hori duen lanpostua eskuratu gogo denean.

Nafarroako Administrazio Publikoetan lan egiten duten langileen Estatutuaren xedapen gehigarrietatik zortzigarrenean ezarri dena aplikatuz, igoera txandan esku hartzeko baldintzak betetzen dituzten Nafarroako Parlamentuko funtzionarioek ere txanda horretan parte hartzen ahalko dute.

2.1.3. %33ko edo hortik gorako ezgaitasuna duten pertsonentzako erreserba txandako izangaien betebeharrak.

Ezgaitasunak dituzten pertsonendako txandako izangaiek, 2.1.1 atalean aipatzen diren baldintzez gain, ofizialki aitorturik eduki beharko dute %33ko edo hortik goitiko ezgaitasuna.

2.2. Deialdiko 3.4. oinarriko bigarren eta hirugarren puntuan aipatzen den salbuespena salbuespen, izendatuak izateko proposatzen diren izangaiek deialdiko 7.2 idatz-zatian ezarririko epean eta moduan frogatu beharko dituzte betebehar horiek.

3._Eskabideak.

3.1. Deialdian parte hartzeko eskabideak Nafarroako Gobernuko Lehendakaritza, Justizia eta Barne Departamentuko Erregistro Orokorrean (Karlos III.aren etorbidea, 2, atalondoa, 31002 Iruña) edo erregistro horretako beste edozein bulegotan (zerrenda 2005eko 33. Nafarroako ALDIZKARI OFIZIALean argitaratu zen, martxoaren 18an) aurkeztu beharko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 20ko 30/1992 Legeko 38.4 artikuluan adierazitako bideren bat erabiliz, deialdia Nafarroako ALDIZKARI OFIZIALean argitaratu eta biharamunetik hogeita hamar egun naturaleko epean.

Eskabideak deialdi honen eranskinean dagoen ereduari lotu behar zaizkio eta, haietan, izangaiek adierazi beharko dute eskatutako baldintza guztiak betetzen dituztela. Eredu hori Nafarroako Gobernuko Argibide Bulegoan dago eskuragarri. Interneten bidez ere lortzen ahal da, www.navarra.es helbidean, bai argitaratzen deneko Aldizkari Ofizialetik abiatuta, bai Zerbitzuen Katalogoko Enplegu Publikoan dagoen deialdiaren aiputik abiatuta.

3.2. Ezgaitasun aitortua duten lehiatzaileek, ariketak egin ahal izateko denbora edo baliabideetan egokitzapenik behar badute, zilegi izanen dute eskabidean eskatzea, eta hartarako, aparteko orri batean adierazi beharko dute nolako ezgaitasuna duten eta zer egokitzapen eskatzen duten. Horrekin batera, legeen arabera ezgaitasunen bat dutela frogatzeko agiriaren kopia konpultsatua ere aurkeztu beharko dute, organo eskudunak emana.

3.3. Hautapen prozesuko ariketa guztiak gainditzen ez dituzten izangaiekin zerrenda batzuk osatuko dira, ondoren aldi baterako kontratazioak egiteko. Horretarako, parte hartzaileek deialdiko eskabidean berean adierazi beharko dute zein kontratazio zerrendatan sartu nahi duten.

Xede horrekin, parte hartzaileek eskabidean agertzen diren kudeaketa esparruetako bakarra hautatu beharko dute, Nafarroako Osasun Zerbitzuko zerrendetan, Nafarroako Gizarte Ongizatearen Institutukoetan edo Nafarroako Foru Komunitateko Administrazioaren gainerako departamentu (Administrazio erroa) eta erakunde autonomokoetan sartuak izateko. Kudeaketa esparru bat baino gehiago hautatuz gero, edo parte hartzeko eskabidean atal hori betetzen ez bada, Administrazio erroko zerrendetan besterik ez dutela parte hartu nahi ulertuko da.

3.4. Eskabideari, behar bezala bete ondoren, agiri hauek erantsiko zaizkio:

Bat._Espedientea formalizatzeko eta azterketa eskubideetarako 6 euro ordaindu izanaren ziurtagiria. Azterketa eskubideen tasa ordaindu izanaren agiria aurkezten ez bada, izangaia baztertu eginen da.

Sistema hauetako bat erabiliz ordaintzen ahalko da tasa hori:

_Behar bezala betetako ordainketa gutuna erabiliz; Foru Komunitateko Administrazioak Nafarroako finantza entitateetan dituen kontuetan sartuko da dirua. Arestian aipatutako webgunean, deialdiaren iragarkian, ordainketa gutuna eredua ageri da.

_Sarrera esku-dirutan edo bankuko transferentzia bidez eginez, Banestoko (Banco Español de Crédito) 00308124 87 0870002271 kontuan; horrelakoetan ordain-agirian datu hauek jarri beharko dira:

-Izangaiaren izen-deiturak.

-NAN/IFZ.

-Ordainketa zein kontutan egiten den, haren zenbakia.

-Kontzeptua: oposizioak.

-Deialdiaren xede den lanpostua.

Frogagirian datu horietako bat falta baldin bada, izangaia baztertu eginen da.

Honako hauek ez dute tasarik ordaindu beharko:

a) %33ko edo gehiagoko ezgaitasun aitortua dutela frogatzen duten pertsonek, organo eskudunak luzaturiko jatorrizko agiriaren edo behar bezala konpultsaturiko fotokopiaren bidez.

b) Hauta-proben deialdia egin aurretik hilabete batez edo luzaroago lan-eskatzaile gisa inskribaturik egon diren pertsonak. Salbuespen hori aplikatzeko baldintza izanen da inskribaturik egon den bitartean eskainitako inolako lan egokiri uko egin ez izana eta lanbide sustapen, prestakuntza edo eraberritze ekintzetan parte hartzeari uko egin ez izana, justifikaturiko kasuetan izan ezik, eta, horrez gainera, lanbide arteko gutxieneko soldatatik gorako den dirusarrerarik ez izatea hilabetero.

Lan eskatzailea dela frogatzeko, Enplegu Bulegoak emandako agiria aurkeztu beharko da. Bertan, lan-eskatzaile gisa inskribatu zeneko data agertuko da eta, orobat, adieraziko da inskribaturik egon den bitartean ez diola uko egin handik eskainitako inolako lan egokiri, ez eta lan-igoera, prestakuntza edo eraberritze ekintzetan parte hartzeari ere, justifikaturiko kasuetan izan ezik.

