I. NAFARROAKO FORU KOMUNITATEA
1.2. AGINTARIAK ETA LANGILEAK
1.2.2. Plantilla Organikoa, Lan Eskaintza Publikoa, oposizioak eta lehiaketak
1236/2006 EBAZPENA, maiatzaren 15ekoa, Funtzio Publikoaren zuzendari nagusiak emana, Nafarroako Foru Komunitateko Administrazioaren eta haren erakunde autonomoen zerbitzuko Meategietako ingeniari izateko lanpostu huts bat oposizio bidez betetzeko deialdian onartu eta baztertu diren izangaien behin betiko zerrenda onetsi eta oposizioaren lehenbiziko ariketa noiz eginen den ezartzen duena.
Funtzio Publikoaren zuzendari nagusiak, urtarrilaren 16ko 149/2006 Ebazpenaren bidez, Nafarroako Foru Komunitateko Administrazioaren eta haren erakunde autonomoen Meategietako ingeniari izateko lanpostu bat oposizio bidez betetzeko deialdia onetsi zuen. Deialdia 2006ko otsailaren 15eko Nafarroako ALDIZKARI OFIZIALean argitaratu zen, 20. zenbakian.
2006ko apirilaren 10ean eman eta urte horretako 52. Nafarroako ALDIZKARI OFIZIALean, maiatzaren 1ean, argitaratutako 953/2006 Ebazpenaren bidez, deialdian onartu eta baztertutako izangaien behin-behineko zerrenda onetsi zen.
Erreklamazioen epea bukaturik, bidezko da deialdian onartu eta baztertu diren izangaien behin betiko zerrenda onestea.
Bidezko da langileen ordezkarien ordez zuzenean bi mahaikide, titularra eta ordezkoa, izendatzea, Langileen Batzordeak ez baitu inor izendatu, eta oposizioaldiko lehen ariketa egiteko eguna zehaztea.
Horrenbestez, otsailaren 21eko 30/2005 Foru Dekretuaren bidez esleiturik ditudan eskurantzak erabiliz,
EBATZI DUT:
1. Nafarroako Foru Komunitateko Administrazioaren eta haren erakunde autonomoen zerbitzuko Meategietako ingeniari izateko lanpostu bat oposizio bidez betetzeko deialdian onartu eta baztertu diren izangaien behin betiko zerrenda, eranskinean ageri dena, onestea.
2. Marín Pérez Trecu, Garraioko Azpiegiturak Kudeatzeko Ataleko burua, mahaikide titular izendatzea, eta Jesús Inocente Oiza Sagardoy, Kontrol Bulegoko burua, ordezko. Biak Ingurumen, Lurraldearen Antolamendu eta Etxebizitza Departamentuan ari dira.
3. Oposizioko lehen ariketa 2006ko maiatzaren 31an eginen da, asteazkenarekin, 9:00etan, Industria eta Teknologia, Merkataritza eta Lan Departamentuko Industri Segurtasunerako Zerbitzuan, Iruñeko Tomás Caballero parkeko 1eko 5. oinean. Ariketarako deialdi bakarra eginen da eta izangaiek Nortasun Agiri Nazionala, pasaportea edo gidabaimena aldean dituztela agertu beharko dute. Azterketara agertzen ez direnak edo arestian aipatutako agirietako baten bidez beren nortasuna egiaztatzen ez dutenak oposiziotik baztertuko dira.
4. Ebazpen hau epaimahakideei igortzea eta Nafarroako ALDIZKARI OFIZIALean argitara dadila agintzea, behar diren ondorioak izan ditzan. Ebazpenaren aurka gora jotzeko errekurtsoa paratzen ahal da, Lehendakaritza, Justizia eta Barne kontseilariari igorria, jakinarazi eta biharamunetik hilabeteko epean, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 114. eta 115. artikuluetan xedaturikoarekin bat. Lege hori urtarrilaren 13ko 4/1999 Legearen bidez aldatu zen.
Iruñean, 2006ko maiatzaren 15ean._Funtzio Publikoaren zuzendari nagusia, Alberto Andérez González.
ERANSKINA
Onartuen eta baztertuen behin betiko zerrenda
_Txanda irekia
Onartuak:
DEL VADO GARCIA, MIGUEL
ESPINA LOMBARDERO, MANUEL
FUENTES RANEDO, MANUEL
GIL TARANCON, MARIA GEMMA
OCON DE DIEGO, JORGE
OTAZUA FONT, JAIME
VALDES RODRIGUEZ, GERSAN
Baztertuak: inor ere ez.
Iragarkiaren kodea: F0607508
