48. ALDIZKARIA - 2006ko apirilaren 21a

I. NAFARROAKO FORU KOMUNITATEA

1.3. BESTELAKO XEDAPENAK

1.3.4. Dirulaguntzak eta bekak

71/2006 FORU AGINDUA, martxoaren 27koa, Gizarte Ongizate, Kirol eta Gazteriako kontseilariak emana, 2006rako Nafarroan kirol ekitaldi eta ikuskizunak antolatzeko kirol elkarteei eta irabazi asmorik gabeko klub filialen titularrak diren entitateei dirulaguntzak emateko deialdiaren arauak onesten dituena.

Nafarroako Kirolari buruzko uztailaren 5eko 15/2001 Foru Legearen helburua kirola arautu, antolatu, sustatu eta koordinatzea da, Konstituzioaren eta gainerako ordenamendu juridikoaren arabera Nafarroako Foru Komunitateari dagozkion eskumenen eremuan.

Foru Lege bereko 33. artikuluak azaltzen du Foru Komunitateko administrazioak honako bideen bitartez bultzatuko duela kirola: laguntza eta dirulaguntzetarako araubide bat ezarriz, kirolaren babes komertziala sustatuz eta interes orokorreko jardueretan lankidetza hitzarmenak sustatuz. Kirol gaietako dirulaguntzak arautzeko oinarrietan zilegi izanen da aurreikustea dirulaguntza emateko prozedura bukatzeko Administrazioaren eta interesatuen arteko ituna erabiltzea.

Dirulaguntzei buruzko azaroaren 9ko 11/2005 Foru Legeak dirulaguntza publiko guztiak gobernatzen ditu eta bertan ezartzen dira printzipio orokorrak, kontzeptuak, irizpideak, eskumenak, eginbeharrak eta erantzukizunak, eta dirulaguntzak eman, kudeatu eta kontrolatzeko bidea.

Bertan aipatzen diren kirol politikaren helburuen artean, aipatzekoak dira Foru Komunitatean kirol ekitaldi garrantzitsuak sustatzea eta kirol alorrean administrazio publikoen artean eta horien eta Foru Komunitatean kirola sustatzen eta garatzen diharduten beste entitate publiko edo pribatuen artean koordinazioa eta elkarlana bultzatzea. Kirola laguntzak eta dirulaguntzak emanez ere sustatu nahi da. Kirola laguntzak eta dirulaguntzak emanez ere sustatu nahi da.

Kontuan hartuta Nafarroan kirol ikuskizun garrantzitsuak antolatzea, gizartearen eta kirolaren ikuspegitik, haien eta haietako partaideen ezaugarri bereziak direla medio, baliabide bat dela kirola sustatu eta bultzatzeko eta, askotan, oinarrizko kirolarientzat eta oro har kirola egiten duten pertsonentzat pizgarri dela.

Gobernuak 2006ko otsailaren 27an hartutako Erabakiaren bidez onespena eman zitzaion deialdi honetako laguntza eskaerak banakako ebaluazioaren bidez tramitatzeari.

Horrenbestez, Nafarroako Gobernuari eta lehendakariari buruzko abenduaren 3ko 14/2004 Foru Legeak eta Gizarte Ongizate, Kirol eta Gazteria Departamentuaren egitura organikoa ezartzen duen otsailaren 24ko 46/2005 Foru Dekretuak emandako eskurantzak erabiliz,

AGINDU DUT:

1. 2005. eta 2006. urteetarako Nafarroan kirol ekitaldi eta ikuskizunak antolatzeko kirol elkarteei eta irabazi asmorik gabeko klub filialen titularrak diren entitateei dirulaguntzak emateko deialdiaren arauak onestea. Foru agindu honen 1. eranskinean ageri dira.

2. Dirulaguntzen deialdi honetan aurkezten diren eskaerak baloratzeko baremoa eta irizpideak onestea. Foru agindu honen 2. eranskinean ageri da.

3. 246.500 (berrehun eta berrogeita sei mila eta bostehun) euroko gastua baimentzea, 2006ko Nafarroako Aurrekontu Orokorretako 940002-95110-4819-336104 kontusailaren kargura.

4. Foru agindu hau eta bere eranskinak Nafarroako ALDIZKARI OFIZIALean argitaratzea eta Nafarroako Kirol eta Gazteriaren Institutuari jakinaraztea, behar diren ondorioak izan ditzaten.