Hilero lanbide arteko gutxieneko soldatatik gorako errentarik ez duela interesatuaren adierazpenaren bidez frogatuko da. Adierazpen eredua Nafarroako Gobernuko Informazio Bulegoan eskuratzen ahalko da, edo bestela internet bidez, arestian emandako helbidean.

Bi._Deialdian igoera txandan parte hartu nahi duten izangaiek, Nafarroako Foru Komunitateko Administrazioa ez den Nafarroako beste Administrazio Publiko bateko langile finkoak badira, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finkoak, lehengoaz gainera, deialdi honetako 2.1.2. ataleko a), b) eta c) letretan jasotzen diren eskakizunak betetzen dituztela frogatzen duen agiria gehitu beharko diote eskabideari.

Hiru._Deialdian igoera txandan parte hartu nahi duten eta Nafarroako Foru Komunitateko Administrazioan langile finkoak diren izangaiek, deialdia argitaratzen den egunean zortzi urteko antzinatasun onartua ez badute, deialdi honetako 2.1.2.c) aipatzen den tituluaren kopia konpultsatua gehitu beharko diote eskabideari.

3.5. Eskabideak aurkezteko epea ezin izanen da luzatu.

3.6. Eskabidean atzematen diren akats materialak edo egitezkoak ofizioz edo interesatuak eskaturik zuzentzen ahalko dira, noiznahi ere.

4._Izangaien onarpena eta erreklamazioak.

4.1. Eskaerak aurkezteko epea bukaturik, Funtzio Publikoaren zuzendari nagusiak ebazpena emanen du izangai onartu eta baztertuen behin-behineko zerrenda onesteko, eta Nafarroako ALDIZKARI OFIZIALean argitara dadila aginduko du.

4.2. Izangai baztertuek hamar egun balioduneko epea izanen dute, behin-behineko zerrenda Nafarroako ALDIZKARI OFIZIALean argitaratzen denetik, erreklamazioak aurkezteko eta, akatsik egin badute, zuzentzeko.

4.3. Erreklamazioetarako epea bukatutakoan eta horiek ebatzita, Funtzio Publikoaren zuzendari nagusiak onartu eta baztertuen behin betiko zerrenda onesten duen ebazpena emanen du, eta Nafarroako ALDIZKARI OFIZIALean argitara dadila aginduko.

4.4. Izangaiei egotziriko arrazoiengatik baztertzen direnei ez zaizkie azterketa egiteko eskubideak itzuliko.

5._Epaimahaia.

5.1. Epaimahaiak kide hauek izanen ditu:

_Mahaiburua: María Angeles Domene Sáez andrea, Lehendakaritza, Justizia eta Barne Departamentuko Langileriaren Kudeaketako Zerbitzuko zuzendaria.

_Ordezkoa: Gregorio Eguilaz Gogorza jauna, Lehendakaritza, Justizia eta Barne Departamentuko Funtzio Publikoaren Antolamenduko Zerbitzuko zuzendaria.

_Mahaikidea: José Luis Ruiz Ciruelos jauna, Osasunbidea-Nafarroako Osasun Zerbitzuko Langileriaren eta Lan Harremanen zuzendariordea.

_Ordezkoa: Miguel Angel Porres Azcona jauna, Osasunbidea-Nafarroako Osasun Zerbitzuko Langileriaren Kudeaketa, Sarrera eta Barne Igoerarako Zerbitzuko burua.

_Mahaikidea: María Villar Sobejano Delgado andrea, Hezkuntza Departamentuko Lanbide Irakaskuntza Berriztatu eta Garatzeko Atalari atxikitako irakaskuntzako aholkularia.

_Ordezkoa: Jesús Acosta Marín jauna, Hezkuntza Departamentuko Eskola Antolamendu eta Berriztapenerako Zerbitzuari atxikitako irakaskuntzako aholkularia.

_Mahaikidea: Tomás Rodríguez Garraza jauna, Nafarroako Administrazio Publikoaren Institutuko Langileen Hautapen eta Igoerarako atalburua.

_Ordezkoa: María Soledad Zubieta Aranzadi andrea, Nafarroako Administrazio Publikoaren Institutuko Psikotekniako bulegoburua.

_Mahaikidea: Alberto Viana Górriz jauna, Informazioaren Gizarterako Zuzendaritza Nagusiari atxikitako Sistema Informatikoetako erdi mailako teknikaria.

_Ordezkoa: Francisco Javier Ibero Gutiérrez jauna, Sistema Informatikoetako erdi mailako teknikaria, Hezkuntza Departamentuari atxikia.

_Mahaikidea: Nafarroako Foru Komunitateko Administrazioko Langileen Batzordeak izendatutako ordezkari bat.

_Ordezkoa: Nafarroako Foru Komunitateko Administrazioko Langileen Batzordeak izendatutako ordezkari bat.

_Mahaikide idazkaria: Pilar Zapico Revuelta andrea, Vianako Printzea Erakundea-Kultura eta Turismo Departamentuko Araubide Juridikoaren Ataleko burua.

_Ordezkoa: Begoña Unzué Vela andrea, Lehendakaritza, Justizia eta Barne Departamentuko Barne-Igoerako eta Aldi Baterako Kontratuetarako Ataleko burua.

Epaimahaia hauta-probak hasi baino lehen eratuko da. Onartzen diren izangaien zenbatekoaren arabera epaimahaia mahaikide titularrekin eta ordezko batzuekin osatzen ahalko da.

5.2. Epaimahaia ezin izanen da eratu, ezta aritu ere, kideen gehiengo osoa bertan izan gabe.

Organo kolegiatuaren eraketak eta jardunak balio izateko, mahaiburuak eta mahaikide idazkariak edo haien ordezkoek bertan egon beharko dute.

5.3. Epaimahaiko kideek parte hartzeari uko egin beharko diote eta deialdia egin duen organoari hala jakinarazi, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Foru Legean horretarako aurreikusiak dauden egoerak gertatzen direnean.

Izangaiek, halaber, zilegi izanen dute mahaikideak errefusatzea, egoera horietako bat gertatzen denean.

5.4. Epaimahaiak gehiengoz erabakiko ditu deialdiaren oinarriak ulertu eta aplikatzeko moduaren inguruan sortzen diren arazo guztiak.

5.5. Epaimahaiak aholkulari adituen laguntza izan dezake, proba batzuetan nahiz guztietan laguntzeko. Aholkulari horiek beren espezialitate teknikoetan baizik ez dira ariko eta horietan bakarrik emanen diote laguntza epaimahaiari.

