I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
147/2005 EBAZPENA, otsailaren 16koa, Industria eta Teknologia, Merkataritza eta Lan Departamentuko Lan zuzendari nagusiak emana, Iraizozko "Grupo Fromageries Bel España, SAU" enpresako lan hitzarmen kolektiboaren 2005eko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 22/2006).
Ikusirik Iraizozko "Grupo Fromageries Bel España, SAU" enpresako lan hitzarmen kolektiboko soldatak 2005ean berrikusteko akordioaren testua (espediente zenbakia: 22/2006).
Gertakariak:
1. Departamentu honetan 2006ko otsailaren 7an sartu da soldatak berrikusteko akordioa, 2005. urteari dagokiona, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 69/2003).
2. Espediente honen izapidaketan, aplikatu beharreko lege eta erregelamenduen manuak bete direla.
Zuzenbideko oinarriak:
1. Industria eta Teknologia, Merkataritza eta Lan Departamentu honek bere esku du lan hitzarmen kolektiboak erregistratu, gorde eta argitaratzea, martxoaren 24ko 1/1995 Legegintzako Errege Dekretuaren 90. artikuluan ezarrita dagoen bezala, eta hori, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuarekin bat, bai eta irailaren 23ko 334/1996 Foru Dekretuarekin ere, Departamentu honi Estatutik transferitutako lan zerbitzuak esleitzen dizkionarekin, alegia.
2. Maiatzaren 22ko 1040/1981 Errege Dekretuaren bigarren artikuluak agintzen duela Langileen Estatutuaren III. Tituluan ezarritakoaren arabera egindako hitzarmenak hitzarmen kolektiboen erregistroan inskribatu behar direla.
3. Hitzarmen kolektiboak gordetzea, erregistratu ondoren, Industria eta Teknologia, Merkataritza eta Lan Departamentuaren eskumena da, zuzenbideko oinarrietako lehenbizikoan aipatutako manuen arabera.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluaren bidez eman dizkidaten eskurantzak erabiliz,
EBATZI DUT:
1. Iraizozko "Grupo Fromageries Bel España, SAU" enpresarako (kodea: 3107952) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau Hitzarmenen Erregistrora bidaltzea, behar diren ondorioak izan ditzan.
3. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
4. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006ko otsailaren 16an._Lan zuzendari nagusia, José María Roig Aldasoro.
BEL ESPAÑA, SAU ENPRESAKO HITZARMEN KOLEKTIBOAREN 2005EKO SOLDATEN BERRIKUSPENARI BURUZKO AKORDIOA
Iraizotzen, 2006ko otsailaren 1ean.
Bildurik:
Grupo Fromageries Bel España, S.A. epresaren Iraizotz Ultzamako ekoizpen zentroko hitzarmen kolektiboko negoziazio batzordea osatzen duten pertsona eta ordezkaritzak, ondoren aipatzen direnak:
Enpresako zuzendaritzaren aldetik:
_M. Teresa Laspalas Mainz.
_M. Teresa Allo Villanueva.
Enpresa batzordearen izenean:
_Reyes Olagüe Ollobarren (ELA-STV).
_José María Aizpurura Larrainzar (Independientea).
_Juan Miguel Larráyoz Barberena (LAB).
_Gregorio Loidi Goñi (LAB).
Hauxe adierazi dute:
INEren ziurtagiriaren bidez, jakina da 2005eko Kontsumorako Prezioen Indizea (KPI) behin-behinekoz finkatu dela eta 100eko 3,7koa dela. Bidezkoa da, beraz, 9. artikuluko 3. atalean ezarritakoa betez, soldaten berrikuspena egitea.
Hori horrela, gaia eztabaidatu ondoren, batzordeko kideek, aho batez,
Erabaki dute:
Lehenbizikoa._Hitzarmeneko 9. artikuluko 3. ataleko bigarren lerroaldean ezarritako kasua gertatu baita, bidezkoa da soldaten berrikuspena egitea, xedapen horretan adierazten den moduan.
Bigarrena._Hitzarmenak honela dio:
"2005. urterako soldaten igoeran, bederen, urte horretako Estatuko KPI erreala eta puntu bat gehiago bermatuko da. Horregatik, eta berme hori gauzatu nahian, ezarri egiten da 2005. urteko Estatuko KPI erreala zein den jakin bezain laster, hasierako igoera, 100eko 3koa, bermea berdintzeko eskasa dela ikusten baldin bada, behar den eragiketa matematikoa eginen dela eta soldatak iganen direla 2005. urteko Estatuko KPI erreala eta puntu bat gehiagoko bermera iristeraino.
2004ko abenduaren 31n indarrean zeuden soldatei ezarri beharreko berrikusteko ehunekoa 1,70 da.
Hirugarrena._Soldaten berrikuspena aplikatu ondotik, 2005. urteko soldaten behin betiko taula akta honen eranskinean dago.
Laugarrena._Soldataren berrikuspenak 2005eko urtarrilaren 1etik aurrera izanen ditu ondorioak. Ondoriozko aldea 2005eko otsaileko nominan pagatuko da.
Bosgarrena._Erabaki hau Nafarroako Gobernuko Industria eta Teknologia, Merkataritza eta Lan Departamentura igorriko da, erregistratu eta ondoren Nafarroako ALDIZKARI OFIZIALean argitara dadin.
Eta honela jasoa gera dadin, eta adostasunaren adierazgarri, akta hau idatzi eta, testu buruan azaltzen diren egun eta tokian, agertu diren guztiek sinatu dute.
Sinatzaileak, Enpresako Zuzendaritza eta Enpresa Batzordea.
PEOIA 18.354,12 3,00% 18.904,74 312,02 19.216,76
P. ESPEZIAL. 18.711,21 3,00% 19.272,55 318,09 19.590,64
3.MAIL. ESPEZIAL. 19.161,71 3,00% 19.736,56 325,75 20.062,31
2.MAIL. ESPEZIAL. 19.836,68 3,00% 20.431,78 337,22 20.769,00
1.MAIL. ESPEZIAL. 20.694,55 3,00% 21.315,39 351,81 21.667,19
3.MAIL. OFIZIALA 20.459,32 3,00% 21.073,10 347,81 21.420,91
2.MAIL. OFIZIALA 21.707,57 3,00% 22.358,80 369,03 22.727,83
1.MAIL. OFIZIALA 23.573,54 3,00% 24.280,75 400,75 24.681,50
LABOR. LAGUNTZ. 19.938,91 3,00% 20.537,08 338,96 20.876,04
LAB. 2.MAIL. OFIZ. 20.562,29 3,00% 21.179,16 349,56 21.528,72
LAB. 1.MAIL. OFIZ. 22.002,89 3,00% 22.662,98 374,05 23.037,03
ADM. LAGUNTZ. 20.126,89 3,00% 20.730,70 342,16 21.072,85
2.MAIL. ADM-OFIZ. 20.868,84 3,00% 21.494,91 354,77 21.849,68
1.MAIL. ADM-OFIZ. 22.002,89 3,00% 22.662,98 374,05 23.037,03
1.MAIL. TXUKUNTZ. 14.397,32 3,00% 14.829,24 244,75 15.073,99
2.MAIL. TXUKUNTZ. 13.924,55 3,00% 14.342,29 236,72 14.579,00
2.MAIL. ATEZAINA 18.723,42 3,00% 19.285,12 318,30 19.603,42
EGOITZ. SOZ. LANG 13.241,23 3,00% 13.638,47 225,10 13.863,57
Urteko benetako lanorduak: 1.731.
Iragarkiaren kodea: F0603203