Iruñean, 2006ko martxoaren 27an._Gizarte Ongizate, Kirol eta Gazteria kontseilaria, José Ignacio Palacios Zuasti.

1. ERANSKINA

Arauak

1. Xedea.

Foru agindu honen xedea da 2005erako eta 2006rako Nafarroako kirol elkarteei eta irabazi asmorik gabeko klub filialen titularrak diren entitateei kirol ekitaldi eta ikuskizunak antolatzeko dirulaguntzak emateko araubidea zehaztea, betiere ere eranskin honetan ezarten diren betebeharrak beterik.

Laguntza hauek onura publikokoak dira Nafarroako biztanleen kirol jarduera sustatzen dutelako.

2. Helburuak.

Aurreko arauak aipatu dirulaguntzak Nafarroan kirol ekitaldi eta ikuskizunak antolatzearen ondorioz sortutako gastuak hein batean laguntzeko izango dira soil-soilik. Dirulaguntza zein jardueratarako eskatzen den, horri egotziko zaizkio zuzenean gastu horiek. Dirulaguntzak ezin izanen dira inola ere erabili material inbentariagarria erosteko.

Dirulaguntza hauen onuradunen eta Nafarroako Kirol eta Gazteriaren Institutuaren arteko lankidetza hitzarmenak egiten ahalko dira, Nafarroako Kirol eta Gazteriaren Institutuaren eginkizunak sustatu eta, garrantzitsuak izateagatik edo entitate bakar batek jarduera batzuk antolatzeagatik, Institutuak interesgarritzat jotzen dituen jarduerak egiten laguntzeko. Lankidetza hitzarmen horien xede bakarra izanen da aurretik Nafarroako Kirol eta Gazteriaren Institutuko zuzendari kudeatzailearen ebazpenaren bitartez aitortutako laguntzak formalizatzea, deialdi publiko honi dagokionez.

3. Onuradunak.

3.1. Dirulaguntza hauek jaso ahalko dituzte 2005ean edo 2006an Nafarroan kirol ekitaldi eta ikuskizunak antolatzen dituzten Nafarroako kirol elkarteek eta irabazi asmorik gabeko klub filialen titularrak diren entitateek, Nafarroako Kirol Elkarteen Erregistroan inskribaturik baldin badaude.

Antolamenduaz zenbait kirol elkarte arduratzen badira, haietako batek eginen du eskaera.

3.2. Kirol elkarteek eta irabazi asmorik gabeko klub filialen titularrak diren entitateek bere gain hartu, kudeatu eta zuzenean antolatu beharko dituzte diruz lagunduak izatea nahi duten ekitaldi eta ikuskizunak.

3.3. Deialdi honetatik kanpo geratzen dira bestelako deialdi batzuetan edo zehatzagoetan sartzen diren ekitaldi eta ikuskizunak. Halaber kanpo geratzen dira Nafarroako Kirol Jokoetan kadete eta haur kategorietan sartuak diren modalitate eta espezialitateak, eta beheragoko kategorietarako ekintza guztiak.

4. Laguntzen zenbatekoa.

Nafarroako Kirol eta Gazteriaren Institutuko Kirol Zuzendariordetzak, bertako teknikarien bitartez, eskaerak izapidatu, baloratu eta laguntzei buruzko ebazpena emateko behar diren egiaztapenak eginen ditu, 2. eranskinean adierazten diren baremo eta irizpideei jarraikiz.

Hitzarmenetan dirulaguntzen zenbatekoa eta ekitaldiak egiteko baldintzak zehaztuko dira.

Dirulaguntzak ez dira inola ere Nafarroan kirol ikuskizuna egitetik heldu den defizita baino handiagoak izaten ahal, eta, horrela behar izanez gero, murriztu eginen da haren zenbatekoa.

5. Agiriak.

5.1. Eskaera _Jardueraren proiektua.

Dirulaguntzetarako eskabideak, eskabide orokorrarekin batera, Nafarroako Kirol eta Gazteriaren Institutuak emanen duen inprimaki batean aurkeztu behar dira. Orobat, eskatzaileek zerga guztiak eta Gizarte Segurantzari ordaindu beharrekoak ordainduak dituztela egiaztatzen duen agiria aurkeztu beharko dute, hala nola Nafarroako Foru Komunitateko Administrazioko zorrak kitatuak dituztela dioena.