6._Oposizioa nola eginen den.

6.1. Oposizioa 2007ko otsailean hasiko da. Izangai onartu eta baztertuen behin betiko zerrenda onesten duen ebazpen berean zehaztuko da probak hasteko lekua, eguna eta ordua. Ondoren, epaimahaiak jakinaraziko ditu gainerako probak egiteko iragarkiak, erregelamenduz.

6.2. Oposizioak ariketa baztertzaile hauek izanen ditu:

Lehen ariketa._Nahitaezko bi proba:

_Lehena: idatziz erantzun beharko da galdera sorta bat, aukera anitzekoa, erantzunen artean zuzen bakar bat izanen duena, hizkuntz gaitasuna eta zenbaki, bulego-antolaketa eta ortografiarako gaitasuna neurtzekoa. Hutsak zehatuko dira.

_Bigarrena: Proba honetan ere aukera anitzeko galdera sorta bati erantzun beharko zaio, erantzun zuzena bakarra izanik. Gaiak deialdiko II. eranskineko I. zatian ageri direnak izanen dira. Hutsak zehatuko dira.

Bi probak egun berean eginen dira eta bata bestearen atzetik. Epaimahaiak, probak hasi baino lehen, bi proba horietako bakoitzaren gehieneko iraupena finkatuko du.

Proba hauek egiteko ez da inongo testurik erabiltzen ahalko, ez eta hiztegirik, kalkulagailurik edo bestelako materialik ere, mutur lodiko bolaluma urdin edo beltza ez bada.

Bigarren ariketa._Lehenbiziko ariketa gainditzen dutenek bakarrik egin beharrekoa. Proba honetan ere aukera anitzeko galdera sorta bati erantzun beharko zaio, erantzun zuzena bakarra izanik. Gaiak deialdiko II. eranskineko II. zatian ageri direnak izanen dira. Hutsak zehatuko dira.

Proba hauek egiteko ez da inongo testurik erabiltzen ahalko, ez eta bestelako materialik ere, mutur lodiko bolaluma urdin edo beltza ez bada.

Hirugarren ariketa._Aurreko ariketa guztiak gainditzen dituztenek egin beharrekoa.

Proba praktikoa izanen da, epaimahaiak proposatutako testu baten transkripzioa, izangaiak ordenagailuko teklatuan nolako abiadura eta efektibitatea duen baloratzeko. Ordenagailu pertsonal batean testu editore erraz bat erabiliko da. Joaldi kopurua baloratuko da, bai eta horien zuzentasuna ere, eta idatzitakoa epaimahaiak proposatutako testuarekin bat datorren. Akats mekanografikoak ez ezik, ariketako arauak ez betetzea zehatuko da.

Proba hau egiteko 10 minutu izanen dira gehienez ere. Beharrezkoak diren baliabide teknikoak emanen zaizkie izangaiei proba hau egiteko.

Epaimahaiak adieraziko du zein toki, egun eta ordutan eginen den proba, eta taldeka edo denak batera bilduta egiten ahalko da, probaren antolamendu egokiena zein den ikusita. Izangai kopurua dela eta, ordu desberdinetarako deituko diren taldeetan banatuta egin behar bada proba, epaimahaiak testu desberdinak baina antzeko zailtasunekoak prestatuko ditu, talde bakoitzak proba testu desberdin batekin egiteko behar beste. Zozketa bidez esleituko da testua.

Epaimahaiak proba egiteko beharrezkoa iruditzen zaion laguntza teknikoa eska dezake.

6.3. Oposizioko ariketen balorazioa:

Lehen ariketa.

_Lehenbiziko proba: 0tik 30 puntura bitarte kalifikatuko da. Gutxienez ere 15 puntu lortzen ez dituzten izangaiak baztertu eginen dira.

_Bigarren proba: 0tik 30 puntura bitarte kalifikatuko da. Gutxienez ere 15 puntu lortzen ez dituzten izangaiak baztertu eginen dira.

Probak baztertzaileak izanen dira, eta bazterturik geldituko dira eskatutako gutxieneko puntuazioa lortzen ez dutenak. Izangaiak ariketa hau osatzen duten probetako lehenbizikoan eskatutako gutxieneko puntuazioa eskuratzen ez badu, epaimahaiak ez du bigarrena kalifikatuko.

Bigarren ariketa._0tik 20 puntura bitarte kalifikatuko da. Gutxienez ere 10 puntu lortzen ez dituzten izangaiak baztertu eginen dira.

Hirugarren ariketa._0tik 20 puntura bitarte kalifikatuko da. Baztertu eginen dira gutxienez 10 puntu lortzen ez dituzten izangaiak eta, beti, hirurogei akats mekanografiko edo gehiago egiten dituztenak.

Balorazioa irizpide hauei jarraikiz eginen da:

Akats mekanografikoengatik izandako penalizazioak kenduta, egindako lehenengo 2.800 joaldiengatik 10 puntu emanen dira. Hortik gora, beste 120 joaldi zuzeneko multzo bakoitzeko beste puntu bat gehituko da, edo proportzionalki dagokion puntuazioa. Bi puntuazio hauen batuketa, gehienez ere, probari esleitu zaion gehieneko puntuazioa izanen da, hots, 20 puntu.

Joaldien zenbaketan, arruntez gain honako hauek emanen dira:

Lerroaldea aldatzen den aldiro joaldi bat.

Letra larri bakoitzarengatik edo letra larrien tekla sakatzea eskatzen duen zeinu bakoitzarengatik, joaldi bat.

Azentu bakoitzarengatik joaldi bat.

Eta joaldi zuzenetatik bost joaldi kenduko dira akats mekanografiko bakoitzagatik. Hauek dira akatsak:

_Ondokoak sartzea:

Alfazenbakizko karaktereak, zuriuneak, edo puntuazio zeinuak, transkribatu beharreko testuan ez daudenak. Halako kasu bakoitzeko 5 joaldi kenduko dira.

_Ondokoak ez egitea:

Alfazenbakizko karaktereak (letrak ez idaztea, azentudunak izan ala ez), puntuazio zeinuak (horietan sartzen dira puntu eta bereiz guztiak edo lerroalde arteko bereizketak), edo hitzen arteko bereizketak: Halako kasu bakoitzeko 5 joaldi kenduko dira.

_Nahasteak:

Alfazenbakizko karaktereen, puntuazio zeinuen edo elkarren segidako bi karaktereen okerreko transkripzioa, horrek alfazenbakizko karaktere bat beste batez ordeztea ekartzen duenean. Halako kasu bakoitzeko 5 joaldi kenduko dira.

