I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
473/2006 EBAZPENA, martxoaren 29koa, Industria eta Merkataritza zuzendari nagusiak emana, Natur Programako dirulaguntzak emateko 2006ko deialdia onesten duena.
Industria eta Teknologia, Merkataritza eta Lan Departamentuaren ildo estrategikoetako bat da Nafarroako produkzio-sarea sendotu eta dibertsifikatzea, etorkizuneko sektoreak sustatzeko.
Aurreko ildo estrategikoan Nafarroako Enpresa Nazioartera Ateratzeko Plana dugu. Plan horrek lortu nahi dituen helburuetako bat zerbitzu enpresak nazioartera ateratzea da.
Natur Programaren bidez enpresa turistikoak nazioartera atera daitezen bultzatu nahi da; horrela, atzerriko bisitariek instalazioak bisitatuz, balio erantsia sortuko da Nafarroarentzat.
Dirulaguntzak enpresa horien zerbitzuak kanpoan sustatzeko dira.
Deialdi honetarako baimendutako aurrekontua 50.000 eurokoa da.
Deialdi honek arau hauei jarraituko die:
_Dirulaguntzei buruzko azaroaren 9ko 11/2005 Foru Legea.
_Batzordearen urtarrilaren 12ko 69/2001 EB Erregelamendua, "De minimis" laguntzei buruzko EE Tratatuaren 87. eta 88. artikuluen aplikazioari dagokionez.
_Batzordearen 2003ko maiatzaren 6ko 2003/361 EK Gomendioa, enpresa txiki eta ertainen definizioari buruzkoa.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluak ematen dizkidan eskurantzak erabiliz,
EBATZI DUT:
1. Natur Programako dirulaguntzak emateko 2006ko deialdia onestea.
2. Dirulaguntzak emateko arauak onestea. Arau horiek ebazpen honen eranskinean ageri dira.
3. Ebazpen honen ondoriozko konpromisoei aurre egiteko 50.000 euroko gastua onestea, 2006ko gastuen aurrekontuetako "Kanpoko sustapenerako egintzak" izeneko 850001/81410/4709/431300 kontusailaren kargura.
4. Ebazpen hau eta bere eranskina Nafarroako ALDIZKARI OFIZIALean argitaratzea.
Ebazpen honen aurka gora jotzeko errekurtsoa jar daiteke, Industria eta Teknologia, Merkataritza eta Lan kontseilariari zuzendua, argitaratu eta biharamunetik hilabeteko epean.
Iruñean, 2006ko martxoaren 29an._Industria eta Merkataritza zuzendari nagusia, Enrique Díaz Moreno.
NATUR PROGRAMAKO DIRULAGUNTZAK EMATEKO 2006KO DEIALDIAREN OINARRIAK
1. araua._Xedea.
Arau hauen xedea da Natur Programa osatzen duten dirulaguntzen kontzesioa erregulatzea. Zehazki, Natur Programaren bidez enpresa turistikoak nazioartera atera daitezen bultzatu nahi da, entitate horiek kanpoko merkatuan dituzten finkaguneak ezagutarazteko sustapen-gastuetako dirulaguntzak emanez. Sustapen lan horren ondorioz bisitari gehiago izanen ditu Nafarroak.
2. araua._Onuradun izateko baldintzak.
Deialdiko dirulaguntzak jaso ahal izateko, enpresek, Dirulaguntzei buruzko azaroaren 9ko 11/2005 Foru Legearen 13. artikuluan ezarritako baldintzez gain, ondokoak bete beharko dituzte:
Helbide fiskala Nafarroako Foru Komunitatean duten kanpaleku, landa-hotel, turismo-aterpetxe, landetxe, turismo-jardueretarako enpresa eta bidai agentzia hartzaileek, betiere ETEen beharkizunak betetzen badituzte, mikroenpresa, enpresa txiki eta ertainen definizioari buruz Batzordeak 2003ko maiatzaren 6an emandako 2003/361/EB Gomendioan ezarritakoaren arabera.
_2004 baino lehenagoko urteetan lehenbiziko tutoretza-fasea arrakastaz bukatua dutenek edo enpresentzat eta batasunentzat doan eskaintzen diren Programako Mintegietan parte hartu dutela frogatzen dutenek.
3. araua._Baldintzak frogatzeko modua eta noiz arte bete behar diren.