5.2. Eskaera non eta noiz aurkeztu.

Dirulaguntzetarako eskabideak Nafarroako Kirol eta Gazteriaren Institutuaren Erregistroan aurkeztuko dira, edo, bestela, Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Foru Legearen 38.4 artikuluan aurreikusitako edozein bideren bitartez. Aurkezteko epea programaturiko kirol ekitaldi edo ikuskizuna hasi baino 15 egun natural lehenago bukatuko da.

Nafarroako Kirol eta Gazteriaren Institutuak ofizioz eskatzen ahalko du kasuan kasuko hitzarmena izenpetu dadila interesgarritzat jotzen diren kirol jarduerak egiteko. Hitzarmenetan agiriak aurkezteko epeak eta ekitaldiak egiteko baldintzak zehaztuko dira.

Foru agindu hau argitaratu baino lehen aurkeztutako dirulaguntza eskabideei hemen ezarritako administrazio prozedura aplikatuko zaie.

5.3. Jarduera egin dela frogatzen duten agiriak.

Kirol ekitaldi edo ikuskizuna bukatu ondoren 2 hilabete iragan baino lehen aurkeztuko dira Nafarroako Kirol eta Gazteriaren Institutuko Erregistro Orokorrean edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 38.4. artikuluan aipatzen diren bideak erabiliz.

Jarduera bukatu ondoren aurkeztu beharreko agiriak honako hauek dira:

a) Jardueraren txostena jasotzeko prestatutako inprimakia, hala nola dirusarrera eta gastuen balantzea, zigilatua eta entitateko lehendakariak sinatua. Egindako gastuen justifikazioa eta egindako jarduerei eta haien gastuei buruzko aitorpena aurkeztuko dira. Izandako gastu guztiak zehaztuta azalduko dira.

b) Gastuen ordainagirien jatorrizkoak, erkatu ondoren itzuliko direnak, eta haien fotokopiak, dirulaguntzan hartutakoa bezalako zenbatekokoak edo handiagokoak. Jarduerari egozten ahal zaizkion ordainagiri guztien zerrenda izenduna ere aurkeztuko da, eta bertan azalduko kontuko idaztoharra, zenbatekoa eta haien aplikazioa.

c) Afixak, liburuxkak, prentsako informazioa edo beste edozein euskarri, Nafarroako Gobernuaren agerpen instituzionala frogatzen duena.

d) Dirulaguntzaren xede den gastuaren zenbatekoa 12.000 eurotik goitikoa denean, onuradunak ardurapeko adierazpen bat aurkeztu beharko du, non azalduko baitu hornitzailea eraginkortasun eta ekonomia irizpideei jarraituz hautatu dela, aholkularitza edo laguntza enpresek ekipo ondasunez hornitu edo zerbitzuak ematen dituztenean.

e) Egindako jarduerarekin zerikusirik duten bestelako agiriak, eskatzailearen ustez edo Nafarroako Kirol eta Gazteriaren Institutuarenaz interesgarritzat jotzen direnak.

6. Antolamendua eta izapidaketa.

Nafarroako Kirol eta Gazteriaren Institutuko Kirol Zuzendarordetza izanen da dirulaguntza hauek emateko prozedura antolatu eta izapidatzeko organo eskuduna.

7. Balorazioa.

7.1. Eskaerak hobeki ebaluatzeko, Nafarroako Kirol eta Gazteriaren Institutuko Kirol Zuzendariordetzak zilegi izanen du kirol elkarte eta klub filialen titular diren entitate eskatzaileei eskatzea aurkeztu dituzten dokumentuetako informazioa zabaldu edo hobe dezatela. Eskabideak hobeki ebaluatzeko, Nafarroako Kirol eta Gazteriaren Institutuko Kirol eta Gazteria Zuzendariordetzak zilegi izanen du kirol elkarte eta klub filialen titular diren entitate eskatzaileei eskatzea aurkeztu dituzten dokumentuetako informazioa zabaldu edo hobe dezatela. Eskatutako dokumentazioa osorik aurkezten ez bada edo deialdiko baldintzak betetzen ez badira, entitateari eskatuko zaio, 10 egun balioduneko epean, dokumentazioa osatu edo akatsak zuzen ditzan eta, halaber, ohartaraziko zaio, hala egin ezean, bere eskaerari uko egin diola ulertuko dela, ebazpena eman aurretik, azaroaren 26ko 30/1992 Legeko 71. artikuluari jarraikiz.