Zuzenketa programa automatiko baten bidez eginen da, eta epaimahaiak emandako testuaz baliatuta izangaiak transkibatzen duen testua karakterez karaktere aztertuko da.

6.4. Ariketa bakoitza amaitutakoan, epaimahaiak jendaurrean jarriko du, ariketa egin den lekuan eta Nafarroako Gobernuaren iragarki oholean, probak gainditu dituzten izangaien zerrenda, bakoitzaren kalifikazioekin. Horrez gain, oposizioko hurrengo proba non, zein egunetan eta zer ordutan eginen den adierazten duen oharra argitaratuko du, gutxienez hura hasi baino 48 ordu lehenago.

6.5. Ariketa bakoitzerako dei bakarra eginen da; hau da, epaimahaiak jarritako toki, egun eta orduan agertu beharko dute izangaiek, eta oposiziotik baztertuta geldituko dira agertzen ez direnak, nahiz eta probak hurrenez hurren eginen diren egintzetan banatu.

Izangaiek agertu beharko dute nortasun agiri nazionala, pasaportea, gidatzeko baimena edo epaimahaiak nahikotzat jotzen duen beste agiriren bat aldean dutela. Azterketara agertzen ez direnak edo arestian aipatutako agirietako baten bidez beren nortasuna egiaztatzen ez dutenak oposiziotik baztertuko dira.

6.6. Hauta-probak egiteko, ezgaitasun aitorturen bat dutenentzat bidezkoak diren denbora eta baliabide egokitzapenak eginen dira, eskabidean azaldutakoaren arabera.

7._Probak gainditzen dituztenen zerrenda, izendapen proposamena, kontratazioa eta agirien aurkezpena.

7.1. Hautapen probak bukaturik, epaimahaiak jendaurrean jarriko du probak gainditu dituztenen zerrenda, oposizioan guztira lortutako puntuazioaren araberakoa, Nafarroako Gobernuaren iragarki oholean. Gero, Funtzio Publikoaren zuzendari nagusiari igorriko dio probak puntuaziorik altuenarekin gainditu dituzten eta deialdiko lanpostuen kopuruaren barruan sartzen diren izangaiak izendatu eta kontratatzeko proposamena, espediente osoarekin batera. Proposamen hori Nafarroako ALDIZKARI OFIZIALean argitaratuko da.

Gertatzen diren berdinketak administrazio gaitasunen proban puntuazio handiena lortzen dutenen alde ebatziko dira. Hala ere berdinketa hausten ez bada, gainerako ariketetan lortzen den puntuazioa hartuko da kontuan, haien hurrenkerari jarraizkiz.

7.2. Izendapen edo kontratazio proposamena Nafarroako ALDIZKARI OFIZIALean argitaratu ondoko 30 egun naturaleko epean, proposatutako izangaiek Funtzio Publikoaren Zuzendaritza Nagusian ondoko agiriak aurkeztu beharko dituzte, bertan berariazko inprimaki batzuk jaso eta gero:

7.2.1. Nafarroako Foru Komunitateko Administrazioaren eta haren erakunde autonomoen zerbitzuko langile finko ez diren izangaiak:

a) Nortasun Agiri Nazionalaren bi fotokopia konpultsatu, edo izangaiaren hiritartasuna eta nortasuna frogatzen dituen beste agiri baliokideren batenak.

b) Deialdiko 2. oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, eskabideak aurkezteko epean titulua eskuratzeko moduan dagoela frogatzen duen ziurtagiria.

c) Laneko Arriskuei Aurrea hartzeko Atalak emandako txostena, interesatuak karguan aritzea eragotziko liokeen eritasun edo akats fisiko edo psikikorik ez duela frogatzeko.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

d) Eginkizun publikoetarako ezgaitua edo gabetua ez izatearen eta inongo administrazio publikoren zerbitzutik bereizi ez izanaren zinpeko aitorpena.

Izangaiek Espainiako herritartasuna ez badute, agiria aurkeztu beharko dute, beren Estatuko Funtzio Publikoan sartzea eragozten dien diziplina zehapenik edo zigor penalik ez dutela adierazteko.

e) Zin egin edo hitz ematea, Nafarroako Foru Eraentza errespetatu, Konstituzioari eta Legeei men egin eta karguari dagozkion eginkizunak zuzen beteko dituela.

f) %33ko edo hortik gorako minusbaliotasuna aitortzen duen agiriaren fotokopia konpultsatua izatea, baldin eta minusbaliatuentzako txanda murriztuan parte hartu nahi bada.

g) B motako ibilgailuak gidatzeko baimenaren kopia konpultsatua, betebehar hori duten lanpostuak eskuratu gogo direnean.

h) Hizkuntza Eskola Ofizial batek luzaturiko Euskarazko Gaitasun Agiria edo ofizialki baliokidetzat jotzen den titulua edukitzea, euskara jakitea (3. hizkuntz maila) betebeharra duten lanpostuetara aurkeztu nahi izanez gero, eta Hizkuntza Eskola Ofizial batean lau kurtso edo, bestela, Nafarroako Gobernuak antolatutako ikastaroetan bederatzi "urrats" gainditu dituela frogatzen duen agiria, hizkuntza hori jakitea betebeharra (1. hizkuntz maila) duten lanpostuetara aurkeztu nahi izanez gero.

i) Funtzio Publikoaren Zuzendaritza Nagusiak eskatzen dituen gainerako agiriak.

Deialdi hau egin ez duen Nafarroako beste Administrazio Publikoren bateko langile finko, edo Nafarroako Foru Komunitateari eskualdatutako Justizia Administrazioko zerbitzuei atxikitako langile finko diren izangaiek, gainera, aurreko administrazioko espediente pertsonalean ageri diren inguruabar eta aurrekari guztiak frogatzen dituen ziurtagiria aurkeztu beharko dute, hots, sarrerari, antzinatasunari, mailari, egoera administratiboari eta abarrei buruzkoa.

