II. NAFARROAKO TOKI ADMINISTRAZIOA
2.3. BESTELAKO XEDAPENAK
2.3.5. Beste batzuk
IRUÑA
Merkatarien elkarteei laguntzak emateko deialdi publikoaren oinarri erregulatzaileak, 2005/2006ko eguberrietako apaindura-instalazioek eragindako argi-indarraren kontsumoa dela-eta
Iruñeko Udalaren Merkataritza eta Turismoko Zinegotzi Delegatuak 2006-03-21ean emandako ebazpenaren bitartez, merkatarien elkarteei laguntzak emateko deialdi publikoaren oinarri erregulatzaileak onetsi dira, 2005/2006ko eguberrietako apaindura-instalazioek eragindako argi-indarraren kontsumoa dela-eta.
Laguntza-eskabideak ondoko tokietan aurkeztu behar dira: Iruñeko Udalaren Erregistro Orokorrean (Merkatuko k., 7-9), erregistro osagarrietan (Kulturako Alorra _Descalzos k., 2-2. solairua_, Ingurumen eta Osasuneko Alorra _San Saturnino k., 2-beheko solairua_, Hiritarren Babeseko Alorra _Iratxeko monasterioaren k., 2-beheko solairua_, Hirigintza eta Etxebizitzako Alorra _Armada etorbidea, 2-5. solairua_, Lehendakaritzako, Gizarte Zerbitzuetako eta Hezkuntza, Gazteria eta Kiroleko alorrak _Zapateria k., 40-beheko solairua_), edo, bestela, Herri Administrazioen Araubide Juridikoaren eta Administrazio Prozedura Erkidearen Legeak aurreikusten dituen beste edozeinetan, betiere hilabeteko epean, iragarki hau argitaratu eta biharamunetik aitzina. Eskabidearekin batera, deialdian adierazitako agiri guztiak aurkeztu beharko dira.
Oinarriak eta argibide gehiago jasotzeko, Merkataritza eta Turismoko Alorrera jo (Udaletxeko 4. solairua).
Hori guztia argitara ematen da, jende orok jakin dezan.
Iruñean, 2006ko martxoaren 27an._Alkatea, Yolanda Barcina Angulo.
Iragarkiaren kodea: L0605599