8. Ebazpena.

8.1. Eskaerei buruzko ebazpena Nafarroako Kirol eta Gazteriaren Institutuko zuzendari kudeatzaileak emanen du eta interesatuei jakinaraziko zaie, jarduera justifikatzeko agiriak aurkezten diren egunetik sei hilabeteko epean beranduenez.

Eskaerak ukatutzat hartuko dira ezarritako epean ebazpen espresurik ematen ez bada.

8.2. Dirulaguntza emateko ebazpenean dirulaguntzaren xedeak, zenbatekoa eta ordainketa modua agertuko dira. Ebazpenean aipatu beharrekoa da zein den eskatzailea edo eskatzaileen zerrenda, eta espres agertaraziko da, halakorik baldin bada, zein eskaerari esan zaien ezetz.

8.3. Ekitaldi ekonomiko jakin baten kargura dirulaguntza bat emateak ez du eskubiderik sortzen hurrengo ekitaldi ekonomikoen kargura dirulaguntza gehiago eskuratzeko.

8.4. Dirulaguntzei buruzko azaroaren 9ko 11/2005 Foru Legearen 14.r) artikuluan ezarritakoa betez, deialdi honetan emandako dirulaguntzak eta haien onuradunen zerrenda Nafarroako Kirol eta Gazteriaren Institutuko eta Kirol Etxeko iragarki oholetan jarriko dira.

9. Betebeharrak.

9.1. Dirulaguntzen onuradunek adierazten diren xedeetarako erabili beharko dituzte laguntzak. Horrez gainera, hori betetzen dutela agiri bidez frogatu beharko dute, eta Nafarroako Kirol eta Gazteriaren Institutuak egiten dituen egiaztapenak onartu eta erraztu.

9.2. Entitate eskatzaileek hartutako dirulaguntzaren erregistroa eginen dute beren kontabilitatean edo kontabilitate-liburuetan, eta dirusarrerak nondik jaso eta gastuak zertarako egin diren azalduko dute. Egiaztatu eta kontrolatzeko ahalmenak ongi erabiltzen direla bermatzeko, kontabilitate liburuak, erregistro diligentziatuak eta behar bezala auditaturiko bestelako agiriak eduki beharko dira, merkataritzari eta sektoreari buruzko legeetan xedatu bezala.

9.3. Dirulaguntzen onuradunek Nafarroako Ogasun Publikoarekiko eta Gizarte Segurantzarekiko betebeharrak egunean izan beharko dituzte, eta Nafarroako Foru Komunitateko Administrazioko zorrak kitatuak.

9.4. Halaber, kirol elkarteek eta klub filialen titular diren entitateek egiten duten jardueraren publizitate eta zabalkundean erabili beharko dute Nafarroako Gobernuak horretarako ezarriko duen marka (anagrama eta logotipoaz osatua), eta baita jardueraren ezaugarrien arabera erabilitako beste publizitate medioetan ere, horrelakorik baldin bada, betiere Nafarroako Gobernuaren sinbolo ofiziala eta haren erabilera arautzen duen maiatzaren 3ko 189/2004 Foru Dekretua betez.

9.5. Ematen den dirulaguntza hau bateragarria izanen da administrazio berak, beste administrazio publiko batzuek, erakunde publiko edo pribatuek eta norbanakoek, naziokoek zein atzerrikoek, ematen dituzten bestelako dirulaguntzekin. Lagundutako jarduera finantzatzeko eskatu edo lortutako beste laguntza, dirulaguntza, diru-sarrera edo baliabideen berri eman beharko dute onuradunek lehenbailehen, eta, betiere, jasotako dirua zertan erabili den justifikatu baino lehen. Haien zenbatekoak, bakarrik edo denak baturik, ezin izanen du behin ere gainditu garatu beharreko jardueraren kostua.

9.6. Dirulaguntzei buruzko azaroaren 9ko 11/2005 Foru Legeko 35. artikuluan aurreikusitako kasuetan, hartutako dirulaguntzak itzultzea.