7.2.2. Nafarroako Foru Komunitateko Administrazioaren edo haren erakunde autonomoen zerbitzuko langile finkoak diren izangaiak:

a) B motako ibilgailuak gidatzeko baimenaren kopia konpultsatua, betebehar hori duten lanpostuak eskuratu gogo direnean.

b) Hizkuntza Eskola Ofizial batek luzaturiko Euskarazko Gaitasun Agiria edo ofizialki baliokidetzat jotzen den titulua edukitzea, euskara jakitea (3. hizkuntz maila) betebeharra duten lanpostuetara aurkeztu nahi izanez gero, eta Hizkuntza Eskola Ofizial batean lau kurtso edo, bestela, Nafarroako Gobernuak antolatutako ikastaroetan bederatzi "urrats" gainditu dituela frogatzen duen agiria, hizkuntza hori jakitea betebeharra (1. hizkuntz maila) duten lanpostuetara aurkeztu nahi izanez gero.

c) Funtzio Publikoaren Zuzendaritza Nagusiak eskatzen dituen gainerako agiriak.

Ezgaitasunen bat alegatu duten izangaiek, gainera, ezgaitasuna deialdiko lanpostuarekin bateragarria dela dioen frogagiria aurkeztu beharko dute, balorazio eta orientazio talde eskudunek emana.

7.3. Aipatu epearen barrenean, eta aski justifikaturik dauden ezinbesteko kasuak salbuetsiz, arestiko agiriak aurkezten ez dituztenak ezin izanen dira izendatu, eta ordurako egintza guztiak baliorik gabe geldituko dira, euren eskabidearen faltsukeria dela eta, legokiekeen erantzunbeharra galarazi gabe.

7.4. Aurreko atalean aurreikusitakoa gertatuz gero, Funtzio Publikoaren zuzendari nagusiak probak gainditu dituztenen zerrendan, 7.1. atalean aipatutakoan, hurrengoa den izangaiarekin beteko du baja, eta horrekin ere aurreko ataletan adierazitako moduan jokatuko da.

8._Lanpostu hutsak hautatzea.

8.1. Aurreko oinarrian xedatu dena betetzen duten lehiatzaileek Funtzio Publikoaren Zuzendaritza Nagusiak hartarako jartzen dien epean aditzera eman beharko dute eskaintzen zaizkien lanpostuetatik zein hautatzen duten. Aukeratu beharreko lanpostuak hasieran deitutakoak izanen dira, edo beste batzuk, zerbitzuaren beharrei jarraikiz horiek aldatzea erabakitzen bada.

8.2. Hautaprobak igoera txandaren bidez gainditzen dituzten izangaiek, 8.3 ataleko bigarren lerroaldean aipatutako kasuan izan ezik, lehentasuna izanen dute deialdiko lanpostu hutsak aukeratzerakoan, txanda horretakoak ez diren izangaien aurretik.

8.3. Lanpostu hutsak aukeratzeko orduan, %33ko edo handiagoko minusbaliotasun aitortua duten izangaiek lehentasuna izanen dute txanda irekiko izangaien aurretik.

Izangai minusbaliaturik bada, eta horrek eragina badu lanpostu bat edo bestea hautatzeko, aukeratzen hasi aurretik, minusbaliotasunarekin hobekien egokitzen direnak esleituko zaizkie, horren gainean balorazio eta orientazio talde eskudunek egindako txostenaren arabera.

9._Izendapena, lanpostu hutsen esleipena, jabetza hartzea eta kontrataziorako baimena ematea.

9.1. Funtzio Publikoaren zuzendari nagusiak, ebazpen baten bitartez, aurreko oinarrietan ezarritakoa betetzen duten izangaiak Nafarroako Foru Komunitatearen Administrazioko funtzionario izendatuko ditu, arkitekto tekniko lanetan aritzeko. Ebazpen horren bidez lanpostuen esleipena ere eginen da edo kontrataziorako baimena emanen.

9.2. Izendapenarekin eta jabetza hartzearekin batera pertsona izendatu horiek nomina eta plantillako funtzionario bihurtuko dira, Nafarroako Foru Komunitateko funtzionarioen arloan indarrean dauden xedapenetan ezarri diren eskubide eta betebehar guztiekin.

Lan-kontratudunek aplikatzen zaien araubide juridikoaren araberako eskubide eta betebeharrak izanen dituzte.

Izendatutako izangaiei Gizarte Segurantzako Erregimen Orokorrean alta emanen zaie eta bertan afiliatuko dira, eta erregimen horretako babesa izanen dute.

Aurrekoa gorabehera, Nafarroako Administrazio Publikoen Zerbitzuko Langileen Estatutua onetsi zuen abuztuaren 30eko 251/1993 Legegintzako Foru Dekretuaren bederatzigarren xedapen gehigarriaren 3. puntuan xedatutakoa aplikatzearen ondorioz, Nafarroako administrazio publikoen edozein mutualitateko eskubide pasiboen araubidekoak direnen kasuan, bi aukera izanen dituzte: Nafarroako Foru Komunitateko Administrazioko mutualitatean segitzea, martxoaren 5eko 10/2003 Foru Legearen bidez arauturiko eskubide pasiboen araubideak babesturik, edo Gizarte Segurantzaren Araubide Orokorrean sartzea.

Kontratatzen diren izangaiak Gizarte Segurantzako araubide orokorrean afiliatu eta bertan alta emanen zaie.

9.3. Izendatutako izangaiek lanlekua duten herrian bertan bizi beharko dute, eta hori betetzeko udalerri horretan finkatuko dute beren bizilekua. Administrazio organo eskudunek destinoa aldatzen ahalko dute, aplikatzekoa den arautegian ezarritakoarekin bat.

9.4. Lanaldia zerbitzuaren beharretara egokituko da eta noiznahi aldatzen ahalko dute administrazio organo eskudunek, aplikatzekoa den araudian ezarritakoarekin bat.

9.5. Izendapena Nafarroako ALDIZKARI OFIZIALean argitaratuko da eta izangai izendatuek hilabeteko epean jabetu beharko dute beren lanpostuaz, izendapenaren jakinarazpenetik kontatzen hasita.

Aipatu epean eta behar bezain ongi arrazoitutako kasuetan izan ezik, izangairen batek ez baldin badu lanpostua bere egiten, Foru Komunitateko Administrazioaren funtzionario izateko eskubide guztiak galduko ditu.

Era berean, kontratua sinatzen ez duten izangaiek lan araubideko langile finkoak izateko eskubideak galduko dituzte.

Hala bada, deialdiko 7.4. atalean ezarritakoari jarraituko zaio.

9.6. Izangai bat funtzionario bihurtu eta lanpostuan batere aritu gabe zuzenean eta berak eskatuta borondatezko eszedentzia ematen bazaio jabetza hartzearen egunetik bertatik, data hartan beste Administrazio Publiko batean ari delako, kasuko lanpostu hutsa ere beteko da deialdiko 7.4 atalak agintzen duen moduan.

