I. NAFARROAKO FORU KOMUNITATEA
1.3. BESTELAKO XEDAPENAK
1.3.4. Dirulaguntzak eta bekak
1186/2005 EBAZPENA, azaroaren 28koa, Eskola eta Lanbide Irakaskuntzaren zuzendari nagusiak emana, Nafarroako eskola kontzentrazioen herriburu diren toki entitateei, ikastetxe horien funtzionamendu gastuak finantzatu ahal izateko laguntza gisa, 2005eko irailetik abendura bitarteko dirulaguntzak ematen dizkiena.
LOGSEren hamazazpigarren xedapen gehigarrian eta Zerga, Administrazio eta Gizarte arloko Neurrien gaineko abenduaren 30eko 13/1996 Legearen bidez (168. artikulua) xedapen haren bigarren lerroaldean egindako aldaketan xedatutakoaren arabera, kasuan kasuko ikastetxearen titularra den korporazioa arduratuko da Haur eta Lehen Hezkuntzako eta DBHko lehen zikloko ikastetxe publikoen kontserbazio, mantentze eta zainketaz.
Foru agindu honetan onesten diren dirulaguntzen xedea, Lehen Hezkuntzako ikastetxe publikoen (eskola kontzentrazioen) titularrak diren toki entitateei ikasleek sortutako gasturako laguntza ematea da.
Departamentu honetako Ikastetxeen eta Ikasketetarako Laguntzen Zerbitzuko zuzendariak txosten bat aurkeztu du eta bertan proposatu 2005eko irailetik abendura bitarteko dirulaguntzak ematea beren udalerrietan eskola kontzentrazioak dituzten Nafarroako toki entitateei, ikastetxe horien ohiko funtzionamendu gastuak finantzatu ahal izateko laguntza gisa, urriaren 3ko 1/1990 Lege Organikoaren hamazazpigarren xedapen gehigarriak dirulaguntza horiek ematera behartzen baitu.
Hori horrela, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1. artikuluko d) idatz-zatiak ematen dizkidan ahalmenak erabiliz,
EBATZI DUT:
1. 332.121,10 euroko gastua baimentzea, eranskinean ageri diren 2005eko irailetik abendura bitarteko dirulaguntzak emateko Nafarroako eskola kontzentrazioen herriburu diren toki entitateei, ikastetxe horien funtzionamendu gastuak finantzatu ahal izateko laguntza gisa, eta gastu hori ordaintzeko agindua ematea.
2. Ekonomia eta Ogasun Departamentuari eskatzea behar diren ordainketa aginduak eman ditzala, 2005eko aurrekontuko "Eskola kontzentrazioen funtzionamendurako dirulaguntzak" izeneko 410002- 41140-4600-322D00 kontusailaren kargura.
3. Onetsi diren dirulaguntzen xedea da eskola kontzentrazioen funtzionamendu, mantentze eta zainketa gastuetan laguntzea, Haur Hezkuntzako bigarren zikloko, Lehen Hezkuntzako, Derrigorrezko Bigarren Hezkuntzako lehen zikloko eta Hezkuntza Bereziko irakaskuntza arautuan, kontzentrazioaren titularra den herrian bizi ez diren baina arauak hala aginduta kontzentrazio horietan eskolatzen diren ikasleei dagokienez.
4. Ebazpen hau eta eranskina Nafarroako ALDIZKARI OFIZIALean argitara daitezela agintzea.
5. Ebazpen hau eta ondoko eranskina igortzea toki entitate interesatuei, Ekonomia eta Ogasun Departamentuak Hezkuntzakoan duen kontu-hartzaile delegatuari, Ikastetxeen eta Ikasketetarako Laguntzen Zerbitzura, Ikastetxeen eta haien Finantzaketaren Atalera, Kudeaketa Ekonomikoaren Bulegora eta Ikastetxe Publikoak Finantzatzeko Bulegora, behar diren ondorioak izan ditzaten.
Iruñean, 2005eko azaroaren 28an._Eskola eta Lanbide Irakaskuntzaren zuzendari nagusia, Fermín Villanueva Ferreras.
TOKI ENTITATEENDAKO DIRULAGUNTZAK 2005EKO IRAILETIK ABENDURA BITARTEKO ALDIRAKO
Eskola kontzentraziotzat hartutako ikastetxe publikoen titularrak
P3132500D ANTSOAIN 177 - 22.873,71
P3101900C AGOITZ 46 - 5.944,58
P3102300E ARANGUREN (MUTILOABEITI) 70 - 9.046,10
P3104500H BARASOAIN 47 - 6.073,81
P3104900J BASABURUA (JAUNTSARATS) 44 - 5.686,12
P3105000H BAZTAN (ELIZONDO) 81 - 10.467,63
P3190590D BERIAIN 50 - 6.461,50
P3190300H BERRIOZAR 98 - 12.664,54
P3105500G BETELU 33 6 5.039,97
P3106700B CASCANTE 20 - 2.584,60
P3122100E DONEZTEBE 114 - 14.732,22
P3109600A LIZARRA 337 - 43.550,51
P3109700I ESTERIBAR 66 - 8.529,18
P3108300I ETXARRI ARANATZ 77 - 9.950,71
P3111400B GARRALDA 50 - 6.461,50
P3111600G GOIZUETA 3 - 387,69
P3112100G UHARTE 70 - 9.046,10
P3190400F IRURTZUN 130 38 21.710,64
P3155300A LEKUNBERRI 52 10 8.012,26
P3102900B LOS ARCOS 38 10 6.203,04
P3115800I IRUNBERRI 6 - 775,38
P3108700J NOAIN-ELORTZIBAR 41 - 5.298,43
P3118500B OTSAGABIA 27 - 3.489,21
P3118900D OLAZTI 6 - 775,38
P3119100J ERRIBERRI 4 3 904,61
P3190800G ORKOIEN 78 - 10.079,94
P3120600F GARES 139 - 17.962,97
P3121000H ERRONKARI 48 - 6.203,04
P3121600E ZANGOZA 35 - 4.523,05
P3122700B TAFALLA 30 - 3.876,90
P3123600C ULTZAMA (LARRAINTZAR) 141 - 18.221,43
P3125100B VIANA 7 - 904,61
P3125800G ATARRABIA 165 - 21.322,95
P3190700I ZIZUR NAGUSIA 173 - 22.356,79
DENETARA 2.503 67 332.121,10
Iragarkiaren kodea: F0523765