10. Dirulaguntza nola eta noiz pagatuko den.

10.1. Emandako dirulaguntza transferentzia bidez ordainduko da, dagokion ebazpena eman eta bi hilabeteko epean gehienez, justifikatu ondoren.

10.2. Dirulaguntzarako aurreikusten den zenbatekoaren 100eko 90 aurrerakin gisa pagatzen ahalko da. Beste 100eko 10a bukatu eta dirulaguntza 5.3 arauan adierazi bezala justifikatu ondoren pagatuko da. Horretarako, onuradunak dirulaguntzaren xedeak betetzeko funtsak dituela frogatu beharko du.

Aurrerakina 60.000 euro baino gehiagokoa bada aldez aurretik abala aurkeztu beharko da.

11. Ez-betetzeak.

Deialdi honen oinarrietan ezarri dena ez betetzeak, gezurrezko datuak emateak edo Nafarroako Kirol eta Gazteriaren Institutuaren baimenik gabe dirulaguntzaren helburuak aldatzeak dirulaguntza galtzea ekarriko du berarekin, jasotako dirua itzuli beharra eta hurrengo eta helburu bereko edo bertsuko dirulaguntza eskaerak ukatzea ere izan dezake ondorio, aplikatu beharreko arauek ezartzen ditzuzten beste erantzukizunak ezertan galarazi gabe.

Dirulaguntzen aurrerakinak eman badira eta onuradunek 4. arauan ezarritako moduan gastu guztiak frogatzen ez badituzte, proportzionaltasun irizpideari jarraituko zaio, alegia, justifikaturik ez dagoen kopurua itzuli beharko da. Dirulaguntzen aurrerakinak eman direnean eta onurdunek frogagiriak epez kanpo aurkezten dituztenenan, pagatzeke dagoen dirulaguntzaren zatia galduko da.

Halaber, onuradunak betebeharrak ia osorik bete dituenean eta zalantzarik gabe bere konpromisoak burutzeko jarduketa frogatzen denean, itzuli beharreko dirua aurrera idatz-zatian aipatzen den proportzionaltasun irizpideari jarraituz zehaztuko da.

12. Errekurtsoak.

Deialdi honen arauen eta hori aplikatzeko egintzen kontra gora jotzeko errekurtsoa paratu daiteke, Nafarroako Gobernuari zuzendua, hilabeteko epean, Nafarroako ALDIZKARI OFIZIALean argitaratu eta biharamunetik, hori guztia Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legearen 114. eta 115. artikuluei jarraikiz.

Halaber, Nafarroako Kirol eta Gazteriaren Institutuko zuzendari kudeatzailearen ebazpenen aurka bidezko izanen da gora jotzeko errekurtsoa aurkeztea, Gizarte Ongizate, Kirol eta Gazteria kontseilariari igorria, jakinarazi eta biharamunetik hilabeteko epean.

13. Aplikatu beharreko legeria.

Foru agindu honetan ezarririk ez dagoen guztian Dirulaguntzei buruzko azaroaren 9ko 11/2005 Foru Legean xedatu bezala eginen da.

2. ERANSKINA

Aplikatu beharreko baremoa eta irizpideak

Kirol ikuskizunen kalitatearen balorazioa

1._Eragina gizartean: % 15 - 9 puntu gehienez.

A._Eraginpeko eremua: 3 puntu gehienez.

B._Hedabideak: 4 puntu gehienez.

C._Zenbat edizio (+3): 3 puntu gehienez.

D._Esklusibotasuna: gehienez 2 puntu.

2._Lehiaketa maila: % 15 - 9 puntu gehienez.

A._Herritarrak: gehienez 7 puntu.

B._Federatuak: gehienez 4 puntu.

C._Lehen maila ez profesionala: gehienez 8 puntu.

D._Profesionalak: gehienez 9 puntu.

3._Parte-hartzea: % 20 - 12 puntu gehienez.

A._Kopurua: 12 puntu bitarte.

B._Kalitatea: gehienez 12 puntu.

4._Baliabide ekonomikoak: % 30 - 18 puntu gehienez.

A._Eragina: gehienez 8 puntu.

B._Bideragarritasuna: gehienez 5 puntu.

C._Ekarpenak: gehienez 10 puntu.

5._Institutuarendako interesa: % 20 - 12 puntu gehienez.

A._Bertan egon beharra: gehienez 7 puntu.