3.1. Dirulaguntzei buruzko Foru Legearen 13. artikuluko 2. eta 3. idatz-zatietan onuradun izateko adierazita dauden debekuetatik bat ere ez duela justifikatzeko, eskatzaileak erantzukizuneko aitorpena egin dezake, deusetan galarazi gabe Administrazioak aurkezten diren aitorpenak edo justifikazioak egiazkoak ote diren ikertzeko duen ahalmena.
3.2. Aurreko arauko betebehar berariazkoak frogatzeko, 7. arauko inprimakiak aurkeztuko dira.
3.3. Balditza horiek 2006. urte osoan bete beharko dira.
4. araua._Diruz laguntzen ahal diren gastuak.
Dirulaguntza jaso dezaketen jarduerak 2005eko urriaren 1etik 2006ko irailaren 30a bitarte gauzatu beharko dira.
Hala ere, programaren 2005eko mintegian parte hartu zuten enpresek edo elkarteek laguntzak eskatzen ahalko dituzte mintegia amaitzen denetik 2006ko irailaren 30era bitarte egiten dituzten jarduketengatik.
4.1. Atzerriko hizkuntzan eginiko zabaltze-materiala.
Katalogoak, liburuxkak, bideoak sartzen dira, baita web-orria sortzea ere, eta hura edo haren edukiak atzerriko hizkuntzetan jartzea ere bai. Ez da sartuko kontzeptu horien ondoriozko autofakturazioa.
Atzerriko hizkuntza bat bederen sartu beharko da material gisa.
4.2. Publizitatea atzerriko hedabideetan:
Atzerriko hedabideetarako prestatutako iragarkiak bakarrik sartuko dira kontzeptu honen barrenean. Publizitate horretan, enpresa eskatzailearen izena eta marka agertu beharko dira.
4.3. Merkatu-azterketarako bidaiak.
Enpresarentzat interes estrategikoa edo merkatukoa duten herrialdeetara egindako joan-etorriak; betiere, Espainiatik abiatuta.
4.4. Atzerriko azoketara joatea:
Kontzeptu hauei ematen ahal zaie dirulaguntza:
_Lekua errentan hartzea.
_Erakustokia dekoratzea.
_Produktuak garraiatzea.
_Erakusle eta interpreteak kontratatzea.
_Joan-etorriak eta ostatua.
_Izena ematea eta nahitaezko asegurua, hala nola azokaren katalogoan sartzea.
4.5. Mintegietara joatea eta haietan parte hartzea.
Betiere sektorearen berariazko gaiei buruzkoak badira.
5. araua._Laguntzen zenbatekoa.
5.1. Atzerriko hizkuntzan eginiko zabaltze-materiala.
Gastuen % 50 arte heltzen ahalko da dirulaguntza.
5.2. Publizitatea atzerriko hedabideetan.
Gastuen % 50 arte heltzen ahalko da dirulaguntza.
5.3. Atzerriko azoketara joatea.
Gastuen % 50a bitarte, joan-etorrien eta ostatuaren atalekoak izan ezik. Atal honetan, dirulaguntzak turista-klasean pertsona batek bidaiatzeko izanen dituen gastuak eta ostatatzekoak pagatuko ditu, eta lurralde horretarako ezarria den bidaia-poltsaren zenbatekoraino iristen ahal da gehienez ere.
Ondorio horietarako, ez dira bidaia-gastutzat hartuko lekualdaketak.
5.4. Merkatu-azterketarako bidaiak.
Dirulaguntzak turista-klasean pertsona batek bidaiatzeko izanen dituen gastuak eta ostatatzekoak pagatuko ditu, eta lurraldeko ezarria den bidaia-poltsaren zenbatekoraino iristen ahal da gehienez ere.
Ondorio horietarako, ez dira bidaia-gastutzat hartuko lekualdaketak.
Dirulaguntza emanen zaie, gehienez, bi bidaiari enpresa bakoitzeko.
5.5. Mintegietara joatea eta haietan parte hartzea.
Laguntzak turista-klasean pertsona batek bidaiatzeko izanen dituen gastuak eta ostatatzekoak pagatuko ditu, eta lurralde horretarako ezarria den bidaia-poltsaren zenbatekoraino iristen ahal da gehienez ere. Espainian izanez gero, 210 euro izanen dira.
Ondorio horietarako, ez dira bidaia-gastutzat hartuko lekualdaketak.
