I. NAFARROAKO FORU KOMUNITATEA
1.3. BESTELAKO XEDAPENAK
1.3.5. Estatutuak eta lan hitzarmen kolektiboak
124/2006 EBAZPENA, otsailaren 9koa, Industria eta Teknologia, Merkataritza eta Lan Departamentuko Lan zuzendari nagusiak emana, Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorerako lan hitzarmen kolektiboaren 2005eko soldaten berrikuspenari buruzko akordioa erregistratu, gorde eta Nafarroako ALDIZKARI OFIZIALean argitaratzea erabakitzen duena (espediente zenbakia: 19/2006).
Ikusirik Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorerako lan hitzarmen kolektiboaren 2005eko soldaten berrikuspenari buruzko akordioaren testua (espediente zenbakia: 19/2006).
Gertakariak:
1. Departamentu honetan 2006ko otsailaren 6an sartu da soldatak berrikusteko akordioa, 2005. urteari dagokiona, negoziazio batzordeak hitzarmen hartan itundutakoa betez izenpetu eta onetsia (hasierako espedientearen zenbakia: 64/2004).
2. Espediente honen izapidaketan, aplikatu beharreko lege eta erregelamenduen manuak bete direla.
Zuzenbideko oinarriak:
1. Industria eta Teknologia, Merkataritza eta Lan Departamentu honek bere esku du lan hitzarmen kolektiboak erregistratu, gorde eta argitaratzea, martxoaren 24ko 1/1995 Legegintzako Errege Dekretuaren 90. artikuluan ezarrita dagoen bezala, eta hori, Lan zerbitzuak Estatuko Administraziotik Nafarroako Foru Komunitatera eskualdatzen dituen apirilaren 11ko 937/1986 Errege Dekretuarekin bat, bai eta irailaren 23ko 334/1996 Foru Dekretuarekin ere, Departamentu honi Estatutik transferitutako lan zerbitzuak esleitzen dizkionarekin, alegia.
2. Maiatzaren 22ko 1040/1981 Errege Dekretuaren bigarren artikuluak agintzen duela Langileen Estatutuaren III. Tituluan ezarritakoaren arabera egindako hitzarmenak hitzarmen kolektiboen erregistroan inskribatu behar direla.
3. Hitzarmen kolektiboak gordetzea, erregistratu ondoren, Industria eta Teknologia, Merkataritza eta Lan Departamentuaren eskumena da, zuzenbideko oinarrietako lehenbizikoan aipatutako manuen arabera.
Adierazitakoarekin bat, eta Nafarroako Foru Komunitateko Administrazioari buruzko abenduaren 3ko 15/2004 Foru Legearen 22.1 artikuluaren bidez eman dizkidaten eskurantzak erabiliz,
EBATZI DUT:
1. Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorearen (kodea: 3103505) soldaten berrikuspenari buruzko akordioa erregistratzea, Lan Hitzarmen eta Akordio Kolektiboak Erregistratu eta Gordetzeko Bulegoan horretarako bereziki prestaturik dagoen liburuan, eta bertako administrazio unitatean testua eta dokumentazioa gordetzea.
2. Ebazpen hau Hitzarmenen Erregistrora bidaltzea, behar diren ondorioak izan ditzan.
3. Ebazpen honen berri ematea negoziazio batzordeari eta adieraztea ebazpenak ez duela administrazio bidea agortzen eta haren aurka gora jotzeko errekurtsoa jartzen ahal duela Industria eta Teknologia, Merkataritza eta Lan kontseilariari zuzendua, jakinarazi eta biharamunetik hilabeteko epean.
4. Ebazpen hau Nafarroako ALDIZKARI OFIZIALean argitaratzea, orok jakin dezan.
Iruñean, 2006ko otsailaren 9an._Lan zuzendari nagusia, José María Roig Aldasoro.
NAFARROAKO ITURGINTZA, BEROKUNTZA, KLIMATIZAZIO, SUTEEN PREBENTZIO, GAS ETA ANTZEKOEN ENPRESA INSTALATZAILEAK SEKTORERAKO LAN HITZARMEN KOLEKTIBOAREN 2005EKO SOLDATEN BERRIKUSPENA
Iruñean, 2006ko otsailaren 3an.
Bildurik:
Nafarroako "Iturgintza, berokuntza, klimatizazio, suteen prebentzio, gas eta antzekoen enpresa instalatzaileak" sektorerako lan hitzarmen kolektiboaren Negoziazio Batzordea, ondotik adierazten diren pertsonak eta ordezkaritzak dituena:
_Nafarroako iturgintza, berokuntza, klimatizazio, suteen prebentzio, gas eta antzekoen enpresa instalatzaileen Elkartearen izenean:
Juan Carlos Zabalza Moreno jn., Miguel Angel Aguado Laplaza jn., José Antonio Rivas Marín jn., Emilio Morales Apellaniz jn., Maríano Cara Aznar jn., Ramón Zabalza Beraza jn., José Antonio Celaya Visus jn. eta Rosana Cigudosa Medrano and.
Letratu aholkulari zereginetan Javier Adiego Reta jauna aritu da.
_Sindikatuen izenean:
Unión General de Trabajadores (UGT), Ignacio Rey Recalde jauna; Comisiones Obreras (CCOO), Juan Antonio Castillo Mendívil jauna.
HAUXE ADIERAZI DUTE:
INEren ziurtagiriaren bidez, jakina da 2005eko Kontsumorako Prezioen Indizea (KPI) behin betikoz finkatu dela eta 100eko 3,7koa dela. Bidezkoa da, beraz, lehenbiziko klausula gehigarriaren 2) atalean ezarritakoa betez, soldaten berrikuspena egitea.