B._Kirolari taldea: gehienez 10 puntu.

Aplikazioa: atal guztietako puntuak baturik, espedientea maila batean kokatzen da eta maila horri puntuaren balio bat dagokio, taula honen arabera:

MAILA PUNTUAK PUNTUAREN BALIOA MAILAKO MUGA

I. maila 0-20 puntu 30 euro 600 euro bitarte

II. maila 21-30 puntu 60 euro 1.200 euro bitarte

III. maila 31-40 puntu 120 euro 2.400 euro bitarte

IV. maila 41-50 puntu 360 euro 6.000 euro bitarte

V. maila 51-60 puntu 1.200 euro 18.000 euro bitarte

3. ERANSKINA

Kirol klubentzako laguntzak, Nafarroan kirol ikuskizunak antolatzeko

ESKAERA INPRIMAKIA

Nortasunari buruzko datuak:

Jardueraren izena:

Entitatea:

Kirol mota:

Helbidea: ....................... Herria: ................ P.K.:

Telefonoa: ................ Erregistro zk.: ................. IFZ:

(Administrazioak bete beharrekoa).

OHARRAK:

Oharrak:

1. Kirol ikuskizuna egin baino gutxienez 15 egun lehenago aurkeztu beharko da, eskabide orokorrarekin batera, Nafarroako Kirol eta Gazteriaren Institutuko Erregistroan edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 38.4. artikuluan aipatzen diren bideak erabiliz.

2. Dirulaguntza kobratzeko ezinbestekoa izanen da Nafarroako Gobernuarekin Banku-helbideratzea izatea, entitate eskatzailearen izenean.

KIROL ZUZENDARITZA.

Kirola Sustatzeko Atala. Arrieta, 25.- 31002 - Iruña.

Telefonoak: 848 42 78 22 - 848 42 78 45.

PROIEKTUA

1. Proiektuaren helburuak eta garrantzia:

2. Datak eta tokia:

3. Jardueraren deskripzioa:

4. Antolaketa-baliabideak:

5. Aurreikusi den partaide kopurua eta kategoriak:

GIZONEZKOAK EMAKUMEAK GUZTIRA

Kategoria

Nafarroa

Bestelako autonomia

erkidegoak

Bestelakoak

GUZTIRA

6. Publizitaterako aurreikusitako prozedura (ekitaldien eguna eta ordua adierazi):

Kartela (kp. ....) f Tokia eta eguna

Liburuxka (kp. ....) f

Aurkezpena/Prentsaurrea f

Sari banaketa f

Bestelakoak f

7. Beste datu interesgarri batzuk:

Oharra: Proiektua azaltzeko gainerako datuak eranskin gisa aurkezten ahalko dira.

GASTUEN AURREKONTUA

Diru kopurua

1. Langileen lansariak (kirolariak, teknikariak, zuzendaritza karguak...).

2. Joan-etorriak eta mantenua.

3. Epaileen ordainsaria.

4. Federazio kuotak.

5. Azpiegiturako eta antolaketako gastuak.

6. Alokairuko eta publizitateko gastuak.

7. Beste gastu batzuk, azalduak eta xehekatuak.

AURREIKUSITAKO GASTUAK GUZTIRA

DIRUSARREREN AURREKONTUA

Diru kopurua

1. Funts berekien ekarpena.

2. Ikuskizunerako sarrerak edo parte hartzeko kuotak.

3. Babesleak.

4. Zozketak eta dirua biltzeko beste sistema batzuk.

5. Bestelako administrazio publikoen dirulaguntzak (Nafarroako Gobernukoak izan ezik).

6. Beste dirusarrera batzuk.

AURREIKUSITAKO DIRUSARRERAK GUZTIRA

AURREKONTUA:

DIRUSARRERAK

GASTUAK

EMAITZA

.............(e)n, ........(e)ko ..........aren ..........(e)an.

LEHENDAKARIA IDAZKARIA

Klubaren zigilua

Izenpea: ....................... Izenpea: ......................

KIROL KLUBENTZAKO LAGUNTZAK NAFARROAN KIROL EKITALDI ETA IKUSKIZUNAK ANTOLATZEKO

Justifikazio inprimakia

Aurkeztu diren agiriak markatu.