6. araua._Gehieneko dirulaguntza.
Enpresa batek, kontzeptu guztiak hartuta, gehienez ere 6.000 euroko dirulaguntza jasoko du.
7. araua._Eskaeren aurkezpena.
Eskabideak aurkeztuko dira Toki Administrazioko Departamentuko erregistroan, edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 38.4 artikuluan aurreikusitako lekuetako batean.
Hilabeteko epea dago, ebazpen hau Nafarroako ALDIZKARI OFIZIALean argitaratu eta biharamunetik aurrera, eskaerak aurkezteko. Epea ebazpena Nafarroako ALDIZKARI OFIZIALean argitaratu eta hurrengo hilabeteko egun berean amaituko da.
Dokumentazioa posta bulego batean aurkezten bada, gutun-azal ireki batean egin beharko da, lehenengo orriko goiko aldean bulegoaren izena, eguna, tokia eta ordua (minutu eta guzti) adierazi ahal izateko. Datu horiek guztiak gordekinean ere azaldu beharko dira (posta zerbitzuak arautzen dituen abenduaren 3ko 1829/1999 Errege Dekretuaren 31. artikulua).
Eskabideak, Fc7.07.04 ereduaren araberakoak, ondoko agiri hauekin batera aurkeztuko dira:
_Ekintza plana, parte hartzeko eskaeraren inprimakian ageri den edukien zerrendaren araberakoa.
_Azaldutako ekintzetarako beste erakunde batzuek emandako laguntzen erantzukizunpeko aitorpena, eta Europar Komunitatearen arauak aipatzen dituen 12. arauari jarraikiz emandako laguntzena, Fc7.07.07. inprimakiaren arabera eginak.
_ETEa izateari buruzko zinpeko aitorpena, Fc7.07.15 ereduaren araberakoa.
8. araua._Dirulaguntza emateko irizpideak.
Dirulaguntzak ondoko irizpide hauei jarraikiz emanen dira:
_5. eta 6. arauetan ezarritako gehieneko ehunekoen arabera kalkulatuko da dirulaguntzaren zenbatekoa babestutako ekintzetarako.
_Baimendutako diru kopurua 5. eta 6. arauetan ezarritakoari jarraikiz eskaera guztiei erantzuteko aski ez bada, eta baimendutako aurrekontuko kontusailetan soberakinik egonez gero, deialdi honek sortutako beharrak betetzera erabiltzen ahalko da.
_Aurrekontuko diru kopurua aurreko puntuaren ondoriozko dirulaguntzen guztirakoa baino txikiagoa bada, hainbanaketa orokorra eginen da eskatzaile guztien artean.
_2006ko ekitaldirako aurrekontuan eskura izanen den diru kopurua igotzen bada, laguntza osagarri bat emanen da, baina 5. eta 6. arauetan ezarritako ehunekoak eta kopuruak gainditu gabe betiere.
9. araua._Prozeduraren instrukzioa.
Eskabideak jasotakoan, Merkataritza Zerbitzuak haien edukia aztertuko du, Turismo eta Sustapen Zuzendaritza Nagusiarekin elkarlanean, 2. arauan eskatutako baldintzak betetzen direla ziurtatzeko, eta aurkeztutako jardunbide planak baliozkotzeko.
Eskatutako dokumentazioa osorik ez badago, hamar eguneko epean osatzeko eskatuko zaio eskatzaileari. Horrela egiten ez badu, uko egiten diola ulertuko da, eta espedientea artxibatuko da, besterik gabe.
Eskatzen diren beharkizunak bete ezean, edo haien plana egiaztatzen ez bada, Industria eta Merkataritza zuzendari nagusiak ezetsitzat joko ditu ebazpen baten bidez.
Beharkizunak betetzen dituzten eskatzaileei eta egoerari buruzko plana homologatu zaienei, gutun bat bidaliko zaie horren berri emanez, eta dirulaguntzak jaso ditzaketen egintzak burutu dituztela frogatzen duen dokumentazioa aurkez dezatela eskatuko.
Honako hau izanen da dokumentazioa:
_Fc7.07.14 justifikazio inprimakia, behar bezala betea.
_Fakturen kopiak.
_Ordainketen frogagiriak, esaterako banku-karguak eta ordainagiriak.
_Ondorengo frogagiriak:
_Zabalkunde-materiala: fakturetan dirulaguntza jasotzeko agertzen den kontzeptu bakoitzaren ale bana.
