I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
146/2006 FORU AGINDUA, maiatzaren 8koa, Nekazaritza, Abeltzaintza eta Elikadura kontseilariak emana, abenduaren 30eko 252/2005 Foru Agindua aldatzen duena. Foru agindu haren bidez, 2006ko ekitaldiko zenbait nekazaritza-asegururen kontratazioaren kosturako dirulaguntzak eman zituen, Nekazaritzako Aseguru Konbinatuen Planaren barnean.
Nekazaritzako finantzaketari buruzko lege-xedapenen Testu Bategina onesten duen Otsailaren 16ko 54/1998 Legegintzako Foru Dekretuaren 1. eta 2. artikuluen arabera, Nafarroako Gobernuak laguntzak emanen ditu halakoak jasotzen ahal diren nekazaritzako ekoizpenak eta arriskuak aseguratzeko, eta nekazaritzako ondasunen gaineko aseguruen kontratazioaren kostuan parte hartuko du. VI. tituluan Nekazaritza eta Abeltzaintzako aseguru-sarietarako laguntzak arautzen ditu, eta bertan ezartzen du Nekazaritza, Abeltzaintza eta Elikadura kontseilariak urtero onetsi eta argitaratuko dituela laguntzak jasotzen ahal dituzten aseguru-lerroak, Nekazaritzako Aseguru Konbinatuen Urteko Planean sarturik dagoen aseguru bakoitzaren ezaugarrien berri duen une berean.
Nekazaritza, Abeltzaintza eta Elikadura Departamentuak aseguru bat ezarri nahi du 2006. urtean abeltegietan hildako aziendak deuseztatzearen ondoriozko gastuak estaltzeko.
Aseguru linea hau ezarri ahal izateko 251/2005 Foru Agindua handitu egin behar da, hartan agertzen baita abeltegietan hildako behi-aziendak deuseztatzearen ondoriozko gastuak estaltzeko asegurua baina, aldiz, ez ditu estaltzen abeltegietan hildako gainerako abereak deuseztatzearen ondoriozko gastuak.
Horrenbestez, Nafarroako Gobernuari eta lehendakariari buruzko abenduaren 3ko 14/2004 Foru Legearen 41. artikuluak ematen dizkidan eskumenak erabiliz,
AGINDU DUT:
1. Nekazaritzako Aseguru Konbinatuen 2006ko Planaren barnean, 2006ko ekitaldiko zenbait nekazaritza-asegururen kontratazioaren kosturako dirulaguntzak emateko, Nekazaritza, Abeltzaintza eta Elikadura kontseilariak abenduaren 30ean emandako 251/2005 Foru Aginduaren 1. artikuluaren b) puntua aldatzea, eta honela idatzirik gelditzea:
" b) 2006ko Planaren abeltzaintzako aseguruak: haragitarako eta erruteko hegazti-aziendaren, zaldi-aziendaren, ardi-aziendaren eta ahuntz-aziendaren ustiapena, ugalketarako eta aurrerakoen hazkuntzarako behi-aziendaren ustiapena, gizentzeko behi-aziendaren ustiapena, zezenketetarako behi-aziendaren ustiapena, balorazio genetiko altuko behi-azienda, lehorteak larreetan eragindako kalteak estaltzeko asegurua, behi-aziendaren entzefalopatia espongiformea, ustiategian hildako behi-azienda deuseztatzearen ondoriozko gastuak eta ustiategian hildako gainerako abereak deuseztatzearen ondoriozko gastuak."
2. Nekazaritzako Aseguru Konbinatuen 2006koPlanaren barnean, 2006ko ekitaldiko zenbait nekazaritza-asegururen kontratazioaren kosturako dirulaguntzak emateko, Nekazaritza, Abeltzaintza eta Elikadura kontseilariak abenduaren 30ean emandako 251/2005 Foru Aginduaren 2.1. artikuluari h) puntua eranstea eta honela idatzirik gelditzea:
" h) ustiategian hildako gainerako abereak deuseztatzearen ondoriozko gastuen aseguruan %62."
Azken xedapen bakarra._Indarraldia.
Foru agindu honek Nafarroako ALDIZKARI OFIZIALean argitaratu eta biharamunean hartuko du indarra.
Iruñean, 2006ko maiatzaren 8an.__Nekazaritza, Abeltzaintza eta Elikadura kontseilaria, José Javier Echarte Echarte.
Iragarkiaren kodea: F0608007