1. Memoria

2. Diru-sarrera eta gastuen balantzea

3. Fakturen zerrenda eta haien kontabilitateko idazpena

4. Jatorrizko fakturak eta haien fotokopiak

5. Publizitate euskarriak

Jardueraren gaineko txostena

1. Jardueraren izena

2. Entitate antolatzailea

3. Egiteko eguna eta tokia

4. Aurreikusi den partaide kopurua eta kategoriak

GIZONEZKOAK EMAKUMEAK GUZTIRA

Kategoria

Nafarroa

Bestelako autonomia

erkidegoak

Bestelakoak

GUZTIRA

Oharra: Jarduera bukatzen denetik bi hilabeteko epean aurkeztu beharko da, eskabide orokorrarekin batera, Nafarroako Kirol eta Gazteriaren Institutuko Erregistroan edo Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 38.4. artikuluan aipatzen diren bideak erabiliz.

KIROL ZUZENDARITZA.

Kirola Sustatzeko Atala. Arrieta, 25.- 31002 - Iruña.

Telefonoak: 848 42 78 22 - 848 42 78 45.

5. Antolaketa-baliabideak:

6. Emaitzak eta sailkapenak (zerrendak edo aktak erantsi):

7. Prentsako ebakinak eta ikus-entzunekoak (ebakinak eta materiala erantsi):

8. Jardueraren kartela, liburuxka, publizitatea, kamisetak, opariak, etab. (aleak erantsi):

9. Publizitate ekitaldien deskripzioa:

Aurkezpena/Prentsaurrea:

Sari banaketa:

Bestelakoak:

10. Nafarroako Gobernuaren publizitate euskarrien erabilpena:

Hesiak .......... Podiuma .......... Xingola .......... Beste batzuk ..........

11. Jardueraren balorazioa (eranskina aurkeztu, behar izanez gero):

DIRULAGUNTZAREN XEDEA DEN JARDUERAREN DIRUSARREREN ETA GASTUEN JUSTIFIKAZIOA

Egindako gastuak

Diru kopurua

Kontabilitateko 1. idazpena._Langileria-gastuak (kirolariak, teknikariak, zuzendaritza karguak...).

Kontabilitateko 2. idazpena._Joan-etorriak eta mantenua.

Kontabilitateko 3. idazpena._Epaileen ordainsaria.

Kontabilitateko 4. idazpena._Federazio kuotak.

Kontabilitateko 5. idazpena._Azpiegiturako eta antolaketako gastuak.

Kontabilitateko 6. idazpena._Alokairuko eta publizitateko gastuak.

Kontabilitateko 7. idazpena._Beste gastu batzuk, azalduak eta xehekatuak.

EGINDAKO GASTUAK GUZTIRA

Egindako dirusarrerak

Diru kopurua

Kontabilitateko 1. idazpena._Funts berekien ekarpena.

Kontabilitateko 2. idazpena._Ikuskizunerako sarrerak edo parte hartzeko kuotak.

Kontabilitateko 3. idazpena._Babesleak.

Kontabilitateko 4. idazpena._Zozketak eta dirua biltzeko beste sistema batzuk.

Kontabilitateko 5. idazpena._Bestelako administrazio publikoen dirulaguntzak (Nafarroako Gobernuarenak izan ezik).

Kontabilitateko 6. idazpena._Beste dirusarrera batzuk.

EGINDAKO DIRUSARRERAK GUZTIRA

Dirusarreren eta gastuen balantzea

DIRUSARRERAK

GASTUAK

EMAITZA

_Nire erantzukizunpean adierazten dut zerga guztiak eta Gizarte Segurantzarekiko zorrak kitatuak ditudala.

_Ziurtatzen dut dirulaguntzaren xedea den jarduerak sortutako gastu eta dirusarreren jatorrizko agiriak eskura daudela eta klubeko kontabilitate liburuetan jaso direla.

_5.3 arauaren d) letran ezarritakoa betetzeko, adierazten dut hornitzaileak eraginkortasun eta ekonomia irizpideei jarraituz hautatu direla, aholkularitza edo laguntza enpresek ekipo ondasunez hornitu edo zerbitzuak ematen dituztenean.

.............(e)n, ........(e)ko ..........aren ..........(e)an.

Klubaren zigilua

LEHENDAKARIA IDAZKARIA

Izenpea: ....................... Izenpea: ......................

Iragarkiaren kodea: F0605376