9.7. Aurreko bi ataletan aipatutako kasuetan, izendapena egin aurretik hautaturiko lanpostua ez da aldatuko. Beraz, funtzionario berriei, zuzenean, egoera horien ondoriozko lanpostuak esleituko zaizkie.

10._Aldi baterako kontratuetarako izangaien zerrenda.

10.1. Nafarroako Administrazio Publikoan sartzeko Erregelamenduaren 42. artikuluan, lanpostuak aldi baterako betetzeko kudeaketa arauak onetsi zituen Lehendakaritza, Justizia eta Barne kontseilariaren azaroaren 14ko 146/2005 Foru Aginduan eta oinarri honexetan ezarritako prozedurari jarraikiz, aldi baterako kontrataziorako izangaien zerrenda hauek sortuko dira:

_Probak gainditu bai baina lanposturik lortu ez duten izangaien zerrenda, komuna Foru Komunitateko Administrazioko departamentu eta erakunde autonomo guztientzat.

_Hautapen prozesuko ariketa guztiak gainditu ez dituzten izangaien zerrenda, parte hartzeko eskabidean aukeratutako esparruaren arabera.

10.2. Probak gainditu bai baina lanposturik lortu ez duten izangaien zerrendak.

Probak gainditu arren lanposturik lortu ez duten izangaiekin Funtzio Publikoaren Zuzendaritza Nagusiak zerrenda bat osatuko du, ondoren aldi baterako kontratazioak egiteko, deialdi honetako 11. oinarrian ezarritako prozedurari jarraikiz. Lehendakaritza, Justizia eta Barne kontseilariaren azaroaren 14ko 146/2005 Foru Aginduan xedatutako arauen arabera kudeatuko du.

Halaber, zerrenda hori Osasunbidea-Nafarroako Osasun Zerbitzuko eta Nafarroako Gizarte Ongizatearen Institutuko organo eskudunei igorriko die, esparru bakoitzeko arauei jarraikiz kudea dezaten.

10.3. Hautapen prozesuko ariketa guztiak gainditzen ez dituzten hautagaiak.

Deialdiko hamaikagarren oinarrian ezarritako prozedurarekin bat, Funtzio Publikoaren Zuzendaritza Nagusiak aldi baterako kontratazioak egiteko izangaien zerrenda bat osatuko du deialdiko azkenaurreko ariketa gainditu eta Administrazio-erroko zerrenda hautatu duten izangaiekin.

Era berean, Funtzio Publikoaren Zuzendaritza Nagusiak Osasunbidea-Nafarroako Osasun Zerbitzuko eta Nafarroako Gizarte Ongizatearen Institutuko organo eskudunei igorriko die hautapen prozesuko ariketa guztiak gainditu ez eta esparru horietako kontratazio zerrendak aukeratu dituztenen zerrenda, aldi baterako kontratazioetarako, deialdi honetako 12. eta 13. oinarrietan ezarritako prozedurari jarraikiz.

11._Administrazio erroan aldi baterako kontratatzeko izangaien zerrendak osatzeko prozedura.

11.1. Epaimahaiaren espedientea jasota, Funtzio Publikoaren zuzendari nagusiaren ebazpen baten bidez, hautapen prozesua gaindituta ere lanposturik gabe gelditu diren izangaiei eta deialdian ezarritako azkenaurreko ariketa gainditu eta Administrazio-erroko kontratazio-zerrenda aukeratu dutenei, hamar laneguneko epe bat emanen zaie, ebazpena argitaratu eta biharamunetik hasita, ondoko dokumentazio hau aurkezteko:

_Deialdiko 2. oinarrian eskatzen den tituluaren fotokopia konpultsatua, lortzeko eskubideak pagatu direla frogatzen duen gordekinarena edo, hala bada, sartzeko prozesuan parte hartzeko eskabideak aurkezteko epean titulua eskuratzeko moduan egoten dela frogatzen duen ziurtagiria.

_EGA tituluaren edo baliokidearen fotokopia konpultsatua, euskara beharrezkoa duten administrari laguntzaileen lanpostuetan aritzeko aldi baterako kontratazioan sartu nahi dutenek.

_Izangaiek administrari laguntzaile gisa aldi baterako kontratua zein eremutan izan nahi duten, horiek hautatzeko eskabidea, bai eta, hala denean, lanaldi partzialeko lanpostuetara jotzekoa ere.

Ebazpen hori, eremuak eta lanaldi partzialeko lanpostuak hautatzeko eskabide ereduarekin batera, bai eta eremu bakoitzaren esparru geografikoari buruzko informazio agiria ere, Nafarroako ALDIZKARI OFIZIALean argitaratuko dira, eta kasuan kasuko langileen zerrendak, berriz, Nafarroako Gobernuaren iragarki oholean (Karlos III.aren etorbidea, 2, ataria, Iruña).

Eskatzen diren agiriak aipatu epean aurkezten ez dituztenak (aski justifikatutako ezinbesteko kasuetan izan ezik) eta eskatutako baldintzak betetzen ez dituztenak ez dira sartuko aldi baterako kontratuetarako izangaien zerrendan, eta deialdian parte hartzeagatiko eskubide guztiak galduko dituzte, deusetan ukatu gabe, betiere, parte hartzeko eskabidea faltsutzeagatik legokiekeen erantzukizuna.

11.2. Sartzeko prozeduraren eskabideak aurkezteko epea bukatzen den egunerako bete beharko dira baldintzak, eta hauta-probek dirauteino eta kontratazioaldiak iraun bitarte bete beharko dira.

11.3. Dokumentazioa aurkezteko epea bukaturik, Funtzio Publikoaren zuzendari nagusiaren ebazpen baten bidez, aldi baterako kontratuetarako izangaien zerrenda hauek onetsiko dira eta Nafarroako Gobernuaren iragarki oholean argitaratuko (Karlos III.aren etorbidea, 2, ataria, Iruña):

a) Probak gainditu bai baina lanposturik lortu ez duten izangaien zerrenda.

b) Deialdiko azken ariketa gaindituez eta Administrazio-erroko kontratazio zerrendak aukeratu dituztenak.

11.4. Hauxe izanen da aldi baterako kontratazioen zerrendaren ordena: oposizioa gainditu bai baina lanposturik lortu ez dutenen kasuan, hautapen prozesuan lortutako puntuazioaren arabera; gainerako izangaien kasuan, gainditutako ariketetan lortutako puntuazioen batura. Berdinketarik dagoenean nor nagusitzen den erabakitzeko, deialdi honetan kasu horietarako ezarritako irizpideak hartuko dira kontuan.

