I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
161/2006 EBAZPENA, otsailaren 22koa, Industria eta Teknologia, Merkataritza eta Lan Departamentuko Lan zuzendari nagusiak emana, Nafarroako "Ostalaritzaren industria" sektorerako Lan Hitzarmen Kolektiboaren 2005eko eta 2006ko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 29/2006).
Ikusirik Nafarroako "Ostalaritzaren industria" sektorerako lan hitzarmen kolektiboaren 2005eko eta 2006ko soldatak berrikusteko akordioaren testua (espediente zenbakia: 29/2006).
Gertakariak:
1. Departamentu honetan 2006ko otsailaren 15ean sartu da soldatak berrikusteko akordioa, 2005. eta 2006.urteei dagokiena, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 47/2004).
2. Espediente honen izapidaketan, aplikatu beharreko lege eta erregelamenduen manuak bete direla.
Zuzenbideko oinarriak:
1. Industria eta Teknologia, Merkataritza eta Lan Departamentu honek bere esku du lan hitzarmen kolektiboak erregistratu, gorde eta argitaratzea, martxoaren 24ko 1/1995 Legegintzako Errege Dekretuaren 90. artikuluan ezarrita dagoen bezala, eta hori, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuarekin bat, bai eta irailaren 23ko 334/1996 Foru Dekretuarekin ere, Departamentu honi Estatutik transferitutako lan zerbitzuak esleitzen dizkionarekin, alegia.
2. Maiatzaren 22ko 1040/1981 Errege Dekretuaren bigarren artikuluak agintzen duela Langileen Estatutuaren III. Tituluan ezarritakoaren arabera egindako hitzarmenak hitzarmen kolektiboen erregistroan inskribatu behar direla.
3. Hitzarmen kolektiboak gordetzea, erregistratu ondoren, Industria eta Teknologia, Merkataritza eta Lan Departamentuaren eskumena da, zuzenbideko oinarrietako lehenbizikoan aipatutako manuen arabera.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluaren bidez eman dizkidaten eskurantzak erabiliz,
EBATZI DUT:
1. Nafarroako "Ostalaritzaren industria" sektorearen (kodea: 3103805) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea. Hori guztia negoziazio batzordeari jakinaraziko zaio.
2. Ebazpen hau Hitzarmenen Erregistrora bidaltzea, behar diren ondorioak izan ditzan.
3. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
4. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006ko otsailaren 22an._Lan zuzendari nagusia, José María Roig Aldasoro.
NAFARROAKO OSTALARITZA SEKTORERAKO HITZARMEN KOLEKTIBOAREN SOLDATEN BERRIKUSPENA
AKTA
Iruñean, 2006ko otsailaren 8an.
Bildurik:
Asociación de Empresarios de Hostelería de Navarra elkartearen aldetik:
Manuel Chocarro López jauna.
Asociación Navarra de Pequeña Empresa de Hostelería elkartearen aldetik:
José Luis Sánchez Gallipienzo jauna.
Unión General de Trabajadores (UGT) sindikatuaren izenean:
Alicia Sanz Pascal andrea.
Langile Komisioen izenean (CC OO):
Juan Antonio Vidal Canabal jauna.
Erabaki dute:
Lehendabizi._Hitzarmenaren Batzorde Paritarioa eratutzat ematea. Akta hau, hitzarmen kolektiboaren esparru funtzionaleko enpresa guztientzat balioko duena, sinatzeko legezko ordezkapena eta gaitasuna aitortzen zaio batzordeari.
Bigarren._Ostalaritza sektoreko Hitzarmen Kolektiboaren bosgarren artikuluan ezarritakoari jarraikiz, 2005eko eta 2006ko soldaten berrikuspena onestea.
2005. urteko berrikuspena dela eta, langileei ordaindu beharreko atzerakinak 2006ko martxoko soldaten erreziboetan aplikatuko zaizkie.
SOLDATEN BERRIKUSPENA - 2005EKO TAULAK
Oinarrizko soldatak (6. art.).
Mailak:
I: 1.028,50.
II: 889,60.
III: 792,31.
IV: 764,47.
V: 569,87.
Soldata plusa (7. art.): 83,88 euro hilean.
Hitzarmenaren plusa (10. art.).
Mailak:
I: 173,23.
II: 152,63.
III: 138,24.
IV: 134,05.
V: 105,29.
Igande eta jaiegunetako plusa (12. art.): 19,72 euro.
Harreragileen plusa (13. art.): 53,38.
Asteko atsedenaren ordezko ordainketa (16.2 art.): 31,08.
Ordainketa (16.3 art., C atala): 23,23.
Laneko arropa (23. art.): 88,80.
Gaueko lana (27. art.):
I: 1,86 euro orduko.
II: 1,58 euro orduko.
III: 1,43 euro orduko.
IV: 1,40 euro orduko.
Gaueko etxezaina: 59,86 euro hilean.
Gaueko zaintzailea: 51,30 euro hilean.
Prestakuntzarako kontratuak (29. art.):
Kontratuko 6. hilabetera arte: 609,78.
Kontratuko 7. hilabetetik 12.era: 724,10.
Kontratuko 2. urtean: 762,21.
Jantoki zerbitzua (41. art.): 1.006,45.
SOLDATEN BERRIKUSPENA - 2006KO TAULAK
Oinarrizko soldatak (6. art.).
Mailak:
I: 1.064,50.
II: 920,74.
III: 820,04.
IV: 791,23.
V: 589,82.
Soldata plusa (7. art.): 86,82 euro hilean.
Hitzarmenaren plusa (10. art.).
Mailak:
I: 179,29.
II: 157,97.
III: 143,08.
IV: 138,74.
V: 108,98.
Igande eta jaiegunetako plusa (12. art.): 20,41 euros.
Harreragileen plusa (13. art.): 55,25.
Asteko atsedenaren ordezko ordainketa (16.2 art.): 32,17.
Ordainketa (16.3 art., C atala): 24,04.
Laneko arropa (23. art.): 91,91.
Gaueko lana (27. art.):
I: 1,92 euro orduko.
II: 1,64 euro orduko.
III: 1,48 euro orduko.
IV: 1,45 euro orduko.
Gaueko etxezaina: 61,96 euro hilean.
Gaueko zaintzailea: 53,10 euro hilean.
Prestakuntzarako kontratuak (29. art.):
Kontratuko 6. hilabetera arte: 631,12.
Kontratuko 7. hilabetetik 12.era: 749,44.
Kontratuko 2. urtean: 788,89.
Jantoki zerbitzua (41. art.): 1.041,67.
Hirugarrena._Akta hau Nafarroako Gobernuko Lan Departamentura igortzea, Nafarroako ALDIZKARI OFIZIALean argitaratu eta erregistra dadin.
Aztertzeko beste gairik ez izanik, bileraren akta irakurri eta bertaratuek sinatu ondoren bilerari bukaera eman zitzaion.
Iragarkiaren kodea: F0603637