Hori horrela, gaia eztabaidatu ondoren, batzordeko kideek, aho batez,
ERABAKI DUTE:
Lehenbizikoa._Lehenbiziko klausula gehigarriaren 1) atalean ezarritako kasua gertatu baita, bidezkoa da soldaten berrikuspena egitea, xedapen horretan adierazten den moduan.
Bigarrena._Hitzarmenak honela dio:
"2005. urterako soldaten igoeran, bederen, urte horretako Estatuko KPI erreala eta puntu bat gehiago bermatuko da. Horregatik, eta berme hori gauzatu nahian, ezarri egiten da 2005. urteko Estatuko KPI erreala zein den jakin bezain laster, hasierako igoera, 100eko 3koa (aurreikusitako KPI gehi puntu bat), bermea berdintzeko eskasa dela ikusten baldin bada, behar den eragiketa matematikoa eginen dela eta soldatak igoko direla 2005. urteko Estatuko KPI erreala eta puntu bat gehiagoko bermera iristeraino".
Aplikatu behar den berrikuspenaren portzentajea ehuneko 1,7koa da.
Hirugarrena._Soldaten berrikuspena aplikatu ondotik, 2005. urteko soldaten behin betiko taula akta honen eranskinean dago.
Laugarrena._Soldaten berrikuspenak 2005eko urtarrilaren 1etik sortuko ditu ondorioak, eta agertzen diren diferentziak ordainduko dira. Urte osoko diferentziak akta honen 2. eranskinean daude.
Bosgarrena._Hitzarmenaren 8. artikuluan ezarritakoarekin bat, 2005eko abenduaren 31tik aitzina urteko lanordu errealen kopurua 1.730 izanen da.
Seigarrena._Erabaki hau Nafarroako Gobernuko Industria eta Teknologia, Merkataritza eta Lan Departamentura igorriko da, erregistratu eta ondoren Nafarroako ALDIZKARI OFIZIALean argitara dadin.
Eta honela jasoa gera dadin, eta adostasunaren proba izateko, akta hau idatzi eta, testu buruan azaltzen diren egun eta tokian, agertu diren guztiek sinatu egiten dute. UGT, CC OO, Nafarroako iturgintza, berokuntza, klimatizazio, suteen prebentzio, gas eta antzekoen enpresa instalatzaileen Elkartea.
2005 URTEKO SOLDATEN TAULA
1. mailako ofiziala 51,02 1530,60 1530,60 21683,50
2. mailako ofiziala 46,07 1382,10 1382,10 19579,75
3.A mailako ofiziala 41,85 1255,50 1255,50 17786,25
3.B mailako ofiziala 38,96 1168,80 1168,80 16558,00
Espezialista 32,28 968,40 968,40 13719,00
17 urteko langilea 25,02 750,60 750,60 10633,50
16 urteko langilea 22,22 666,60 666,60 9443,50
Biltegizaina / Menpeko lang. 976,65 976,65 976,65 13673,10
Arduraduna / Atalburua 1622,30 1622,30 1622,30 22712,20
PRESTAKUNTZALDIKO L.
1. urteko prestak. lang. 566,30 566,30 566,30 7928,20
2. urteko prestak. lang. 638,40 638,40 638,40 8937,60
3. urteko prestak. lang. 766,06 766,06 766,06 10724,84
ADMINISTRARIAK
Izangaia 656,44 656,44 656,44 9190,16
Laguntzailea 822,05 822,05 822,05 11508,70
2. mailako ofiziala 959,98 959,98 959,98 13439,72
1. mailako ofiziala 1261,41 1261,41 1261,41 17659,74
TEKNIKARIAK
Goi mailako tituluduna 1734,85 1734,85 1734,85 24287,90
Erdi mailako tituluduna 1659,80 1659,80 1659,80 23237,20
Hirurtekoak:
1. hirurtekoa: 124,14 euro.
2. hirurtekoa: 248,08 euro.
3. hirurtekoa: 434,03 euro.
4. hirurtekoa: 557,89 euro.
5. hirurtekoa: 619,88 euro.
6. hirurtekoa: 806,22 euro.
7. hirurtekoa: 867,80 euro.
Ondorengo hirurteko bakoitzean 64,69 euro gehituko da.
2005EKO SOLDATEN DIFERENTZIEN TAULAK
1. mailako ofiziala 352,75
2. mailako ofiziala 318,75
3.A mailako ofiziala 289,00
3.B mailako ofiziala 267,75
Espezialista 225,25
17 urteko langilea 170,00
16 urteko langilea 157,25
Biltegizaina / Menpeko lang. 222,04
Arduraduna / Atalburua 368,90
PRESTAKUNTZALDIKO LANG.
1. urteko prestakuntzaldiko lang. 128,66
2. urteko prestakuntzaldiko lang. 145,18
3. urteko prestakuntzaldiko lang. 174,16
ADMINISTRARIAK
Izangaia 149,24
Laguntzailea 186,90
2. mailako ofiziala 218,12
1. mailako ofiziala 286,72
TEKTINARIAK
Goi mailako tituluduna 394,38
Erdi mailako tituluduna 377,30
Hirurtekoak:
1. hirurtekoa: 2,01 euro.
2. hirurtekoa: 4,03 euro.
3. hirurtekoa: 7,04 euro.
4. hirurtekoa: 9,05 euro.
5. hirurtekoa: 10,07 euro.
6. hirurtekoa: 13,09 euro.
7. hirurtekoa: 14,09 euro.
Diferentziak 1,05 eurotan gehituko dira hirurteko bakoitzean
Iragarkiaren kodea: F0602681