12._Osasunbidea-Nafarroako Osasun Zerbitzuan aldi baterako kontratatzeko izangaien zerrendak osatzeko prozedura.

Funtzio Publikoaren Zuzendaritza Nagusiak probak gainditu bai baino lanposturik lortu ez dutenen zerrendak eta hautapen prozesuko ariketa guztiak gainditu ez eta esparru horretako kontratazio-zerrendak aukeratu dituztenenak igorri ondoren, Osasunbidea-Nafarroako Osasun Zerbitzuko organo eskudunek beren kudeaketa esparruko aldi baterako kontratazioetarako izangaien zerrendak onetsiko dituzte, 2001eko urtarrilaren 9ko Akordioan erakunde autonomo horretako osasun zentro eta establezimenduetan aldi baterako langileak hautatzeko ezarritakoarekin bat. Akordio hori 2001eko 101. Nafarroako ALDIZKARI OFIZIALean argitaratu zen, abuztuaren 20an.

Horretarako, Nafarroako Osasun Zerbitzuak hamar egun balioduneko epea emanen die interesatuei, zentroa hautatu, iraunaldi laburreko zerrendetan egon nahi dutela adierazi eta aipatu erakunde autonomoak zehazten dituen gainerako inguruabarrak betetzeko.

Oinarri honen arabera osatzen diren zerrendak Osasunbidea-Nafarroako Osasun Zerbitzuak kudeatuko ditu, langileak hautatzeko 2001eko urtarrilaren 9ko Akordioan ezarritakoari jarraikiz.

13._Nafarroako Gizarte Ongizatearen Institutuan aldi baterako kontratatzeko izangaien zerrendak osatzeko prozedura.

Funtzio Publikoaren Zuzendaritza Nagusiak probak gainditu bai baino lanposturik lortu ez dutenen zerrendak eta hautapen prozesuko ariketa guztiak gainditu ez eta esparru horretako kontratazio-zerrendak aukeratu dituztenenak igorri ondoren, Nafarroako Gizarte Ongizatearen Institutuko organo eskudunek beren kudeaketa esparruko aldi baterako kontratazioetarako izangaien zerrendak onetsiko dituzte, erakunde autonomo horretan 2000ko urtarrilaren 17ko Akordioan aldi baterako kontratazioetarako langile zerrenden kudeaketari buruz ezarritakoarekin bat.

Horretarako, Nafarroako Gizarte Ongizatearen Institutuak hamar egun balioduneko epea emanen die interesatuei, zentroa edo eskualdea hautatu eta aipatu erakunde autonomoak zehazten dituen gainerako inguruabarrak betetzeko.

Oinarri honen arabera osatzen diren zerrendak Nafarroako Gizarte Ongizatearen Institutuak kudeatuko ditu, aldi baterako langileen zerrendak kudeatzeko 2000ko urtarrilaren 17ko Akordioan ezarritakoari jarraikiz.

14._Errekurtsoak.

Epaimahaiak ematen dituen egintza eta ebazpenen kontra gora jotzeko errekurtsoa paratzen ahal da Funtzio Publikoaren zuzendari nagusiari zuzendua, errekurtsoaren xede den egintza argitaratu edo jakinarazi eta biharamunetik hilabeteko epean.

Deialdi honen kontra, oinarrien kontra eta haien aplikazio egintzen kontra, epaimahaiak hartutakoak izan ezik, zilegi izanen da gora jotzeko errekurtsoa jartzea, Lehendakaritza, Justizia eta Barne kontseilariari zuzendua, hilabeteko epean, errekurritu nahi den egintza argitaratu edo jakinarazi eta biharamunetik kontatzen hasita.

Hori guztia Nafarroako Foru Komunitateko Administrazioari buruzko abenduaren 3ko 15/2004 Foru Legearen 57. artikuluarekin bat eta urtarrilaren 13ko 4/1999 Legeak aldatutako Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Iruñean, 2006ko maiatzaren 22an._Funtzio Publikoaren zuzendari nagusia, Alberto Andérez González.

I. ERANSKINA

Eskabidea

...................................... jauna/andrea, adinez nagusia, ...... zk.ko Nortasun Agiri Nazionalaren (edo horren baliokidearen) jabe, ......................... (e)n (......................), 19.....(e)ko .............. aren ....... (e)an jaioa, nazionalitate ....................................., egungo helbidea ....................(e)ko (...................) .............. kalean duena, posta kodea ............ telefonoa.................., laneko telefonoa ..................,

AZALTZEN DUT:

Nafarroako Foru Komunitateko Administrazioaren eta bere erakunde autonomoen zerbitzuko .......................... izateko ................... lanpostu .................... bidez betetzeko deialdian parte hartzeko onar nazatela eskatzen dudala, behean aipatzen den txandan (deialdia ...... Nafarroako ALDIZKARI OFIZIALean argitaratu zen, ............(e)an).

f Txanda irekia.

f Igoera txanda*.

f Ezgaitasunen bat dutenendako txanda*.

Hauta-probak gainditzen ez baditut, lanpostuak behin-behinekoz betetzeko aukeraz baliatu nahi dudala, honako esparruotako batean:

f Administrazio erroa*.

f Osasunbidea-Nafarroako Osasun Zerbitzua*.

f Nafarroako Gizarte Ongizatearen Institutua*.

(Esparruetako bakar bat aukeratu daiteke).

Ez dudala karguan aritzea galarazten didan eritasun edo akats fisiko edo psikikorik.

Indarra duten xedapenetan ezarritako ezintasunik ez dudala.

Ez naizela diziplinako espediente bidez ezein administrazio publikoren zerbitzutik kanpo utzia izan eta ez nautela eginkizun publikoak betetzeko gaitasunik gabe utzi.

Deialdian eskatzen den titulazioaren jabe naizela.

Azterketa eskubideak ordaindu ditudala deialdian ezarritako moduan eta horren gordekina erantsi dudala, edo erantsitako agirien bidez frogatzen dudala tasa ordaintzetik salbuetsita nagoela.