_Publizitatea atzerriko hedabideetan: agertu den hedabidearen ale bat aurkeztuko da, eta portadaren eta iragarkiaren kopia bat.
Dokumentazioa aurkezteko epea 2006ko urriaren 20an bukatuko da.
Dirua jaso dezaketen ekintzak justifikatzerakoan dokumenturen bat aurkeztu ezin bada, eskatzaileak gertaera horren arrazoiak eman beharko ditu eta epea luzatzeko eskatu, eta departamentua beharturik dago luzapen hori ematera.
Hala eta guztiz ere, Industria eta Teknologia, Merkataritza eta Lan Departamentuak eskatzaileari galdetzen ahal dio egindako eskaeraren tramitazio eta ebazpenerako egoki iruditzen zaion informazio eta dokumentazio osagarri guztia.
10. araua._Dirulaguntza emateko ebazpena.
Industria eta Merkataritza zuzendari nagusiak laguntza eman eta ordaintzeko ebazpena emanen du, enpresak jarduketak egin dituela frogatzen duten agiriak aurkeztu eta hiru hilabeteko epean.
Frogagiria osorik ez badago, laguntza emateko ebazpena emanen da, eta ordainketa, berriz, dokumentazioa osatutakoan eginen da.
Epe horretan ebazpen espresurik jakinarazten ez bada, eskaera ezetsi egin dela ulertuko da.
Aurkeztutako eskaeraren berariazko edo ustezko ezespenaren aurka zilegi izanen da gora jotzeko errekurtsoa jartzea, Industria eta Teknologia, Merkataritza eta Lan kontseilariari zuzendua, Administrazio prozedura erkideari buruzko legeriari jarraikiz.
11. oinarria._Bateraezintasunak.
Laguntza hauek bateraezinak dira beste edozein erakunde edo organismok egintza beretarako eman dezakeen beste edozeinekin.
12. araua._Europar Batasuneko arau aplikagarriak.
Laguntza hauek " de minimis" dira, Europar Batzordearen 69/2001 Erregelamenduan ezarritakoari jarraituz; beraz, aurreko hiru urteetan "de minimis" gisa enpresak hartutakoari gehituta, ez du 100.000 eurotik gora eginen.
Ondorio horrekin, enpresak behartuta daude araubide horri jarraituz aurreko hiru urteetan hartutako dirulaguntzak adieraztera, eskaera aurkezten dutenean.
13. araua._Obligazioak eta ez-betetzearen ondorioak.
13.1. Kontsumitzaileen eta erabiltzaileen elkarteek Dirulaguntzei buruzko Foru Legearen 9. artikuluan ezarritako baldintza orokorrak bete beharko dituzte.
Zerga arloko eta Gizarte Segurantzarekiko betebeharren ordainketan egunean dagoela egiaztatzeko, eskabidean berean baimena eman beharko zaio Industria eta Teknologia, Merkataritza eta Lan Departamentuari behar diren datuak kontsulta ditzan, laguntza emateko ebazpenaren proposamena egiten den unean onuraduna zerga arloko eta Gizarte Segurantzarekiko betebeharren ordainketan egunean ote dagoen egiaztatzeko.
13.2. Arau hauetan edo Dirulaguntzei buruzko Foru Legean ezarritako betebeharrak urratuz gero, elkarteak onartutako dirulaguntza kobratzeko eskubidea galdu eta, kasua bada, dirua itzuli beharko du.
13.3. Deialdi hau, gainera, Dirulaguntzei buruzko Foru Legearen IV. tituluan ezarritako arau-hauste eta zehapenen araubidearen menpe dago.
14. araua._Gora jotzeko errekurtsoa.
Arau hauen aurka gora jotzeko errekurtsoa jar daiteke, Industria eta Teknologia, Merkataritza eta Lan kontseilariari zuzendua, argitaratu eta biharamunetik hilabeteko epean.
15. araua._Emandako dirulaguntzen publizitatea.
Dirulaguntzei buruzko Foru Legearen 15. artikuluan xedatutakoarekin bat, Kontsumo Zerbitzuak Industria eta Teknologia, Merkataritza eta Lan Departamentuaren webgunean jendaurrean jarriko ditu emandako dirulaguntzak, ondokoak zehaztuta: deialdia, laguntza zein programa eta aurrekontu-kredituri egotziko zaion, onuradunak, emandako diru-kopurua eta dirulaguntzaren helburua.
