I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
172/2006 EBAZPENA, otsailaren 24koa, Industria eta Teknologia, Merkataritza eta Lan Departamentuko Lan zuzendari nagusiak emana, Nafarroako "Drogeria, belardenda, ortopedia eta lurrindegietako gaien merkataritza" sektorerako Lan Hitzarmen Kolektiboaren 2005eko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 31/2006).
Ikusirik Nafarroako "Drogeria, belardenda, ortopedia eta lurrindegietako gaien merkataritza" sektorerako lan hitzarmen kolektiboaren 2005eko soldaten berrikuspenari buruzko akordioaren testua (espediente zenbakia: 31/2006).
Gertakariak
1. Departamentu honetan 2006ko otsailaren 21ean sartu da soldatak berrikusteko akordioa, 2005. urteari dagokiona, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 74/2004).
2. Espediente honen izapidaketan, aplikatu beharreko lege eta erregelamenduen manuak bete dira.
Zuzenbideko oinarriak
1. Industria eta Teknologia, Merkataritza eta Lan Departamentu honek bere esku du lan hitzarmen kolektiboak erregistratu, gorde eta argitaratzea, martxoaren 24ko 1/1995 Legegintzako Errege Dekretuaren 90. artikuluan ezarrita dagoen bezala, eta hori, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuarekin bat, bai eta irailaren 23ko 334/1996 Foru Dekretuarekin ere, Departamentu honi Estatutik transferitutako lan zerbitzuak esleitzen dizkionarekin, alegia.
2. Maiatzaren 22ko 1040/1981 Errege Dekretuaren bigarren artikuluak agintzen du Langileen Estatutuaren III. Tituluan ezarritakoaren arabera egindako hitzarmenak hitzarmen kolektiboen erregistroan inskribatu behar direla.
3. Hitzarmen kolektiboak gordetzea, erregistratu ondoren, Industria eta Teknologia, Merkataritza eta Lan Departamentuaren eskumena da, zuzenbideko oinarrietako lehenbizikoan aipatutako manuen arabera.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluaren bidez eman dizkidaten eskurantzak erabiliz,
EBATZI DUT:
1. Nafarroako "Drogeria, belardenda, ortopedia eta lurrindegietako gaien merkataritza" sektorearen (kodea: 3101805) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau Hitzarmenen Erregistrora bidaltzea, behar diren ondorioak izan ditzan.
3. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
4. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006ko otsailaren 24an._Lan zuzendari nagusia, José María Roig Aldasoro.
NAFARROAKO "DROGERIA, BELARDENDA, ORTOPEDIA ETA LURRINDEGIETAKO GAIEN MERKATARITZA" SEKTORERAKO HITZARMEN KOLEKTIBOAREN SOLDATEN BERRIKUSPENARI BURUZKO AKORDIOA
_Langileen ordezkariak:
UGT, Alicia Sanz Pascal andrea.
_Enpresaburuen ordezkariak:
Asociación de Droguerías elkartearen izenean, Darío Ortega Núñez jauna.
Iruñean, 2006ko otsailaren 17an, 9:00etan, Nafarroako "Drogeria, belardenda, ortopedia eta lurrindegietako gaien merkataritza" sektorerako Hitzarmena eztabaidatzeko Batzordea bildu zen, 2005eko lansarien taulak berrikusteko. Goian aipatu direnak agertu ziren bilerara.
Bi aldeek legezko gaitasuna eta zilegitasuna aitortzen diote elkarri lansarien berrikuspen hori egiteko.
Taula horiek aztertu ondoren, bi aldeek, ados daudela, hau erabaki dute.
2005erako lansarien taulak onestea, "Drogeria, belardenda, ortopedia eta lurrindegietako gaien merkataritza" sektorerako indarra duen Lan Hitzarmen Kolektiboko 7. artikuluko 3. idatz-zatian xedaturikoa betez. 2004ko abenduaren 31n indarra zuten taulak 2005erako aurreikusiriko KPI plus 1 igoko dira, guztira % 4,7. Industria eta Teknologia, Merkataritza eta Lan Departamentura igorriko dira, arauzko izapidaketa izan dezaten.
Bi aldeek, ados daudela, soldaten berrikuspen hori berandu onetsi baita, erabaki dute sektoreko enpresei gomendatzea lansari taula horiek berehala aplikatu ditzatela, argitaratu arte itxaron gabe.
Eta adostasunaren adierazgarri, hala sinatzen dute goian ageri den lekuan eta egunean.
NAFARROAKO DROGERIA, BELARDENDA, ORTOPEDIA ETA LURRINDEGIETAKO GAIEN MERKATARITZAKO HITZARMENAREN 2005. URTERAKO LANSARIEN TAULAK, 2004KO ABENDUAREN 31N INDARRA ZUTEN LANSARI TAULEI 2005ERAKO AURREIKUSIRIKO KPI PLUS 1 APLIKATUTA (4,7) BERRIKUSIAK
LEHENENGO TALDEA
GOI MAILAKO TITULUDUNA 1042,28
ERDI MAILAKO TITULUDUNA 949,24
OSASUN LAGUNTZAILE TEKNIKOA 893,32
BIGARREN TALDEA
ZUZENDARIA 1090,88
SAILEKO BURUA 992,69
LANGILERIAREN BURUA 992,69
EROSKETA BURUA 992,69
SALMENTA BURUA 992,69
ARDURADUN NAGUSIA 959,54
SUKURTSALEKO BURUA 959,54
BILTEGIBURUA 959,54
TALDEBURUA 942,98
ATALBURUA 909,87
ESTABLEZIMENDUKO BURUA 926,46
SALTZAILEA/EROSLEA 926,46
SALTZAILE BIDAIARIA 926,46
PLAZA-ARTEKARIA 926,46
SALTZAILEA, BI URTETIK GOITI ARITUA 876,81
SALTZAILEA, BIGARREN URTEKOA 794,12
SALTZAILEA, LEHENENGO URTEKOA 754,38
IKASTUNA, LEHENENGO URTEKOA 463,19
IKASTUNA, BIGARREN URTEKOA 529,40
HIRUGARREN TALDEA
KONTULARI KUTXAZAINA 926,46
ADMINISTRARI-OFIZIALA 876,81
ADMINISTRARI LAGUNTZAILEA 810,60
16 URTETIK 18RA ARTEKO IZANGAIA 496,30
KUTXAKO LAGUNTZAILEA, LEHENENGO URTEKOA 496,30
KUTXAKO LAGUNTZAILEA, BIGARREN URTEKOA 749,96
KUTXAKO LAGUNTZAILEA BI URTETIK GOITI ARITUA 810,66
LAUGARREN TALDEA
MARRAZKILARIA 959,54
ERAKUSLEIHO-APAINTZAILEA 959,54
1. MAILAKO LANBIDEKO PROFESIONALA 860,22
1. MAILAKO LANBIDEKO PROFESIONALA 827,18
MORROI ESPEZIALIZATUA 774,53
GARBITZAILEAK (ORDUKA) 5,60
Iragarkiaren kodea: F0603858