Eskabideak aurkezteko epearen azken egunean beharkizun guztiak betetzen ditudala.

f Ezgaitasuna dudala eta, beraz, behar dituen egokitzapenak eskatzen ditudala, haietarako arrazoiak adierazita. (Beste orri batean azaldu behar dira eskatzen diren egokitzapenak eta haietarako arrazoiak).

f Ezgaitasuna frogatzen duen agiria aurkezten dudala, erakunde eskudun batek emana.

f Euskararen gaitasunaren agiria edo ofizialki baliokidea den beste titulu bat aurkezten dudala*.

f Euskara maila jakiteko proba egitea eskatzen dudala*.

f Frantseseko eta ingeleseko nahikotasun frogak egitea eskatzen dudala*.

Horrenbestez,

Eskabide hau ontzat hartu eta aipatu deialdian onartua izatea eskatzen dut.

Iruñean,........(e)ko .........................aren .........(e)an.

(Sinadura)

(*) Bidezkoa bada.

NAFARROAKO GOBERNUA. LEHENDAKARITZA, JUSTIZIA ETA BARNE DEPARTAMENTUA.

FUNTZIO PUBLIKOAREN ZUZENDARITZA NAGUSIA.

II. ERANSKINA

Gai zerrenda

1. zatia._Antolamendu administratiboa eta Informatika.

1._Herritarrei argibideak eman eta harrera egitea administrazio publikoan. Informazioa izateko eskubidea. Informazio motak. Herritarrek administrazioan parte hartzea. Herritarrei argibideak eman eta harrera egiteko bulegoak.

2._Komunikazioa eta informazioaren tratamendua. Ahozko eta telefono bidezko komunikazioa: arauak, baliabideak eta konfidentzialtasuna; helburua, erabilera eta mugak. Idatzizko komunikazioa: arauak, baliabideak eta motak. Gutuna: edukia, egitura eta ereduak.

3._Posta: hartu, bideratu, barnean zirkularazi eta irteera ematea. Posta elektronikoa.

4._Argibideak eta agiriak erregistratu eta artxibatzea. Erregistro liburuen kontzeptua eta sailkapena. Agiriak antolatu eta sailkatzeko sistemak. Informazioa eta agiriak gordetzea, horietara iristea, segurtasuna eta konfidentzialtasuna. Artxiboak: kontzeptuak, motak eta erabiltzeko arau praktikoak. Artxibo informatikoa. Artxiboa kontrolatzea.

5._Agiri administratiboak. Ofizioa, eskabidea, ziurtagiria, akta, administrazio ebazpena: edukia, egitura eta helburuan zein erabileran dauden desberdintasunak.

6._Funtsezko kontzeptuak oinarrizko informatikaz: hardwarea, softwarea eta sistema eragileak. Funtsezko kontzeptuak Internetez eta posta elektronikoaz.

7._Funtsezko kontzeptuak Windows XPz. Mahaigaina eta bere elementuak; programen administratzailea; Windows esploradorea; kontrol-panela, inprimagailuak; "hasi" botoia; "hasi" karpeta; tresna-barra; "exekutatu" komandoa; laguntza; sarean lan egitea; erabiltzaile kontuak.

8._Testu-prozesadoreak: oinarrizko kontzeptuak. Microsoft Word XP: lan eremua; idatzi eta editatzea; testuaren formatua; orriaren diseinua eta konposizioa; estiloak; plantillak; tresnak; taulak; artxiboen administrazioa; posta-konbinazioa; eremuekin lan egitea; inprimatzea.

9._Kalkulu orriak: oinarrizko kontzeptuak. Microsoft Excel XP: funtsezko kontzeptuak, laneko liburuak, orriak, gelatxoak, gelatxoak eta komandoak hautatzea, datuak sartzea, formulak eta loturak sortzea, funtzioak erabiltzea, kalkulu-orri bat editatzea, formatuak, grafikoak, inprimatzea.

10._Datu baseak: oinarrizko kontzeptuak. Microsoft Access XP: funtsak, taulak, kontsultak, formularioak, txostenak, inprimaketa.

II. zatia._Oinarrizko araudia Nafarroako Foru Komunitateko Administrazioan.

1._Espainiako 1978ko Konstituzioa: Estatuko aginteak. Koroa. Gorte Nagusiak. Gobernua eta Administrazioa. Botere judiziala Konstituzioan.

2._Zuzenbide Publikoaren iturburuak: legeak eta horien motak. Lege dekretuak. Legegintzako foru dekretuak. Nazioarteko itunak.

3._Administrazio Zuzenbidearen iturburuak: erregelamendua eta erregelamenduzko ahalmena. Erregelamendu motak. Erregelamenduzko ahalmenaren mugak eta haren kontrola.

4._Administrazio egintza (I): kontzeptua, motak eta osagaiak.

5._Administrazio egintza (II): administrazio egintzen baldintzak, eraginkortasuna, deuseztasuna eta deuseztagarritasuna.

6._Administrazio prozedura erkidea (I). kontzeptua eta izaera. Hasiera, antolamendua, instrukzioa eta bukaera.

7._Administrazio prozedura erkidea (II). Administrazio errekurtsoak: printzipio orokorrak eta motak.

8._Nafarroako Parlamentua edo Gorteak: eraketa, antolakuntza eta eginkizunak.

9._Nafarroako Gobernuari eta Lehendakariari buruzko Foru Legea.

10._Nafarroako Foru Komunitateko Administrazioari buruzko Foru Legea.

11._Nafarroako Foru Komunitateko Arartekoa. Comptos Ganbera. Nafarroako Kontseilua.

12._Nafarroako Administrazio Publikoen zerbitzuko Langileen Estatutua (I). Langile motak. Funtzionario publikoen hautapena. Funtzionario izaera eskuratzea eta galtzea.

13._Nafarroako Administrazio Publikoen zerbitzuko Langileen Estatutua (II). Administrazio karrera. Administrazio egoerak. Lanpostuak betetzea. Lansariak.

14._Nafarroako Ogasun Publikoa: Nafarroako Ogasun Publikoaren eskubide eta betebeharrak. Nafarroako Aurrekontu Orokorrak: edukia eta onespena; gastuen sailkapen ekonomikoa; betearaztea eta likidazioa.

15._Nafarroako Administrazio Publikoen kontratuak: araubide juridikoa. Administrazio kontratu ohikoenak: kontzeptua eta motak. Kontratuak esleitu, hobetu, sinatu, bete, aldatu eta iraungitzeko arau orokorrak.

Oharra._Gai guztiak deialdi hau Nafarroako ALDIZKARI OFIZIALean argitaratzen denean indarra duen legeriari jarraikiz baloratuko dira, baina egun horren ondoren onetsitako arau aldaketen ekarpenak baloratzen ahalko ditu epaimahaiak.

Iragarkiaren kodea: F0609011