I. NAFARROAKO FORU KOMUNITATEA
1.3. BESTELAKO XEDAPENAK
1.3.1. Lurraldearen antolamendua eta hirigintza
65/2006 FORU AGINDUA, otsailaren 24koa, Ingurumen, Lurraldearen Antolamendu eta Etxebizitza kontseilariak emana, Sarrigurengo Ekohiriko udalez gaindiko plan sektorialeko 2. faseko 3B-6 lurzatiko xehetasun azterlana, Vitra Parque del Arga, S.C.L.k sustatua, hasiera batez onesten duena.
Etxebizitza Zerbitzuak jakinarazi duenez, espediente honen xedea da Sarrigurengo Ekohiriko udalez gaindiko plan sektorialeko 2. faseko 3B-6 lurzatiko sestra lerroaren azpiko eraikinak arautzen dituzten lerrokadurak aldatzea, auzoberriaren irudia eta hirigintza osaera aldatu gabe.
Xehetasun azterlanaren edukia Lurraldearen Antolamenduari eta Hirigintzari buruzko abenduaren 20ko 35/2002 Foru Legearen 62. artikuluarekin bat dator.
Horrenbestez, Etxebizitza Zerbitzuak egindako txostena ikusirik, eta Lurraldearen Antolamendu eta Hirigintzari buruzko abenduaren 20ko 35/2002 Foru Legeko 43. artikuluan agindutakoarekin bat,
AGINDU DUT:
1. Hasiera batez onestea Sarrigurengo Ekohiriko udalez gaindiko plan sektorialeko 2. faseko 3B-6 lurzatiko xehetasun azterlana, Vitra Parque del Arga, S.C.L.k sustatua.
2. Xehetasun azterlana jendaurrean egonen da hogei egunean. Epe horretan edozeinek bidezkoak iruditzen zaizkion ohar eta alegazioak egiten ahal ditu idatziz. Horretarako, interesatuek espedientea eskura izanen dute Ingurumen, Lurraldearen Antolamendu eta Etxebizitza Departamentuko bulegoetan (Iruñeko Armadaren etorbideko 2ko 2. oinean).
3. Adieraztea foru agindu honek ez duela administrazio bidea agortzen eta espedientean interesa dutenek, administrazio publikoak izan ezik, haren kontra gora jotzeko errekurtsoa jartzen ahal dutela, Nafarroako Gobernuari zuzendua, hilabeteko epean. Espedientearen kontra administrazioarekiko auzi-errekurtsoa jartzen ahalko da, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean.
Administrazio publikoek zilegi dute administrazioarekiko auzi-errekurtsoa jartzea, Nafarroako Auzitegi Nagusiko Administrazioarekiko Auzien Salari zuzendua, bi hilabeteko epean. Horrek ez du alde batera uzten Nafarroako Gobernuan aldez aurreko errekerimendua egin ahal izatea, Administrazioarekiko Auzien Jurisdikzioa arautzen duen uztailaren 13ko 29/1998 Legearen 44. artikuluan aurreikusitako moduan eta epean.
Epe horiek foru agindu honen jakinarazpena egin edo, bestela, Nafarroako ALDIZKARI OFIZIALean argitaratu eta biharamunetik aurrera hasiko dira kontatzen.
4. Foru agindu hau jakinaraztea Vitra Parque del Arga, S.C.L.ri eta Eguesibarko Udalari, eta Nafarroako ALDIZKARI OFIZIALean argitaratzea, behar diren ondorioak izan ditzan.
Iruñean, 2006ko otsailaren 24an._Ingurumen, Lurraldearen Antolamendu eta Etxebizitza kontseilaria, José Andrés Burguete Torres.
Iragarkiaren kodea: F0603484