BIDAIA POLTSAK
H E R R I A L D E A POLTSA (euroak)
ALBANIA 870
ALEMANIA 410
ANGOLA 1.730
SAUDI ARABIA 1.220
ALJERIA 360
ARGENTINA 1.730
ARMENIA 1.020
AUSTRALIA 1.940
AUSTRIA 610
AZERBAIJAN 1.220
BANGLA DESH 1.530
BELGIKA 410
BIELORRUSIA 1.020
BOLIVIA 1.630
BOSNIA-HERZEGOVINA 610
BOTSWANA 1.840
BRASIL 1.560
BRUNEI 1.940
BULGARIA 920
KAMERUN 1.330
KANADA (EKIALDEKO KOSTA) 1.120
KANADA (MENDEBALDEKO KOSTA) 1.430
TXAD 1.120
TXILE 1.840
TXINA 2.080
TXIPRE 710
KOLONBIA 1.330
KONGO 1.730
HEGO KOREA 2.040
BOLI KOSTA 1.330
COSTA RICA 1.330
KROAZIA 610
KUBA 920
DANIMARKA 410
EKUADOR 1.330
A.E.B. (ERDIALDEA) 1.140
A.E.B. (EKIALDEKO KOSTA) 940
A.E.B. (MENDEBALDEKO KOSTA) 1.460
EGIPTO 820
EL SALVADOR 1.330
ARABIAR EMIRERRI BATUAK 1.220
ESLOVAKIA 610
ESLOVENIA 510
ESTONIA 1.020
ETIOPIA 1.220
FILIPINAK 1.840
FINLANDIA 610
FRANTZIA (HEGO-MENDEBALDEA) 205
FRANTZIA (GAINERAKOA) 360
GABON 1.330
GEORGIA 1.220
GHANA 1.330
GREZIA 560
GUATEMALA 1.330
GINEA BISSAU 920
GINEA KONAKRY 1.020
EKUATORE GINEA 1.120
HERBEHEREAK 410
HONDURAS 1.330
HUNGRIA 710
INDIA 1.560
INDONESIA 1.840
IRAK 1.120
IRAN 1.330
IRLANDA 410
ISLANDIA 920
ISRAEL 820
ITALIA 410
JAMAIKA 1.330
JAPONIA 2.080
JORDANIA 920
KAZAJSTAN 1.430
KENIA 1.220
KIRGIZISTAN 1.430
KUWAIT 1.220
LETONIA 1.020
LIBANO 920
LIBERIA 1.020
LIBIA 820
LITUANIA 1.020
LUXENBURGO 410
MADAGASKAR 1.840
MALAYSIA 1.840
MALAWI 1.840
MALI 1.220
MAROKO 360
MAURITANIA 820
MEXIKO 1.140
MOLDAVIA 1.120
MONGOLIA 2.040
NAMIBIA 1.840
NEPAL 1.730
NIKARAGUA 1.330
NIGERIA 1.330
NORVEGIA 610
ZEELANDA BERRIA 2.040
OMAN 1.220
PAKISTAN 1.530
PANAMA 1.330
PARAGUAI 1.630
PERU 1.630
POLONIA 710
PORTUGAL 200
PUERTO RICO 1.020
QATAR 1.200
ERRESUMA BATUA 410
AFRIKA ERDIKO ERREPUBLIKA 1.330
TXEKIAR ERREPUBLIKA 710
KONGOKO ERREPUBLIKA DEMOKRATIKOA 1.730
DOMINIKAR ERREPUBLIKA 920
ERRUMANIA 920
RUSIA 1.040
SENEGAL 920
SERBIA-MONTENEGRO 610
SINGAPUR 1.840
SIRIA 920
SOMALIA 1.220
SRI LANKA 1.840
HEGOAFRIKA 1.330
SUEDIA 610
SUITZA 510
THAILANDIA 1.840
TAIWAN 2.040
TUNISIA 410
TURKMENISTAN 1.430
TURKIA 820
UKRAINA 1.120
URUGUAI 1.730
UZBEKISTAN 1.430
VENEZUELA 1.330
VIETNAM 2.040
YEMEN 1.220
ZAMBIA 1.730
ZIMBAWE 1.730
Iragarkiaren kodea: F0605532